العبايا والشيلة في خطر حقيقي؟؟؟تمشي كأنها شايله خيمة على راسها

جزاك الله يا أختي ..

فعلاً المناظر التي نراها تحزن القلب ، و لكن الحاصل حالياً أن العباية عند الكثير من البنات أصبحت موضة و مظاهر و ليست للستر و الحجاب ، بل بالعكس بعض العبايات صايرة تخفي العيوب و تظهر مفاتن البنت بشكل أجمل .
أنا اهون عندي اني اشوف بنت مو لا بسة عباية من اني اشوف بنت لابسة عباية مظهرها يسيء للعفة و الستر، هذا غير ريحة العطورات اللي تفوح من البنت اذا تمر عليها يشمها الواحد و هو على بعد ميل :down:

يا أختي أنت بنت مسلمة فكري شوي بس هل اللي تسوينه هذا يرضي ربش ؟؟؟

أما الأهل الله يهديهم لأنهم لو عرفوا يربون بنتهم على الدين الصحيح جان ما قبلت على نفسها انها تطلع بهالمظهر .

نسأل الله الهداية لنا و للجميع .

الحمدلله والصلاة والسلام على رسول الله وعلى آله وصحبه أجمعين

معك حق اختي التمساحة

العبايات الحين صايرة زينة وكشخة ولا احسن فستان
مايدرون اللي يلبسونها ان العباية شرعت للستر ؟؟؟؟؟


طبعا يدرون
لكن الله يهدي الجميع




وتسلمين اختي

جزاك الله كثير الجزاء يا اختي الغاليه

تخيلو شوفت وحده في السوق وحده مرت من جنبها تخيلو وش

قالت دعت عليها بدل ما تدعي لها بالهدايه وكم من وحده غيرها

بتدعي . والله حرام اختي الكريمه هل انتِ متحمله هاذي الدعوات

اللهم اهدنا واهدي بنات المسلمين جمعاً يا رب .

وللأ ستفاده اكثر اطلب من كل وحده تسمع شريط عبد المحس الاحمد

جزاهُ الله خير الجزاء . اسمه (وغارت الحور ) يا اخوتي من

احلى اشرطته . جميل جداً . ومشوق للجنه لا يوفوتكم لا يوفوتكم

( وغارت الحور ) معناه الحور الي بالجنه تغار منك انتِ يا المحجبه

المستتره . واسفه على الاطاله :flower:

مشكورات اخواتي على المشاركة في الموضوع لانة مهم وويهم كل فتاة مسلمة:up: تحرص المحافظة على دينها
وحجابها والستر

يزاج الله خير التمساحة على الموضوع ....


بصراحة يعد هذا الموضوع وايد حساس عندنا لانك ماتعرف مين تلوم ...

الاهل ...

المحلات الي مسموح لها تخيط مثل هذي الاشياء ...


ولا البنت نفسها ... الي مفروض تكون مسؤوله عن تصرفاتها باعتبار انها انسانة عاقله ومحاسبه على اعمالها ...


وعلى العموم اغلب البنات الي يلبسون جذي يكون هدفهم من لبس العبايه

مو الستر ولكن الزينة واعتقد هم لو يحصلهم يشيلونها مرة وحده كان افضل

عندهم مثل ما ياكدون لانها مجرد عادات وتقاليد ((قديمة)):eek2: ...

واخيرا الانسانة الملتزمة الي تخاف ربها تلتزم باللباس الشرعي المعروف

والله يهدي بناتنا ويستر عليهم :smile:

جزاك الله خير أختي تمساحة على موضوعك....

هذا حال اكثر بنات اليوم ..

أسال الله ان يرزقني واياكم وجميع بنات المسلمين الهدايه

اختك
بنت قمر

اللة يهدي الجميع ان شا اللة

والله صحيح هالكلام

الله يستر علينا وعلى نساء المسلمين يارب العالمين...

الله يهدي البنات ..

تراهم اكثر اهل النار...

واشد فتنه على الرجال ... النساء

واغلب هالبنات اللي يلبسون جيه مقصدهم هو جذب الانتباه خاصة الشباب

وانها تكون مميزة

والله بعيني شفت وحده تتمشا مع صديقتها في المركز لابسه عبايه

ضيجه وهي تمشي العباية مخلتنها مفتوحة طايرة بالهوا

بس لو انها لابسه شي محترم قلنا ممكن

بس المصيبه


هي لابسه تنورة جينز قصـــــــــــــــيرة لين الركبة

بس والله عطيتها نظرة من عيوني

انحرجت وغطت جسمها بالعبايه

ويوم راحت الصوب الثاني ......طيرتها بالهوا تعرض سيقانها

بس مسكينه والله الله يهديها
بعد هي توها مراهقه يمكن 17-18 سنه

ما ادري ليش كل ما أي بوظبي اشوف البنات يلبسن عبي عشان يغطن ايديهن بس و باقي الجسم و الصدر و الرقبه ظاهر براااا !!!! و اللبس الله يعينا عليه يا يكون ليس حفله و اذا كان سبور تراا البنطلون بينطر من كثر ما هو ظيق و البطن مع كل حركه يطلع ّ!!!! (هذيلا بنات العرب)))) طبعن مش الكل و نفس الشي صاير في الكلياااات

بس في دبي الاحظ البنات عبيهن مسكرة ّّّ!!! بس غير محجباات !!!!


على فكرة لاحد يقول بنات العرب و الاصل ما يسون ها الشي !!!!!!!!!:down: و لا تقولون الاهل ما يعرفون الكل يعرف و يشوووف و راضي !!!!!!! عااااادي !!!! اونهم متطورين !!!!! :down:

الله يستر علينا و يرحمنا برحمته

اونهم متطورين :D2:D2

مشكورين اخواتي واللة انا يوم كنت اتشلرا للعيد شفت عجايب وغرايب

في السوق وخصوصا مركز ابوهيل للعبايا

اابو الهويل

تسلمين اختى التمساحه على الموضوع المفيده
فعلا صاره العبايه لزينه ولفت الانتباه مو لستر
الله يستر على بنات المؤمنين






تحياتى لج تمساحه





ام النور

والله انك صادقه

وتسلمين .

أختي العزيزة كلامك مضبوط صارت العباية الحين تنافس لأستعراض رشاقة وبروزات الأنثى .

لكن أنا لست معك أختي بأتهام عباية الكتف بأنها غير ساترة أنا يا أختي أداوم من الساعة 7ونصف لحد 2 ونصف وأضطر أني أخلي العباية علي ما أشيلها بحكم وجود بعض الرجال في مجال عملي وهي عبارة عن عباية كتف لكن طبعا غير ضيقة بالعكس أحسها تستر جميع الجسم .

أنا لست ضد لبس عباية الرأس بالعكس ولكن عباية الكتف أسهل للوحدة وخاصة في مجال العمل ومحتاج لحركة

أما بالنسبة للشيله فشو الحرام فيها لو الوحدة تلبس شيلة ملونه أو أطرافها مزينة بالآوان المهم هو تغطية الشعر .

الإسلام ما حدد لون واحد عشان التستر المهم هو التستر وجميع الألوان حلال لبنات أدم .

الله يهديييهن ويعقلهن يا رب

مشكورة عزيزتي على هالموضوع

كلامج كله صح

البنات وايد مصخوها وكل يومين يضيقون العباة أكثر وهالايام بعد الوان ملفته وحاله الله يهديهم بس

لا والمشكله انهم يتعدلون ويقولون الشباب يتحرشون فينا ... والله ماينلامون الشباب احنا البنات يلفتون نظرنا شلون الشباب !!


الله يهديهم ويصلحهم

إنا سمعنا أختنا شيئا عجاب
قالوا كلاما لا يسرُّ عن الحجاب
قالوا خياماً عُلِّقَت فوقَ الرقاب
قالوا ظلاماً حالكاً بين الثياب
قالوا التأخر و التخلف في النقاب
قالوا الرشاقةُ و التطورُ في غياب

****

نادوا بتحرير الفتاة و ألفّوا فيه الكتاب
رسموا طريقاْ للتبرجِ لا يُضيعُهُ الشباب
يا أختَنا هم ساقطونَ الى
الحضيضِ الى التراب

****

يا أختنا صبراً تذوب ببحره كل الصعاب
يا اختنا انتِ العفيفةُ و المصونة بالحجاب
يا أختنا فيك العزيمةُ و النزاهةُ و الثوابِ

كاتب الرسالة الأصلية : *المجروحة*
مشكورة عزيزتي على هالموضوع

كلامج كله صح

البنات وايد مصخوها وكل يومين يضيقون العباة أكثر وهالايام بعد الوان ملفته وحاله الله يهديهم بس

لا والمشكله انهم يتعدلون ويقولون الشباب يتحرشون فينا ... والله ماينلامون الشباب احنا البنات يلفتون نظرنا شلون الشباب !!


الله يهديهم ويصلحهم

كلامج صح امية بالأمية...:up:


و للأسف هذا اللي انشوفه بالاسواق هالأيام...لكن شقصدج بخيمه فوق الراس؟؟

قصدج الملكي؟؟


و بالنسبه لعباة الكتف ...انا البسها لكنها وسيعه و ما تفصل و اهم شي الستر مو الموديل في العباة...يعني الاسلام ما حدد شكل الستر شلون يكون على الراس و لا على الكتف...اهم شي يكون ما يفصل و لا يشف:smile:

السلام عليكم ورحمة الله وبركاته
مشكروه اختي على طرحج الموضوع وانشالله الله يهدي الجمييع
بس انا اللي فاقعن مرارتي العبايه الدانتيل انا ماشفت حد لابسها للامانه بس شفتها يبيعونها في المحلات يعني ابي افهم هذي ليش يلبسونها بالله :D2 ولا بعد من كم من يوم شفت برنامج المزيونه في قناة الامارات حاطين مصصمة عبايات فرنسيه يعني تصورو مصممة عبااياات فرنسيه يعني هذي اشدخلها في العبايات وهالسوالف :eek2: شي يقهر .
بسي اتمنى لو ان كل وحده لما تشوف هالبنات بدل ما تدعي عليها تنصحها وتدعي لها بالهدايه والستر ولو ما تقبلت النصيحه تاخذين انتي الاجر:smile:
وسلامتكن
تحياتي

اني الصراحة صدق البس عباية كتف
وصار لي 8 سنين
بس ولا مرة خليت فيها شي
دايما اتكون سوده واسعة وشال اسود
ما احب الفت الانتباه

الله يستر على جميع المؤمنات