اشعه الصبغه

السلام عليكم خواتي ,,

شخباركم ؟

امم حبيت اطرح موضوعي ,, خبرتكم من قبل انه دورتي مو منتظمه من لما كنت بنوته !

كانت تنزل لي بس يمكن مرتين في السنه !! لما تزوجت رحت انظمها ! وعطوني حببوب علشان ينظمها لي بس للاسف بعد ما انتظمت ووصفوا لي ادوريه ثانيه وللحين !

كان من الطرفين مني ومن زوجي كان زوجي ضعيف شوي ! وكان يحتاج عمليه الدوالي والحمدلله الحين سوا العمليه واستقرت حالته وصار وضعه طبيعي !!

بس اخر مره رحت لها تاريخ 3-4-2013 !
خبرتها اني كملت 3 شهور ع شرب حبوب primolut-n 5mg لانه وصفت لي اشربه بس لمده 3 شهور واشرب بيوم 19 الدورة حبوب الدافستون !!

واروح لها في الدورة ! بس لانه تحاليل زوجي ما كانت عنده تاخرت شهر علشان تطلع تحاليلي وتحاليل زوجي !

عقب ما خلصت 3 شهور طبعا تصرفت بكيفي شربت بس حبوب الدافستون من 19 الدورة الى 26 الدورة لانه كل شهر اشربه من بعد الدورة ! ,, والحمدلله نزلت لي ورحت لها في هالتاريخ وعطتني ورقة مالت تحليل دم ! اسوي هالتحليل بيوم 21 الدورة ومن بعد التحليل بتحدد لي ادا كنت احتاج اشعه الصبغه ولا لا ! وعطتني حبوب كلوميد اشربه لمده 5 ايام وحبتين في اليوم !

وبعدها انام ويا زوجي علشان يصير حمل وقالت خلال هالشهر ادا ما صار في حمل اروح لها في الدورة علشان تفحصني !
وبسس

اني خايفه من هالصبغه !! اخاف بدون تخدير ّ! جربت مرة عينه من الرحم بغيت اموت من الالم بس تحملت !!

والحين ادا رحت لها بسالها ادا بتخدير ولا لا !!

زين وادا ما سوتني اشعه الصبغه ما احتجتها وش بسوي ! ! لانه خلاص شكلها ما راح تنتظم ّّ!!

تتوقعون تسوي لي تلقيح صناعي ؟ او عمليه اطفال الانابيب ؟!

من صادها نفسي دورتها مو منتطمه ! وش سووا لكم؟؟;)