حكايا الليل ....القصة الثانية عشر ص32

السلام عليكم ورحمة الله وبركاتة
في البداية اشكر الاخت اكليل الورد واشكر باقي المشرفات الي اعطونا الفرصة والمجال علشان نحكي قصص ما بنقدر نبوح بها لاحد.
انا بنت زي اي بنت بالعالم بتحلم في بيت وزوج واطفال و,الحمد لله ربنا رزقني بزوج خلوق وفي جميع الصفات التى تتمناها اي فتاه ,
وكانت حياتي سعيده جدا ولا ينغصها الا المشاكل المعتاده بين اي زوجين .

لحتى بيوم حصلت حادثة قلبت حياتنا راسا على عقب .

ابتدت قصتي بيوم خطوبة اختى وانا اختها الوحيده ووالدتنا متوفية يعني انا واختى ما النا الا بعض وطبعا اكيد لازم اكون معاها بكل التفاصيل .
قضينا اليوم من الصبح بالصالون لتجهيز اختى وقبل ما اروح مع اختى عالصالون اكتشفت انه الغسالة ما بتشتغل وفيها عطل ,فاخبرت زوجي بالموضوع وقلي رح يصلحها اليوم ورح يجيب صديقة اله خبرة بالتصليح ليصلحها وفعلا احضر صديقة واتصل في وقلي انهم بيصلحوها .
المهم ضليت لحد العصر مع اختى بالصالون ولاني حامل وحملى متعب جدا قلت لاختى رح اروح عالبيت شوية ارتاح وبرجع ,وخاصة انه العريس رح يكون موجود بالحفلة فانا مارح انزع حجابي وكل الي بدي ياه مكياج خفيف ,وقلت برجع قبل موعد خروجها بساعه .

المهم روحت عالبيت ونسيت تلفوني بالصالون وما عرفت ارن على زوجي اخبره اني روحت وبيتنا اله بابين انا دخلت من الباب الخارجي علشان حتى لو كان صديق زوجي موجودما يشوفني لما ادخل من الباب .

المهم لما دخلت ما لقيت سيارة زوجي بالكراج ودخلت عالبيت ناديت عليه ما رد دورت عليه بالبيت برضه مش موجود دخلت على مكان وجود الغسالة لقيتهم مرجعينها مكانها يعني صلحوها ,فبدلت ملابسي ولبست لبس بيت خفيف فستان بيتي واي وحده بيتها ممكن تلبس اي اشي والفستان كان كاشف الصدر والضهر وقصيرجدا بس انا ببتي يعني بلبس الي بدي اياه , وطلعت من غرفة النوم بدي اشرب ماء .

تفاجأت بصديق زوجي موجود ضليت واقفه ما عرفت كيف اتصرف وايش اعمل .وهو لف وجهه وطلع بسرعة زوجي دخل وشافني هيك وكان يوم ما يعلم فيه الا الله جميع انواع الشتائم الي ممكن اسمعها بحياتي سمعتها بهداك اليوم .
ومن يومها لحد اليوم القصه مر عليها تقريبا شهر حياتي اتقلبت راسا على عقب وزوجي ما بيكلمني نهائيا بيرجع عالبيت بوقت متاخر جدا وبيطلع بدري جدا وكل ما احاول احكي معه بيصدني وما بيعطيني مجال نهائيا انه نحكي .

تعبت نفسيا وجسديا حياتي بعد ما كانت كلها حب وسعاده صارت نكد ومشاكل هي قصتي الي ما حكيتها لحد لانه صعب ابوح فيها لاي حد وهو حلف علي يمين طلاق لو حدعرف رح اكون طالق وانا وصلت لمرحة مش عارفه كيف اتصرف كيف ممكن احل هالمشكلة هو مش معطيني مجال نهائي للكلام والنقاش تعبي فاق كل الحدود والتصورات