تجمع أمهــــات مـــايو لـشهر ربــيـــع

والله انا اخباري بطيخه مامداني افتك رجعنا للدراسه والاختبارات والغثا والزززززززفته مو راضيه تجي تمللت عدددددددددل اوفففففففففف
احس بالآمها تخيلي من اسوب وبطني منتفخ حدددده مدري وش السواة معها!!

يمكن حامل ام جوجو 😊

ممكن اشترك معاكم نفسى اتكلم مع امهااااااااااااااااااات

هههههههههههه ام جويلو المزاج بالتوووب الله يعييينك جربت هالاحساس مزعج مزعج بقووة اعتقد كل هذا من التوتر يعني ممكن انتي تمرين بظروف معينه تخليك تفكرين كثير وهيك من جذي ...

اما انا بالدوام ههههههه لا تعليق اول يوم وثاني يوم قدرت اتصل واتطمن ع ميمي اما الباقي يالله ماقدر احك شعر راسي و مادري بنفسي الا بالسيارة راجعه لميمي ويبتدي طبعا دوام آخر مع الأخت !! .. يالله الحمدلله ع كل حال ...

دوي حياااك معااانه ,,,

جوفان
لاتجلطيني والله احس بثقل بصدري ومتاخره الدوره وكسلانه وانواع الافرازات بس اتوقع يتهيألي! لان ماخذه احتياطاتي عدل بس كله نعمه من رب العالمين بنتظر تكمل 10 ايام متاخره وبحلل عشان آكل المقلب زي ام ميمي وتنزل بنفس اليوم هههههههه
ديو
اهلا وسهلا حياكي اكيييد
ام ميمي
احمدي ربك ماعندك وقت فاضي انا ببداية دوامي لما كنت افضى اجلس ابكي لاني مشتاقه لجويلو هههههههههههه وللامانه للحين ماتعودت مره! اجلس احاتيها مرات واحس قلبي يفز من محله لما يجي وقت ارجع البيت يالله احساس غريبب الله يقويكي ياارب
انا اذا متوتره فمن الاختبارات هاللي درعمت علينا الله ياخذ ابليس! مسرع قرب يخلللص الترم هففففف الله المستعان ربي يسهل بس غمضي عين وفتحي عين تلقين رمضان جانا!
الا بسئلك جويلو رجعتلها حالة البكا! مدري باقي الي تحت بيطلعون ولا شلون هففففف
ميمي اخبارها؟ هههههه جويل تعششششق تجلس بالماي يوووه تجلس تصيح كأن احد طاقها اذا شلتها! تبي تجلس طال عمرها تلعب مع بطاتها...الله يحفظهم

هههههههههههه ام جوجو شكلها الاخت تسوي لك تست تشوف ردة فعلك ع الموضوع مثل ماصارلي وبعدها تشرف الهانم ويازعم تسوي عمرها خفيفة ولطيفة من غير ألم ....

اما سالفة البكا ام جوجو هذا تبع الدلع الزاايد مش تسنين ! ولاحظي اوقات البكاء متى ؟؟ ميمي طبعا من ذيك الفترة لحد يومك هالصياح ماخلصت منه وع اقل شي تبغيه شوفي أنواع البكا والدلع الزايد جابت لي صداع وبقوة وخصوصي بموضوع الرضاعه يالله !! تتم طول الوقت وانا بالدوام من غير رضاعه ! واشتريت لها مرضعه يازعم كلش مثل الطبيعي مجرد تعضض فيها وتشرب قليل جداا معانه واما مع اهي خييير شر ماتشرب ولا تنام الى ان ارجع لها تخيلي ؟! انا هذا اللي معور وقلبي وكل يوم والثاني اقول لامي انا خلاص مابكمل حرام وجذي وتقعد تصبرني ,,, ومثل ماقلتي ع الاقل عندي شغل افضل عشان مافكر وقلبي يعورني وخصوصي اذا اتصل واسمعها سبحان الله الظنى غالي ..

والله اسنان ميمي اشوف 4 يبغون يشرفون قريبا بس اعتقد اول شي يطلعون اللي قدام تمام وبعدها يبتدون الشغل وربي يعييين ,,, وصدقتي شهر رمضان قرب ماباقي شي الا كم شهر وانا دوامي قبل الشهر الفضيل بكم يوم بينتهي شوي ارتاح نفسيا مع بنتي ...

ام ميمي
انا جوجو الي فوق ماشاءالله طلعو مره وحده شكلنا بدينا باللي تحت الله يعينهم مدري متى بنتي بيمديها تجمع وزن احس ماش =(وعالاكل جويلو يادووب تفطر خفيف وترضع بس غدا ماترضى لين ما ارجع والحين نوم فجاه صارت ماتبي تنام الصبح تنتظرني ارجع وننام ساعه ونص ساعتين ونقوم!مع ان اول تنام عادي جدا مدري وش جاها
ابشركم جاات الزفته والمها مو صاحي من السبت للحين يروح ويجي والالم واختباري بكره الله يسهل علينا بس
وش المخططات لعيد ميلاد ميمي؟ ههههههه جويلو نوعا ما عرفت وش بسوي بس لسه ماحجزت كل شي اتوقع اسويه خميس 5-2 لان 4-30 يصادف نص الاسبوع وبنتي ماتسهررر فخليتها ويك اند اسويه بين العصر والمغرب

ام جوجو مبروك قدووم الحلووة ههههههه واخيرااا ,, تصدقين فعلا الاحظ الاخت كل ماتتأخر يزيد المها ! ويظل لآخر يووم ... الله يعيينه بس ..

ههههههههههه نفس حالة ميمي بالضبط اقولك يبغون حنان ماتصدقيني ,,, ميمي تظل قاعده الى ان ارجع وآخذها وارضعها وتنام ياحبيب النبي واما الوالدة ببدايات الايام كانت تحاول فيها يمين يسار يتعبونها لكن تقاوم وبقووة عاد عشان تقدر تواصل قامت تطول بنومه الصبح مع ابوها وتنتظرني نروح البيت وتنام بثواني ع عمري ... اتوقع هالحالة لان الحين قامت تتعدل نومتهم اكثر ويكبرون بالتالي تقل ساعات النوم بالنهار ..

ع عيد ميلادها للحين محتارة شنو بالضبط بسووي ,, كنت بسألك عن افكارك ؟؟؟ انا جا ببالي أحد الخيارين يا اما اسويه حفلة للاهل واخبر الجمييع ( يعني زحمة وربي يعيين ) او انه اسويه عائلي صغيررر ويكون بالبيت وبعدها اوديها العاب او اشتري لها هدية حلوووة ..

انا بين الثنين! ان شاءالله اهلي واهلي زوجي وبالونات حق الاطفال ولد اختي بنت حماي وولد حماتي خخخ بس هذول اطفالنا بس يعني وكيكه كيوت وهديه للحين محتاره فيها شفت حركات حلوه بالنت ميني ماوس واسم بالبالونات وحده تسويهم افكر اطلبها تسويلنا بس للحين لاسئلت عن السعر ولا تحركت تو اخلص اختباري وربك يسهل مابي اسوي شي كبير مره لان ماحيتذكرو شي والي بيبقى الصور عشان كذا افضل اهتم بالكيكه وبتنسيقات بسيطه ولاكبرو يحلها ربك

اممم فكرتك بسيطة وحلووة ,, انا استشرت زوجي قالي تقريبا مثل كلامك عااد هو عائلته ماشاء الله اطفال واجد فقالي خليها ببيت اهلك افضل لان الاطفال عندنا اقل وفيهم الكبير يعني افضل ,,, وطبعا السبب الاساسي ع قولته مايبغي زحمة وعشان اكشخ ميمي ونتكشخ معاها ونروح نصور بهالمناسبة ,, عاد قلت الكيكة بسوي توصيه باسمها وصورتها والهدية ان شاء الله اليوم باخذ لها شي عاجبها وتجننت عليه ع عمري ... بس بسألك يعني حتى الاطفال العزومين نجيب لهم هدايا ؟؟ لاني شفت بأحد المحلات فيه كيس حلووو فيه العاب وحلويات عاد عجبني قلت ممكن آخذه مع انه سعره احسه غالي بس مادري هل لازم نوزع عليهم والله شنو ؟؟؟

وربي يوفقك بامتحانك وترتاااحين ,, حسيت فيك وبقووة يعني انا مجرد دواام ومتعبه لاخر حد وبيتي الله يعيين جمعة وسبت بس للتنظيفات ! وبعد مايجي يومين يروح فووق تحت بسبب ميمي وابوها خخخخخ ...

جوفان اخباارك ياغاايبة عن عيناياا ؟؟

تسلمين على السؤال ام ميمي
انا متابعتكم
بس ماعندي جديد اقوله هههه
وجالسه انتظر كرت الدعوه منكم هههه للحفل

رجعنا بعد طول غياب
مرحبا صبايا
شخباركم وشخبار بيبياتكم
الحمد لله تخرجت من الجامعه وقاعده للحين عطاليه بطاليه
ولدي كبر حده يحبي ويتوقف على الاشياء
وعن عيد ميلاده
قلت بلبسه بدله وبسوي له كيكه على جوكليت بس ما ابغي فوقها من هالسكر اللي يحطونه فوقها كلش طعمه مو حلو

جوفاان ,, احلى كرت يوصل ولايهمك ههههههه واهم شي الكيكة ...

اجاصة ولكمووووووو الغايبييين ,, الله يخليه ويحفظه يااارب فعلا الايام تركض احس كانه تونه نبتدي نجهز للولادة وخايفين والخ وشوفي دارت السنة وماشاء الله بيبياتنه ع طريق المشي ! ..

ام مييمي
صراحه انا بعيدميلاد بنت حماي الاول جبت انا اكياس ووزعت عالاطفال! انا شريت الكيس وجمعت الاغراض من ذوقي اكياس للبنات واكياس للاولاد وتشوكليت
جويلو شريت لها خلخال ذهب ههههه اليوم توني طازززه
اجاصه
اهلن وسهلن مبروك التخرج عقبالي يارب افتك!
انا جويلو شفت صوره بالنت وبطبقها الكيكه من داخل تكون طبقات ملونه مرررره حلوه...وثيم الحفله بيكون ميني ماوس حبيبتها خخخخ

طبعا تعبانه حدي من اسناني الادويه تدوخني تخليني ماشوف قدامي ولا انتو عارفين مايبعدني عنكم الا الشديد القوي! ان شاءالله بكره اخر موعد وافتك من جزئيه كل كم شهر بضبطلي كم سن ههههههه نحلل التأمين شوي

ام جوجو ياهلا بالغايبيين ,, والله نفس الحالة ادخل اشوف الاخبار وامشي واذا صار وقت قليل كتبت كلمتين واما الحين ميمي زادت بحالتها الله يهداها الوالدة دلع واللي تبغيه تسويه وتجي تطبق علي وع ابوها جننتني ! بس تموووت بشي اسمه اطفال ! مانروح مكان الا تحشر لها واحد بالزاوية ههههههههههه والا تجي وياي وتلعب ع بالها لعبة الاخت والطفل ياحرام ميت خووف وهي ولا على بالها هههههههههههه ماشاء الله عليها يبان شخصيتها قوية ..

اما عيد الميلاد احنا بيصادف بعطلة عيد العمال اشووة يعني وبيكون الراتب نزل يعني تتضبط الاموور واسوي لها شي بسيط وبشتري لها هدية ذهب وابوها يازعم مفاجأة مايبغي يوريني هديتها خخخخخخ وقلت بسوي مثل فكرتك يعني آخذ الامور وجمعها بكيس نعوومي واوزعها عاد اليوم شفت العااب حلووة وبسيطة ومعاها كرة غريب شكلها وبداخلها اشيا تضوي واصوات ههههههه فكرت اخذ كم حبة واسوي لهم مسابقة <<< مبدعه يازعم ...

ام جوجو سلامات انتي مثل زوجي من يبتدي فيه الاسنان مايخلص منها الا اذا حفروه له كم واحد او قلعوه هههههه ,,,وع قولتك تحللين التأمين شوي لان ماحس نستفيد منه كثيير خصوصي احنا النسوان ,, واما انا طلبت منهم ينزلونه لي ومابغي تأمين جذي احسن ..

جووفان اين انتي ؟؟ اخبارك واموورك ؟؟؟؟

احنا كان زين التامين اختياري لان حرام اولريدي على تامين زوجي وفوق التامين في تامينات اجتماعيه ياخذون مبلغ وقدره من الراتب هههههه انا اوللللى فيه اقولهم بس ماش نظام هنا مدري كيف
بالضبط انا كمان جويلو قلت خل يكون خميس وناله الرواتب بس الحرمه حقة حركات البالونات ماردت للحين وعجزااانه الاحق وراها بقوه بس بحاول هالاسبوع اشوف مخي بيشتغل ولا لا خ خ خخ
انا سويت اثنين فق حشوات والي تحت قلق كل شوي يحفر فيه الدكتور ويحوس ويرجع يقوللي اشوفك بعد اسبوع عمى ابي اخلص! حشى

هههههههههههههههه ام جوجو ذكرتيني بوالدي الله يحفظه ان شاء الله كل يوم ضرس يعوره ويروح للدكتور ويقلعه له وهكذا ضرس ورا ضرس آخر شي لما اتصل قاله الدكتور تعال وعندي حلك ,, بالنهاية قاله انت كل يوم بيعورك واحد شرايك اشيلهم كلهم واريحك ؟ وبعدها احط لك تركيب وانت مرتاح هههههههههههههه شوفي المصلحة شلون ؟! وطبعا قلع الضرس مبلغ محترم يعني الواحد تقريبا 20 دينار هذا غير يازعم تنظيف ودوا ! ...

البالونات تقدرين تحصلين اللي ببالك في محلات خاصه لهالامور واسعارها حلووة واولها المطاعم ! جربي اسألي لان اعرفي انك من تلاحقين شخص معناه انه بارد بشغله وممكن يعطلك ع آخررر الوقت وتنقهرين ...

ميمي ذابحتني من الدلاعه الزايدة ومن يجينا احد قام المفوشر وفوقها ماتبغي الا حضني ههههههه ع بالها الضيوف بيسرقونه منها خخخخ .... وطبعا ماتبغي تاكل الا بيدها ويكون أكلها لها بصحن وبعدها لازم تتسبح وتقعد بمزاجها بالمسبح وياويل اللي يحركها !! ... اما روحه السوق طبعا صرت انا وزوجي نحسب ألف حساب قبلها لان الاخت خلاص تبغي هي تراكض بالملعب تبعها ولا احد يمسكها تحرج الواحد وان شافت لها طفل يالله ماتتركه بحالها المسكين خايف وهي تسوي كل المحاولات عشان يلعب وياها ويضحك هههههههههههههه ..

ها ام جوجو انتي اخبار جويلوو ؟؟؟

ام مييم
السبوح سالفته سالفه! جوجو تببلللللط تبي تجلس مع بطاتها طال عمرها ولا شلتها تصيح كني طاقتها سلامات اقولها بننام هنا مو حاله بعد ههههههه
والله ماشيه احس الصف الي تحت بدا! الخشم شغال وشوووووية حراره ع خفيف مرررره والدلع حدث ولا حرج وقت ماتبي تاكل تبي برامجها وتختار الحلقه اذا ماعجبتها الحلقه مابتاكل والاكل لو ماعجبها لو انط ماكلته! بس الحين ماشاءالله تحب تشرب الحليب بالفانيليا هههههه عاجبها وطبعا بس من ايد ابوها انا انسي لهنا الدلع! الله يحفظهم بس ,,,خلاص قررت الخميس ان شااااءالله بسوي عيدميلادها وجهزت كل شي

كككككككل عام والحلوووات بالف خير
ماشالله كملو سنه واختفيتوا انتو
ههههه لايكون عملتوها

هلا جووفان ,, اخبارك حبيبة قلبي ... وانتي بخير وسلامة ان شاء الله ...
ههههههههههه عن نفسي لاا وربك الستار هالشهر !! مادري لان معظم اللي بالدوام كل شهر يطلعون لي بخبر حملهم هههههه ع قولتهم من تدخلين بين حوامل توقعي نفسك حامل خخخخخ ...

ام جوجو مايندرى عنها غايبة ,, ان شاء الله امورها تمام ....