فاونديشن للبشرة المختلطة (الاستعمال اليومي)

B

BINT EL BAHRAIN

عروس ماسية

25-02-2013 | 12:46 AM

سلام بنات
شخباركم

ممكن تساعدوني :o

بشرتي مختلطة و أحتاج فاونديشن للأستعمال اليومي بتغطية : متوسطة

الصراحة ما أقدر أجرب ماك أخاف يسبب حبوب لأن بشرتي حساسة بعد :o

جربت فورايفر HD بس الصراحة غالي وااايد ,, سؤال حتى كلينك وكلارنس في هالحدود أسعارهم :I:
في فاونديشن من بنفت بس أتوقع سعره قريب من فورايفر أسمه Hello flawless oxygen wow :!!:^o)

عندكم حل أو بديل :!!:^o) يفضل ماركة :thumbs_up: مو تجارية أقصد
نفس ميبلين أو ماكس فاكتر وباقي الربع :p
في أمل أحصل أو كلهم فوق ال 15 دينار :thumbs_down:

اممممممم أو آخذ بودرة كلينك superpowder double face powder
بس تغطيتها شلون خفيفة أو متوسطة ؟؟!!!
على حسب معلوماتي أن هم بودرة وهم فاونديشن صح ؟؟
مسزز غموضه ممكن تساعديني :o

وشكراً F:

م

مسزز غموضة

عروس ركن المكياج

25-02-2013 | 09:46 AM

هلا ,,

فديتك يا بنت البحرين كثير اسعدتني ثقتك وان شاء الله
لا انا ولا البنات نقصر بمساعدتك

فهمت قصدك فعلا احس ان يحتاج بعد تجربيهم ع بشرتك

انا بعطيكي 3 خيارات وجربيهم

ماكس فاكتر + ريفلون + برجوا

ماكس فاكتر انا ما جربت ولا مريت اشوف عندهم فاونديشين جديد
اسئلي عنه

اسمه

Facefinity All Day Flawless 3-in-1 Foundation

هو اتوقع يحتوي ع 3 اشياء حمايةمن الشمس + كونسيلر لاخفاء العيوب المقصود فيه انه يخفي العيوب + فيه برايمر لثبات الفاونديشين لفترة اطول تمتد ل 12 ساعه

طبعا انا انصحك تجريبه وما تستعجلي كتغطية انتي ممكن تتحكمي بتوزيع الفاونديشين هو يتحول لمات فمناسب للبشرة الدهنية الى المختلطة

الثاني

هيلثي ماكس .. هالفاونديشين كثير عليه اقبال ومدح يناسب الفترة الصباحية وفيه مواد طبيعية وحلو للبشرة الدهنية والمختلطة
بامانة الكل يمدح فيها وتغطيته متوسطة الى خفيفة انصحك تجربيه بعد

ريفلون

Revlon Photo Ready Foundation

هالفاونديشين قرات عنه بامانة وشفته كم مرة في الستاندر الريفيو كان عليه مدح فيه بامانة ما اعرف هل يناسب جميع انواع البشرة او لا هو حلو للاستخدام اليومي وتغطيته متوسطة واحلى شي تثبيته بالبودرة وهالشي اساس لانواع بشرتنا الدهنية او المختلطة له 8 درجات ويثبت ويعطي لوك نهائي طبيعي غير ان درجة الحمايه من الشمس موجوده فيه .. البنت شبهته بنفس كريم الاساس الي من فواريفر HD بس تقول ان مو مات مثله ..

الاسعار مناسبة لك اتوقع اقل من 100 درهم

نجي للبودرة نصيحتي انك تاخذي الخفيفة مو الدبل وتاخذيها بنفس الماركة الي تاخذي منها كريم الاساس اذا حبيتي او توفرت لا تاخذي الدبل لاني انا بدات استغنى عنها واخذ دايما الخفيفة العادية sheer ممكن نسميها

لان الدبل يفضل تستخدميها بدون فاونديشين قبل لانها تحتوي ع فاونديشين وتستعمليها بالاساس انك تبللي الاسفنجة وتوزعي منها ع وجهك ..
اهم نقاط :
- اختاري محل متخصص لادوات التجميل وعندهم هالماركات واطلبي يجربوه الي تختاريه ع وجهك مو يديك
- اذا مو مستعجلة خليها تحطه ع وجهك وممكن ترجعي ثاني يوم وتشتري الي تريدي
- ممكن تشتري اللوز بودر لاي ماركة من الماركات هذه حلوة للبشرة المختلطة
ومهمة لتثبيت الفاونديشين

بخصوص بنفت .. انا قرات ريفيو حلو عنه اذا يناسبك سعره جربيه بالاول واعطي نفسك فرصة تشوفيه اذا يناسب بشرتك طبعا عندهم بودرة ممكن تاخذيها معه

ان شاء الله قدرت افيدك وسامحيني اذا قصرت

F:

S

Sweet N Sour

عروس ركن العناية بالبشرة والجسم وركن العطور والعناية بالشعر

25-02-2013 | 07:00 PM

جربي من ماكس فاكتور - مبراكل توتش miracle touch تجربتي معاه كثير طيبة ، خفيف و تغطيته زينة

و هم كمان مايبيلين الموس رهيب

و حاليا مايبيلين الجديد fitme

ر

روح الفانيلا 665

عروس برونزية

27-02-2013 | 07:42 AM

شوفي اختي .. انا وايد وايد سمعت انه ريفلون عندهم فونديشن اسمه ( colorstay ) مشابه جدا لفاونديشن ماك وسعره قريب 60 - 70 ريال قطري .. وبفيدج لانه للبشرة الدهنية اتوقع .
وانا جاتني فتره استعملته وكان اوكي ..

ماكس فاكتر من زمان يعني قبل 6 سنوات جاتني فتره واستعملته كان حلو بس حسيته ثقيل ..

وبس هاي اللي اعرفه لاني استعملتهم .. وان شاء لله قدرت افيدج ..

M

MISS-EN

عروس ركن المكياج

27-02-2013 | 09:36 PM

ماشاء الله البنات ما قصروا بالرد وايضا استفقدت من بعض انواع الفانديشن ..

شوفي فديتج انا جربت كريم اساس من ذا فيس شوب وايد حلو وتغطيته وايد حلوه
شكله مثل كذا

اللي اخذته نفع ل بشرتي رقمه 23 الانه بشرتي فاتحه وبديت اخذه تقريبا 3 مرات واختي ايضا حبته لاكن الفتره الاخيره رحت لهم بس ما انتهت ل هذا الكريم الاساس اذا متوفر حاليا او لا

وسعره ب 39 درهم هذا السعر قبل سنتين لاكن الحين اعتقد زاد سعر وحجمه 43 ml

وعن تجربه اختي جربت كريم اساس برجواه اسمه سلييب ايفكت تينت وينفع للاستخدام اليومي والملمس مثل الجل تمدحه وايد لي بس انا ما جربته قالت لي نفس جوده الماركات الغاليه لاكن تعرفين انا ما اصدق الا اذا جربته شخصيا

واللي اعتقد هذا

وايضا مثل ما قالت ميس غموضه هيلثي سكين من برجواه ايضا وايد حلو وملمسه جل وبعد ريفيلون منزلين كريم اساس لاكن مثل روغه روحي شوفيه اكيد بيعجبج

B

BINT EL BAHRAIN

عروس ماسية

14-03-2013 | 12:29 AM

مشكوريين بنات ما قصروا وااايد أستفدت من معلوماتكم :)