طلب ضروووري................ بنات الامارات !

romncia مبروك مقدما بس ما قلتي كم اسعارهم وين صالونهم وهم من وين اختي نتريا الرد ترانا كلنا في الهوى سوا :D2

بصراحه انا شفت مكياج موره على وحده من صديقات تصدقون اني ما عرفتها ما ادري شو سوت فيها :confused:

السلام عليكم ورحمة الله وبركاته


Kind_Heart
شوفي الخاص ....
قلوووووووب
هم الله يسلمج ما عندهم صالون .. انتي تتصلين فيهم وهم ايوونج لين البيت
وبالنسبة لاسعارهم انا بييوني في العين ب 5000 مكياج وتسريحة لكن لو كنتي في بوظبي ياخذون 2500 بس للعروس طبعا
وهم من ابوظبي
وااذا تبين تسألين عن اي شي ثاني انا في الخدمة
مع السلامة

انا عن رايى الى تسوى مكياج مذيعات دبى ما يعجبنى واحسة بايخ من كم يوم يونى اضيوف من الخارج حق عرس ولد خالتى وطلبو من وحدة اتمكيج حلو طبعا بعد ما ملوا من البروفا ت فى الصالونات ولا شى عجبهم وكل يقولون لى انا صالوناتكم ماتعرف تحط مكياج الهم يضبطون الكريم الااساس واخيرا راحوا حق ام سيف واقتنعوا بشغلها ومدحوها وايد ويقولن صدق مكياجها روووعة وراح يتعاملون معاها كل مايون الاامارات

واخيرا راحوا حق ام سيف واقتنعوا بشغلها ومدحوها وايد ويقولن صدق مكياجها روووعة وراح يتعاملون معاها كل مايون الاامارات

من ووين ام سيف

لها صور مكياج في الجلات:smile:

ختيه الغزال الشمالي

لو سمحتي.. عطيني رقم أم سيف

وهي كم أسعارها؟

وهي تمكيج بس ولا مكياج وتسريحه؟



وتسلمين الغاليه:up:

هيفاء صفر معروفة في حد يمدح واحد يذم وانا ماايعيبني مكيجها بس انا شفتة في المجلة

هند الاميري ايقولون روعة ما ادري

عايشة المطوع شفت حلو وبسيط

ندا شفتة على ربيعتي وووايد حلو وسعرها بعد 1100 للعروس يستاهل

ام سيف اول مرة اسمع عنها في المنتدي ولا اعرف احد جربها

عذبة شفت مكياجها روعة في عدد زهرة الخليج كانت امكيجة عارضات اول مرة بعد اسمع عنها
واذا اتعرفون اي مواطنة خبرونا

هلا بنات

انا جربت عروس الخليج يوم الملجه كان حلو

بس ابا اغير في العرس والحين احترت...
واحس اكثر العضوات يمدحون ام سيف ممكن رقمها

واختي رمنسيه لو سمحتي ابا رقم اللي حجزتي عندهن بليز

تسلمين

مريم

هلا عروس اللولو انصحج نصيحة لاخت لا تروحين عند دليلة اللى بصالون غوطيس

الصراحة مكياجها مول مب شى وكله دهون ولزج صديقى سوت عندها وغير الدهون بعد يومين وجها كله حبوب وحساسية وراحت تتعالج

وبعد وحدة من معارفناسوت عنده كله دهون مول مب حلو


الصراحة خفت عليك لما شفت كاتبة قلت لازم اخبرك وانت حرة

(u)

بنات حيرتونا وياكم


انتو على أي أساس تقولون ان المكياج شي أو مو شي؟؟؟


بخبركم عن تجربتي

أنا 3 مرات روحت صالون شارم وسويت عنده

المرة الأولى كانت الخبيرة بكبرها سوتلي ورسمت العيون زينة وحلوة
والمكياج كان لابأس فيه لكنه

المرة الثانية سوت لي منال وخلت عيوني فرعونية المكياج كان حلو
ومناسب للون فستاني بس تبون الصراحة ما عيبتني حركة العيون
مع انها هذيك الفترة كانت موضة بس لما شافني أخوي عيبه ، واختي
والكل أما بنت عمي ما عيبها

المرة الثالثة سويت عند ربا ،،، طلعتني وااااااااااااايد حلوة والكل قال مكياجي حلو




وحرمة أخوي يوم ملجتها راحت مشكبار كان مو مضبوط زين
لكن في العرس راحت عند امممم رندا اللي في أبوظبي
وطلع حلووووووووو

والحين انا احترت حجزت عند ايمان حق الملجة
بس بديت أخاف كيف تحددون المكياج حلو؟

وهل ريحانة اللي في صالون ايمان مكياجها حلوو؟؟

خوفتوني:confused:

واللة يا بنات لاززم الوحدة تحكم اذا شفتي يعونج وتتختلف من ويهي اي اخر:cool2::cool2:

وانا بعد

افكر اسوي عند دولا بس يمكن دولا اتكون مسافره على حزت عرسي

:eek2::eek2: بناااااااااااااااااااااااااااااااات انتو تحيرووووووووون بصراحة
ابغي رقم ام سيف.......اذا سمحتوا

ألف مبروك مقدمًا أختي. عشان أكون صريحة وياج أنا أختي جربت عند صوفيا في بوظبي كان وايد حلو بس أنا ما شفت مكياج عرايس حقها ومنيرة إللي يحطون مكياجها في المجلة دايمًا بس والله امبين مكياجها وايد حلو ومرتب. وبعد عندج ماغي اللبنانية بعد مكياجها خبال أنا بنت أختي العروس حجزت عندها إذا تبين رقمها أنا حاضرة…هو الصراحة المكياج يعتمد على ملامح الويه إذا يناسبج المكياج اللبناني أو الهندي والناس أذواق.:up:

بنات ... الناس اذواق .. يعني يمكن أنا عيبني طريقة مكياج وحدة والثانيه ما عيبها ...


أنا أنصح كل وحده أتسير أتشوف بنفسها وإذا عجبها تحجز ... لانج ما اترومين تحكمين من مجرد الكلام .....


يعني مثلا ... انتو أتذمون مورا ,,, انا سويت المكياج عند ندى طلع عليه وايد حلو و ناسبني والكل قالي حلو عليج ...

وبنات عمي حطوا عند مورا بعد بس وحده ثانيه مب ندى .... :down: مووووووووووووول ما عجبني ,,,, كان بااااااااايخ بس هم عجبهم ,,,

في الأخير إلي ابغي أوصللكم ... انكم لا تحتارون واتحددون من مجرد كلام الناس او الشهره ..


مع احترامي للكل ...


مع السلامه

بالنسبة لمريم اللي اتحط اعلانتها في الوسيط والمارينا مول مكياجها ماعليه كلالالالالالالالام ووايد حلو

بغيت رقم مريم

ان شاءالله الغالية بطرشة لج

واذا عندج الوسيط هذا الاسبووووووووووع شوفي مكياجها بأخــــــــــــــــــــر صفحة خياااااااااااااال

صح انه الناس اذواق ولازم الوحده تشوف بنفسها

يعني انا جربت عند قنطار واكثرهم ما يمدحونه بس كان حلو وخفيف وكريم الاساس وايد ناعم ويخلي البشرة مخملية

مب يجففها ويطلع فيها خطوط عند الحلج او العين

بس في البداية اول ما خلصت من المكياج وشفته مادش خاطري بس يوم اشوي مر الوقت المكياج يستوي احلى

بنات صالون قنطار فاتح في معرض العرايس مريت صوبهم والله لو اتشوفن التلبيخ المكياج في ويوهن ايضحك شي متناثر منيه ومناك بس عطوني الكتلوج مالهم روعة الصور فيه والمكياج مرتب بس مادري على الطبيعة مب شي