زوجك مايعجبه شي؟؟ولا اهله بعد..قطعتي نفسك عشان ترضينهم ولافي فايدة؟؟تعالي تعلمي هالسر
كثير منا تسوي المستحيل عشان يحبونها الناس وخاصة زوجها واهله..وتسوي المستحيل عشان ترضيهم ومع ذلك مايحبونها وتتافف وتقول مايعجبهم شي ؟؟وشذا الحظ؟؟وبعضنا تساعدهم وتدلع زوجها ع حساب نفسها ومع كذا مافي فايدة؟؟تدون ليش؟؟
انا اقولكم السر..اللي تعلمته بعد تجارب وقريت الكثير ورحت دورات..واخيرا عرفته..
بسالك سوال..تقدرين تحبين وحدة ماتحب نفسها؟؟تقدرين تمدحين وحدة تذم نفسها وتطلع عيوبها واخطائها؟؟لا طبعا..هنا مربط الفرس..يضعك الناس حيث تضع نفسك...حكمة عظيمة,,احفظيها واكتبيها ف قلبك..يضعني الناس حيث اضع نفسي؟؟يعني شلون؟؟يعني ماتحبين نفسكوتبين زوجك واهله يحبونك؟؟تكرفين كرف وتعذبين روحك بالشغل وتبين زوجك يدلعك؟؟اكيد فهمتوا قصدي الحين..رح اوضح لكم اكثر,,اول شي ابدي بنفسك.حبي نفسك بجنون ودلعيها وامدحيها بعد..بتقولين هذا انانية,,صح..لا ياقلبي الانانية اننا ماعليك احد ومايهمك الا نفسكبس..لكن هذي محبة للنفس
,,اهلنا علمونا من كنا صغار انا نحب الناس,,ونعطيهم..ونساعدهم, ونسامحهم,بس للاسف ماعلمونا نحب انفسنا..؟ماعلمونا نسامح انفسنا..؟قد سمعتي ام تقول لولدها حب نفسك..؟؟عمرك سمعتي وحدة تقول لبنتها سامحي نفسك؟؟لا طبعا ..طيب..شلون تبين الناس يحبونك وانتي ماتحبين نفسك؟؟وكيف ودك ان زوجك يسامحك وانتي ماتسامحين نفسك..حتى الاسلام امرك بحب النفس..ايه,,لا تستغربين,,انا اقولك وين,,شوفي قول الرسول عليه السلام"ان لنفسك عليك حقا وان للاهلك عليك حقا وووو الى اخر الحديث..اول شي بدا بنفسك..بعدين الاهل وكلمة الاهل تشمل الزوج..يعني هذي الطريقة المضمونة والاسلامية لكسب حب زوجك واهله واهلك,
,حبي نفسك..دلليها,,انتي تستاهلين,,برغم الظروف,,؟برغم الطلاق؟؟برغم الرسوب؟؟برغم زواج زوجي علي؟؟برغم كره اهلي لي؟؟برغم اني فقيرة؟؟برغم اني فاشلة..؟؟"جالسة تقولين لنفسك كذا صح"احب نفسي برغم كل هذا؟؟ايه,,انتي غااااااالية برغم ظروفك..بسالك لو قلت بعطيك 500 بس برشها بمويه ترضين؟؟بتقولين ايه..بقولك بزيد عليها طين..تبينها؟؟بتقولين اكيد؟؟طيب مو توسخت؟؟مويه وطين؟؟بتقولين بس قيمتها ماتغيرت..برافوا عليك..هذ انتي..رغم ظروفك قيمتك ماتتغيرت..انتي غالية ,,غالية على الله وربي..تدرين ليش؟؟لو ماانتي غالية ماااختارك مسلمة وحط ف قلبك اشرف كلمة"لا اله الا الله محمدا رسول الله وغيرك هانوا عليه فحطهم يهود ونصارى,,وغااااالية ع الرسول,ومن غلاتك وده يشوفك..ايه,الرسول وده يشوفك..ليش مستغربة؟؟شوفي وش يقول حبيبنا:وودت ان لو رأيت اخواني..قالوا اولسنا اخوانك يارسول الله؟قال بل انتم اصحابي::اخواني الذي ياتون بعدي ولم ارهم..شفتي الغلا ياغالية..؟؟
وهالورد لك لانك غاااااااااااالية ..غاااااالية وربي..انتي مو تستاهلين وردة ..تستاهلين باقة ورد,,
كل وحدة تعامل نفسها زي ماكانوا اهلها يعاملونها..اللي اهلها كانوا قاسين عليها ويجرحونها ويهينونها كبرت وهي تعامل نفسها كذا,,تشوف انها تستحق هالمعاملة,,واللي اهلها مدلعينها هي اللي تحب عمرها,,طيب وانتي صغيرة ومراهقة مانلومك تعاملين نفسك زي ماعاملوك اهلك,,بس الحين انتي كبرتي..انتي ناضجة,,واعية,,يعني لازم تلغين ماعودوك اهلك عليه من سوء التعامل مع الذات,,ما لاحد حق ف الكون كله انه يقرر شلون تعاملين نفسك؟؟ووبالتالي يقرر مصيرك..مالاحد حق انه يحدد نظرتك لذاتك ابدا ابدا..انتي وبس اللي تحددين نظرتك لذاتك,,انتي وبس اللي تقررين المعاملة اللي تستحقينها,,من الحين..قرري المعاملة اللي تستحقينها,,تذكري"يضعك الناس حيث تضع نفسك"حبي نفسك..دلعيها..امدحيها,,احترميه ا..هذي وصية الرسول لك ترا,,مو كلامي,,واي شخص مايحترمك او تلاحظين ان معاملته تنزل احترامك لذاتك او يحطمك..اقطعيه..او خلك معه رسمية او وقفيه عند حده..نفسك نفسك فوق كل شي,,امشي مع ناس ايجابية تساعدك ع حب نفسك,,واحترمها,,تساعدك ع تحقيق احلامك..تعلمك التفاؤل,,واقطعي العلاقات السلبية اللي تحطمك..وتجرحك,,لو عشرة 20 سنة,,اهم شي ذاتك,,لاتسمحين لاحد انه يكرهك ف عمرك..انا قطعت علاقة صداقة عميقة لمدة 16 سنة..لانه ماكانت تساعدني ع حبي لنفسي,,عودتها ع السخرية مني والتحطيم,,بس بعدين تغيرت وقررت احب نفسي وحذرتها ولا تغيرت,,لانها تعودت ,,وقطعتها نهائيا,وووواه يابنات,,ارتفعت معنوياتي,وزادت ثقتي بنفسي..اهم شي نفسي,,طز ف لعشرة اذا بتكرهني ف عمري..الصديقة الحقيقية هي اللي تساعدك تحبين نفسك وتحترمينها..
..يا بنات,,ياحبيباتي,,لا تياسين..البداية يمكن تكون صعبة..شي طبيعي,,لانك ماتعودتي..بس مع الايام بتوصلين مرحلة العشق لذاتك..اعرف وحدة تقول صرت اذا صحيت الصباح ابوس نفسي ف المراية,,كل اليوم الصبح كرري احب نفسي,,احترم نفسي,,نفسي غالية,,تستاهل الدلع,,ومع الايام ابشري بعشق نفسك,,بتتقبلين نفسك بعيوبها واخطائها,,واللي حولك بيلاحظ,,زوجك بيحترمك اكثر.واهله بيهابونك..ومع الايام بتحافظين ع حقوقك..وتكتمين اسرارك..ومارح تجاملين احد ع حساب نفسك ابدا,,هذي نتيجة حتمية لحب النفس ..ومع الايام بيزيد حبك لزوجك ولعيالك ولاهله,,تدرين ليش؟؟لان نفسك بتفيض بالحب,,لان فاقد الشي لا يعطيه,,اول ماكنتي تحبينها,,يعني حبك لزوجك كان ناقص,اما الان..بتموتين فيه...استرخي يوميا,,دهني جسمك بزيوت عطرية,,روحي مطعم هادئ,,وقولي انا استاهل,,نفسي الغالية تستاهل,,اشتري لبس حلو,,مو لابو الشباب عشان يشوفك ولا عشان الناس,,لا عشان نفسك,,اكشخي لنفسك,,لانها تستاهل.. اطبخي طبخة تحبينها,وقولي هذي لك يا فلانة.. ابدئي من الحين وكنك طفلة ..جديدة ع الدنيا..
لعيييونكم