تجمع حلم الامومة

ومازلت انتظر

زوجة دودي يعني المشكلة مني ولا من زوجي خليتيني أفكر ما بقدر استنى للسهرية

Sent from my SM-N9005 using Tapatalk

سوري تأخرت عليكم صبايا تو يصير عندي وقت
المهم
انا اتابع بمركز بنون عند الدكتور بندر العبدالكريم ونصحني بالتلقيح الصناعي قال ٣ سنين كافيه يصير فيها حمل وانتي بديتي بالمرحلة الاولى الي هي المنشطات بس ماصار حمل خلينا نبدأ بالمرحلة الثانيه من العلاج انا ماتوقعت هيك ع طول تلقيح يعني ماقد فكرت بموضوع التلقيح بس استخرت والحمد لله وتسهلت وزوجي وافق وكنت مستغربه لان دايم يقولي احنا مانعتبر متأخرين وانتي ماعندك صبر وانتي وانتي وانتي
المهم تشخيص الدكتور انه تاخر حمل مجهول الاسباب الحمد لله انا وزوجي سليمين
طيب الشهر الثالث بعد المتابعة مع الدكتور بديت بالاجرات جت الدوره ورحت ثاني يوم وصف لي كلوميد من ثاني يوم الدوره لمده ٥ ايام وبعدها ابرتين مينقون منشطه ورحت بعد ماخلصتهم عملت التراساوند وقال تحتاجي كمان أبره منشطه وابره تفجيرية وحدد لي وقت الابره التفجيرية ١١ ونص بالليل اخذتها يوم الخميس وكان موعد التلقيح السبت

يوم السبت الساعه ٩ الصباح رحنا المركز (دخلتنا الممرضه غرفه مرتبه فيها سرير وحمام والحمام مجهز فوط وصابون وشور عشان يخلو الجو يساعد الزوج بصراحه اول مره كذا بالعاده لما كان زوجي يحلل كانو يدخلو دوره المياه الله يكرمكم مع انه كان مستشفى خاص وكبير ومشهور بس شي حلو يفكرو بنفسيه الزوج) المهم زوجي أعطاهم العينه وقالو تحتاج ساعتين مشان تجهز اما تنتظرو هنا او تروحو وترجعو ع ١١
طلعنا افطرنا ورجعنا دخلوني بغرفه الي قبل العمليه انتظر دوري وبعد ساعه دخلوني غرفه العمليات نمت ع سرير يخوف شكله سرير الولاده والممرضه غطتني كويس دخل الدكتور وحطو لي ماادري شو اسمها الي تفتح الرحم هذي ضايقتني شوي وأخذ الدكتور الحيوانات المنويه بمثل الابره بس رأسها مو أبره لا أنبوبيه نحيفه مره ودخلها وحقن الحيوانات قريب من البويضه وقال طالعي الشاشه وشفتهم بالالتراساوند وهم يتحركون المهم رفعو السرير من جهه الحوض ونزلو راسي شوي و خلوني انام ساعه وقالو لي خلاص تقدري تروحي البيت العمليه غير مؤلمه وانتي صاحيه يعملوها وقت العمليه ٥ دقائق بس

بس والدكتور يحاول يدخل الأنبوبه مدري وش اسمها عذبته مادخلت قالي عندك عنق الرحم ضيف عذبتني الأنبوبه على مادخلت مع انها جداً رفيعه انا هنا ماسالته ولا استفسرت منه بس لما رجعت بحثت بالنت وطلعت هذي مشكله يكون عنق الرحم ضيق مرره مايسمح للحيوانات المنويه انها تدخل للرحم وهيك تطلع وحتى لو رفعت الحوض ورجولي تتجمع الحيوانات المنويه بالمهبل ولما أقوم تطلع يعني ماتقدر تمشي من عنق الرحم وتدخل الرحم وان هذي المشكله مالها الا التلقيح الصناعي عشان يدخلو الحيوانات المنويه للرحم ترا عنق الرحم غير المهبل بس عنق الرحم يعتبر البوابة بين المهبل والرحم
وانا اذا رجعت للدكتور بساله عن هذا الشي

لولو وبس
لازم تقولي للدكتوره عن هذا الشي وهي تفحصك وتشوف مو شرط يكون عندك مشكله يمكن طبيعي
انا بس قلت لك شو عندي يمكن تكوني انتي مثلي ويمكن لا
ان شاءالله تكونو انتي وزوجك سليمين وتحملي طبيعي من دون عمليات

الرد الجاي بكتب لكم عن الأسعار

ثاني يوم الدوره ٢٠٠ التراساوند ومقابله الدكتور
الزياره الي بعدها زادو الأسعار ٢٥٠ ريال التراساوند ومقابله دكتور
العمليه ٢٠٠٠ ريال
والأدوية تقريبا ٥٠٠ وشوي

يعني كله ع بعض ٣٠٠٠ ريال

دعواتكم بنات ربي يرزقني الحمل ويعوض تعبي والله تبهدلني كثير من الابر المنشطه كل مارحت المستوصف اضرب أبره ابكي من الألم
مررره حاره تحرق

طبعا مااحد يعرف الا انا وزوجي وخواتي الثنتين بس ماقلت لاحد ع التلقيح

المهم بليز صبايا لاحد يناديني باسمي الحقيقي قولو دودي اسهل صح
ههههه

الحين اخذ أسبرين وحمض الفوليك وحبوب دافستون وتحاليل مثبته
قرقرت كثير كثير واحبكم كثير كثير

زوجة دودي مشكورة على التوضيح بس انا عندي ولد والحين قاعدة أحاول أحمل مرة ثانية لاحظت هالمشكلة
انا قريت في النت وايد في بنات كاتبين أن ممكن الرحم مايل أو لزوجة زايدة في السائل المنوي وانا الحين محتارة
والله يرزقنا جميعا الحمل يا رب


Sent from my SM-N9005 using Tapatalk

الله يثبته لج دودي ومشكوره على المعلومات

عندي كم سؤال بس صراحه مستحيه اسأل


وعذراً ان ناديتج باسمج

دودي

الله يفرحك يارب يارب وتبشرينا بحملك ان شاء الله ياكريم

لولو وبس
العفو ياقلبي لاعادي قلت لك بالبدايه روحي للدكتوره وافحصي
وان شاءالله تحملي قريب يارب

جوفان
امين يارب
لاعادي ياقلبي بس أتذكر أني قلت لوحده من صاحباتي أني مشاركه بالمنتدى هذا
وماابي تعرفني

ياقلبي اسالي لا تستحي عادي

هايدي
اللهم امين ولك بالمثل ان شاءالله

جوفان

ههههههههه ذبحتيني
ترى فهمت لج حتى لو ماوضحتي
الله يساعدج فديتج


فلسطين

امييين يارب حبي
الله يسوي اللي فيه الخيررر :)
وياررب انتي معاي وكل البنات


جوفان

جيكي وبشرينااااااا
والله خاطري في بشااارة حلوووه هههههه
اخذي تست وبشرينااا لا اذبببيحج


لولو وبس

انا مثلج بس اللي اعرفه ان اللي ينزل اهو الزائد
يعني الرحم ياخذ كميه معينه من السائل والباقي ينزل دايركت او بعد ماتصحين من النوم


دودي

امييين يارررررب دعوااتج حبي
ووويييييي صج هذي مشكله؟؟؟
انا بعد جذي اكون فترة مرتاحه ع ظهري وعقب لما اوقف من بعد الجماع احس واايد ينزل مني
ومادري هل هذا السائل مني او السائل المنوي!!!
انا ناس وايد مستغربين شلون دكتورتي مافكرت تسوي لي اشعه ع عنق الرحم!!



جديدي

زوجي قال بننطر لتاريخ ٢٠ اذا ماشرفت الدورة
بنروح المستشفى وبنسوي تحليل بالدم يمكن اكون حامل
ولو ماطلعت حامل،، بس ينزل الراتب بيسوي الاشعه

دعواتكم

يارب يفرحنا قريب ببشاير حلوه منكن يااارب

مساء الخير


دوووودي ماقصرتي فديتك
الله يرزقك ولا يضيع لكم تعب ...

عاشقه
ان شاء الله حامل ..
امممم شنهو كانت مشكله زوجك عشان قالت الدكتوره يسوي اشعه

جوفان
ان شاء الله هالشهر بتبشرينا
والله تعبنا من المستشفيات وكلام الدكاتره الله يكون بالعون ..

عبق

اميين يارب حبيبتي
وياااج :)
زوجي عنده حيوانات مشوهه وهالشغلات
يمكن نسيتي يوم اكتب التحليل اهني
والدكتورة قالت له يروح يسوي اشعه لانه احتمال عنده دوالي الخصيه
واذا طلع عندهوالي الخصيه يتابع مع دكتور خاص في هالموضوع
واذا طلع ماعنده يرجع لها مره ثانيه طبعا هذي دكتورتي اللي قالت له هالكلام
زوجي طبعا سافر وجذي ورجع متفائل ان انا بحمل قررريب
واخرتني الدورة هالشهر للحين ماشرفت
المفروض تنزل تاريخ ١٢ او ١٣ او ١٤ كحد اقصى
وللحين مفيييش حاقه <<<< قلبنا مصررري هههههه
سويت تحليل بالتست ف البيت طلع لي خط واحد مافي حمل
قالي زوجي بننطر لتاريخ &#1634;&#1632; اذا ماشرفت بنروح المستشفى بنسوي تحليل بالدم افضل وادق
وان شاءالله تكونين حامل بس لو ماطلعتي حامل من ينزل الراتب بروح اسوي الاشعه وبنجوف شيصير
وان شاءالله تكون المشكله ابسط من سالفة دوالي الخصيه


وبس :)
قررقرررت وااااايد هههههه

عشووووق
ايوا يمكن عشان التشوهات قالت لك يسوي الاشعه
لان زوجي قبل كان عنده العدد قليل بس مع الفيتامينات الحمدالله كل الامور تمام
وياااارب ماتجيك وتكونين حامل
انا هالشهر مروقه عالاخر واذا جاتني هذا بروح للدكتوره
وبتسوي لي سونار وان شاء الله خيييير

تصبحووون على خيييير ميته نوووووووم

هههههه دوووم عشوووقه

بنات فديتكم
احس ارتاح لسولفت معاكم

دودي
مادري
اخاف تقولين غبيه على اسألتي
امممم ً
محتاره اقول. ولا



وبعد محتاره اروح المستشفي بكره اولا

اوووف

صباح الخير ...

شخباركم ...؟!

جوفان
سألي عادي أحنا خوات مابينا هالكلام
دودي ماتقصر ..

أنا من رايي روحي وان شاء الله كل شي تمام

مرحبا مرحبا
كيفكم
جوفان عادي اسالي مافي بينا

عبق
اللهم امين ولك بالمثل ان شاءالله

عاشقه
ضيق عنق الرحم مايبين بالاشعه
لازم فحص

يتصفح الموضوع حالياً: 4 (3 من الأعضاء و 1 من الزوار)
‏جوفان*, ‏&#9685;&#8255;&#9685;زوجه دودي&#9685;&#8255;&#9685;, ‏عبق الورد 22


صباحو ياحلوين


متردده اسال للحين