مساعده بموضوع حجابي وزوجي

أنا أأيد كلام اختي هوس
عين العقل
ومبروك الزواج

من فترة كنا انا وصديقاتي نتكلم بهالموضوع .... ان مستحيييييييل الوحدة تتزوج والريال ما يغير فيها ولااااااااااااشي

اذا كانت مو متحجبة وتلبس قصير بيقول لها طولي ثيابج
اذا كانت من النوع اللي تكثر مكياج بيقول لها خففي مكياجج

حتى لو مافيها ولا شي مو عاجبه... لازم بيقول شي بس يبي يغير شي

اعرف وحدة ريلها قال لها غيري طريقة لفة شيلتج لأن شكله ماعرف شيغير فيها !!!

المهم ان الرياييل بايخين والا يبون يسوون روحهم راعيين كلمه:DwYfv::DwYfv::DwYfv:


بالنسبة لي هالموضوع بالنسبة لي يبيله تفاهم ... مو عناد ... تفاهم

يعني شوي تنازل منج وشوي تنازل منه


اهو اكيد يبيج تكونين مثل اهله .... وانتي هالشي صعب عليج مرة وحدة تغيرين من ثيابج و ستايلج


فتقدرين تتفقين مهاه ان يعطيج فرصة حق تقدرين تتعودين عالموضوع


يعني اول شي قولي له مثلا بلبس عبايات بدون تطريز وبلبس نقاب بدل اللثمة


وشوي شوي لين توصلين للمرحلة اللي اهو يبيها .... وبصراحة انه ما بصير ضده لأن انتو في السعودية حجابكم معروف كلكم نفس الشكل .... واي تغيير يكون ملفت

لو مثلا كنتي عندنا في البحرين مثلا ... بقول لج حاولي تقنعينه باللي انتي فيه .. لأن ستايل دفتج بكون ابدا مش ملفت بس اللثمة بتكون ملفته .... فبتكون نصيحتي او تشيلينها او تلبسين نقاب عادي

مٓ قصرو خوآتي آتمنى لهـم كل التوفيق =))

اختي الحبيبة ,, متباركة بالشهر الفضيل ...

بالنسبة لموضوع الحجاب انا اشوف انه راح يجي وقته ان شاء الله اذا شافك وشفتيه وهو اكيد راح يعلق اعتقد ان جميع المتزوجات صارت لهم نفس الحالة يعني لابد بيقول شي ( عاجبني ولا تغيرين , مو عاجبني وحابب تغيرين نقطه معينة , او يجيك بسبيل السؤال اذا عادي تغيرين شي بملبسك اذا طلب منك او لا ) ..

اختي الحبيبة بالنسبة لي اذا طلب منك التستر اكثر ( هذا يعني غيرته عليك وحلوو تبان الغيره ) اذن وين المشكلة ؟؟ واذا على العباية المطرزة مافي مشكلة في طرق كثيرة تسوين فيها تطريز بس من غير ما يلفت النظر ويلبي رغبتك بنفس الوقت .. و اذا على الحجاب تقدرين تتناقشين معاه بكل هدوء فإما انتي تقنعيه بوجهه نظرك او هو يقنعك ...

وربي يوفقكم ويسعدكم ويبعد عنكم كل شر وسوء ان شاء الله ,,,

اسمعي كلام زوجك ولا تخسريه على امر تافه!

انا اجوفه موضوع شائك ويختلف باختلاف الشخصيات وعادات كل بلد

بس بشكل عام اجوف القاعدة ( اللي أوله شرط آخره نور ) + دامه خطبج واهوه ما يعرفج يعني سأل عنج وعجبه اللي سمعه ما اجوف ان الزواج مشروع اصلاحي ياخذج عشان يغيرج دام مو عاجبك تقدمت ليش؟؟!!!!

اتكلم عن موضوع التغيير بشكل عام لا عن الحجاب

الي فهمته منك انه ماكلمك بالموضوع ولا امرك بهالشي
خلاص خليها تجي منه ولاتستعجلين اكيد بتجي منه
وبصراحه هذي حياتك وانتي ابخص فيها يعني كل وحده
شخصيه بخصوص هالموضوع الطاعه يفرق من بنت لبنت
وبعدين ترى مو شرط الولد يكون مثل امه واخواته ممكن يكون
غير
فاعتقد انتي اكثر وحده تقدرين تجاوبين نفسك بس خليكي
مستعده لانه يفاتحك بهالموضوع..

ربي يسعدك ويتمملك بالف خير حبيبتي:032::032:

M!ss CoLoRz;16544970:
انا اجوفه موضوع شائك ويختلف باختلاف الشخصيات وعادات كل بلد

بس بشكل عام اجوف القاعدة ( اللي أوله شرط آخره نور ) + دامه خطبج واهوه ما يعرفج يعني سأل عنج وعجبه اللي سمعه ما اجوف ان الزواج مشروع اصلاحي ياخذج عشان يغيرج دام مو عاجبك تقدمت ليش؟؟!!!!

اتكلم عن موضوع التغيير بشكل عام لا عن الحجاب

اذا كان التغيير المطلوب الى الناحية الدينيه افضل فابدا لا تترددي فيه
اما اذا كان للاسوا لازم تناقشية وتوضحي وجة نظرك

الله يوفقك ويهديك وايانا الى اقوم الطرق

شوفي الغالية انتي الحين على البحر وهو كذلك اذا قادرة تلتزومي بطريقته اللي يريدها توكلي على الله واذا ما تقدري لا تبهذلي نفسك من البدية كوني واظحة وصريحة

الحجاب من مكان لمكان يختلف والله المستعان