(موضوع مميز)"تشيز كيك" بطريقة بسيطة مع الصور..

السلام عليكم ورحمة الله وبركاته

اليوم هتشوفوا معايا طريقة عمل الـ تشيز كيك من مطبخى وبالصور ويارب الطريقة تكون سهلة عليكم وتعجبكم بعد ما تجربوها وبألف هنا ..




أول شىء نبدء به ( المقاديــــر)

و زى ما واضح فى الصورة

2معلقة سمن أو زبدة
7 معالق صغيرة نيدو
3 قطع جبنة كيرى
3 معالق سكر كبيرة
علبة زبادى
كيس بسكوت سادة
كيس دريم ويب
كيس جيلى ..النوع المفضل






.
.
.
هنا طحننا البسكوت فى المطحنة




.
.
.
هنا هنحطه على النار مع معلقتين السمن ونقلب تقليبة بسيطة ونطفى



.
.
.
هنا هنبتدى نوزع البسكوت بمعلقة صغيرة ونساويه بظهر المعلقة كما موضح بالصورة



.
.
.
أما هنا طريقة عمل التشيز
هنضرب فى الخلاط :

الـ 3 قطع كيرى
مع ..الـ 3 معالق سكر
مع .. الـ 7 معالق نيدو
مع .. الــ دريم ويب
و علبة الزبادى .


بالشكل ده ...



.
.
.
بعد ما نضربهم كويس فى الخلاط هــ نضيفهم على البسكوت بمعلقة زى ما فى الصورة ....



.
.
.
وندخله الفرن 10 دقائق فقط



.
.
.
بعد ما خرج من الفرن...هــ نحطه فى التلاجة 1/3 ساعة ( ثلث )ساعة ..








*(فى الوقت ده نكون بنجهز الجيلى وننقص مقدر الميه بحيث يكون الجيلى سميك نوعاً ما )



.
.
.
نبتدى نضيف الجيلى بالمعلقة فوق التشيز شوية شوية بعد ما تهدى سخونيته ونرجع ندخله التلاجة إلى أن يتماسك الجيلى و دى آخر خطوة ..



.
.
.

وهنا نقدر نقول بالهنا والشفا












..
يارب أكون قدرت أفيد بطريقة بسيطة ......
أسأل الله أن ينفعنا بما علمنا ويجازينا كل الخير
استودعتكم الله حبيباتى وإلى اللقاء فى موضوع آخر بإذن الله

السلام عليكم و رحمة الله وبركاته