~~{( التجمع الثالث لمواليد (6) يونيو 2013 )}~~

تتاوي و ام ساجد
الله يسهل عليكم يارب

أم ريمآني
آنه بعد المفروض امشي اكثر لكن التعب والثقل ماخذ مأخذه الله يسهل علينه يارب وشخبار مخمليات

صباح الخير

شلونكم و شخباركم ؟؟

الف مبروك للي ولدوا ما قدرت اقرا كامل الصراحة .. و الله يسهل على الباقي

عشق الحياه
اهلين صباح النور وينج مختفيه , طمنينه عنج

صباح الخير كروشات

الله يسهل علينا و يقومنا بالسلامه احس تعبت خلاص

sweet lady88
صباح النور , اي والله صار تعب وثقل الله يهل علينه ويقومنه بالسلامه

قائمة الحوامل لشهر يونيو 2013


1.6.2013
أحلى أم 2012
دمعة الوداع


3.6.2013
دوا الروح


6.6.2013
احبك ياامي


11.6.2013
حصاصي ولدت بالسلامه


12.6.2013
عبق السادة


13.6.2013
شروق التميمي ولدت بالسلامه
Qute.Qa


15.6.2013
مخمليات ولدت بالسلامة
تتاوي
فديت عطره


18.6.2013
الابتسامة القادمة
منى القلب رؤياك


20.6.2013
Sweet lady 88


23.6.2013
أم ساجد


24.6.2013
شاغل لي بالي ولدت بالسلامة
جرح الصمود


25.6.2013
عشق الحياة


28.6.2013
عنود الصيد
روحي تحبه ولدت بالسلامة
ام ريماني


29.6.2013
في بيت أبوي

والفال للباقي ولاده السلامة ان شاء الله

ام ساجد
فينك حبيبتي مالك صوت
اتمنى اللي ولدو نشوف ردودهم مع انهم مشغولين الحمدلله اللي تمم لهم بالخير

بنات الفتره هادي احس بالم زي الدوره وبنفس الوقت عندي امساك الله يكرمك
ماني عارفه سبب الالم هل امساك ولى استعداد طلق؟؟؟ ياليت اللي عندها فكر تطمني

في بيت ابوي

انا بخير تعبانة هالجم يوم
ابي اخلص اغراضي و اشطب شوي شوي

يعني بقت لي تناتيش كلش صغيرة
مثل ورق صواني
قند
ماي
وابي اسكر شنطتي و ارتاح

نفسي أغنيلك دوها يادوها;16520330:
ام ساجد
فينك حبيبتي مالك صوت
اتمنى اللي ولدو نشوف ردودهم مع انهم مشغولين الحمدلله اللي تمم لهم بالخير

بنات الفتره هادي احس بالم زي الدوره وبنفس الوقت عندي امساك الله يكرمك
ماني عارفه سبب الالم هل امساك ولى استعداد طلق؟؟؟ ياليت اللي عندها فكر تطمني

تخيلي أنا تجيني الاام زي الطلق و منتظمه كل عشر دقايق و تقعد معي ساعتين عقب يختفي كل شيء. و اتحطم

نفسي أغنيلك دوها يادوها
الالم هذا عادي في الاشهر الاخيره استعدادا للولاده , وبالنسبه للامساك كثري من شرب الماي والفواكه والخضروات وخصوصا الورقيه وراح يتغير الحال والله يخفف عليج ان شاء الله

عشق الحياه
ما عليج شر ان شاء الله تصدقين بالضبط نفسي هالتناتيش بعد باقيه علي قلت بسوي طلبيه القند بعدين قلت باخذ جاهز وخلاص عشان افتك باقي علي امور الضيافه

الله يهونها علينا يارب احس نفسياتي متحطمه اليوم الدكتور يقول لي بحاول اعمل لك لف للبيبي عشان الراس ينزل تحت وماعرف عن الموضوع هذا اي شي وهل خطر ولا لا والدكتور الثاني يقول لا هتروحي عملية علي طول ماادري اسمع كلام اي واحد فيهم تعبت واساس نفسيتي مومتحمله اكثر يكفي التعب اللهم سهلها يالله واللي تعرف شئ عن موضوع لف البيبي لاتبخل علي ارجوكم

مساء الخيرات ياحلوات

مشكورين كل اللي تحمدو لي بالسلامة الفال لكم تفرح نظرتكم بشوفة مواليدكم ان شاء الله


باخبركم قصه ولادتي
انا من تاريخ ٢١مايو الدكتورة قالت لي اسوي تخطيط كل يوم لان ماي الياهل قصر زود وضغطي عالي وايد وكانت تبي تولدني تاريخ ٢٢بس انا مارضيت وتميت اروح تخطيط دقات قلب الياهل كل يوم يوم الاحد تاريخ ٢٦رضحت وقالت لي مب زين تخطيطج بس روحي انتي باجر بعد بتين حق تخطيط ورحت ورجعت يوم الاثنين عشان اسوي تخطيط وكان المفروض اخر تخطيط لي لان الدكتورة بتوني الاربعه تاريخ ٢٩ والثلاثه باترقد سويت التخطيط النرس قالت لي زين بس يوم جافته الدكتورة ماعجبها قالت لي روحي اكلي
شي ورجعي عيديه وانا كنت متفقه مع صديقتي بازور صديقتي والدة بعد فكلمتها واعتذرت اني مابقدر اروح ورجعت عدت التخطيط النرس قالت لي تقولج الدكتورة نطري تبي تجوفج سوي لي موعد المهم دفعت حق الموعد ودخلت على الدكتورة الساعه ٨.٢٠
سوت لي التراسوند قالت لي في نبض وتنفس بس حركة الياهل وايد قليلة وبولدج الحين طبعا انا كنت في حالة صدمة وقلت لها اوكي بس مافي غرف فاضية انا توني رايحه الاجنحه ومشيكة اذا مافي غرفة باروح التخصصي اولد
الدكتورة سوت اتصالاتها وطلعت لي غرفة في جناح ١٦ وقالت حق زوجي بس روح قسم التامين كمل اجراءات الادمشن وطلعت منها رحت الجناح مع النرس وكلمت امي قلت لها صكي شنطتي وشنطة البيبي وتعالي طبعا امي ارتبكت وتفاجات وياوني بسرعه خياليه وكلمت صديقتي حق تتصل حق الاوردرات وكلمت اخت زوجي خلال ربع ساعه ماشاءالله كان ١٨ شخص من اهلي واهل زوجي موجودين في المستشفى ودخلت العمليات الساعه ١٠ وسووو لي بنج نصفي ودخلت معاي وحدة من الاهل اهي نرس في المستشفى العسكري

والساعه ١٠.٤٢ شرفت بنتي الجميلة جوان

وتمت تخيطني الدكتورة ساعه الا ربع وعقب طلعوني ودوني الجناح وطبعا طلع الحبل السري كان ملتف على رقبتها وجتفها عشان جذي كانت الحركة قليله
وان شاء الله بانزل لكم صور الرسبشن

الله يجعلها من الذرية الصالحة ويبارك فيها

اختي حصاصي ولدتي في العسكري
شلون كانت معاملتهم
والنرسات اوكي ولا مثل ما يقولون البنات انه نزرين وهاللون
انه اشوفه في المراجعاات حبوبات ودوم يبتسمون
والحمد لله على سلامتج اختي وتتربى في عزج البنوته

في بيت ابوي .. انا مادري اسوي او لا القند قلت باخذ العادي وخلاص بعد حتى القند لازم نتفنن فيه
خلاص تعبنا تفنن

حصاصي حبيبتي الف الحمد لله على سلامتج وسلامة جوان

حصاصي
الحمدلله عالسلامة حبيبتي وتتربى جوان في عزكم ان شاء الله وفعلا حتى احنا تفاجأنه بخبر الولاده لكن الحمدلله عالسلامه وناطرين التقرير ودعواتج ربي يسهل علينه وشخبار مخمليات اذا عندج اتصال وياها وايد فرحت انج طليتي علينه وكتبتي قصتج كأنه غيرت اسم البنوته بس حلو

عشق الحياه
صح كلامج تعبنا تفنن وقلت باخذ العادي وخلاص لانه اصلا الحين حتى المشي متعب والحركه ثقيله

حصاصي الف مبروووك الولادة والف الحمدلله على سلامتك وسلامة البيبي
مثل اختي سوولها قيصرية عشان الحبل السري كان ملفوف على البيبي
الله يسهل علينا يارب


نفسي أغنيلك دوها يادوها الامساك اشربي كل يوم ملعقة برافين انا نصحتني فيه الدكتورة وصايرة كل يوم اخذ ملعقة منه
وعن تجربة اكلي ( رطب ) مش تمر لان يرطبلك بطنك ويبعد الامساك عن تجربة وكمان يسهل الولادة

الحمد لله ع سلامتك حصاصي
شخبارج احين مع الخياط

حصااصي الحمدالله ع سلامتج انتي والبيبي تتربى بعزج ان شالله

أم عبدالله0;16520354:
الله يهونها علينا يارب احس نفسياتي متحطمه اليوم الدكتور يقول لي بحاول اعمل لك لف للبيبي عشان الراس ينزل تحت وماعرف عن الموضوع هذا اي شي وهل خطر ولا لا والدكتور الثاني يقول لا هتروحي عملية علي طول ماادري اسمع كلام اي واحد فيهم تعبت واساس نفسيتي مومتحمله اكثر يكفي التعب اللهم سهلها يالله واللي تعرف شئ عن موضوع لف البيبي لاتبخل علي ارجوكم

لالالالا انا قالولي بعد يلفونه لي بس نسبة النجاح 70 بالمية و المشيمة يمكن تلتف و النبض يمكن يقل شحادج