تجمع أمهــــات مـــايو لـشهر ربــيـــع

ام جوجو ,,, عليها بالفين عااافية جوجوو وزين عشان خلاص تتعود ع الاكل المعتاد للبيت وعشان سنونها يخف المهم جي اذا تمضغ ... ميمي اشوفها تحب مكرونة الدجاج الخفيفة والجبن حدث ولا حرج ! تحب الكيري ذاك اليوم طلعت كارتونه بتاعه ورحت اجيب اغراض الريوق وما رجعت الاا مطلع لها مربعين وطلعت اللي فيهم وتاكلهم هههههههههه ...

والله زني تخفيضات ! انا ذاك الشهر لما رحت فعلا واصلة التخفيضات ل 50 بالمئة حتى ع الالعاب وانا متجننة على السيارات والمرجيحة قايلة بشتري لها هالشهر باذن الله وبالصدفة ذاك اليوم رايحة السوق وشفت كرسي هزاز للي بعمرها يجنننننننن ....

امممم تتوقعي بعدين بيفيد معاها الحاجز ؟؟ انا افكر ع المطبخ تحب تدخله وااجد وتسوي كلشي عشان بس تدخله ! ...

الحاجز مره مفيد ان شاءالله اروح اجيبه اليوم باذن الله لو فضى زوجي
اخخخ يا ام ميمي جوجو رجعتلها الحاله بقوووه حقة التسنين مررره بكا ولا اكل ولا شي ياربي والله عورت قلبي حتى احسها نحفانه فوق ماهي نتوفه

ام جوجو ,,, سلاماات ان شاء الله ربي يريحها ويشقوا هالسنون ربي يعيينها والله ... واعتقد انه من التطعيم زادت حالتها ! انا خفت من التطعيم بس الحمدلله طلع ان مالها بالشهر التاسع فقط فحوصات دم وفحص الدكتور والحمدلله وضعها تمام والله انا من امس احاتي وأجلت كلشي تبع اليوم لبكرة ! بس الحمدلله ريحونه من هالابرة ..

انا ميمي التررريل ذبحها وصاير لها جفاف بوجهها منه وشنو ماحط لها من الفازلين مايفيد مسكينه واحس ان خدودها انتفخوا وقل اكلها مثل ماتقولين بس طبعا اهم شي صاير عندها الرضاعه ! ربي يعيينها ويعيينه ياارب ...

حاولي بالشوربات ام جوجو ع الاقل يخف عليها ,, وفيه وصفه لوالدتي يقولون مال اول انها تطلع الضرس بسررعه الا وهي تعطين البيبي جزرة مقشرة وخليه هو يقرض فيها ويعضض انا اشوف ميمي لما عطتها امي الله يطول بعمرها الجزرة استانست علييييها وهدأت وقعدت تعضض وتقرض فيها ,,,

حاولت معاها بكللل شي والله كلها صرت اسويه موووويه ماتبي حتى لو احد يبوسها ع خدودا تصييييييييييح عذبتني صراحه واليوم بس بكا بكا بكا ماتعشت يادوب تغدت لقمتين تبي ترضع وماعم ترضع كثير كمان تقريبا نص الكميه المعتاده
جوجو يجيها جفاف بدقنها كذا خخخ كنها بيبي احطلها فيسوديرم
الا صحيح متى تقريبا يوقف هالترييل؟! لما تطلع الاسنان الاماميه كلها!

والله ربي يعيينك ع هالحالة انا مسكت على هالاسهال يوم تذبحني كل نص ساعه ابدلها ولو شنو اسوي لها ما يوقف !! ويووم تجنني بحالة المعاند والصياح ! ويوم ماتبغي الا تلصق فيني ولا تتحرك من مكانها عشان بس ترضع !! ... والترييل حدث ولا حرج ماتشوفين الا شي مسبحك هههههههه ,,,, والله خبري الترييل يكثر مع كل ضرس يشق يعني كعلامه انه بيطلع ضرس بس بحسب علمي ان طلعه اول السنون هي الصعبة بالنسبة للبيبي والسبب انه شي جديد بس بعدين شووي انتي تتعودين وهو يتعود ...

ام جوجو دام وصلت حدها فان شاء الله جم يوووم وهم شاقين هالعرايس اللي فوق ,,,

جوووفان مالك حس؟؟؟

ام ميمي
توني اتذكر الدكتور قاللي اعطي جوجو فيتامين د لان يقول ماشاءالله نموها تمام ومع النمو السريع مدري وش يصير بالرسغ مافهمت عليه قاللي اعطيها اياه لحد ماتكمل سنه عشان يسد احتياجاتها لان غالبا من الصعب تاخذ كل حاجتها بالاكل بس
وجربت لجوجو سيريلاك بالقمح والتمر اول مرتين ماعجبها كثير وطبعا بنتي من تحس بأكلها شي ماحيعجبها تبدا تتفله! عمدا يعني ما ابيه خخ بس اليوم اشوفها الحمدلله اهون من امس بكثيييييير واكلت شوي عالاقل اما امس بالمره
تصدقين ياخوفي يطلعو اسنان بناتنا مره وحده! مدري كذا احساسي ان ماحيطلعو السنين الي فوق بس احس ان حتى الانياب بتطلع لهم على هذا التعب كله

ام جوجو الحمدلله ربي يخفف عليها ياااارب ,,, تصدقين اتوقع بيصير جذي لان عندنا بالعيلة هالحركة خصوصي البنات فمثلا بنت اختي ع قولتها من طلعوا اللي تحت قاموا يطلعون لها بالجملة كل 4 او 6 مع بعض ! تقول اشوفهم بالصدفه طالعين كلهم من جذي بنتها تذبل وتتعب ع عمري بس تصدقين ارتاااحت من ناحية الاكل بسبب اكتمال الاسنان ..

انا ميمي من شهر صايره زافضه اي شي مطحون يا اما اكل معاكم اللي تاكلونه يا اما مايصير وطبعا الحين بروحها بيدها حتى لو عطيتها بيدي تطلعه وترد تاخذه بيدها وتاكله ههههههههه برنامج صراحة ... واحلى شي يطلع من لسانها كلمه عيب ع الرايحة والجاية اللي يغربلها تقوله آآآآآيب ولما اعصب عليها بقوة مباشرة آآآآيب خخخخخخ مزعجين بهالسن ولكن مممتعين بدرجة راااااااائعة الله يخليهم ياارب ...

انا جوجو صايره عياااااره اذا طنشتها وماعطيتها الي تبيه تقول مامما مامما ههههه تضحكني والصبح رسميا بابا بابا عشان يشيلها ابوها المشكله صايره عياره تعرف تنصب عدددل وففعلا احس بدو يفهمون كلامنا! انا لما اكلمها او اناقشها بشي تسكت وتطلعني..يعني لو تزن مثلا اطالعها اقولها جوجو ليش تبكين شوفي العابك يا ماما العبي تطالعني شي كنها تستوعب الحكي وتهدا بعدين ترجع للزن طبعا ههههههه
ام ميمي اخبار الوظيفه هههههههه احس خلاص بتصير ربة منزل وبتنسين كل شي بالشغل

مرحبااااا
مايشوفوا شر الصغيرات
والله يعينكم على التسنين وعمااايلوه

ام جوجو ,,, ايي بدوا يتفهموون للكلام وفعلاا عندهم ردات فعل عجيبة وحلووة هههههههه ... انا صايرة تقهرني بكلمة عيب !! ماتشوفني داخلة الحمام وتلحق علي ابغي ابدل ثياب ماشوف الا وحده تقولي عيب !! تخليني استحي على وجهي بزيادة هههههههههههههه ,,, والله يا اختي الشغل كان مفروض ابتدي بس طبعا اعتذرت بسبب الاخت واللي كانت رافضه حتى ابوها وماتبغي الا صدري هاذي شالحل معاها ؟؟ حتى جربت احط لها بالكوبه راافضه وتدرين اسنان يعني العب بالوقت الضايع !! وحاليا شفت لي وظيفه ولكن ؟؟ يبغوني شفتات 12 ساعه باليوم ... دعواتك لي احصل الوظيفه اللي ببالي قرريب لانه يبغونها ببدايات شهر 8 وربي يوفقني لها وتكون ميمي سنة واروح وانا مرتاحة ,,, ههههههههه وع قولتك نسيان بس بين فترة وفترة افتح كتبي واقعد ادرس خخخخخ وميمي تأشر ع اللي يعجبها ...

هاا شنووو تطورات جوجو ؟؟؟ انا ميمي تبغي كله توقف وحاليا تمشي بلعبتها بس للحين ماشدت عشان تمشي بروحها واحس ان التسنين راح يأخرها لان احس كل ماله حالة التسنين ترجع شوي شوي الله يستر !

جوووفان ,,, تسلمين حبووووو وانتي اخبارك واخبااار بنوتتك ؟؟ رجعوا للمدارس لو للحين ؟؟ احنا عندنا اجازة ربي يعيين والدتي ع الجنووون اليومي ...

جوفان
ان شاءالله مايحول الحول الا اشوفك تجينا تشتكين من التسنين ههههههه انا صديقتي صكتني دعوه ببداية وظيفتي لانها توظفت وهي بالسابع وسبحان الله من دعوتها ولدت بنفس الشهر بعد الي ولدت فيه لووول
ام ميمي
جوجو تبي تجلس والعابها حواليها توزعهم كأنها تنشرهم بمهمات ههههههههه وتحب توقف اكيد انا احب اشجعها امسكيها من ايديها واخليها تحرك رجيلاتهم شوي بس مثل ماقلتي التسنين مرجعهم ورا! انا صراحه انتظمت على فيتامين د عقب مالعب بمخي الدكتور بشوف اخرتها!

هههههههه ام جوجو ع قولة امي الله يطول بعمرها شوفي رجايلها تسطحت ؟؟ معناه بتبدي تمشي بروحها بس مثل ماقلتي التسنين يخليهم مالهم مزاج شي وانتي ماقلتي جوجو خفت من صووب ورجعت لي حالى مرايم من صوب ثاني صياح وفزعه امس تصيح ماتبغي شي بس عطيني مي مي ! ,,, فيتامين دي مامنه مضرة اذا بالكمية المناسبة لان زيادته تسبب مشاكل ... اللي اشوفه دام الطفل يرضع او يشرب حليب وتعرض للشمس يوميا فماله داعي !! ...

ام جوجو اليوم شريت لميمي كااب عجيييب ويطلع كمية مناسبة للبيبي ومافي داخله لاا اشيا عشان تقلل الكمية ولا اشيا متعبة والفتحة تبع الشرب بروحها تتحرك عشان تناسب فم الطفل يعني بأي زاوية يكون الطفل محركها عشان يسهل الشرب عليه وميمي استانست عليها وقامت تشرب بروحها منه ! قلت اجرب احط لها حليب هاليومين اشوفها تمام عشان اقلل رضاعتها ,, الله يوفقني يااارب وارتاااح شووي ...
شوفي هذا الكب عاد انا اخذته من غير ايادي لان اسهل عليها ,,

انا من قامت عليها سنونها جنبت الكب حقها خخخخ يبيلها ابدا عملية البحث يارب ترتاح عليه ميمي وتتعود عليه عشان تخلصي شوي من الرضاعه
اليوم جربت اعطي جوجو جزر وذره انا استانست وقمت اكلهم من حلاوتهم وهي الاخت مو عاجبها خخخخ
زواج اخوي باقيله شهر يمكن وانا خبر خيرر هههه لافستان لي ولا لجوجو! احس اني مشغوله وانا فاضيه الله يعين بس

ام جوجو ,, اشووف ميمي ماشية وياه تحب تمسكه بروحها وتشرب منه وياويل اللي صوبها لانها بتحاول تعطيه منه بيدها هههههههههه....

ههههههههه الذرة انا عطيتها ايااه تمضغه شوووي وبعدها تبلعه وماشوف الا ذرات بالبراز وانتي بكرامة اموت عليها ضحك خخخخ فقمت ما اعطيها الا في شوربه يعني مطحون شويه وتحبه واما الجزر على ابووها تكرهه بكل شي اللهم بالشوربة بدون ما تحس ,,,

يوووه ربي يعيينك عررس يعني شغل لك ولجوجو ان شاء الله تحصلين فساتين حلوة وتعجبك ,, واذا صار لك وقت تعالي عندنا فيه سوق واقف فيه محل لفساتين اطفال رووعه وفيه لحفلات الكبار حلوو ونعومي...

والله شكلو مافي الا اني اجيكم بس بخليه اخر خيار هههه سودانيييه انا صراحه مررره عجازه وكسوله-_- وصايره ماحب الزحمه عشان جوجو
اليوم ام ميمي فكرت ليه مانعمل ساندويتش لاطفالنا خخخخ كان عيدميلاد اختي الصغنونه وعاملين اهلي ميني ساندويتش جوجو حبت التوست بجبن السلايس حسيتو شي مريح لي فكرت اسويه لها لعدين يكون زي العشا مثلا تتوقعي يشبعهم؟!
طبعا امس علمتلي ام الفلم الهندي جوجو صحت 3 الفجر يمكن وهاتك صياح دلع! مو الم اعرف الفرق ولاتبي ماي ولا تبي ترضع خليتها بسريرها وعطيتها لعبه ونمت عنها طبعا هذا الحكي بعد ساعه من المحاولات المضنيه انا وابوها اننا ننومها وباءت بالفشل الذريع مليت اخر شي خليتها مع اللعبه صحيت الصبح لقيتها نايمه خخخخ بس جلطتني عدددل

ام جوجو
سنه حلوه لاختج
اذكر لما بنتي صغيرونه كنت اعمل لها توست مع لبنه وتحبه
بس الصراحه مااذكر كم كان عمرها هههه لما بديت اعطيها

ام جوجو صدقتي الزحمة مع هالجوو لاهو برد ولاهو حر احسه خطير لانه بسرعه ينقل العدوى ! ,, انتي شوفي امورك وان شاء الله تفضين وتخلصين وترتاحين ,,,

بالنسبة للساندوويش انا اسوي لها من فترة لان ببعض المرات كنت مسويتها لفطورنا انا وزوجي متعيجزة هههههه وماشوف الا وحده منقضه ع السندويشة وماخذتها وهاربة فيها للغرفة هههههههههههههه آخر شي اكتشفت انها تحب السليس بالجبن عاد قمت اسوي لها بين الفترة والثانية وفعلا تحب تاكله ولازم تكون كبيرة مثلنه خخخخخ عشان تقتنع واعتقد نص تشبعهم بس طبعا راح يخلصوها كلها ...

والله يام جوجو شكله بناتنا متعاونين مع بعض هههههههههههه انا من يومين سوت فيني الفلم على جاااامد عاد قعدت لي من الساعه 2 بالليل الى 6 وشي الصباح ! خليتها بسريرها تذبح روحها صياح وكلمة والثانية تقولي عيب !!! اخليها معانه تجنني من المناقز واللعب وفوقها تجي تغربل ابوها ( تسحب يده رجله شعره اوو آخر حل تدخل تحت اللحاف وتشتغل على ظهره او بطنه بأظافرها هههههههههه ) اذا ملت جات لي وتشد بشعري يعني قعدي معاي مافي نوم ! صرخت عليها قالت عيب احاول انيمها ماشوف الا وحده تضحك معاي وتلعب هههههه طبعا بعد كل هالانهاك طيرت النوم من عيوني وهي نامت بكل هدووء ,,,

والله تصدقين تكسر خاطري اختي مسكينه ولدها لحد الآن ماينام الليل واتوقع انه عنده تسنين وهي كم يووم وترجع الدوام ع عمري يعني بتصير متعبة لآخر درجه وولدها الله يحفظه اذا يعاند خلص ,,, يعني ماتخيل وضعي جذي بدون نوووم واشغالي كلها تتأجل الله يستر من الثاني خخخخخخ ...

جووووفان ,, اخبااارك ياحلووووووووووة ؟؟ .... عطينه افكار للوجبات شنو كنتين تسوين لبنتك بعد ؟؟

هههههه والله ام ميمي رعب حددده الرجعه للدوام انا كنت اصيح من الخوف! من ترك جوجو ومن كللل شي والتعب و و و بس وربي هي تساهيل رب العالمين فعلا هو ارحم فينا من امهاتنا! انا اجزم ان ماكان فيني طاقه لشي ماادري كيف جامعه ودوام وجوجو الحمدلله ربي قدرني وسهل اموري
امس طلعت نتايجي الحمدلله نجحت ودرجاتي احسن ماتوقعت الحمدلله الله يهون الي باقي بسسس هالسنه والسنه الجايه يارب اتخرج على خير يارب^_^

جوفان
اليوم تذكرت كلامك وجبت اليوم لبنه لجوجو ان شاءالله تعجبها

مبرووووووك ام جوجو
عقبال الشهاده الكبيرره

اتتي تدرسين ماستر؟