آخر 3 ايام شو سويتو قبل العرس "للمتزوجات والى على الابواب"

ايه والله ياريت تخبرونا..


انا زواجي قريب وما ادري كيف ارتب اموري..



تسلمين حبيبتي سنو وايت..

هيه و الله...
نبا نتعلم عسب نكون جاهزين :up:( اذا يا يوم و عرست)

موضوع حلو يا سنو وايت واظن وايدات راح يستفيدن منه

انا بخبركم عن عمري..

تقريبا في اخر اسبوع .. اخذت فيه راحه بس ارقد واسوي التشطيبات الاخيره على ما يقولون..

1- متى سوت حمام المغربي؟ قبل 4 ايام من العرس
2- متى سوت فيشيل للويه؟قبل 4 ايام من العرس
3- متى سوت الحلاوه ما حلاوه؟5 ايام قبل العرس.. قبل الحمام المغربي
4- متى سويت تقشير وتشقير؟ماسويت
5- متى سوت الحنى؟3 ايام قبل العرس .. قبل ليلة الحنا بليله
6- متى سوت تنظيفات للجسم والبشره؟عنايه كامله تقريبا قبل اسبوعين من العرس
7- وشو سوت قبل المكياج؟8- شو سوت قبل التسريحه؟..

سرت القاعه الساعه 5 العصر بعد نوم لحد الساعه 1 الظهر..سرت القاعه واطالعة الكوشه وكل الترتيبات الباقيه واتسبحت واتدخت وحطيت لي كريمات..ويتني مالت الصالون الساعه 6:30.. بعد ماصليت المغرب والحمد لله
بعد ما خلصت من المكياج والتسريحه ساعدتني راعيت الصالون على لبس الفستان والموجودات وياي ساعدوني على لبس الذهب وتعطرت وااااايد طبعا العطور اللي ما تسوي لون في الفستان.. ومالت الصالون ظبطت اللمسات الاخيره..وسرت اتصور لحد ما جا وقت الزفه

ونصيحه للاخوات .. جيبو الصالون عندكم القاعه او الفندق.. والله وايد اريح وتطلعين احلى.. صحيح شوي اغلى بس راحتج هذيك الليله مهمه.. لاتنسين عندج سهر لين الفجر:shy:

السلام عليكم ورحمة الله وبركاته..

تسلمون الاخوات على الرد واااااااايد..

ومشكوره أختي aldrqa على الرد واااااااايد..
ويزاج الله خير.. والله يخلي لج ريلج وعيالج يا رب.. والله استفدت وايد من ردج واكيد الاخوت الي استفسرو بعد بغو يستفيدون.. ومشكوره وايد :clap:

بس عندي استفسار!؟ بخصوص الكوافيره اليي تيي القاعه؟؟
في بعض الصالونات ما يحبون حد يدش عليهم والا يطلع عليهم وهم يعدلون العروس.. يعصبون بسرعه وعقب يتنرفزون ويسوون اي كلام..

انا افضل ان العروس اتسويه في الصالون لان كل شي متوفر وانتي اترومين اتطالعين شكلج في المنظره وكل الالوان جدامج بدل لتيب الكوافيره اي شادو غير عن اللون الي تبينه واتحط لج اياه؟! هذي وجهت نظري..

هلا :smile:

مشكورة أختي سنو وايت على الموضوع ....

أختي aldrqa أنا مفكرة أسوي الحمام المغربي قبل الحلاوة أحس أنه أحسن علشان الشعر اللي يكون تحت الجلد يطلع ....بس بغيت أعرف هل لسبب معين إنتي سويتي الحمام المغربي قبل الحلاوة ؟؟؟

وانا معاج أختي aldrqa انه أحسن الكوافيرة تيي الفندق لراحتي أنا بصراحة حجزتها علشان تيي الفندق وزوجي قالي أحسن صحيح إنها بتأخذ أكثر من الدبل بس أحسن لراحتي ....


تحياتي :smile:

السلام عليكم

انا اقولكم قبل ثلاث ايام ايش سويت

كنت مسويه ليزر لجسمي كله قبل شهر من الزواج والمفروض قبل اسبوع من موعد العرس اروح اسوي جلسه ثانيه بس انشغلت ومارحت

ولازم اسبوع علشان مايطلع لون احمر في البشره يوم العرس .. وكان الشعر خفيف مره وصغير ماينشال بحلاوه فرحت الصالون قبل العرس بيومين ابي اسوي شقير لجسمي كله

وكنت ابي اسوي جلسه تنعيم بالاعشاب بس سويت التشقير قبلها وقالتلي ما اقدر اسويلك الجلسه الحين ولا بتتهيج البشره

وليله العرس رحت صالون ثاني اسوي تشقير حواجب "لان شقير الحواجب مايطول وانا ابيه يجلس اطول فتره ممكنه قبل لايبدء يخرب"

وقبل العرس بيوم رحت للقاعه وحطيت ملابسي هناك .. وقلتلهم يكون لي الفستان والطرحه وحطيت شنطه صغيره فيها الملابس الداخليه وعطر فرنسي وعطر عربي ودهن عود وجل شاور والديودرت ومعجون الاسنان والفرشه وزيت عادي وزيت عطري وبودره وكريم

اهلي كانو بالقاعه من العصر انا مارحت الا بعد صلاه المغرب ولقيتهم محتلين غرفتي "غرفه العروس " لانها اكبر وحمامها احلى

وجلست ادور بالقاعه واشوف الي جالسين يسون الكوشه ويحطون الديكورات ورحت اشوف المشرفات ووريتهم امي وخالتي علشان اذا كانو يبغون شيء .. واكدت عليهم في بعض الاشياء زي المويه تكون على طول تتوزع على المعازيم

وكنت طالبه اضائه خاصه للكوشه وكانت كذا لون واخترت اللون مع المهندسه الي تشغله

وتاكدت من السي دي حق الزفه انه موجود وشغلناه ولازم تاكدين انه فيه احد يشغل السي دي ويعرف كيف يشغله ويفضل قبل يومين تتفقين مع المشرفه ولازم ترجعين تاكدين عليها وقت الزواج وتشغل الزفه قدامك


طبعا في البيت اتحممت وغسلت شعري وانا تروش غسلت جسمي بالملح الناعم .. بعدين حطيت ماسك للجسم بالفواكه وماسك للشعر "حمام زيت" ولما غسلت شعري اخر غسله كانت بليمون مخفف "يعطي لمعه للشعر"وانا اغسل جسمي حطيت زيت كثيير على كل جسمي زيت لوز .. وشغلت الدش على جسمي شوي علشان يشيل الزي الزايد

وماسويت شيء قبل لاتسوي شعري عادي استشورته ولففته .. قبل المكياج رحت غسلت جسمي مره ثانيه وخلط كريم الجسم مع الزيت العطري وحطيته على جسمي كله وحطيت دهن عود بشعري وجسمي وغسلت اسناني وحطتلي المكياج ولما خلصت قعدو يسون شعري

وقبل ماالبس الفستان
حطيت دهن عود مره ثانيه وعطر عربي ولبست الجيبون وحطيت العطر العربي والبودر وبعدين الفستان

وقبل الزفه قريت قران وادعيه :shy:

ومبروك ياعرايس ربي يوفقكم ويسعدكم

وانتبهو من الحمام المغربي الكوافيره لافرك الركب والكوع والمفاصل الي بالجسم علشان ماتصير سودا

انا سويت قبل 5 اسابيع من الزواج مغربي وصارت ركبتي وكوعي وحتى مفاصل يدي سودا ورحت للدكتور قالي مسويه حمام مغربي صح قلتله بس من زمااان من شهر قالي الفرك يسبب السواد هذا وماراح تلحقين تخلينه ابيض ليوم العرس بس بعطيك دواء بيخفف منه واستمري عليه لين متبيض مفاصلك :down:

تحياتي
لك روحي

مشكوره اخت سنو وايت على الرد..
حبيبتي.. اكيد في المكان اللي بتتجهزين فيه بيكون فيه منظره وغير اللي بتيبها مالت الصالون وياها .. اما عن الالوان فلازم بتكونين مسويه بروفه قبل وتختاري فيها الالوان اللي تناسبج.. ومالت الصالون بتيب لج كل الالوان..اما عن الي ما يحبون احد يشوفهم.. عاد انتي مايخصج فيهم .. انتي بتكونين في الغرفه او ما بتدخلين اي حد .. واتصدقين انا اللي يتني حتى تصوير يوم صوروني اهلي وانا اتمكيج قالت عادي صورو بس لا تطلعوني.. يعني عادي.. وصدقيني في البيت ولا بهدلة الصالون وتطلعين من مكان لمكان ويخترب شعرج وتستويلج سالفه طويله عريضه


ميرهان.. لنفس سببج وبعدين خفت لو تكون المسامات مفتوحه بعد الحلاوه واسوي عليها حمام مغربي...؟؟ ما اعرف شو بتكون النتيجه

مشكورة أختي aldrqa على الرد ...:smile:

أختي aldrqa بس بغيت أسألج إذا ما في كلافة هل صارلج إسوداد في المفاصل مثل ما قالت الأخت لك روحي؟؟؟

بنااات نسيت شيء مره مهم

خذو معاكم روج يناسب الروج الي بحطه لكم الكوافيره .. احسن شيء محدد وجلوس شفاف علشان يطول

انا نسيت الشنطه الي حاطه فيها الروج .. ولما راحت الكوافيره قعندنا نصور شوي وراح الروج .. واتبهذلت قعت ادور روج من خالاتي كلهم معاهم اغمق من الي ابيه

واذا ماكنتي تعرفين بالضبط اللون الي بتحطه احسن شيء تاخذين زهري فاتح مره فاتح علشان يصير التركيز على العين ومكياج الشفايف يكون خفيف

ميرهان... لا والله ما صار لا اسوداد ولا شي.. وركبتي ولله الحمد نفس لون جسمي

لك روحي.. اكيد الروج اللي حطته لج الكوافيره من النوع الرديئ اللي يطير بسرعه.. انا ما اخترب .. وبما اني رقدت فيه هذيج الليله ما رضى يخوز اللون من شفايفي الا بصعوبه:D2

أحب أشارك معاكم ...


1- متى سوت حمام المغربي؟

قبل العرس بيومين عشان تكونين ناعمه وبيضه وشكلج منور



2- متى سوت فيشيل للويه؟

قبل العرس بإسبوع عشان ما تطلع لج جبوب يوم العرس

3- متى سوت الحلاوه ما حلاوه؟

سوي حلاوه مصريه قبل العرس بيوم أحسن عشان يتم جسمج ناعم مده أطول ... تحت الباط سوي ليزر وايد حلو يتم فتره أطول بدون شعر ويخفف الشعر وسوي الليزر قبل العرس ب12 يوم لأنه يباله 10 لين يطيح الشعر

4- متى سويت تقشير وتشقير؟
لا تسوين تقشير للويه ... الحمام المغربي يكفي ... والتشقير قبل الحمام المغربي في نفس اليوم ... والتشقير سويه كامل للجسم يبيض ويفتح البشره


5- متى سوت الحنى؟

قبل العرس بيوم الصبح عشان يغمج ويكون لونه حلو

6- متى سوت تنظيفات للجسم والبشره؟

الحمام المغربي يكفي



7- وشو سوت قبل المكياج؟

قبل المكياج تتسبحين وتغسلين ويهج عدل بالصابون الي تستعملينه وتلبسين العدسات



8- شو سوت قبل التسريحه؟

مثل ما قلت قبل تتسبحين وتلبسين العدسات



9- شو سوت لما لبست الفستان؟ "اتعطرت وادخنت والا رشت بودره ..الخ"

تنزلين الفستان عن كتفج وتحطين البودره واللملعي على جسمج



10- كيف رتبت امورها اول ما وصلت الفندق عشان تتلبس او القاعه عشان تتلبس؟!

تسيرين الفندق الساعه 2 الظهر عشان خواتج يتجهزون ويتعدلون وآخر شي إنتي


وبس ...

أتمنى أن أكون عطيتكم صوره واضحه

يالله نتريا ردودكم عشان نستفيد ان شاء الله



الريـــــــــــــــ:shy:ــــــــــــــــم

مشكورة أختي aldrqa على الرد :smile:

والله طمنتيني :up:

يالله والله اني احبكم وايد :shy:



مشكورين والله تفيدون :D2



بستفيد منكم يوم عرسي انشاء الله:clap:

ههههههههههههههههههه

لا والله اختي aldrqa
روجها كان مره حلو ولونه خطيير زهري فاااتح علشان يصير التركيز على العيون

بس انا الله يهديني لازم اجلس اكل بالروج الين مايخلص

حتى وانا على الكوشه جت بنت عم امي وقالتلي ترا الروج راح وقلت للمصوره روحي جيبي الروج وجابته وجلسو صديقاتي يرقصون حولي والمصوره حطتلي روج صح انه مو نفس لون الي حطته لي الكوافيره بس شيء احسن من ولا شيء

وعلى فكره الحمام المغربي تاثيره يفرق من وحجه لوحده وفترة الجهاز مو فترة تجارب انا كانت ركبتي بيضاء لا وبعد ورديه بس بعد الحمام المغربي صارت سوداااا والبشره الخليجه

السلام عليكم ورحمة الله وبركاته
خخخخخخخخخ
تراني داخله لقافه لامتزوجه ولا على باب الزواج:confused:

وكان ود وحده منكم تخطبني ترى ماعندي مشاكل موليه:o

(أثقلي يانت )
الله يتمم ويبارك اللي بتعرس على خير

قبل العر س كنت استخدم كريم للوجه والعين اعطتني اياه
صاحبة الصالون مشان يزهي الوجه وبالنسبة للحلاوة استخدمتها قبل العرس بيومين وقبل العرس بيوم ليلة الحنى البست فستان سحب طويل ليه شرخة وكان حفر وكان لونه سكري وكان اله قطعة شيفون بتلبس فوق ولكن كان يجنن :o وسحبت شعري وحطيت عليه ماسات صغيرة
واتمكيجت مكياج خفيف ولكن وطلعت قمر 14 :shy:
وكانت بالبيت حفلة صغيرة وباليل روحنا على بيت اهل زوجي لانها كانت هناك حفلة لزوجي واحنا العادات عندنا بتروح العروس على الحفلة قبل العرس بيوم وبنفس اليلة كنت عامل نفس لباس وتسريحة العصر ولكن فوقها كانت عبايا وحنتني ابنة خالي الحنة الخليجية لانها موجودة بالامارات
وكانت روووعة كثير
وبيوم الزواج رحت على الصالون حوالي الساعة 1 لانها حفلتي بالصالة كانت الساعة 8 وكنت رايحة على صالوة مشهور عندنا اسمه (روزيت)
اكيد سمعتوا فيه وعملتي budy واشياء كثيرة ولما لبست الفستان عملتلي التسريحة وكانت حلوة
وكان يوم لايمكن اقدر انساه بحياتي كلها :up: وكل مااذكر ايام عرسي
بروح ماانجن :confused: لاني حابة ماتخلص هذيك الايام :confused:

وهاي قصتي
وانشاءالله ماكون طولت عليكم

ياليت مشاركتي تنفع ..

1- متى سوت حمام المغربي؟

قبل بل الحلاوة بيوم اي قبل العرس 3 ايام علشان الحمام المغربي يظهر الشعر الي تحت الجلد ولم تسوين حلاوة يكون جسمك انظف ..


2- متى سوت فيشيل للويه؟

انا كنت اسوي فيشل قبل العرس بشهر .. علشان ارقع الي خربتة السنين ..لا امزح انا بشرتي حلوة بس تحتاج بعظ العناية ولاكني بديت مع اخصائية بشرة قبل بشهر علشان تقولي شو تحتاج بشرتي .. وكنت اروح في الاسبوع مرة او مرتين ..
3- متى سوت الحلاوه ما حلاوه؟

قبل العرس بيومين ..
4- متى سويت تقشير وتشقير؟
قبل الحلاوة علشان لما تشيلين يكون جسمك لونة واحد ..

5- متى سوت الحنى؟

اليوم الي قبل يوم العرس الصبح علشان تطول الحنا ما تروح بسرعة ..
6- متى سوت تنظيفات للجسم والبشره؟

بس حمام المغربي



7- وشو سوت قبل المكياج؟

اتسبحت


8- شو سوت قبل التسريحه؟

عطرت جسمي ودخنت شعري .. (( حطي شويت دهن عود مع البدي كريم ودهني جسمك )) الريحة تستوي حلوة وايد وطول ما تروح ..


9- شو سوت لما لبست الفستان؟
لبست الذهب وحطيت الطرحة وتعطرت بالعطور الفرنسية .. انصح اي عروس تجرب العطر قبل العرس بفترة اذا كانت ريحتة اطول ولا لا وانها تختار العطور الي ريحتها مركزة لان من الصحب انك تثبتين العطر في الفستان وبعدين رحت اتصور مع زوجي قبل لا اطلع (( تدرون لازم كل وحدة تتصور مع زوجا قبل لا تطلع لان مكياجك يكون فرش والصور يطلعن احلا ..

10- كيف رتبت امورها اول ما وصلت الفندق عشان تتلبس او القاعه عشان تتلبس؟!

انا الصراحة كان عرسي في خيمة مب فندق علشان كذا مريت على الخيمة الساعة 3 الظهر اشوف الكوشوة وترتيب الورود وطلعت رحت الصالون اسوي سشوار وبدكير ومنكير ورجعت البيت انتظر الكوافيرة وخبيرت التجميل وفستاني لاني جبتة يوم العرس والي جابتلي الفستان ساعدتني في لبسه ..


وسلامتكم .. :smile::shy::smile::shy::smile

:shy:

شكرا على الموضوع بصراحه يهبل