يريد خطبتي شخص كان يتعاطى مخدرات أتمنى مشورتكم

استخيري
بس انا من رايي ابعدي عن الشر وغنيله خصوصا انك ما ذكرتي انك حبيتيه او معجبة فيه
دامك عالبر ابعدي عنه افضل لك ما تعرفي يمكن المخدرات اثرت ف جسمه و بتتعبي انتي معاه بعدين
مع اني اعجبت بصدقه وصراحته معك هالشي قليل هالأيام
اذا قررتي تبعدي عنه لا تجرحيه قوليله مثلا انك تبي تكملي دراستك او انك مو حاطة فكرة الزواج الحين اهم شي لا تقوليله انك رفضتيه بسبب عيوبه

مشكوووورين خواتي

خواتي
سئلت الشخص أي نوع من المخدرات يستخدم
قال كان يستخدم مخدرات من نوع بودرة وحبوب
وقال الحين تعالج وما ياخذ أي مسكنات
بس مرات يحس برجفة في جسمة

حافظه القرآن;16365823:
خواتي
سئلت الشخص أي نوع من المخدرات يستخدم
قال كان يستخدم مخدرات من نوع بودرة وحبوب
وقال الحين تعالج وما ياخذ أي مسكنات
بس مرات يحس برجفة في جسمة

معناها والله اعلم انها كراك كوكاين وخلافه من المخدرات..وهي اللي تسبب اشد انواع الادمان بعد الهيروين

شوفي اختي...انت ما شاء الله لا زلت في بداية شبابج..وحتى لو كان عمرج 50...بالله شنو يجبرج تاخذين شخص عنده كل هذه العيوب؟؟؟..صح المفروض اننا نكون متسامحين وما نعيب الناس على اخطائهم بل ناخذ بأيدهم للاصلاح..ولكن بعد ان يرسخوا في حياتهم حب الاصلاح ويثبتون للآخرين انهم انصلحوا من الداخل قبل الخارج

هو في هكذا حالة المفروض ما يفكر بالارتباط..لازال في حالة حرجة..توه طالع من السجن وطالع من ثيرابي لترك المخدرات...اكاد اجزم انه لو استشار مختص راح ينصحه يبتعد عن فكرة الارتباط بالوقت الحالي..الزواج له ضغوطات ومتطلبات عدييييدة من شتى الانواع والنواحي..ممكن أيا منها يكون سبب او "عذر" يخليه يرجع لدرب المخدرات..ولا تقولين هو قال ما راح ارجع..المدمن يا حبيبتي ينبش على اعذار من تحت الأرض تخليه يبرر تواجده حوالين او استخدامه للمخدرات...وخصوصا المخدرات اللي من النوع القوي اللي هو مستخدمها..لو كانت حشيشة..ممكن أقول لج تخلصه منها سهل ان شاء الله...لكن حسب اللي اعرفه عن المخدرات اللي من هذا النوع (وهنا ندرس عن كل اصنافها بالتفصيل الممل ولهذا اتكلم باسهاب) هي قووووية جدا وحتى تأثر على نفسية الشخص لأنها تأثر على بعض اجزاء المخ..فتسبب كآبة مرضية..أو اختلال نفساني وخلافه من مشاكل تتطلب علاج مكثف وطويل الأمد..ممكن يستمر طول الحياة!

انا ما ودي اخوفج ولا ودي احكم على الرجال حكم قاطع هو ممكن يكون تاب لكنه يتخبط ما يعرف من وين يبدي خطوات الثبات..لكن نصيحة من أخت لأختها وعسى الله يحسسج بصدق كلماتي...الغي فكرة الارتباط فيه مهما اعجبتي فيه او اشفقتي عليه حتى..واطلبي العوض من رب العالمين...البنت لها قسمة بالزواج ما يعرفها غير ربي سبحانه..اكثري الدعاء واسألي الله يعجلها ويبارك لج فيها واصبري..وباذن الله ما راح يجيج الا اللي يعزج ويسعدج...بس هذا الرجل ما يصلح لج..واسأل الله ان يصلحه ويثبته ويزرع في قلبه تقواه وحب طاعته وعبادته...مو عشان شي الا لآخرته

الله يوفقج لما يحبه ويرضاه

Sephoraholic;16366079:
معناها والله اعلم انها كراك كوكاين وخلافه من المخدرات..وهي اللي تسبب اشد انواع الادمان بعد الهيروين

شوفي اختي...انت ما شاء الله لا زلت في بداية شبابج..وحتى لو كان عمرج 50...بالله شنو يجبرج تاخذين شخص عنده كل هذه العيوب؟؟؟..صح المفروض اننا نكون متسامحين وما نعيب الناس على اخطائهم بل ناخذ بأيدهم للاصلاح..ولكن بعد ان يرسخوا في حياتهم حب الاصلاح ويثبتون للآخرين انهم انصلحوا من الداخل قبل الخارج

هو في هكذا حالة المفروض ما يفكر بالارتباط..لازال في حالة حرجة..توه طالع من السجن وطالع من ثيرابي لترك المخدرات...اكاد اجزم انه لو استشار مختص راح ينصحه يبتعد عن فكرة الارتباط بالوقت الحالي..الزواج له ضغوطات ومتطلبات عدييييدة من شتى الانواع والنواحي..ممكن أيا منها يكون سبب او "عذر" يخليه يرجع لدرب المخدرات..ولا تقولين هو قال ما راح ارجع..المدمن يا حبيبتي ينبش على اعذار من تحت الأرض تخليه يبرر تواجده حوالين او استخدامه للمخدرات...وخصوصا المخدرات اللي من النوع القوي اللي هو مستخدمها..لو كانت حشيشة..ممكن أقول لج تخلصه منها سهل ان شاء الله...لكن حسب اللي اعرفه عن المخدرات اللي من هذا النوع (وهنا ندرس عن كل اصنافها بالتفصيل الممل ولهذا اتكلم باسهاب) هي قووووية جدا وحتى تأثر على نفسية الشخص لأنها تأثر على بعض اجزاء المخ..فتسبب كآبة مرضية..أو اختلال نفساني وخلافه من مشاكل تتطلب علاج مكثف وطويل الأمد..ممكن يستمر طول الحياة!

انا ما ودي اخوفج ولا ودي احكم على الرجال حكم قاطع هو ممكن يكون تاب لكنه يتخبط ما يعرف من وين يبدي خطوات الثبات..لكن نصيحة من أخت لأختها وعسى الله يحسسج بصدق كلماتي...الغي فكرة الارتباط فيه مهما اعجبتي فيه او اشفقتي عليه حتى..واطلبي العوض من رب العالمين...البنت لها قسمة بالزواج ما يعرفها غير ربي سبحانه..اكثري الدعاء واسألي الله يعجلها ويبارك لج فيها واصبري..وباذن الله ما راح يجيج الا اللي يعزج ويسعدج...بس هذا الرجل ما يصلح لج..واسأل الله ان يصلحه ويثبته ويزرع في قلبه تقواه وحب طاعته وعبادته...مو عشان شي الا لآخرته

الله يوفقج لما يحبه ويرضاه

اكثر رد اعجبني ..

اختي .. في امور الواحد يفكر فيها بالعقل ... انتي شنو ناقصك بالوقت هذا عشان تفكرين بالارتباط بشخص ما صار له فتره من قاطع المخدرات وغير ملتزم ومن الامور هذي...

تعالي وقفي مع نفسج لو كان الريال قاطع من سنين طويله اقلها ست سنوات ... قلنا معليش الريال تاب وخلاص وماراح يرجع للامر... هذا ... لكن الريال طالع عام 2011.... ومايصلي .. يا اختي مايصلي .. الي يتوب .. لازم يصلي وصلواته تكون كلها بالمسجد... الريال دين واخلاق ... خط احمر تحت الدين والاخلاق.....

وانتي تعرفين الرد من البدايه .. وقاعده تكلمينه وتشوفين الي بخاطره.. وبيوعدك .. ياما بيوت تخربت بوعود.. اكيد بيقولك بصلي وبسوي وانتي شجعيني .. وانتي اوقفي معاي ,, ,من غيره هالكلام.. ياختي اذا ما خاف من رب العالمين واستقام ومسك صلاته.. بيخاف منك وبيمسك صلاته !!!

فوقي لنفسك .. توك صغير .. والبنت من تدخل الجامعه تضربها دوامه الزواج والخطوبه.. هدف الجامعه هو التعليم والرقي والتوظيف... إن شاء الله ادعي للرجل ان الله يوفقه .. ,اخبريه ان ظروفك الحاليه لا تسمح للزواج وان اهلك غير موافقين على ارتباطك باي شخص كان حتى تنتهي فتره دراستك الجامعيه .. وعلى ما تنتهي دراستك الجامعيه تكوني اتميتي بالضبط تقريبا 4 سنوات... ولو كان صادق .. تقدرين في هالفتره تلاحظينه من بعيد وتواصلين حياتك.. من غير ما ترتبطين فيه عاطفيا .. لو الريال استقام .. يكون يتقدم لك بعد ما تخلصين دراسه ..

ولو الريال رد لطريق الظلال ... تكونين كشفتيه على حقيقته .. لكن ابداً ابداً ما ينفع توافقين عليه الحين .. اوعي لنفسك واتركيه .. ولاتنجرفي معاه في مكالمات تغضب ربك وتغشي اهلك .. وركزي على دراستك..

الاهل يرسلون عيالهم للتعليم الجامعي وكل امالهم واحلامهم معلقه عليهم وتجي البنت او الولد يحطمون حلم اهاليهم باحلام وامور تافهه .. بامكان تحقيقها بعد الدراسه..

فكري في كلامي زين وابتعدي عنه .. هالنوعيه من الرجال لاينفع معه حتى صلاه الاستخاره..

تحياتي

ام جنى

الله يوفقك يا رب ويكون معك

مشكورين والله يجازيكن خير ي رب
والله إني خليت الاستفسار في المنتدى
لاني ما أعرف شي عن المدمن
وما أعرف إن أحتمال يرد ح إدمانة مرة ثانية
وبصراحة فرحت لما شفت ردودكم والحمدلله إني سئلت في في الموضوع
لاني والله ما عندي فكرة أبداً ومثل ما تعرفوا توني في بداية الطريق

ولما تقولي الاخت تتوقع أخطر أنواع المخدر
حتى أنا حبيبتي والله توقعت لان من عايلة غنية وعندة الامكانيات
يشتري أغلى الانواع وأقوها