*.&. سؤال الى كل عروس كم ميزانية الزهبه وكيف قسمتيها؟.&.*

[CELL=filter: glow(color=purple,strength=5);][ALIGN=center]
بنااااااااااااااااااات:rolleyes: وين التفاعل مب شرط العرايس حتى اللي عرسوا يعني المتزوجات حاليآ قولولنا كم كانت ميزانية الزهبه وكيف قسمتيها؟؟حد المعرس يعطيها 100الف وحد50الف،،وانا من رايي الوحده تاخذ من الزين بس ماتبالغ في المشترى مثال فساتين السهره 2 او3 زين عشان ماتنتهي موضتهن ولا تمتن عليهن ويطيحن في جبدها ولا شورايكم..؟؟
[/CELL]

عنود الصيد......سلام عليج.....

تبين الصراحة اختي اول ما قريت العنوان قلت اكيد بحصل ردود كثيرة و خاصة انه يهم البنات المقبلات على العرس ...لكن في الحقيقة انصدمت
........و انا كان ودي اساعدج لكن للأسف مااقدر لاني بعدني على قولتهم ( لسة مش على وش جواز) ...ان شاء الله نتريا الردود و ناخذ خبرة منهم ...

و سامحيني اختي........:shy:

بسم الله الرحمن الرحيم
السلام عليكم ورحمة الله وبركاته
ان شاء الله كل البنا يتفاعلون معاك و ما حد بيقصر
و يمكنك الاطلاع علي الموضوع التالي

http://www.3roos.com/forums/showthread.php?s=&threadid=55305

هلا اختي ... الصراحه موضوعج حلو ... وانا الصراحه كان ودي افيدج بس للاسف بعدني لين الحين ما عطوني فلوس عشان اتزهب بس يمكن يكون قريب..... انشا الله باقي البنات يعطونا خبراتهم عشان نستفيد .... يعطيج الف عافيه اختي
اختج ميثاني

اختيه عنود الصيد .. الزهبة بشكل عام انتي تقسمين ميزانيتها .. يعني كل شي حسب حاجتج انتي .. وحسب كم بتصرفين عليها ؟؟ يعني انتي كم حاطه حق الزهبه .. ؟؟

على هالأساس توزعين ميزانيتج .. واذا عندج قيمه معينه حطيها ويمكن نقدر نساعد ونفيد .. :smile:

بنات أنتوا فهمتوها غلط ... البنت تقصد من البنات إلي عرسن كيف قسموا ميزانيتهم ... عشان باجي البنات يعرفوون كيف يقسموون ميزانيتهم ... إذا مايعرفووون ... مب شو تشتروون ووين أسيرون ...:down: ولا أنها بعد تقصد أنها عندها البيزات وماتعرف تقسمها ... لا ...


إن شاء الله الباجي بيوون في الدرب ...


وأنا والله بعدني ماعرست ... ولا ودي أني أفيدج ...

[CELL=filter: glow(color=purple,strength=5);][ALIGN=center]
:smile:حياكم الله انا فعلآ اقصد مثل ماقالت حصه يعني اذا عطوج 50 الف كم حطيتي حق الفستان وكم حق المكياج وكم حق العطور وفرشة العرس كم كلفتج ومكياجك وتسريحتج كم خذوا عليها اريد هالتفاصيل واتمنى ان الكل يتفاعل تحياتي[/CELL]

[CELL=filter: glow(color=purple,strength=5);][ALIGN=center]
للرفع[/CELL]

مرحبا

موضوع مفيد و مشكورة اختي على طرح هاذي الفكرة

وايدات محتاجات توجيه او توضيح بالنسبة لتقسيم بيزات العرس

تدرين الوحده من كثر الشئ اللي في بالها تحس انها متلخبطة

المهم بالنسبة لي

يوم الملجة يابولي هدايا من ضمنهم :


طبعا الشبكة و الي هي عبارة عن : ساعة + عقد + دبلة

ملابس اقصد قطع : حرير + قطن + مطرزات + شيل

عطور : عطورات عربية + عطورات فرنسية + خون و عود




المهم اني من ناحية هالاشياء تطمنت الاني ما بابذل مجهود اسير و ادور قطع او عطور

بس بشتري قطع حق المغربي و بعض الانواع من الموديلات اللي في بالي و ابالهم قطع معينه
و العطور يمكن بس ازيد عليهم بعض الخلطات اللي تنباع عند الحريم او حتى محلا ت العطور


بالنسبة للبيزات عطوني 50000+ 20000مهر

العشرين الف بيودهم

و الخمسين باقسمهم كالتالي

باحط عشرين للفستان

و الباقي باشتري فيه ذهب + الملابس الداخلية + المخاويير

:shy:

و تدرين مافي داعي للتكوييد من كل شئ بكميات لانه ما بيخلص الشئ من السوق و ماله داعي لانه بيكون كثير و كله يديد و مابيوحيلي البسه و بيتم لين فترة يديدد و بتنزل موديلات يديده

و الوحده ما تدري يمكن تحمل بسرعة فماله داعي للتكوييد

و مشكورة مرة ثانية على اثارة الموضوع

[CELL=filter: glow(color=purple,strength=5);][ALIGN=center]
اوبرا :smile:مشكوووره على المشاركه وفعلا مافي داعي للتكويد احسن
شي الوحده تاخذالمعقول وبعدها كل شي في وقته بيكون يديد وموضته يديده:handup: وننتظر البقيه..[/CELL]

السلام عليكم ورحمة الله وبركاته
تسلمين اختى على الموضوع الرائع
انا لسا بجهز وراح اقلك عن الطريقه الى قسمت فيها الميزانيه انشاء الله توفى معى
انشاء الله راح افيدك واتمنى اذا كان فيها اي خطأ يصححون لى وجزاكم الله كل خير لانى لسا انا بجهز
هم عطونى مايقدر بـ 50الف والوالد زادنى عشرين كمان فقسمتها كما يلى
1- فستان الزفاف ومستلزماته (الفستان-الطرحه -التاج-التسريحه-المسكه-الجزمه) بـ 15000
2- الذهب (الدبل- اطقم خفيفه-الساعات-وغيرها) بمقدار25000
3-فساتين السهره (عدد2)بمقدار 2000
4-طقم قمصان اول ليله بمقدار تقريبا1200
5-طقم الشنط(شنطة مكياج-كبيره-متوسطه-وصغيره) مقدار1000
6-الملابس الداخليهبمقدار1000
7-مفرش السرير بمقدار 1500
8-المناشف وروب الحمام بمقدار1500
9-قمصان النوم بأشكال والوان مختلفه بمقدار 2000
10-ملابس البيت غير الرسميه مثل الشورتات والفساتين والاحذيه والبجامات ......الخ على حسب ذوقك بمقدار2000
11-الملابس الرسميه للخرجات ميزانيتها 3000
12- الشنط والاحذيه ميزانيتها 2000
13-تجهيزات المكياج ميزانيتها 3000 او اقل لانك حتغيري مكياجك كل فتره
14-مجموعات العطور حسب المجموعه الى انتى تبغيها مجموعتين او اكثرب2000
15-العبايه والطرحه بمقدا ر 1500
16-المصوره وطلباتها بقدار 5000
17-الزفه ومستلزماتها بمقدار1500
18-النقاشه ومستلزماتها بمقدار 600
19-مستلزمات اخرىمن سشوار -شراشف الصلاه-عدسات -وغيرها ....بـ2000



:smile: :smile: :smile: :smile: :smile: :smile: :smile: :smile: :smile:
اتمنى انى اكون افدتك اختى
تقبلى تحياتى

اختك كليوبترا

[CELL=filter: glow(color=purple,strength=5);][ALIGN=center]
وعليكم السلام ورحمة الله وبركاته
كيلوبترا الف مبروك مقدما وميزانيتج حلوه عجبني تقسيمج وتابعي الموضوع ممكن تستفيدي اكثر:smile:[/CELL]

السلام عليكم ورحمة الله وبركاته
الله يبارك فيك اختى عنود الصيد
فين بنات المنتدى نبغا تفاعل اكبر
الموضوع جدا رائع


تحياتى
اختكم كليو بترا

كليو بترا:clap:'طريقة ممتازة لتقسم المهر

ماشاء الله اختي كيلو بترا و الله عجبني اسلوبج في التقسيم


:up:

:clap::clap::clap:

مراحب

انا ملجتي بتكون عقب العيد مباشره ، كان لازم تكون برمضان بس قدر الله وماشاء فعل وكل تأخيره وفيها خيره انشاء الله

على العموم بالنسبه للزهبه انا عرفت كم مهري لانهم حددوا كل شي

1 - الفندق وتبعاته من كوشه ومستلزمات وفرقه .. على المعرس

2 - ليلة الحنا ومستلزماتها و ل " معلايه " على المعرس

3 - العياله والليوا يومين قبل العرس على المعرس

4 - الشبكه من عقد ودبله وساعه على المعرس

5 - تأثيث البيت الي بيكون عش الزوجيه انشاء الله على المعرس

6- المهر الي حددوه بصراحه ما اعرف لين الحين كيف اوزعه

واتمنى اني استفيد من مشاركاتكم وآراءكم ..


تحياتي .. برووقه

هلا :smile:

موضوع حلو ومفيد ...

بالنسبة لي أنا أخذت المهر لي والباقي رحت مع أهل زوجي علشان أتزهب.....

يعني الفستان وملابس العرس والذهب والعطور والبخور ....... رحت معاهم وإشتريت اللي أبيه

والعرس والفرقة والفندق والتصوير كله عليهم

[CELL=filter: glow(color=darkred,strength=2);][ALIGN=center] بسم الله الرحمن الرحيم
السلام عليكم ورحمة الله وبركاته
و اعتقد الموضوع التالي ممكن يفيد بعض الاخوات [/CELL]

اذا كان مهرك قليل؟؟؟