بصراحة.......... هذا مهري !!! مقبول ولا لا

والله صدقتي حسبي الله ونعم الوكيل أخت أمارتيه وربي يعوضك بلي أحسن منه
أحس المهر يكفي 20ألف لكن لازم تكوني ملمه بكل شي تحتاجيه وتحاولي تجيبي أرخص الأسعار وأحسنها ومؤخر يمكن تكتبين 200ألف وأنت لا سمح الله تعوفينه وتطلبين الخلاص منه يعني المؤخر ماله داعي ومهرك بحكمه منك وتدبير تشترين كل لي لازمك وزياده

الله يغربل ابليس الريايييل

يوم الاهل يطلبون واايد يعايرون ويقولون ماشايفين خير

ويوم مايطلبون يعايرون البنت واهلها ويوقلون ماصدقوا بنتهم حد خطبها

شو هالحاله

الله يصبرج اختي امارتيه ويعوضح باللي احسن عنه

انا عن نفسي 10 مهر و40 الاف تجهيزات من فستان ومكياج وغيره
واهم شيء عندي احافظ على بشرتي وجسمي واهتم فيه
لاني مابي اخسر فلوسي على الملابس والتجهيزات وبشرتي وجسمي حالتهم حاله

بس حبيت اذكر قصة مشابهة للاخت السابقة
بنت زوجها ابوها بريال

وصار زوجها يناديهاياغرشة البيبسي ( على اساس انها بريال )

وتم على هذي الحالة فترة لين ما زهق البنت حياتها وطفشت وراحت لاهلها

ولما عرف الاب زعلللللللل وهددها اذا رجعت بيت زوجها لين جا الزوج مع كبار عايلته وما يدرون اهله ليش مرته زعلانه بس يعرفون انه يبيها ترجع معاه البيت وان ابوها مب راضي

فلما جو البيت عند الاب طرش ولده للدكان وقال له هات غرشة بيبسي
وبعد شوي كرر الموضوع وجاب غرشة بيبسي

والمرة الثالثة ونفس الشي للمرة الخامسة

حس الزوج بالنغزة عليه وبلع ريقه

قالو كبار العيلة : شالسالفة ؟؟

قال الاب : ترى يوم عطاني ريال شرى غرشة بيبسي وانا اليوم جبت بدال الغرشة خمس ..

وقال لهم السالفة انه حشمه وشرى رجال واخرتها قعد يعاير بنته المسكينه ..

وقال بنتي غالية ما تطلع معاه غير بثلاثمية الف و.. اعتقد ان دفعها الرجال عشان البنت كانت طيبة بس هو مب له الحشيمة ماله الا سواد الويه ..

اعتقد انه فيه تفاصيل صغير ة تختلف عن القصة الحقيقية ..

.. وهذ اللي عندي

شكرا للاخت غرنوجة على الموضوع
بس ملاحظة ليش حاطة الجنس ذكر في بياناتج ؟
والله بالبداية تلخبطت ؟؟

والله يوفقج ويتمم لج على خير

شكرا ياختي مشتاقه لقطر
وهالقصه صح انا سمعتها

اما عن صاحبة الموضوع ترا هالموضوع صارله 3 سنين على مااظن:dd:

و الله في هالوقت لو الوحده ما تشتغل لازم تطلب مهر علشان تقدر تزهب نفسها في ظل هالغلا اللي عايشين فيه

بس يعني تحاسب ما تكسر ظهر ريلها لانها في الاخير هيه اللي بتتضرر لو تدين و دفع لها مهر محترم و تزهبت و خلصت باجر بتعيش وياه وهو مديون لا بيقدر يسفرها و لا يريحها و يلبي كل طلباتها لانه مديون


بس لو ريحته و هو حاول بعد يعطيها كل اللي يقدر عليه بيعيشون مرتاحين


انا و اعوذ بالله من كلمة انا مهرين في العقد كان الأساسي 20 ألف مقدم و المؤخر اعتقد 100 ألأف و الله ما اعرف تبون الصدق كم مؤخري :) "" عبيطه صح معرسه من سنتين و لا اعرف كم المؤخر ""

المهم بس المهر الفعلي اللي يابه ريلي لي بدون ما اطلبه هو 100 ألف بدون خسر العرس و الزهبه و الصاله و الكوشه و البطاقات و و و هذا هو كان متكفل به

و الحمد لله قدرت ادبر نفسي فيه و لاني حاسبت في الصرف قدرت اشاركه شوي في تجهيز الشقه و كان وايد مستانس اني سويت هالشي


اختكم سحايب

الله يرزق كل البنات بعيال الحلال اللي يسترون عليهم
و المهر ما عليه خلاف

احنا ماعندنا جذيه بالبحرين وايددد...يعني تقريبا الاغلبية مثلي تقريبا.. انا مهري الفين دينار لي ما المسها وتكاليف الحفل من الالف للياء والشبكة بعد يدفعها الزوج كاملة وانا سويت حفلة عدلة ووايد حلوة وراقية وكلفت زوجي تقريبا 15 الف دينار...والمهر يكون حقي شريت لي شوي منه اغراض وبس..

حبيبتي انا توي على مشارف الخطبه

وعلى الله ما اغير راي بعد - ادعولي يروح اشوي من العناد اللي براسي واوافق نهائي -

الخطيب هالمره غني والله انا دلوعه واحب كل شي يعني بطلب مبلغ محترم بيدي غير فستان الملكه وفستان الزواج

والشبكه والذي منه يعني ما اقدر احدد لازم اخذ رايه بس اكيد ماراح يكون قليل

نحن بالامارات يعني في عايلتنا وجي ... المهر يكون 80 ألف وإن كثروا 100ألف

لانه كل شي استوى غاااااااااااااااالي

وبصراحه اقولكم انا ما برضى اخذ مهر اقل من 70 ألف درهم:no:

والله 100 الف ما تسد هالزمن

اذا اقل فستان ب 30 الف و العقد 100 الف او 70 الف و من غير الساعه

و القاعه 60 الف و الكوشه و الفرقه و و و و

ما بقول مهري عن تصفعوني لوووول

عروس الخيال:
غرنوجة
لعلمي المهر غير البيزات اللي تنعطا للعروس للزهبه
هو مجرد مبلغ يتسلم بيدها ويكون لها هي ماله خص بالزهبه او تحضيرات العرس
من ناحيتي المقدم من المهر ارضى فيه لو كان اقل القليل حتى لو كان شي رمزي بس المؤخر اسمحيلي اكسر ظهره فيه عسب يستادب ولا يفكر يطلقني :cool2:

اسمحيلي اقولج ترى انتي اللي بتضرين نفسج

ترى هو بامكانه يخليج تتنازلين عن المؤخر


يعني مثلا لاقدر الله بغيتي تتطلقين منه .. وهو ما عنده مبلغ المؤخر

بينشف ريجج عالطلاق لين توقعين له تنازل عن المؤخر


انا الحمدلله ما اهتميت لسالفة المؤخر لاني اعرف انه يقدر يعلقني ولا يعطيني المؤخر

يحليلكم بس ..

انا ما طلبت شي و لا هلي بعد و أنا اتفقت وياه و اشترطت عليه إنه ما يحط على نفسه سلفيات لو شنو.. و لا أدري بالمؤخر ( مادري

اشلون انتوا حاطينه همكم ) ..

و المهم عندي أو اللي أشوفه المفروض إن الريّال يكون عارف الدنيا و شلون ماشية يعني ما يعطيني 60 الف و يقول العرس كله من

الألف لين الياء عليج في المقابل الدنيا برى نار ؟!!!

و بعدين صح أنتي بتتجهزين لزوجج .. و مب شرط تتجهزين بميتين الف ولا 300 الف .. لأن صج حرام .. فكروا فيه هو بعد وراه

مشاغل ما يبي يجهز لج البيت و يأثثه ؟ ما تبين تسافرين ؟ تروحين وتجين و توجبين هذا و تجاملين ذاك ؟ من وين ؟ مب من عنده


بالنسبة لي مثل الأخت أم خالد :

عني انا اللي انكتب بالعقد غير عن اللي عطاني ،، يعني انكتب شي رمزي ..

عطاني شوي اكثر عن خواتي وبنات عمي ،، بس حقيقه طول فترة الملجة ما قصر ..

هو على حسب حالته ،، يعني اهم شي يقضي الأساسيات .. انتي ارضي باللي يكفيك ،، وهو لو حالته تسمح اكيد ما يقصر

بس اللي انكتب في عقدي بالضبط نص اللي انحط لي في البنك .. و طول فترة الملجة ما قصر .. ما يجيب لي فديته إلا من الغالي ..

غير الشبكة والدبلة و البيت و تأثيثه و القاعة و الطاولات و حفلة الخطوبة كاملة .. الحمد لله هو مقتدر و أنا بعد مراعيته ..

بس فعلاً القناعة كنز لا يفنى .. لأن في بنات وايد انعطوا 100 الف مثلاً و بعد ما كفتهم و زادوها 25 أو 50 غير اللي شله ابوهم عنهم

يعني لو عليها هي يمكن ما ترضى بأقل من 200 !! و الله المستعان ..

أقلهن مالا...اكثرهن بركه....الله يبارك في الجميع انشالله...
ياما بيوت انهارت من ورا هالمهر الغالي ..الريال ديونه قد شعر راسه...والحرمه تبى زياده...واخر شي العيال يروحون فيها ...ما الوم الشباب يوم ياخذون اجنبيات...المشكله انه حياتنا صارت مظاهر..وعووذ بالله من الفتنه الي بتصير ...وهذا ردي على الموضوع والسموحه من الجميع..

بنـــــــــات لاتزعلون لو عنستوا........

بصراحه وااااااااااااايد تبالغوووون.......... يعني انتوا تتزوجون للفلوووس وإلا للاستقرار..

وبصراحه وبدون زعل......... بعض البنات داشين على طمع..

بعدين عيب البنت تطلب المهر.. الريال يقدم اللي يقدر عليه... هذا اذا كنتوا تبون الريال مب فلوووسه
وشي ثاني إذا نقصت الفلوس ممكن تطلبون من الاهل او من الزوج نفسه بس بحدود..

الحمدلله الكل شايف خير..

يابنات خفوا شوي على الشباب.............. ولاتزعلون لو راحوا يدورون برع البلاد..


ياربي قهرتوني.................... وآخر شي تقولون الله يرزقنا بولد الحلال

الله يهديكم جميعاً ويصلح حالكم................. بعدين اييكم ولد الحلال اللي يستر عليكم

واللحين الناس يهتمون بس برمسة الناس يعني يخسرون هالاشياء علشان نظرة الناس

[align=right]أختي غرنوجة من كلامك مبين انك انثى

لكن المعلومات تحت اسمك مكتوب ذكر



تاريخ التسجيل: 14-10-2003


رقم العضوية : 26811



الإقامة : الامارات



الجنس : ذكر



مشاركات: 619

بالنسبة للمهر العريس وذوقه
بس مش معنى هاد انو يكون غني ويتباخل

اختي خواطر كلامها عين العقل والله

اسولة الامورة

هي بنت

بس يمكن ماغيرت نوع الجنس

يوم سجلت في المنتدى

السلام علييكم

عيبني الموضووع

وانا ما كنت مقتنعه بمهري

بس مهر احسن من وايد ناس

بس احنا ما طلبنا منهم
شي قلنا الي تيينوونه

و هم عطووني شي

و عطوني الحيين نص و بعديين قبل العرس نص

مثل

انا مهري كان تقريبا 60،000

الحيين عطووني 30،000
عشاان اجهز

و30،000 الباقية

قبل العرس بشهرريين

الحيين بتشرى ملابس
و بعدل عمري في الصالونات
و تعرفوون جهبة العرووس تكوون معتبرة

و ال30،000

بخليهم للذهب و المكياااااااااااااااااااج و العطوور

و ان شاء الله يكفيني


معني مضاايجة بنت عمي كان 80،000

بس ارد و اقوول الحمد الله ؟، مثل ما قلتوا اقلهن مهرا اكثرهن بركه

و على فكرة

فستان العرس و صالووني و باقتي و حنااي على المعرس


هاي هي عادااتنا


و شوء رايكم

اما انا فكان مهري حوالي 60 ألف ...

الحمدلله كان مكفيني وزياده ...

اما بالنسبه على الي قالوا البنات ان المهر مومهم ...السمووووووووووووووووحه ...؟؟؟؟

انا ويا اختي غرنوجه ...المهر وايد مهم على شان الوحده تتعدل فيه حق ريلها ...مو تسير عنده بالملابس القديمه مالتها ..

اصلا تحس نفسها عروسه بجد ...

الحمدلله على كل شي والله يوفق الجميع ان شاالله ...

موضوعج واااااااايد حلووووو غرنوجه .......تسلميــــــــــــــــــــــــــــن