تجمع حلم الامومة

عاشقه
الله يسمع منك حبيبتي
وان شاء الله اليوم تطمنون ع زوجك ...


ام فيصل
وعليكم السلام ورحمة الله وبركاته
وانتي بعد وحشتينا ..
وييين هالغيبه
طمنينا عنك ..

مسا الخير

شلونكم بنات ؟؟

تعبانه وضايقه فيني الدنياا

ومالي خلق اتكلم بس عشان ابي اطمنكم

رحنا للدكتورة وجافت تحاليل زوجي طلع عنده بطء ف الحركه

والعدد قليل :(

كلش ضاق خلقي وقعدت اصيح ف السياره

كسري خاطرري زوجي حسيته انصدددددم

يقول لي انتي يوم تصيدج سوالف البويضات والتكييس والكييس

كنت دايما اقول لج ان كل شي بيد الله ليش انتي الحين جذري تصيحين

والله مادري شرد علييييه مو قصدي شي بس اهوو كسر خاطري من صدمته يوم يفتح عيونه مره وحده

وقالت اكتوؤة النحليل الاولي افضل، الحركه شوي مو سريعه بس العدد كان اوكي او العكس والله

ماذكررر :'(

كتبت له مقويات وادويه وقالت له يسوي اشعه ع الخصيتين لانه تقول احتمال يكون عنده الدوالي

تقول مو اكككيد :'(


دعوااااتكم بنااااااات

احتمال ما ادخل مثل قبببل نفسيتي تعباانه

بس قاعده امشي خع زوجي عشان لايحس بشي

تقول لي اكتورة حاولي توقفين معاااه

ترى خاصه الرجل الشرقي صعععب عليه ان تقولين له ان فيك مشكله وصعب تنجب الا بعد العلاج


اخخخخخخخخ ياااقلبببيي




دعواااااتكم بناااااات يرررحم والدييييكم ذكرووني بكل دعاء


احبكم

عاشقه حبيبتي

الله كريم يا قلبي
ومسكين لا تحسسينه ان المشكله صعبه
او أنك متحطمه ..

ومشكلته إن شاء الله لها حل خليه يكثر من أكل اللحم
وياخذ الفيتامين وان شاء الله كل شي تمام
ومافيه دوالي ..
هذا أنا زوجي عنده قليل العدد وهذا اهو ياخذ علاج ..

أنا قريت بالنت أن حتى واحد مليون اذا كان مافيه مشاكل غير العدد
يصير حمل ..


الله كريم عمري ولا تقاطعينا
كثري دعاء وأستغفار
متى يسوي الأشعه
أنا للحين ماطلبتها من زوجي وياااارب ماتطلبها
لان أهو مايحب شي أسمه مستشفيات
الله يعين ..

عبق

لالااا خلاص ضبطت وضيعتي والحمدلله مرت الليله (البارحه) بسلام
ومشينا كلشششي طبيعي وقلت له لاتفكرر وكل شي بيد الله
عبووق، اذا المشكله مشكله عدد او بطء ف الحركه او لزوجه الامر اهني اسهل
بس الدوالي لاززززم عمليه واذا الله لايقوله صار شي مو اوكي مافي غير اطفال انابيب
ع كلامهااااا مافهمت من الربكه والله بس من ضمن الحلول اطفال انابيب وانا هذا شي مافكر فييييه

الاشعه قالت لع ع راحتك متى ماتبي سوها، قالت له اذا قالك الدكتور تبع الاشعه
ان عندك دوالي الله لايقوله تابع الحاله معاه عشان العمليه وغيره واذا قال انك مافيك شي ارجع عندي

زوجي يقول اساسا المفروض اهي مالها شغل ف الزوج لازم اتابع مع دكتور !!!!
اهي دكتورة نساء شكوو فيني؟؟؟؟

حاليا اهو متحير يسوي الحين الاشعه قبل السفر ولا اذا رجع
انا ابي اتطمن عليييه حبيبي قبل مايسافر عشان اهو بعد مايحاتي
بس اهو متحير يقول لي متى اسوي؟؟
قلت له ع راحتك بس يمكن لو سويته قبل السفر افضل عشان لاتحاتي
الا يقول لي انا مسسستحيل بحاتي دام تطمنت عليج انج سليمه ١٠٠٪
ماراح احاتي نفسي
بذذذذمتكم الكلام مايصييييح؟؟؟؟؟؟ :'(

ومادري شبيقرر الحيين



الله كرريم

مرحبا بنات كيفكم ؟؟ اشتقتللللكممم

عاشقة أكثر شي قهرني إنك بكيتي , حرام متخيلة زوجك كيف بتصير نفسيه و بيضل متعقد
معلش حبيبتي اصبري و لاتستعجلي
حتى لو بياخد شهر خليه براحته , حتى لو ما أظهر لك بس أكيد هو متضايق من التحليل , خليك واقفة جنبه عشان يحس إنك معاه و ما يهمك التحليل
و صدقيني لحاله بيروح و بيحلل

إيش بتستفيدي لو حلل؟؟ لو لا قدر الله كان معاه شي بتضلكم متضايقين , لأ خليه يسافر مرتاح و شيلي هالموضوع من باله و إن شاء الله بيجي يحلل براحته

و إن شاء الله تكوني الآن حامل و ماتحتاجي لكل هالحوسة

و الله يشفي زوجك و إن شاء الله تبشرينا قريب :)

عاشقه
الحمدالله ان نفسيتك صارت تمااام ..

أنتي تسألين لو كان مافيه دوالي ليش تتابع حالته الدكتوره ..؟!
لأن اذا سوى الأشعه ومافيه شي يصير خلاص حالته تحتاج مقوي
وفيتامينات وهذي الدكتوره تقدر تعطيه أياهم لان حالته مش خطره ..
أنا الدكتوره تقول أحتماليه اللي عندهم دوالي تكون نسبه التشوهات عاليه
وان شاء الله زوجك ما يكون فيه شي ..

ولا تفكرين بالانابيب بتحملين ان شاء الله بدون شي
وانتي سبق لك وحملتي فلا تتعبين نفسك ولا شي خليه الان باخذ الادويه اللي وصفت له الدكتوره

واذا رجع من السفر خليه يسوي الاشعه ...

فلسطييين

منووووره يا حلوووه
شخباااارك ....؟!

عبق الورد 22;16620775:
فلسطييين

منووووره يا حلوووه
شخباااارك ....؟!

هلا عببوقةة النور نورك حبيبتي
الحمد لله بخير

و إنتي كيفك ؟ ؟:F

فلسطين

انا كل ما اتذكر الموقف انقهرررر ع روحي
وقلت خلاص مابتكلم ف الموضوع الا اذا اهو فتحه معاي او شاورني ف شي
وموضوع الاشعه قبل او بعد السفر بتركه له حتى اذا طلب رايي
قلت بقوله جوف الاريح والانسب لك وسووه وانا عادي عندي الحين وعقب السفر

تعرفين فلسطين رررغم كل شي يعدي متفائله ان تكون حامل
بس مثل ماقلت لكم وقلت لزوجي قبل انا متفائله بس ب المعقول
بحيث ان لو طلعت مو حامل ابددد ما راح اتضايق

وع قولتهم الضربه اللي ماتطيحك تقويك
وان شاءالله اكون قويه والله يعطيني الصبر
وقلت لزوجي بعد من يوم ورايح نبي حساتنا طبيعيه وعاديييه جداا
ماراح اسولف لك عن الاطفال وووووالخ
ولو اخرتني الدورة او حسيت بأعراض مارا اتكلم بخلي كل شي بيد الله
بمطون متفائلين بس مو التفائل اللي لو طلع العكس يتعبنا نفسيااا!

عبق

الله يسوي اللي فيه الخير
مادري بعد اذا طلع مافيه دواليوبيواصل مع الدكتورة او لا
مابي اضغط عليه

والله كريم

دعواتكم اللي احبها

عاشقه

هذا أحسن شي تسوينه
انك تخلين الأمر بيد الله ..

والله كريم ياقلبي ويرزقنا كلنا ...

فلسطين ..

أنا الحمدالله تمااام

عبق

امييين يارررب
مافي شي عسير ع رب العالمين


فلسطين

نورررتين يالمختفييييه
وحشتيناااااا

حبيبتي عاشقة أحسن شي سويتيه و فعلا حلو التفاؤل لو قدرتي تسيطري عليه

ما شاء الله عليكِ تعجبيني عاقلة و فاهمة و تعرفي إيش تسوي :perfect:

فعلا خلاص مو لازم الحمل يأثر على حياتنا , متى ما ربي شاء بيرزقنا

إحنا علينا نبذل الأسباب نحلل و نعالج و خلااص نتركها على أرحم الراحمين :)

عاشقه

إنتي الحمدلله حملت قبل

وإن شاء الله بتحملين مره ثانيه

قوليله وعيونك متفاءله

أنا حملت قبل وبحمل إن شاء الله

طمنيه ولا تبكين

والله يكون في عوووونكم

موقف وأحاسيس مافي أصعب منها

الله يفرجها عليكم يااااارب

فلسطين

تسلمين حبيبتي
وانتي بعد ماشاءالله عليج عقلج واسلوبج اكبر من سنج


هايدي

صح كلامج
وفعلااا الموقف لااحسد علييييه
يعووووور من قلللللللللللللللب
الله يكون بالعون
وياررب الله يفتحها علينا كلنااا


الحمدلله ع كل حال

تسلميي عشوقة

خلاص انسي و خليك هيك فرفوشة متل العادة

و الله يفرجها عليكم و يفرحكم يااارب

:f:

عاشقه
مكتوب ولا تزعلي نفسك او تتضايقي لأنك بتاثري عليه
والرجال تختلف تحاليلهم حسب النفسيه
ودامك حملتي قبل ان شاءالله الحين تحملي من دون علاج ولا شي

وبالنسبه لزوجك خليه يروح لدكتور مسالك بوليه يشوف تحليله ويكتب له ع اشعه
انا زوجي بعد اخر تحليل كانت التشوهات ٨٠٪ أقوله طيب روح عشان الاشعه يمكن عندك دوالي
مو رأضي يقول خلاص قررنا ع التلقيح الصناعي ليش مافي داعي اروح
المشكله ان لو كان ضعف الفيتامينات تنفع معاه والأكل البحري والمكسرات والبهارات كمان
بس التشوهات والحركه ماينفع فيهم شي ولا لهم علاج هذا كلام دكتوره
الله يصبرنا بس

عبق وهايدي وفلسطين
كيفكم ؟ وحشتوني من زمان عنكم

انا اخباري
انتظر الدوره تجي مشان اخذ موعد ثاني يوم
موعدها بعد اسبوع
استخرت بس عادي ماحسيت بشي او حلمت
وربي يكتب الي فيه خير

عاشقه
طيب ماسالتي الدكتوره عن لنسب
يعني ضعف عن ضعف يختلف حتى نسبه الحركه
لان لو كان العدد تحت مليون نصيحه نصيحه
لاتضيعو وقت لازم يعمل الاشعه ويبدأ ادويه بسرعه
بس اذا كان فوق ٢٠ مليون هذا ضعف بس يعتبر بسيط
ويقدر يصبر لين مايرجع من السفر

زووجة دوودي

أنا أخباري تمااام حبيبتي
وياااارب ماتجيييك وماتحتاجين لشي
وخلاص دان زوجك اقتنع بالتلقيح
لاتضيعون الوقت على العلاجات والاشعه
وربي يحقق لك ماتتمنين ..

اهو كم عدد الحيوانات المنويه المفروض يكون عشان يصير حمل ..؟!

فلسطين

ان شاءالله حبي
الله يعطيني القوه والصبر
:)


دودي

خلاص قررتوا ع التلقيح الصناعي؟؟
انزين شالفرق بسن الانابيب والتلقيح الصناعي؟؟؟
ان شاءالله عن قريب تبشرينا يحملج حبيبتي دودي
ونفرح لج كلنااا :)
ويارب ع قولتج مثل ما الله كتب لي الحمل المره الاولى ان شاءالله يكتب لي واحمل
الله كررريم حبيبتي
وبخصوص النسب له قالت بس والله نسيت
عندي التحاليل قولي لي الكلمه وبجوف شنو الرقم اللي جنبها
وطمنيييني بليييييييز :(

عبق
امين ياارب الله يسمع منك
خلاص مالنا الا التلقيح علاج الرجال مو مثل الحريم
الرجال تاخذ وقت طويل ويمكن يستفيد ويمكن لا حتى لو استفاد مو ذاك الشي الي يذكر
عشان كذا كنت أقول ليت المشكله فيني ولا بزوحي

النسبه الطبيعية لازم تكون بين ٣٠_١٢٠ مليون للملي لتر الواحد

عاشقه
خليك كذا متفائله ربي كريم وماراح يخيبنا
اي خلاص قررنا ع التلقيح هذي نصيحة دكتورين
راحت ٣ سنين وماصار حمل فلازم نبدأ بالمرحلة الثانيه
بالعاده الدكاتره يبدو بالتلقيح الصناعي يقول عندك ٣ فرص
اذا مانجحت خلاص نبدأ بالمرحلة الثالثه من العلاج الي هو الأنابيب والتلقيح المجهري

التلقيح الصناعي
اروح ثاني يوم الدوره ويعطوني منشطات وأخذ الابره التفجيرية
وبعدين الدكتور يحدد يوم بالعاده يكون بعد الابره التفجيرية ب ٣٦ ساعه
اروح مع زوجي وياخذو عينه منه ينظفوها يعني يشيلو الحيوانات الميته والمشوهة والي ماتتحرك
وياخذو الكويسين ويخقنوهم فيني يعني مثل الالتراساوند المهبلي يدخلو شي وينزلوا الحيوانات المنويه قريب من البويضات
مافيها ألم ولا تخدير ومدتها دقيقتين وغير مكلفه قيمت العمليه ١٥٠٠ ريال
ونسبه نجاحها ٢٥٪
يعملوها اذا كانت الزوجه سليمه والمشكله عند الزوج
اطفال الأنابيب والحقن المجهري غير فيها تخدير وسحب بويضات تلقيح خارج الجسم وهي مكلفه ماديا كمان
اذا حابه تسألي انا بالخدمه