الم الأذن ونزول ماي منها ومتسكره طمنوووني ..

ليش ساكت عن نفسه لازم يسوي فحص باسرع وقت

حبيبتي اسمعيها مني مافي احد عاني من الاذن مثلي . . الالم والماء هو التهاب . . انا كنت اعاني كثير وسنين طويله من اذني ويصير فيها التهابات ويصر الماء الي تقولي عنه . . والسبب عندي حساسيه بالاذن وما اقدر الا استخدم اعواد الاذن لاذني وكم مره صار فيني التهاب زي زوجك ويعطوني شويه ادويه وخلاص ويرجع ويرجع ويرجع

وما خليت لا مستوصف ولا مستشفى حكومي ولا مستشفى خااص الا ورحت واساس عندي حساسيه الاذن . . مافادني اي شيء . . ،بعدين استسلمت وصرت اعاني وما اروح لطبيب . . حتي لما مستشفانا الي اعمل فيه فتحوا قسم انف واذن وحنجره كنت يائسه من العلاج لان طبيب بمستشفي خاص قالي ان هذا ماله علاج لانه حساسيه . . فكان الالتهاب بسيط يروج ويرجع . . الي ان وصل الامر ان صار عندي الالام شديده بالاذن وتعبت كثير كثير وكان يومها عطله بعملي وما رحت لان الطبيب مو موجود ورحت المستوصف والطبيبه ما عرفت تشخص وعطتني دواء للشمع وانا مافيني شمع وخلا الحاله تزيد علي وبعدين رحت المستشفي الحكومي مرتين حتي مره منهم الساعه ٢ الصبح ، وابكي بكي من الالم والطبيب يشخص غلط مرتين ولما صار الصبح اروح لطبيبي ويقولي عندك التهاب ويحطلي كريم ويسكر اذني . . وما راح الالم وضليت الف علبالي اسنان العقل طلعت وانا احس الالم باذني لانه يقولون ان تسبب الم ورحت طبيب اسنان وطلع مو من اسنان . . ورجعت لطبيبنا مره ثانيه . . لقيت الطبيب الثاني ولما شافني مو متحمله الالم حطلي دواء اسود مع كريم اصر اسمه كينا كومب وسد اذوني وضليت اخذ ابره مسكن من الالم مرتين كل يوم صبح وليل وما نمت ٤ ايام وانا ع هالحاله وانتقل الالتهاب للاذن الثانيه وصاروا يعطوني ابر ضد الالتهاب بالوريد تعور حيل وحتي شكلي تغير وتحت عيوني صار اسووود من الالم والتعب .. وين يلا تحسنت حالتي .. بعدين الطبيب قالي السبب هو الماء والالتهاب المتكرر ولان عندي حساسيه وما استغنى عن اعواد الاذن وعطاني دواء اسمه كينا كومب مو متوفر الا بمصر هو جايبه من هناك والحمدلله الان حتي الحساسيه راحت مني بعد معاناه سنين . . واحمدالله كثير ان كم سنه اكثر من ٨ سنوات وانا اعاني من الحساسيه بالاذن الي سببت لي عده مرات التهاب بس الاخير الي كان شديد ..

ادري طولت عليج بس لازم يشوف طبيب مختص لان والله الاذن ألمها اشد من الاسنان وانا الي شفته ما ابي اي انسان يشوفه بهالدنيا شي فضيع جداً محد يتخليه من العذاب والالم . . خصوصا الاذن لانه قريبه من الراس وزوجج مسكين الله يعينه خليه بسرعه يروح للطبيب قبل لا يصير فيه التهاب شديد مثل ما انا اهملت نفسي واثر علي التشخيصات الغلط . . الله يشفيه يارب ويسخر له الطبيب الزين الي يعرف يعالجه . .

الله يعطيكم الصحه والعافيه ،، هو راح من قبل اكثر من مره ويعطونه ادويه اوقات مايروح الالم واوقات يخف ويرجع والان رجع له وباشد من قبل حتىراسه يوجعه ورقبته وش الحل وين نلقى دكتور شااااااطر وفااهم ياريت تساعدونا بدكتور ممتااز في الشرقيه الله يجزيكم خير

الله يشفيه ..المفروض يروح لاستشاري اذن وانف وحنجرة .. اذا كان نزول السائل من الاذن لاول مرة ربما كان التهاب حاد بالاذن الوسطى ادي الي تجمع سوائل خلف الاذن ومن ثم حدث ثقب بطبلة الاذن . او وجود التهاب فطري بالاذن الخارجية .. في كلتا الحالتين الالم يكون شديد .. لايجب اهمال الامر .والاسراع بالذهاب الي الطبيب للكشف .. وابشرك العلاج متوفر ويعطي نتائج سريعة بأمر الله .تجربة اينانا مختلفة تماما لانها حساسية او اكزيما تؤدي الي التهاب بالاذن الخارجية ..
العلاج في حالة التهاب الاذن الوسطى : مضاد حيوي قوي + قطرة مضاد حيوي للاذن + مسكن للالم
في حالة الاذن الخارجية : مضاد حيوي + مسكن + مرهم للاذن او نوعين من المراهم وتعمل في شكل حشوة تغير يوميا بواسطة الطبيب طبعا او قطرة مضاد فطري حسب نتائج الكشف

ارجو الرجوع لهذا الموضوع بدلا عن فتح موضوع جديد