شلون اتصرف؟

مرحبا
حابة اخذ رايكم بموضوع
انا بنت عمري 24 في شخص يحبني من 9 سنوات يحبني وانا احبه و وعد امي انه راح يخطبني اول ما تتيسر اموره (بعد شهرين او ثلاث) يفهمني ويقدر مشاعري وهو اكثر انسان بالدنيا يعرفني وشافني بكل حالاتي حتى بأسوأ حالاتي شافني وبعده يحبني ويموت فيني وانا واثقة انه رح يخطبني مو بس كلام لان مواقف كثيرة اثبتت لي ان هالشخص فعلا يحبني ورح يتزوجني اذا الله اراد وانا ما شفت فيه اي عيب غير اني كشفته يكذب علي وبكى قدامي دمووع ووعدني ما رح يعيد اللي سواه ويتحملني ويتحمل عصبيتي

طيب الحين تقدملي شخص خلوق ومن كبار الدولة ومن عايلة محترمة وابوي يعرفه من سنوااات ما شاف منه الا كل خير

انا كل اللي فبالي انه ما بني على باطل فهو باطل واخاف ارفض هالشخص علشان اللي احبه واكون غلطانة بقراري الشخص اللي تقدملي فرصة من ذهب بس شلون اوافق لشخص وانا فقلبي شخص ثاني؟ شلون اعيش ويا شخص وانا تفكيري كله مع شخص ثاني مابي اخون زوجي ولو بالتفكير ومابي اظلمه!!
بنات مابي ردود تجرحني انا بس ابي شوركم لاني ضايعة ومو عارفة شنو اقرر انا شفت اللي يبي يتقدملي نظرة شرعية وهو اعجب فيني ويبيني ويبي يتقدم بأسرع وقت وللأمانة انا مو كثير مرتاحة له لأنه أبيض وانا حنطاوية مايلة للسمار يمكن مثل هيا عبدالسلام احس لو كان العكس يعني انا البيضا وهو الأسمر مو مشكلة بس احسه غلط لما تكون البنت اسمر عن الولد مع ان الحمدلله فيني جمال والكل يقول هو فيه وسامة بس عن نفسي ما يهمني الشكل ابي بس زواج وستر
بصراحة ما ادري جد محتارة الشخص اللي احبه رح يجن لو غيره خذاني وادري حياته رح تنقلب ويصير شخص ثاني وانا بعد صعبة اعيش مع غيره:'(شسوي؟ انتظره واحقق حلمي اللي من 9 سنوات ومابقى غير شهرين ونعيش احلى حياة ولا اتزوج شخص ثاني وواحكم على اللي احبه بالموت واانا اموت من داخلي واظلم اللي رح اتزوجه؟؟ بليز بنات لا تقولولي اللي سويتيه غلط ادري انه غلط بس انا ما عملت شي غلط معاه غير اني كنت اكلمه ونيتنا من البداية كانت الزواج وامي على علم بالموضوع وعلى فكرة استخرت كثير بس ما حسيت بشي؟