الموضوع يقهر

السلام عليكم

بنات رديت على نفس المشكله واللي كانت في موضوع ( امي وانانيتها ) اخر رد من ابوي لي اوكي خلاص بكتب كتابج على الولد وامج رضت لكنها ماتبي أي شي من سوالف الحفلات والخ وكأني مو بنتها بس بشرط قالي بسافر خلال هليومين ومن ارجع بخلص موضوعج وانا وافقت وفرحت سافر شهر ورجع واشوفه ساكت عن الموضوع وخلال سفره امي كلش ماتقعد في البيت مع اختي وريلها كله برع وترجع اخر الليل طلعات وسفرات السعوديه تغير جو او المنتزهات وانا ارجع من الدوامي محد في البيت وجريب برقد اهم يدخلون البيت على هالحال الى ان رجع ابوي من السفر امي فاتحته بموضوع السفر برع الخليج وتبي مبلغ وقدره واهي كانت مخططه مع اختي قبل لا يرجع ابوي من السفر ومن رجع فاتحته بالموضوع وطلبت منه مبلغ وقدره انا كنت حاطه في بالي مابيوافق بس انصدمت يوم قالها أي سافرو انتو واليهال استانسو ودوهم مكان بعيد يستانسون ويلعبون انا انقهرت تميت اسمع كلامهم لمدة كم يوم وصلت لحال ماقدر اسكت وكلمته جدام امي وقلت له متى بترد على الناس بالموضوع اللي وعدتني فيه رد علي رد قهرني انا مريض وتعبان ماقدر اسويلج الموضوع الحين :!!:قلت له شفيك مريض سكت وقالي مريض وبس تدرون انقهرت عليه ورديت عليه اوكي انتي ماراح تسوي الموضوع لكن بعد شهر باخذ اجازه وبسافر وبلعب مثل ما انتو قاعدين تلعبون في البيت والله يابنات ان مارد علي بولا كلمه كأنه يقولي روحي لعبي بس زواج مافي يصرف على اختي وزوجها وعيالها وامي فلوس بالهبل وانا بس مخليني له اخلص اشغاله بالكتمان والله يابنات ان يسوي اشيا انا ادري عنها لكن محد يدري في البيت وانا عمري ماطلعت أي سالفه يسويها وعقب ماخلص شغله يرفسني والله يابنات اني دعيت عليهم في قلبي ومو مسامحتهم ليوم القيامه والله يا بنات انا محافظه على نفسي عن الحرام ابي الحلال وهم مانعيني يابنات فكرت اشكي عليهم بس ماعندي الجرأه اني اسويها :thumbs_down:دخلت الغرفه اصيح وقلت لهدرجه في اهل يرضون بالغلط حسبى ونعم الوكيل