حنتي صديقة شعري ....تعالى شوفي طريقتي

مرحباً أنا اشتركت جديد في المنتدى لكن من قبل كنت أتابعكم
وبصراحة استفدت كتيييير عشان كدا قلت مبدهااااش لازم اشترك وانزل تجربتي

أنا معتمدة خلطة حنا من تلاتة سنيين
وشعري ماشي عليها تمام مناسبين بعض وما غيرت فيها
واللي الاحظو بعدها انو شعري يسير كثيف ويلمع وحيوي
وبيان انو متغذي ومنتعش
المكونات

حنة المدينة تكون صافية ما فيها مكونات اخرى اشترريها بالكيلو

حسب طول شعرك أنا أحط 10 ملاعق

قهوة نواة التمر 3 ملاعق

عصير ليمونة كاملة

وبس اعجنها بكوبين شاهي احمر

واخليها تخمر ساعة او اتنين واحطها على شوشتي العزيزة

واغسلها بعد ستة ساعات

طبعا أنا شعري دهني وخفيف وناعم
واستخدم الحنا بهدف انها تنقي الفروة من الافرازات الدهنية
وتغذي الشعر الباهت في الاطراف

عشان كدا ما أحط معاها اي زيت ولابيض ولا زبادي ولا اي شي يرطب
بالعكس تبغاها تنشف الفروة وتمتص الدهون
فما تناسب ذوات الشعر الجاف

كنت في الاول اعملها كل شهر لكن دحين حبيتها اكتر وسرت اعملها كل 10 ايام
بعد ما لاحظت انها توقف التساقط وتكثف

وشكرا لكم اتمنى الموضوع نال استحسانهم واعجابكم