مشكلتي مع خطيبي ابي لها حل!

عزيزتي مرسى الشوق ..

انا ما التمس العذر له ولكن ممكن اهو طالع من مصاريف الخطوبة و تكون عليه التزامات .. و بخصوص بريك الثلاث ساعات صدقيني صعبة احنا الي دواماتنا شفت واحد نتكيسل نطلع بعد الدوام نبي نكون في البيت ونرتاح .. لكن ابي اقول نصيحة يمكن تفيدج ..

اول شي اتفقو على لقاء اسبوعي مثلا ليلة الجمعة او ليلة السبت
بعدين ليلة اهو يجي بيتكم ويتعشى مع بيتكم و ليلة من ايام الاسبوع انتي روحي بيتهم

جذي انتي بتجوفينة 3 ايام بالاسبوع .. انصحج انج ما تنطرين دايما اهو يمر عليج .. فاجئيه بعشى وروحي بيتهم وتعشو وشوي شوي لي ما يتعود لاتنسين انها حياة يديدة للبنت الزواج و الخطوبة حلم و رومنسيات لكن للرجل اهو في بالة ان لازم يتنازل عن استقلاليته و حريته فيحتاج وقت .. اعطيه وقت يحبج ويتعود عليج لان مو كل شي يتغير بين يوم وليلة

M!ss CoLoRz;16386773:

فعلا الوضع مريب

المخطوبين اول الفترة يكونون لاصقين في بعض

انزين ... شلون اتصالاته وياج؟؟

أغلب الظن الريال متضايق ماديا بحكم مصاريف الخطوبة من جذي مو قادر يطلعج

سؤال ثاني .. انزين ما يوديج بيت اهله؟؟؟ اقترحي عليه في هالبريك اللي عنده مرة اييج بيتكم تتغدون ومرة تروحين له بيتهم وتتغدون

يتصل اوكى كذا مره باليوم

بالنسبه للماده انه ما سويت حفله كبيره وخسرته وايد بس ملجه بسيطه في البيت وعطانى المهر وشريت شبكه ودبل وبس

بيت اهله ما قط مره ودانى من انخطبت بكمل شهرين ويقول لي تعالى بيتنا وانه اروح بيتهم بسيارتى وصارت بس 3 مرات من انخطبت

وعن الطلعه مو مشكله لو بس يمرنى لو بالسياره ندور مابي كل يوم مطعم ويوم كوفي شوب والله راضيه عالاقل اشوفه احس شي تغير بحياتى

اول شي راح أقوله لج اهوه زوجج على ما تعودينه ... سالفة انه ولا مرة وصل لعندج ووداج بيتهم يبي لها نقاش بروحه.

قضيتج الأساسية احين اهوه انج فعلا مو كأنج مخطوبة ... لو هالكلام قاعد يصير عقب الزواج اوكي بقول ريال وللحين يبي يحسس روحه بالعزوبية ومن هالكلام بس توكم مالجين الطبيعي انه يكون ملهوف!!!

انتي سويتي اللي عليج وكلمتيه احين مالج إلا يا امج تكلم امه يا أبوج يكلم أبوه او يكلمه اهوه شخصيا تفهمونهم انه ما خذاج عشان يقطج واهلج مو عيزانين عنج

طبعا عقبها بيتصل فيج وبتتهاوشون بس عقب ما اهلج وأهله انحطوا في الصورة

ولا تتسرعين في قراراتج والله يوفقج ان شالله

كلمي امه او اخته بالهموضوع ترى عادي مافيها شئ يمكن يحس ويتعدل ويمكن هو من النوع الثقيييييييل رسمي وجدي مره

تصيير كثير هاذي طبع يعني اسألي عنه اهله كيف اطباعه ؟؟:) وربي يوفقك

أولا لو هوا عاقد عليكي يعني عقد شرعي
يبقى لازم تكلميه ويكون كلام صريح وتساليه ليه ما بيحب يخرج معك
لأنو بصراحة لي بيحب وحدة بيموت ويشوفها كل يوم موكل أسبوع
ثانيا لو أنتو بس مخطوبين من غير عقد يبقى حرااااااااام تخرجي معه لأنو غريب عليكي
ولا تقولي لي تقاليد وعادات إحنا مسلمين لا تحكمنا التقاليد
وإدا قيل لهم إتبعو ما أنزل الله قالو بل نتبع ما ألفينا عليه آباءنا

أم مغربية;16388870:
أولا لو هوا عاقد عليكي يعني عقد شرعي
يبقى لازم تكلميه ويكون كلام صريح وتساليه ليه ما بيحب يخرج معك
لأنو بصراحة لي بيحب وحدة بيموت ويشوفها كل يوم موكل أسبوع
ثانيا لو أنتو بس مخطوبين من غير عقد يبقى حرااااااااام تخرجي معه لأنو غريب عليكي
ولا تقولي لي تقاليد وعادات إحنا مسلمين لا تحكمنا التقاليد
وإدا قيل لهم إتبعو ما أنزل الله قالو بل نتبع ما ألفينا عليه آباءنا

صاحبة المشكلة وضحت من البداية إنهم عاقدين عقد شرعي

شوفي كلام الخوات صحيح جربي من كلامهم

ويمكن فعلا مغصوب ومب مستعد نفسيا واحنا مجتمعاتنا الاهل كل يحنون على البنت والريال

متى تتزوجين ومتى تتزوج وهالموال شغال يومين خاصه على الريال اكثر من البنت لان الريال هو اللي بيده يروح ويطق باب الناس ويخطب

انتي فعلا كلمتيه وهو يطلعج غلطانه لكن صبري ولا تتسرعين بقراراتج يمكن الله يهديه ويحنن قلبه عليج

ويمكن يبيله فتره يتعود على فكرة ان في زوجه الحين تشاركه حياته

سوي مثل ما الاخت قالت وروحي بيتهم وفاجئيه ع العشى ولا الغدا

شوفي سوي حركه كل اشبوع مثلا روحي بيتهم وحطي شي مميز في غرفته

هديه ورد بلونه يعني جي من حركات الدلع حق الريال حسسيه انج شاريته

هو ان شاء الله راح يحس بهالشي وان انتي فعلا تحملتي عدم مبالاته

وصلي استخاره قبل لا ادخلين حد من اهلج فالموضوع


تقبلي مروري وربي يهدي خطيبج ويحنن قلبه عليج وتستانسين وياه فديتج

M!ss CoLoRz;16389167:
صاحبة المشكلة وضحت من البداية إنهم عاقدين عقد شرعي

يعني زوجها مؤ خطيبها
لانها كاتبة خطيبي

مرسي الشوق;16386735:
مرحبا بنات عروس


ابغي مساعده منكم وكيف راح تتصرفون لو كنتوا مكانى


انا انخطبت (ملجو علي) بعد كم يوم بصيرلي شهرين

ومن عاداتنا في البحرين بعد الملجه عادى البنت تطلع مع خطيبها مشاوير وطلعات وغيره

انه من انخطبت ليومكم ما قط مره مر علي بيتنه منه من نفسه بالايام ما يجيني ولا نطلع ولا نشوف بعض معنه يكون اوقات فاضي فيها اقوله خل نشوف بعض او نطلع او مر علي كل مره يطلع لي بعذر اخر مره جفته ليله راس السنه! وقبل راس السنه شفته وطلعت معاه يوم اجازه العيد الوطني يعنى سبوعين ما مرنى البيت ولا طلعت معاه ومن اكلمه اطلع انه غلطانه؟ ابدا ماحس روحي وحده توها مخطوبه او بدايه حياته الجديده كلا مع امى واهلي وربعي وين ما تروح امي اكون معاها لدرجه حتى خالاتى وعماتى مستغربين يشوفوني كلا بروحي ويسالونى وين خطيبج عنج؟ اتفقنه كل ليله جمعه نكون مع بعض والحين ثلاثه اسابيع علي بعضها يطلع لي اعذار وما نطلع فيها؟ شسوى معاه؟ ابي حل لانه هاى بدايتها جذي مافي اهتمام واكلمه يوميا وطبعا اطلع انه الغلطانه وانه الحنانه وانه وانه نفسيتي تعبانه من هالسالفه ومنه كرهت روحي ويوم الى وافقت عليه لدرجه صرت افكر انفصل منه:thumbs_down: مافي احساس حال اى وحده مخطوبه ابدا يعنى اقول بكشخ بتعدل بجهز بطلع معاه ابدا لانه ادري ما بجيني او بقولي خل نطلع زين منه لو اتصل وكلمني تلفون اخر مره تهاوشت معا وطبعا كالعاده اطلع انه غلطانه وسكر تلفونه عشان ما اتصل اتهاوش وياه ما احسه يشتاقلي واهلى كل مره يسالونى عنه مرينا معاه ونبي نشوفه اقول في خاطري انه ما اشوفه انتوا بتشوفونه اهوا دوام شغله شفتين وعنده بريك 3 ساعات بين الدوامين ياما اقوله مرنى في هالفتره يتعذر يوم ماقدر يوم انشغلت يوم تعبان الحين شهرين على هالحاله

السلام عليكم ورحمة الله وبركاته
الف مبروك الملكة وعقبال الزواج عزيزتي
احب اوضح نقطة اختي .طباع الناس تختلف ولاتضني ان كل الصفات والتصرفات يجب ان تأخذ نفس الشكل عند كل الناس
لاتستغربي ان قلت لكي يوجد بزمننا هذا رجال عندهم خجل
وبعضهم صعب عليه جدا ان يتأقلم بسهولة وان يتصرف بسلاسة
وربما خطيبك من هذا النوع
فلا تستعجلي وليس عند كل مشكلة نجد الحل بالانفصال
اعرفي من اقرب الناس له كيف هي طباعه
هل هو من النوع الخجول الهاديء الرزين الكتوم
ام هو منطلق مع الجميع وفقط معك يتصرف بشيء من البرود او الغير مظهر لأهتمامه؟
وانتي تقولين الاتصالات بينكم بالموبايل مستمرة فربما لكونه يسمع صوتك يوميا فيشعر ان هذا كافي اظيف له ان دوامه قلتي شفتين اي تعب تام يااختي
لذا لايجد وقت لنفسه فكيف لغيره
لاتعتقدي ان من يخرج معها خطيبها اول ايام الخطوبة بأستمرار ولايقطع زياراته ان حاله هذه ستستمر بنفس الشكل بعد الزواج او ان الطلعات هي دليل حب
ربما خطيبك مقل في زياراته لكن مشاعره اصفى من الذهب
وربما فتاة اخرى خطيبها كل يومين يتغدون بمطعم ومشاعره عادية فقط امام الناس او ليتباهى امام اصدقائه بأنه سعيد
عندما تسألك اي قريبة من قريباتك لم خطيبك ليس معك لم لم يفسحك لم لم يزورك اجيبيهم بالحقيقة عن شدة ارهاق عمله وانه شفتين
لاتضني ال 3 ساعات بين الشفتين كثيرة صدقيني قد تمر عليه كأنها 3 دقائق ولايشعر بطعمها
الشغل على شكل شفتات اصعب من الشغل على شكل دوام له وقت واحد وينتهي دفعة واحدة
اهدأي اختي وتفائلي بالخير تجديه
استغلي وقت عدم تواجد خطيبك معك في عمل كل شيء ممكن يأخذ من وقتك بعد الزواج
مثلا :ان كانت لاسامح الله عندك مشكلة بالشعر عالجيها او انجزيها الان
شعر جسمك ان كان ممكن اسعي لأزالته كليا سواء بالليزر او اي طريقة اخرى بحيث لا تحتاجين لأزالته بعد الزواج
ان كنتي تدرسين فكري بدراستك حتى تنجزيها على اتم وجه
ان كنتي تريدين العمل او ستجلسين بالبيت ففكري بهذاالامر
بماان دوام خطيبك طويل لذا بعد الزواج بنيتي سيكون لك متسع من الوقت
لذافكري من الان كيف ستقضين اوقات الفراغ بحيث لايتمكن منك الملل
اسأل الله لكي حياة سعيدة مملوئة بالراحة والمحبة
سلامي لكي
اختك لارسا بغداد

أم مغربية;16390320:
يعني زوجها مؤ خطيبها
لانها كاتبة خطيبي

في البحرين عندنا الخطوبة تكون بعد العقد .. هني تسميه خطيبها وتطلع معاه وييجهزون مع بعض لبيتهم او شقتهم وتتعرف عليه لأنه بالبداية مجرد يسألون عنه وتجوفه ويجوفها

بعد الدخلة تسميه زوجها

بصراحة انه رايي من راي الاخت ديم

حاولي تتأكدين ان اهو مو مجبور على هالزواج !!

يعني شي غريب اللي يسويه .. شبابنا ما يصدقون يملجون عشان يلصقون في جبد خطيبتهم ..

وانه بصراحة ما أأيد انج ترروحين بيتهم بروحج بسيارتج قبل لا اهوا يوديج !!


ضبطي امورج من البداية اضمن لج .. وبصراحة ماعتقد في حب في العلاقة اللي بينكم ... يعني للحين انتو عالبر تماما

اممم يا قلبي انتي ما تعطينه فرصة شلون تبينه يشتاقلج و انتي تكلمينه يوميا
الله يسخره لج ان شاء الله

لارسا بغداد
أعجبني كلامها حييييل

حبيبتي إنتو ما سألتوا عنه قبل الخطوبة إذا كان مو من أقاربك
لأن أقاربك أكيد تعرفينهم ؟؟

بعدين انتِ وافقتِ عليه وأنتِ أكيد عارفه عنه كل شيء

أنا أشوف إنك ماتروحين بيتهم لوحدك
إذا بتروحي معه حلوو

الله يوفقك حبيبتي ويكتب لك إللي فيه الخير