اتمنى من كل مخطوبه انها تشارك بالموضوع

كاتب الرسالة الأصلية : امااااراتية
السلام عليكم..
انا مخطوبة صار لي اكثر من 6 شهور وعادي اكلم خطيبي بالتلفون واهلي واهله يعرفون..ومرات اطلع وياه بس يكون ويانا حد مثل خواتي او خواته... واتوقع انه مافيها شي طول ما احنا ملتزمين حدودنا ونكلم بعض في حدود المعقول لانه لازم نعرف بعض عدل ونعرف طبايع بعض قبل الملجة والعرس.. ومادري عاد هذا رايي..واسمحولي:smile:

هذا الشي بعد عندنا ومافيها شي لو الوحده تعرفت على زوجها قبل الزواج وهذا يقربهم من بعض أكثر ويتفهمون بعضهم

والله يوفق للجميع

شوفي حبيبتي قبل الملكه ما يجوووووز

انو تكلم خطيبها لانه يعتبر اجنبي عنها

اما بعدها يجوز لانها تكون زوجته بس قبل لاااااا

لانو مايندرى ممكن يفسخون الخطبه وتتوهق البنت

الموضوع يعتمد على كل عائلة وكل بلد وعاداته وتقاليده ...........

بس الدين والشرع يحلل هالشئ لانه بحكم العقد هم متزوجين ؟؟؟

وشلون يعايرها وهي زوجته على سنة الله ورسوله يعايرها لين كلمته قبل الملكه و ركضت وراه عشان يتزوجها ؟؟؟؟؟

بصراحه تخلف من الريال اللي يعاير خطيبته يوم اتكلمه ؟؟؟؟؟ وهي اتكلمه عشان تبي تتعرف عليه اكثر تبي تفهمه تتعود عليه اكثر واكثر مب ليلة العرس يصيرون مثل الغرب ؟؟؟؟؟؟؟؟؟؟

احنا بالبحرين مثل ما قالت ام اصيل كللللللللللللللللللللللللش عاااااااااااااااااادي عندنا ومتعارف عليه بالمجتمع ان المخطوبين مثل المتزوجين بس ينقصهم اعلان الزواج والاتفاق عليه ؟؟؟؟

وكثير من المخطوبين يجامعون زوجاتهم في فترة الخطوبه بعد ؟؟؟؟

بس هالشئ ما يحبذ من المجتمع عشان ما يصير حمل واحراج للأهل ؟؟؟

ولا اعرف ناس وااااااااااااااااااااااااااااااااااااااااااااااااااااااااااااااااااااااااااايد تزوجوا وهم حمل ولا بالشهور الاخيره بعد 7 و8 بعد :D2

وسلامممممممممممممممتكم

الموضوع عادي و طبيعي لازم يتعرفو على بعض

بس في شباب للأسف بياخدو هاد الموضوع ضد البنت
عاد البنت هي و شطارتها

السلام عليكم ورحمة الله وبركاته


بنااااااااااات اسمعوني عدل عادي لو انكم تتصلون بخطيبكم وترسلون له مسجات ... وحلو لو يتم اتصال او اثنين او ثلاثه بالكثير للتعارف بس ...

بنات اسمعوا تغلووووووووووووووووووا على ازواجكم لا تكونون ملقوفات ... خلكم خجولات عشان يشتاق لكم اكثر واكثر وجي بيتخبل عليج ... :up: أوكي ...

عادي رمسيه بس بالمعقول ...


فديتكم والله :shy:

الله يسعدكم كلكم يارب المخطوبات والمتزوجات واللي مو مخطوبات الله يرزقكم بالزوج الصالح


اتريا تعليقكم

مرحبا أخواتي واشكرك اختي عنود على هالموضوع

أنا في إعتقادي إن البنت افضل إنها تكلم خطيبها قبل الملكة وبعلم اهلها علشان تتعرف عليه ويتعرف عليها ويشوفون إذا يناسبون بعض او لا قبل ماصير الملكة وبعدين يكتشفون إنهم مايناسبون بعض وصير الطلاق . وأنا الحمد لله صار لي مخطوبة سنة ونصف وكنت أتكلم مع خطيبي قبل الخطوبة لمدة سنة بعلم أهلي بعد ماخطبني وسعيدة جدا مع زوجي وهو ما يشجع إن البنت و الولد يزوجون زواج تقليدي.

السلام عليكم .... اسمحو لي اشاركم الموضوع

بالنسنه لي انا مخطوبه وأكلم زوجي .. أعتقد ان له ايجابيات وسلبيات

من ايجابياته ان المخطوبه تعرف تفكير وشخصيه الطرف الثاني الي راح يكمل درب الحياه معها وممكن ايضآ يحد من نسبه التوتر للعروس بيوم عرسه
وومن سلبيات المحادثه تتقلل من نسبه الشوق والحياء .. المطلوب

ووالله معاكم :smile:

:s2

احنا عدنا نملج اول بعدين فترة الخطوبه بعدين الزواج.. يعني الخطيب اكون زوج حلال اسوي فيش كلشي وتختلين فيه بعد في البحرين جدي

والله انا بالنسبه لي اشوف عادي ان البنت تكلم خطيبها حتى تتعرف على طبايعه وتشوف اسلوبه بالحياه...
بس احيانا الولد مايبي هالشيء فالافضل ماتجبره ... وتخليه على راحته...
لانه بالاخير ,,,,(((( مرده لها ))).....
لانه هو اللي يبيها وجايها مو هي اللي راحت له...:shy:
والله يوفق الجميع... يارب ..

احنا عندنا الخطبة هي الي بتكون فيها عقد شرعي واحيانا بتكون اول يام
قراية فاتحة ويوم الخطبة اي العقد بكون كتب الكتاب

عندنا بصير تقعد الوحدة مع خطيبها اذا كانوا كاتبين الكتاب وبصير تلبسلوا الي بدها اياه وتقعد معاه وتطلع هي واياه مع بعض دون وجود اي حدا
بينهم
:clap::up::clap::up::clap:

انا من رأيي ان المكالمات في فترة الخطوبه ضروريه..
وانا انصح فيها كل وحده.. انا عن تجربتي..
مخطوبه لولد عمي.. وعن قصة حب.... طيب انتي تخيلي معي..
اي اثنين يتزوجون جدد..وماسبق بينهم اي تعارف..من الطبيعي ان اول سنه تكون اغلبها مشاكل..لاهي فاهمته ولاهو عارف وش تبي؟؟
لكن لوكانوا يكلمون بفترة الخطوبه..كان فهمها اللي هو يبي.. تعرف طباعه ويعرف طباعها..تعرف وش يحب وش يكره..وحتى هو نفس الشي..
فترة الخطوبه مو بس غزل ورومانسيه وحب ودلع وهدايا؟؟
لازم تكون المصارحه ضروريه بين الطرفين..
وانا عن تجربتي اعتبرها اجتياز للسنه الاولى للزواج..

انا مثلا اول علاقتي فيه كانت رسايل.. وقلت له عن ابرز عيوبي
وهي العناد والأنانيه.. انا اصغر البنات وتعودت ان الشي اللي اطلبه ضروري يجيني بأي شكل من الاشكال..ماانام الاّ واللي ابيه عندي ولاّ ازعل.. وبما اني مدلله عند ابوي كان ينفذ طلباتي..
طبعا والزوج مو مثل الأب ..صحيح انه مايقصر..لكن لازم نكون قنوعين...
وبفضل الله ثم خطيبي..علمني معنى القناعه وشال عني اسلوب العناد..
حتى انه الحين يقولي كنتي متعبتني كثيييير:D2:D2
لأنه هو مايحب اللي تعاند .. هذا شي من اشياء كثيره..
او مثلا مايعجبني شي فيه اصارحه .. وهو يصارحني باللي يزعجه فيني..

وحالياً جالسين نخطط لشقتنا وكيف يكون التصميم والديكور والاثاث..وهالشي هذا ضروري ياخذ رأيي فيه.. وشلون ياخذ رايي واحنا مانكلم؟؟

عرفتي؟؟
وفوق هذا كله احلى فتره هي الخطوبه.. وضروري تستغلينها بكل مافيها.. انتي الوحيده اللي لك حق بخطيبك.. وفوق كذا يمنعونك من الاتصال معه..والله صعبه؟؟

مع العلم .. انا اكلمه واهلي مايدرون:pain::shy:

السلام عليكم ورحمة الله وبركاته


عزيز تي عنودي وربي موضو عك مهم ...

شو في حبيبتي طبعا احنا عندنا ممنوع ومستحيل الوحده تكلم خطيبها قبل الملكه...يشو فها الشوفه الشرعيه إيه وبحضور محرم طبعا وما تتعدى مدة الشوفه عشر دقايق....وبعد الملكه طبعا لها الحريه انها تتكلم معه وتطلع معه بس بحدود.

الى هنا كل شي تمام اوكي؟؟:up:

اقولك الحين رأ ي الشخصي اذا كان يهمك...

انا الآن مخطوبه لي تقريبا سبعه شهور .. والملكه ان شاءالله بعد شهرين تقريبا...انا ما كلمته الا اثناء الشوفه.وطبعا كلمات معدوده كيف الحال وش تدرسين وباي سنه ومن ذا الكلام....... طيب وبعدين؟؟؟ كيف احكم على شخصيته وتفكيره؟؟ اوكي سالنا عنه وقالو تمام وو.... بس في أمور خاصه با التفكير والاسلوب ونظرته للامور هذي الاشياء انا كيف اعرفها؟؟ ومتى ؟؟بعد الملكه؟؟؟ طيب واذا كان تفكيره وشخصيته بو ادي وانا بوادي ثاني مثل ما قالت الاخت من قاله... وبعدين وش الفايده؟؟ حتى اذا افترقنا بعد الملكه طبعا أعتبر مطلقه.....(ما عليهكثرت الهذره بس خلوني اطلع اللي بقلبي لاني من جد مهمومه)::confused:
ومن نا حيه ثانيه انا اقدر كلام البنات اللي قالو ان ازواجهم يعا يرونهم انهم كلموهم.. فعلا تصيررررر وبقوه ليه مدري؟وش ها التخلف يعني البنت اذا صار بينك وبينها مكالمات (بحدود طبعا) فهي قليلة ادب وما تستحي وكلمت غيرك؟؟؟وش ها التفكير والظن السيء؟؟ انت خطبتها بمعرفة اهلك وواهلها وبعلمهم ونيتك طبعا الزواج اذا تو افقتو كان بها والحمدلله واذا ما صار تو فيق مع السلامه كل واحد بطريقه على الاقل ما في طلاق ولا اولاد يضيعون.

تحياتي للجميع...

تما ضر

بوجهة نظري عادي انهم يكلمون بعض...في الخطوبة وفي الملجة

لانه في عوايل تمنع كلامهم حتا في الملجة..

والله اني اعرف بنات ما كانوا يرمسونهم لا في الخطوبة ولا في الملجة

بعد ما اتزوجوا انصدموا وووايد في رياييلهم.... بس الحمدلله اتفاهموا بعد مرور شهور على زواجهم...

رايي انا:
في الخطوبة ..... اول شي لازم الريال يكلم اخته او امه او اي حد علشان يكلمون البنت ويقولون حقها انه برمسها..... واذا صار ووافقت لازم يكون الكلام اللي بينهم بحدود ووقت قصير وعلى فترات متباعده... اذا طلب منها شي انها تطلع معاه او يشوفها برع(لانه وايد تستوي هالاشياء) فلازم ترفض على طول وتحاول انها ما تكلمه كثير
...

في الملجه .... عادي يكلمون بعض اكثر عن قبل وتزيد السوالف بينهم ويمكن استخدام كلمات الحب ..... ويقدر انه يشوفها ويقعد او يتغدا معها في البيت.... والبعض يحبون انهم يطلعون في نزهة قصيرة

لانه هاذا زوجها ... بس تحاول انها ما تزودها في شوفاته
وما تطلع معاه لان الحين الشباب يطلعون مع البنت وياخذون اللي يبونه وبعدين يطلقونها... في فترة الملجه

انا شاركت بهذا الموضوع من قبل ولكن لم اقل رايي
ورايي هو ان يكون هناك كلام وجلسات بينهم بحضور احد
من المحارم او مشان ماحدا يعرف ايش السوالف الخاصة الي حابة تعرفها
العروس او العريس انهم يقعدوا بغرفة مفتوحة وان تكون قبال الباب
ويكون في احد قبالهم مشان ماتصير خلوة ومنها بوخذوا حريتهم بالكلام
لانه بهاي الفترة لازم كل واحد يعرف ايش شخصية الاخر وايش تفكيره والا راح تكون حياتهم مستحيلة وصدقوني بحكيلكم عن تجربة لاني وقعت وقعة رحت مااروح فيها لولا فرج ربي علي وصدقوني اني رحت ماانهارومشان هيك لازم تكون هناك جلسات تنعقد بينهم قبل كتب الكتاب وان ماعجبتهم افكار بعض بكون الانفصال احسن الهم قبل ما يخسروا حالهم وخلاف الكلام الزايد
وهذا هو رايي وخذوها عن تجربة:confused:

كاتب الرسالة الأصلية : ام اصيل
مرحبا اخواتي :shy:

وشكرا على الموضوع ........:clap::clap:


بصراحه احنا عندنا ان البنت يصير لها تكلم خطيبها بفتره الخطوبه ولكن بعد الملكه وقبل الزواج عاااااااااااااادي اي شي حتى لو انها تنام معاه او تسافر وياه :up::up:

د


أتفق تمام مع أم أصيل :up:

كاتب الرسالة الأصلية : حاملة القرنفل
السلام عليكم ،،

يمكن عندنا في البحرين الوضع مختلف شوي ،، في البداية لما يتقدم الشاب لخطبة الفتاة تصير " مقابلة " بينهم في بيت أهل البنت بحضور الأهل أو في بعض العائلات يتركونهم لوحدهم علشان يتكلمون مع بعض و يسألون بعض اللي في بالهم ، و لما يرتاحون لبعض بعدين ممكن يتكلمون في التلفون علشان يفهمون بعض أكثر و طبعاً بعلم الأهل لأن هذا الشي من حقهم لأن بتكون بينهم حياة مشتركة و غالباً الرجال هو اللي يطلب من أهل البنت انه يكلمها علشان يتعرفون على طريقة تفكير بعض ،، و بعد الملجة يكونون من الناحية الشرعية زوج و زوجة .. يطلعون مع بعض و يكلمون بعض عادي...

الموضوع جداً عادي لأن الكلام بينهم راح يكون بحدود و لهدف معين ، و بعدين الزوج ما راح يعاير زوجته بأي شي لأن ما في شي غلط يستدعي غنه يعايرها عليه .

أنا أأيد أختي حاملة القرنفل.... ومعاها حق! لانه احنه نسوي نفس الشي!

تحياتي لكم كلم

.. السلام عليكم ..

عن نفسي .. لما انخطبت عرض زوجي المكالمة ورفضت ! وكانت حجتي انه ما حق شرعي أنه اكلمه ويكلمني ..
لكن بعد الملاك - هذي الفتره- عادي سمحت لأنه حق له ،، وخلاص أنا في عصمته ..

................ وادعوا لي بالتوفيق

السلام عليكم ورحمة الله

والله الموضوع هذا عندنا طبيعي لكن بحدود معينه ..

وانا اتفق مع البنات انها لازم تكلمه قبل الزواج بفترة كافية عشان تدرس اخلاقه ويدرس اخلاقها .

مسألة ان الرجال يفكر فيك تفكير سيء .. هذا يكون في حالة وحدة فقط اذا انتي طلبتي تكلمينه مو هو ، والمفروض طبعاً هو الي يفتح الموضوع قبل عن طريق انه يستأذن احد اخوانك او ابوك في هالشي .

متى يكون هالشيء لا يجوز ؟
اذا كنت تكلمينه او حتى تشوفينه من دون موافقة او علم اهلك هذي الساعه يكون عليك ذنب لأن شرط الموافقة الأهل ضروري ، ولو رفضوا انكم تكلمون بعض فعندها مايجوز لك تكملينه او تشوفينه .

مقابلات الخطوبة والملكة :

الخطوبة طبعاً حرام انه يختلي فيك حتى لو كانت خطوبة رسمية اذا حب يشوفك لازم يكون بوجود محرم سواء كان الأخ او الأب او الخال .. الخ
والخروج معه في فترة الخطوبة ايضاً حرام لأنه ما يربطكم رباط شرعي حتى لو بوجود شخص ثالث .

اما بعد الملكة فخلاص تنتهي كل الحواجز لأن الملكة تعتبر عقد نكاح رسمي يجوز لك بعدها انك تكلمينه وتطلعين معاها .

برأيي الشخصي :

مكالمات التليفون بعد الخطوبة الأفضل تكون قليله مره خصوصاً في البداية ( عشان مايمل منك :D2 )

بعد الملكة تكثر شوي بحكم ترتيبات العرس بس بعد لا تكثر زيادة عن اللزوم ولا حتى المقابلات عشان لما يصير العرس يكون فيه اشياء غامضة فيك لسه ما اكتشفها :up: مو يكون مل منك خلاص وشبع من شوفتك :pain:

مثل ماقال احد الفلاسفة
( المرأة لغز مشوق ، حين يُفك اللغز ينتهي التشويق ) :smile:

اى دين يقول ان الفتاه تتجوز رجل لا تعرفه؟؟؟ و لا اقصد بانها تعرفه بانها راته...و لكن تحدثت معه....تناقشت معه فى امور.....عرفت طباعه

و ما هو الغرض من الخطوبة غير ذلك؟؟؟؟