~~{( التجمع الثالث لمواليد (6) يونيو 2013 )}~~

شروق
الله يساعدج صار مسؤليه اثنين الحين

تناوي
ما تشوفي شر وانتبهي لحالك

الله يعينكم يا امهات و الفال للبقيه بولاده السلامه

بناات منو صادتها حساسية الحمل وتعالجت ولا خففف منها
انا صادتني من اسبووع وذابحتني
حد يعرف شيي يخفف الحكة بموووت منها :'(
دورت في النت كل اللي مكتوب ماتروح االا يوم الولاده :(

شروق التميمي;16524687:
عروس المهم تكومين بالسلامة يارب

:o

sweet lady88;16525115:
قصة ولادتي ب شذا نور حياتي

يوم السبت كان موعد مراجعتي و كانت عندي الاام طول الاسبوع اللي قبله
و كنت ناويه اقول لدكتوري تفحصني و تسويلي مسحه بالمره

طبعا فحصتني الدكتورة و قالت أين مفتوحه 3 سم و الراس داخل بالحوض خلاص
و الماي قريب ينفض طبعا أنا فرحت و استانست قالت حابه ننومج و نعطيج طلق صناعي و تولدين

أنا خفت من الطلق الصناعي لاني مجبرته في بنتي يعؤر
قلت لا بروح البيت ومتى ما حمي الطلق برجع قالت اوكي
و طبعا سوت لي تخطيط و كان في طلق عالخفيف

يوم روحت البيت زاد الالم و كان يروح و يرجع صبرت لين الساعه ال 12 باليل و رحت
توقعت بكون مفتوحه 5 عالاقل جت دكتورة الطوارى و فحصتني قالت من 2 إلى 3

أنا تفاجأت الصراحه و قلت مابروح لان الالم زاد كثير و دكتورتي قالت لي الظهر ممكن بعد الحقنه الشرجيه بيزيد الطلق دخلوني قسم التوليد و عطوني حقنه شرجيه و بعدها زاد الالم و صار فعلا طلق ولاده و منتظم خلاص الين 5 الفجر جت دكتورتي طلعت مفتوحه 5 فكت لي الماي و راحت بعدها زاد الطلق و صار حااار جدا و بعدين عطوني ابرة طلق صناعي و ابرة مسكنه أنا طلبت بعد ما عرضوها علي ابرة عاديه مو ابرة الظهر بس الله لا يوريكم ما سكنت لي الالم نهائيا بس خدرتني صرت ما قدر اتكلم و لا اتنفس و لا اصارخ تخيلوا تعبت واجد الحمدلله على كل حال
و بعدين حسيتت بدفع و ناديتهم يفحصوني طلعت مفتوحه 7 زادولي طلق صناعي و قالوا خلال نص ساعه بتولدي و فعلا بعد نص ساعه فتح الرحم كامل و نادو الدكتورة وبدأو يقولوا لي بوش طبعا تعبت كثير حوالي نص ساعه و أنا اسوي بوش و بعدين طلعت بنوتي الحلوة الحمدلله و خيوطني و الحين تعبانه من الخياطه و مب عارفه شو اسوي

الحمدلله على سلامتج وسلامة النونو... باي مستشفى ولادتي؟؟

أم ريمآني;16526064:
لا لو على ولادتي جان ولدت من الاسبوع ال35
بس عشان البيبي والرحم متهيئين و الله اعلم ..

الله يسلمج اختي ..
هههههههه ما ادري على اي اساس الناس يقولون البجر تتأخر ..
والله متى ما ربج سهلها بيقول لج مامي ايم كمينغغغ .. ;)

والله صدقتي.. يلا التساهيل من رب العالمين

نفسي أغنيلك دوها يادوها;16525943:
شروق
الله يكتبلك الاجر يارب كيف حاسه دحين حبيبتي. انشالله خف الالم
خوفني كلامك لانه كمت متوقعه انه اسهل من الطبيعي

اشكرج دوها

الحمدلله اكيد احسن بهوتي راح الصعب
لتخافين تعبتها اول 3 ايام بس تنتهي عدى كل شي والباقي سهل :)

الله يسهلج ان شاءالله

ام ريماني اي والله

الله يسلمج حبيبتي :)

رسمتك الحمدلله على كل حال
عدت تلك الايام :)

الله يسهل بس ويعدي هالشهرين مشتاقة اشيل يوسف :)
جاي اتعذب من اريد اغسلة تكرمون اذا اريد اغيرله لحفاظ لازم اصيحاحد يشيلة واغسلة وبعدين يشيلوة للغرفة ابدلة

في بيت ابوي اي والله
بس تدرين المتعب حاليا يوسف
دائما جاي ادعي من ربي انه تبقى بنتي هادئة
لان اخوها متعب وحرك وصاير عنيد ومايسمع كلام

كيوت قصدج حكة بالبطن تصير اذا اي اني جنت اخلي بودرة
تبرد شوي

ام ساجد مكانها خالي

بنات انا ولادتي برمضان ان شاء الله.. عادي اكل عجوة من الحين.. واشرب ماي زمزم...؟؟

بنات كله الم ف ظهري
شنو هي تعبت

شروق التميمي;16526866:
كيوت قصدج حكة بالبطن تصير اذا اي اني جنت اخلي بودرة
تبرد شوي

ايي هي بدت بالبطن عقب كل جسمي نفس قرص النامووس حبوب حمرا صغيرا
الله كريم هانت

ايوا الله ام ساجد كثير اشتقتلك حبيبتي
ومخمليات كمان

عروس حبيبتي لو دخلتي التاسع بلشي بالتمر بعد الوجبه
في ناس يقولو بعد كل وجبه وناس تقول بس مره وحده باليوم
وموية زمزم ما ادري والله بس اشربيها ليش لا

رسمتك داخل عيوني
اتوقع تهيئة رحمك عشان الولاده بس لسا بدري عليك
تدخلي التاسع انشالله بالاسبوع السبعه والثلاثين
يعني انشالله قدامك وقت بس ادا زادت وما اتحملتي روحي لدكتورتك

بنات كثير خايفه من الولاده زعلانه من نفسي لانه الخوف والقلق ياخر الولاده نفسي كدا اخلي اعصابي ترتاح بس ماني قادره
خايفه من الجرح والخيوط

دوها تمام وبديت اقرا على ماي زمزم واشربه والله يسهل علينا

لا دوها حبيبتي لا تقولين جي والله ما تدرين انا خوافه يمكن اكثر منك بمليون مرة وسعي صدرك هذا حلم كنا نتظره من زمان والحمدلله تحقق.:: حياتي مو شرط الي صار لهم يصير لك يعني مو شرط يسوون لك خياطة ولاشق الا اذا احتجتي... وانا دكتورة نبهتني ما اسمع ولا قصه ولادة ولا اسال ادري فضول يذبح بس والله كلامها حق ... والتساهيل من رب العالمين.. والطب تتطور والحين في شي اسمه بنج وقت الخياطة والشق واصلا ما راح تحسي به.. لا تسمعين كلام حد وفي ناس تبالغ بعد تقول شفت الموت وبعد الاربعين تلاقينها حامل بالثاني ههههههههههه... فكري في السوريات اللي يولدون وهم في حالة رعب مساكين القصف من صوب وما عندهم بنج ولا شي تخيلي وهالكلام صاحبتي قالت لي.. استغفري وادعي لنفسج واي حد تشوفينه قوليله ادعي لي... ترا كل حاله تختلف والله في وحدة من صديقاتي ولدت في ربع ساعه ما شاء الله والثانية قالت صح تعب بس في حريم تبالغ .. تذكري نحن بنكون تحت رحمة رب العالمين .. ابدي امشي وطنشي لان كذا ولا كذاك لازم نولد لازم نولد غصبا عنا ههههههههه.. حبيبتي ذكريني ارسلك ادعيه للتسهيل لان داخلة اكتب لك من جوالي

حبيبتي عروس ماتتصوري قد ايش ريحني كلامك
مانحرم منك ويارب الله يكتبلك اسهل الساعات
ياقلبي الله يساعدهم ويرجع امنهم
معاك حق الله وحده اعلم قد ايش تعبنا والحمدلله ماخيبلنا دعا
غلطتي اني قرات عن قصص المخاض والولاده حتى بوقت التخطيط والفحص
ماشفتيني كيف ارتجف
السستر سارت تهديني زي الاطفال والله استحيت من نفسي اتوقعت اكون صبوره لانه ماجا الجد
حتى الدكتوره كانت متفهمه وانشالله تكون موجوده بولادتي الوحيده اللي ارتحتلها
جالسه اكل تمر وامشي وتقلصات تروح وتجي الحمدلله
كانو ناوييني بالقيصري بس اصريت يصبرو عليا ويدوني فرصتي
والاشيا الدافيه مره اكويسه تحرك الطلق انشالله لو انتي بالتاسع لاتشربي بارد ركزي عالدافي اكتر