مساعده

السلام عليكم ورحمة الله وبركاته..

مبروك مقدمـــــــــا..
ومنه المال ومنج العيال..
والله يسعدكم ويهنيكم
ويبعد عنكم عيون الحساد يا رب..

-------------------------

عن فكرة الهدايا.. ليش ما تسوين فخار أو مدخنه واتحطين فيه حلويات او دخوون.. وتغلفينه بالشبك او توور.. وتربطين وياهم قطعة ورق مكتوبه فيها كلمة شكر او مقطع شعر للمعازيم..

والكوشه فكرتها حلوه.. أخت زوجي خبرتني انها مره راحت لعرس كانت الكوشه بسيطه جدا وهي عباره عن جلسه عربيه.. وعدال الجلسه صندوق جديم وكبير الحجم ومسوين عليه حركات مثل انه طالع منه قطعة تور طويله وملصقه عليها ورود.. وحاطين ورى الجلسه فخار كبير ومزينينه..
وعلى الطرف حاطين دلال وهالشغلات للتزيين..
حبذا لو تاخذين الفكره وتكملين وتضيفين من عندج..

وفكرة صبابات القهوه حلوه جدا.. نحن في الامارات الحين انسوي هالفكره وهي شائعه عندنا.. ليش ما تسوين فكرة الاكلات الشعبيه.. يعني يوزعون اكله "حلوى" شعبيه على المعازيم..

وقبل دخول العروس سوي رقصه شعبيه.. يعني بنات صغار او في سن ال16-17 لابسات لبس موحد ويرقصون رقصتكم الشعبيه..

ان شاء الله قدرت افيدج عزيزتي :smile:

اشكرك اختي snow white على هذه الافكار والله انت اضفتي لي افكار كثير حلوة شكراااااااااااااااااااااااااا:up:

حبيبتي

تقدرين تسوين صناديق صغار وتحطين فيهم قطعة دخون حق الهداياوتلفينهم (بخيش)
والحلويات مثل ما قالت الاخت سنو حلوىوتقدرين توصين على العلب الصغار وتخلين اللي يوزعونهم لابسين اثواب عربيهويكونو حاطين الحلوى في سلال الخوص مالت اول
وعلى الصاولات حطي(فناره)فوانيس باشكال قديمه وتقدرين تاخذين الشيل الخوص مالت العيايز وتسوين فيها حركه حلوه على الطاولات..ولاتنسين لازم تكون وجبة الهريس من الاكلات المقدمه مع الاكل عشان يكون الجو كله شعبي,,
والزفه تقدرين تسوينها شله فيها اسمج واسم المعرس.. ولاتنسين تخلين اولاد صغار يرزفون احسن انه يطلع حلو..

واذا تبين اي خدمه انا حاضره