بنااااااااااااااااااااااات .. حلفتكم بالله سآعدوني

لو أقول لج تسمعين مني ؟
مافي أي حل الا الرياضة و الأكل الصحي .. اعرف انه كلام مو جديد .. بس مين اللي يطبقه ؟
اهم شي انج لا تدورين الاشياء البسيطة و اللي تنحف بسرعة .. اذا ما وراج عرس ولا شي; افضل تنحفين بالراحة عشان لا ترجعين اللي نحفتيه
...
الرياضة ابدأيها بشويش .. شي بسييييط عشان ما تطفشين .. لو بس 5 دقايق باليوم .. اذا عندج آلة مشي .. يكون ممتاز .. و اذا ما عندج
دخلي قناة "befit" في اليوتيوب .. فيها رياضات كثيرة و كل يوم ينزلون رياضة مختلفه .. يعني ضمان انج ما تطفشين .. في بعض الرياضات تكون بالرقص
و جدا ممتعه ما تطفشين منها ..
...
اهم شي ان تحطين في بالج انج ما راح تنحفين في يوم و ليلة .. و خاصة إذا كانت الشحوم مكتسبة من زمان و مو شي جديد
...
شي ثاني .. استمر على اللي تسوينه ولا تقعدين تطالعين نفسج فالمرايه و لا تقعدين تقيسين الميزان كل يوم .. حاولي تتجنبين المرايه و تفكرين و تحسين بانج خلاص صرتي انسانه صحيه
و بعد فترة كذا اسبوع ولا اسبوعين .. قيسي و شوفي الفرق .. او حتى شوفي الفرق بالملابس ..
...
اعرف انه ياخذ جهد و تعب و يمكن حتى تنزعجين من سهولة الكلام و صعوبة التطبيق .. بس بالله انتِ ما تستاهلين يكون لج جسم متناسق و جميل زي عارضات الازياء ؟ =)
و اهم شي يكون هذا الجسم اللي متعوب عليه ما يرجع زي اول ؟
...
انصحج بأنج تحسبين السعرات الحرارية اللي تحتاجينها كل يوم .. و بيساعدج من هذي الناحية رجيم النقاط ..
حتى لو مر اسبوع من الاسابيع و ما نحفتي منه .. اهم شي أنج ما راح تسمنين
... و شي مهم بعد .. لازم تقرين أكثر عن الرياضة و الاكل الصحي .. و خذيها نصيحة مني .. لا يهمونج البنات اللي يقولون نحفت 10 كيلو بعشر ايام ..
صح يمكن يقهر و يحبط بس صدقيني ما راح تدومين على رجيم العشر ايام هذا لاخر يوم فعمرج و بترجعين دبل الدبل
...
و حطي في بالج .. ان تصححين عاداتج الغذائية للابد .. اخترعي لج وجات صحية .. أو اقتبسي من عند ناس .. و سوي لج الذ اكل بس بسعرات منخفضة
بكذا تضربين عصفورين بحجر .. طعم لذيذ لكنه ينحف =)
...
لا تتركين الرياضة بعد ما توصلين لهدفج .. حتى لو ما تصيرين تسوين رياضة الا يوم بالاسبوع .. اهم شي لا تتركينها ..
...
لو حسيتي انه ممكن ياخذ وقت طويل .. يعني سنه ولا سنتين .. فكري فيها .. سنه ولا سنتين امسك نفسي فيهم .. ولا اصير سمينة لاخر يوم في عمري و كل الناس يعايروني ؟
...
خلي عندج الحماسة أنج تبدأين .. حولي كل مشاعر البكاء هذي و الطاقة السلبية و الغضب إلى الرياضة ..
و اذا كنتي مره تطفشين من الرياضة نفسي .. حاولي تشوفين مسلسل ولا تشغلين نفسج بشي ..
...
اتوقع هذا كل اللي ابي اقول له .. اذا احتجتي مساعده في اي شيء .. او ما عرفتي من وين تبدأين بس اسأليني =)