مخمليات;16475694:
شخباااااركم كرووووشات
انا اليوم وايد مستانسة وفرحانة
اليوم كان موعدي مع الدكتورة حكيمة الهاشمي
قررت اروح لها لانه فهيمة وايد زحمة ، ورشا ما تعطي سي دي
خلني اسولف لكم عن تجربتي
اول شي انا اتصلت على العيادة وما أعرف أوقاتهم فإذا اهما مب على الدوام تلفون العيادة يتحول على السكرتيرة
وخذيت موعد اليوم لانه الأربعاء كان فل وانا كنت متصلة الأربعاء
المهم اليوم قبل بربع ساعة اتصلت لي تتاكد اذا بكون موجودة عالموعد وخبرتها اني في الطريج
وصلنا العيادة على الموعد بالضبط وكانت بس المريضة اللي داخل انتظرها تتطلع وعقب يصير دوري
المكان وايد مرتب وفي سكشن صغنون على صوب للأطفال ومعلقة على الطوفة رسومات يهال الظاهر رسموها في العيادة
الحمام عزكم الله ريحته خنينة لانه اول ما وصلت على طووووول ههههههه
انتظرنا عشر دقايق تقريبا على ماطلعت اللي قبلنا وعلى ما سلمتها الدكتورة تقريرها
عقب نادتنا الدكتورة ، واول شي قالت لي انتي وايد ياية متأخر المفروض تيين على ٢٦ اسبوع لانه هالوقت البيبي يكبر وما يكون له سعة
ف مو شرط تجوفين ويهه واضح وشرحت لي انه هي مهمتها تتطمن على البيبي واذا ما كان البيبي عاطينا ويهه ماراح نقدر نجوف ملامحه
لانه اييونها مرضى وايد على اساس بس يبون يجوفون شكل الياهل واذا ما قدرت يطلعون معصبين ، قلت لها لا تخافين انا اعرف هالشي مب في يدج
سمت بالرحمن ، وحطت الجهاز وراوتني بالتفصيل كل تفاصيل اعضاء البيبي وطمنتني انه كلشي اوكى
وانه موعد ولادتي هذا هو على موعد الدورة
وعقب حاولت بالفوردي تراويني ويهه ، ما قدرت اشوف الا نص خشمه وذقنه ويده وسندوحه هههههههه
قلت يالله العوض ولا الحريمة ، وكان توه بيحط صبعه في حلجه وعقب هون هههههههه الظاهر استحى
وماشاء الله تمت معاي نص ساعة بالضبط ، وعقب طلعت بره ونطرت ٥ دقايق على ما استلمت التقرير مع الصور والسي دي
وخذت علي ٣٥ دينار ، طبعا معاملتها لا تقارن وايد حبوبة وتتغشمر واذا الله رزقني البيبي الثاني اكيييييد بروح لها
مواعيدها من الأحد الى الأربعاء من ٥ الى ٩ والسبت من ٩:٣٠ الى ٢:٣٠ ، وعيادتها فوق رويان البديع الطابق الاول
هاي موعدي بالتفصيل ، والحين انيي على عنصر المفاجأة
واخيرررررا اكدت لي جنس البيبي
اللي هو ..
بيبي بوي :083:
ومن باجر بروح اكمل باقي الثياب ، وثيمي بسوي عليه بعض التعديلات يمكن ادخل عليه اللون الأزرق لانه الاخضر بعد عاجبني ما بشيله خاصة اني اعتمدته في بعض الشغلات
هاليومين لازم اخلص الامور السريعة والحمدلله ما عندي اشية وايد لانه الاشية الكبيرة كلها شريتها محايدة احسن للبيبي الثاني
والجلابية الثانية باخذها بلو عن خاطري ههههههه وبث
حياتي:adore::adore::adore: مبروك عليج البيبي بوي... ايه انا اليوم كنت بروح عشان الفوردي اي اعرف جنس ابي حج يأكد لي.. طلع فل... وما شي لين ايبوع الياي.. بس انا شريت محايد ابيض وبيج.. ولما اولد بالسلامة بشتري او بوصي حد من هلي مساكين ما بيقصرون