قصة ولاتي الثانية بحبيب قلبي قسووووم

قصة ولادتي الثانيه بحبيب قلبي قسووووم 

اخر موعد دخلت فيه عالدكتورة قررت لي طلق صناعي عقب اسبوع لو ماولدت وخلال الاسبوع لو حسيت بصداع وزغلله لازم اروح الطوارئ يدخلوني حالات طارئه 

وكنت نفس الوقت واني قاعدة وي الدكتورة الالم مو موقف م̷ـــِْט الصداع خلصت م̷ـــِْט الدكتورة ورحت الطوارئ لزوجي طايح بالشغل والممرضات هناك يجوفوني يقولون لي رجعي البيت وزوجي يقول رجعي في الاخير برجع شوي وطلع زوجي ورجعنا البيت 

وكنت تعبانة م̷ـــِْט قلب واغلب الا حولي يقولون عن الطلق الصناعي ويخفوني فقدت بيني وبين نفسي افكر بسالفه دخلتي المستشفئ اقول مردي بدخل عاجلا ام اجلا ولو اللـَّـہ اراد لي طلق طبيعي بجيني بوقته واختي بعد قالت لي نفس الشي وشجعتني وقام جسمي يرجع ينتفخ فتوكلت علئ ربي ورحت الطوارئ 

الطوارئ طبعا م̷ـــِْט جافوني جيكوا عالبيبي واخدوا تحاليلي ودخلتني ترقيد وطلق صناعي م̷ـــِْט الصبح يوم ثاني ويوم ثاني كان جمعه فما دكاترة الا اللي بالطوارئ 

ومن اصبحت جت الدكتورة وكنت م̷ـــِْט قلب خايفه هي خلتني اهدا شوي وحطت لي الطلق الصناعي وكانت اول تحميله لي 
وطبعا ماسوت مفعول فيوم ثاني ردوا حطوا لي تحميله والدكتورة الا حطت لي قامت وحاولت تسوي لي توسعه شوي والعصر م̷ـــِْט جديد كانت لي تحميله ثالثة عقب هالتحميله جاني الم خفيف ورد راح وفي الليل جاني الم ومن الصبح كان يوم احد جت دكتورة لي دي الا  أنَـــƠ̴̴̴͡ـ̮Ơ̴̴͡ـــي  تحتها كانت دبدوبه ودفشه طبعا ما اقص علئ روحي وعليكم الفحص يالم وتخيلوا ايد متينه ودفشه قامت بكل دفاشه حسيت روحي بتطلع منها فبس حطتها شوي وزاد الالم لان اوردي كنت اتالم 
بس انتكست حالتي ديك الوقت جاني طلق وراح بس تعبت تعبت لدرجه كان ممرضه علئ راسي واقفه تراقب حالتي وجت لي الدكتورة الاخصائيه الكبيرة بنفسها كنت تعبانة بكل مايحتويه الكلام فبس خف الالم بعدين واني صرت ماحس بالموجودين ارفع راسي وانزله ماقدر ارفع جسمي وهم خلوني ارتاح علئ الظهر جتني الممرضه فحصتني وكنت مو راضيه اقوليها يالم الدكتور دبدوبه ماقدر يعورني هي تقولي مابعورش وفحصتني كنت 2 سانتي صار عندي امل بولد وبرتاح وجه الليل بدون اي بوادر ونمت وقعدت يوم ثاني نفس الشي بس كان يوم الاثنين وبما ان اخدت 4 تحميلات يعتبر هدا كورس فلازم راحه يوم فما حطوا لي كلش بس كانت نفسيتي دمار م̷ـــِْט قعدت جيبوا الدكتورة وينهي  أنَـــƠ̴̴̴͡ـ̮Ơ̴̴͡ـــي بطلع مابقعد يقولون لي الدكتورة جت جافتش نايمة راحت واني مصرة يتصلون ليها تجي بعدين تعبت ماقمت احس بشي هم في البدايه مادروا عني جو يشيلون التخطيط يحسبوني نايمة زين انتبهوا ليي جو خايفين بس  أنَـــƠ̴̴̴͡ـ̮Ơ̴̴͡ـــي ماقدر ارفع راسي لما شوي قدرت الممرضه تقولي تعبانة لان تبين تروحين البيت اقول ليها لا  أنَـــƠ̴̴̴͡ـ̮Ơ̴̴͡ـــي تعبانة مو عشان البيت مرة وحدة ماقدر ارفع راسي ودايخه

يوم ثاني رجعنا للطلق الصناعي وكانت خامس تحميله وطبعا الدكتورة ام ايد دبدوبه كنت رافضه اخد التحميله اقوليها تعبت في الاخير اخدتها ونفس الشي بدون اجابة 

العصر جت دكتورة ثانية عشان تحط تحميلة بعد كانت ضعيفه ارتحت شوي لما فحصت حسيت الموت مو الايد المتينه اخس دفاااااشه ما ارتحت الا لما خلصت الا تقولي مابحط تحميله لان وصلتين 3 سانتي وباجر لو ماجاش الم وطلق ندخلش الولادة نفتح الماي ونحط طلق بالسيلان هني خلاص عرفت  أنَـــƠ̴̴̴͡ـ̮Ơ̴̴͡ـــي بولد خلاص  وطول الليل اتمنئ ينفتح الماي لان قالوا لي يالم ومادري شنو 

يوم ثاني كان يوم الاربعاء 24/4/2013 جت الدكتورة وقالت لي بندخلش ونفتح الماي وطلق بالسيلان ولو طولتين نسويش عملية بس ننطر يفضئ سرير وندخلش هني مادري شفيني قعدت اصيح وخايفه وابي اجوف اهلي وزوجي و ولدي مو دلاعه بس خوف نابع م̷ـــِْט داخلي سببه شنو مادري 

على وقت ادان الظهر تقريبا خلاص بدخل الولاده دخلوني وجهزوني وجت الدكتورة الا بتفتح الماي كنت اصيح بس اللـَّـہ عطاني رحمة ديك الوقت كلهم حليوين ووطيوبات وهداوني وقالوا لي ما يالم وصدق ماحسيت بشي كلش فتحوا الماي وجت دكتورة ثانيه قالت الساعه 4 لو ماجاني طلق بحطون الطلق بالسيلان 

وجت 4 نفس الشي  أنَـــƠ̴̴̴͡ـ̮Ơ̴̴͡ـــي بدون بوادر حطوا الطلق بالسيلان وعطوني ابر مساعدة تسرع الطلق كان كل م̷ـــِْט يدخل علي يصيح ويمشي بعدين بدا الطلق يحمي وتعبت ازيد وكل مازاد الالم اتعب بعدين قمت اصرخ جيبوا امي ابي امي ابي اختي ابي حسن دخلوا لي اختي كنت احس بالموت عقب دخلت امي ماقدر اجودها احس اخف شوي بس كل طلقه اخس وكنت تعبانة عدل تنفسي بدا يقل وعشان يخف الالم الا فيني شوي جابوا لي الاكسجين الا بالعمليات لما جافوني تعبانة واجد كنت اصرخ م̷ـــِْט الالم واهدا ولما خلاص بولد كنت محتاجه احد صوبي القابله بروحها نادت معاها وحدة ثقيله ابي بس احد اجوده مافي تقولي  أنَـــƠ̴̴̴͡ـ̮Ơ̴̴͡ـــي مافيني شده تكسريني جسمنا مايتحمل بالغصب خلتني اجودها ولما طلع البيبي ارتحت خلاص  قامت تقولي عيب يقولون حرام عليكم احنا نساعدش هني انتين مسلمة قلت ليها  أنَـــƠ̴̴̴͡ـ̮Ơ̴̴͡ـــي ماقلت كنت دايخه خلاص وداك الوقت الانسان مايعرف شيقول اصلا

طلع قسوم المهم الساعه 7:50 مساء ونور حياتي م̷ـــِْט جديد 
فيارب تعديه وتهدي اخوه ويحفظهم لي 

واتمنئ منكم دعوة م̷ـــِْט القلب بحفظ عيالي وهدايتهم ويارب تسهل علئ كل حامل وترزق كل محرومه يارب ومايحط احد بمكاني ولا يراويه التعب الا جفته كلش