ابني والفطام

حبيبتي ربي يعيينك ويقوويك ,, انا احاتي بنفس الحالة لبنتي ! وباين عليها متعلقة برضاعتها ومادري شنو بسوي للفطام ...

الوالدة الله يخليها ان شاء الله قالت لي انها بكل من اخواني اللي رضعتهم طبيعي كاانت اول شي تاخذ لها شهر تخفف مواعيد الرضاعه يعني بدل مايكون باليوم 5 مرات تسويه 3 مرات الى مرتين وطبعا تبقي على الرضاعه الليلية لانها اصعب شي وتظل شهر كامل على هالحال والشهر اللي بعده تخليه هو اللي يرفض الرضاعه بأنها يا اما تضع مرة او لصقة على الحلمة لحتى مايرغب فيها وتعطيه الحليب بالكوب ( طبعا لازم من قبل متعود على سالفة الكوب ) تقول يتعبني اسبوع يبغي يرضع بس بعدين خلاص ينسى ويصير يفضل الكووب ... فانتي جربي معااه هالشي وان شاء الله ينفع ....

خففي الرضاعة بالنهار تدريجي عقب ابدي خففي فليل و الله يعينج ..

السلام عليكم أخواتي
شكرا على ردودكن القيمة وفعلا قطعت عن ابني رضاعة النهار بس الليل لحد اﻵن ما قطعتها ان شاءالله أبدأ معاه.حاسة إني اتأخرت معاه في موضوع الفطام ﻷن باقي ايام قليلة ويكمل سنتين.دعواتكن اخواتي.

شكرا om huss ابني يشرب بالمصاصة في النهار بس في الليل مايتقبل يشرب أي شي ويضل يبكي .الله يساعد اﻷمهات واﻷطفال على هذه المرحلة الصعبة على اﻹثنين خصوصا بالنسبة للرضاعة الطبيعية ﻷنها صعبة نفسيا على اﻷم والطفل.

بما انك قطعتي عنه الرضاعة بالنهار صار الموضوع اسهل ان شالله
ماعليكي غير انك تجهزي له كوب حليب بمصاصة او بدون اللي متعود عليه يعني وتحطي على صدرك بالليل لصق ولما يطلب يرضع
ورجيه صدرك كيف صار وقوليله وعععع شوف ايش صار له او شوف الكخ او شوف الواوا هههه اي اسلوب وتقليله خذ اشرب من الكوب افضب
ومرة على مرة راح يتعود وينسى ان شالله وينفطع على سلام

الله يكون بعونك

شكرا اختي على الرد
صارلي كم يوم قطعت رضاعة الليل وابني ما يرضى يشرب ولا شي ويضل يبكي وينام بالعطش.والله المعين.
وبالنسبة لوضع شي على صدري لا احبذ هذه الفكرة.

خليكِ مستمرة على قطع الرضاعة وما تضعفي
وشوي شوي بيتعود
وبعدين علميه في النهار شرب الحليب بالكوب
واشربي معه علشان يقلدك
ووريه أطفال بعمره كيف بيشربوا الحليب بالكوب
وفي هذه الفترة عوضيه بأكلات فيها الحليب مثل المهلبية مثلاً
وأعطيه زبادي بالفواكه
والله يعينك ويعينه عزيزتي