ღ تجهيزات الطـــفل - مع تـجـارب نونو ღ

ياسسسلام نونو موضوع مفييد جدا واصلي وبانتظار الجديد :thumbs_up:

تسلمون بنات ..
و اتمنى انكم تمرون على الموضوع كل يوم عشان انزل لكم كل شي جديد و مفيد
عاشت ايديكم على التواصل

الملاحف او المهاد او اللفه



تحتاجين مع تجهيزات الولادة عدد 3 او 4 مو اكثر ..
و يعتمد على الفصل اللي تولدين فيه .. يعني بالصيف تحتاجين هالنوع


يكون مزرف و يدخل فيه الهوى ..

و فيه من هذا النوع


اما في فصل الشتاء .. تحتاجين شي اكثر دفئ للطفل مثل هذا


او هذا


طبعا الملاحف تفيدج بهواي شغلات .. تلفين الطفل بالنهار و بالليل.. و لما يجي احد يزولج في البيت تلفين فيه البيبي عشان تورينه للناس .. مايصير تعطينه احد بدون مالفينه لان بعده صغير
و لما تخرجين للسوق او اي مكان بعد لازم تغطينه فيهم .. و فيه انواع و اشكال
و فيه من النوع اللي يطرزون عليه اسم البيبي او اي شي تحبين ..

قائمة مشتريات نوم الطفل

- سلة او سلة موسى - او سرير هزاز صغير
- سرير
- فراش او ماترس
- العاب السرير
- لحماية الطفل قماش يدور حول السرير
- شراشف
- ملاحف و بطانيات
- سليبنك باك او كيس النوم
- مخده
- جهاز سماع الطفل
- جهاز قياس حرارة غرفة الطفل



سلة او سلة موسى .. او سرير هزاز صغير ..
هذي السلة ..


و هذا السرير الهزاز


طبعا كثير من الامهات يستعملون السله او السرير الهزاز قبل مايستعلمون السرير العادي
لان الطفل يكون لسه صغير على السرير الكبير.. و السله تقدرين تاخذينها معاج الصاله او تحت او وين ماتحبين لان تصير خفيفه ..
و فيه ناس تستعمل السرير الهزاز بعد السلة .. بس انا اشوف لو تختارون واحد منهم بس احسن
مثلا اللي يستعمل سله مايحتاج يستعمل سرير الهزاز و العكس تماما..
و انا انصح في السله اول و بعدين تنقلون الطفل للسرير العادي.. و ماانصح بالهزاز لان الطفل يتعلم على الهز و هذا اللي صار معاي في بنتي .



سرير الطفل .. و طبعا فيه انواع .. بس انا احاول انزل لكم الموديل الاكثر عادي و كلاسيكي




طبعا ماننسى الفراش او المتراس ..


اختاروا النوعية الجيده اللي تتهوى و مايكون فيها سبرينغ كثير..



العاب لسرير الطفل

هذا جهاز فيه موسيقى و العاب تحطينه فوق سرير الطفل عشان يسمع موسيقى و فيه انواع تسوي رسوم و الوان على الحايط .. تهدء الطفل





القماش اللي يصير حول الطفل .. و انا ماعرفت شنو اسميه بس هو اسمه بالانكليزي بمبر ..
هذا شكله


و هنا بعد مانلفه حول السرير



طبعا هذا يحمي الطفل عشان مايطخ بالسرير و يتعور .. و يدفي المكان بعد :thumbs_up:




شراشف للسرير

اهم شي تختارين النوعية الممتازة و يكون قطنها ناااعم لان الطفل بشرته ناعمة و حساسة .
و تحتاجين اكثر من واحد عشان اذا توسخ الاول تبدلينه على طول بالثاني..




ملاحف و بطانيات.

هذا لحاف للطفل



و العدد مو مهم .. بس اهم شي يكون عندج على الاقل اثنين ..



السليب باك .. او كيس النوم .. البعض يشوفها مفيده و البعض لا
انا بالنسبه لي بنتي ماقبلت استعمله لها و كانت ماتحبه و تضل تبجي .يمكن كانت محترة و الله اعلم




المخده

كثير ينصحون بعدم استعمال المخده اول سنه على الاقل ..
بس انا امي سوت لبنتي مخده من قطن و خفيييفه .. و كل شخص يشوف شنو المناسب



جهاز سماع الطفل

من اكثر الاشياء الفادتني هي هذا الجهاز ..
بس انا جهازي بدون كامرة لان حسيت نفسي رح اوسوس و كل شوي اطالع في الجهاز و ماراح انام ..
بنتي صارت عمرها ثلاث سنوات و نص و انا للحين استعمله و حتى هي تعلمت صارت ماتبجي .. بس تقول ماما تلاقيني يمها على طول.. و حتى بنوم النهار اخليه لها و اسوي شغل البيت براحتي و اخذه معاي وين مااروح .. بس انتبهي اقري عنه زين قبل ماتشترينه ..


فيه اللي فيه ضواء و فيه على الشحن و على الباتري و فيه نوع موسيقى و كل الانواع
حسب ميزانيتج و المواصفات اللي تدورين عليها ..




جهاز قياس حرارة الطفل


اقدر اقول هالشي احسن شي استفدت منه و احبه موووت..
مقياس حرارة لغرفة الطفل.. حساااس يعني مجرد ماتغير الجو يتغير لونه ..
لما تصير لونها اصفر مع سمايل فرحان يعني الغرفة حرارتها مناسبه.. و لما يصير لونها برتقالي يعني حر.. و لما تصير حمرة مع سمايل حزين يعني حر زياده عن اللزوم .. و لما تصير لونها ازرق يعني برد
استفدت منها كثيييير و صار لها ثلاث سنوات و نص مشتغله على مدار اربع و عشرين ساعه.. و صرت اعرف متى بنتي تنام عدل و الفضل يرجع الها..




اتمنى اكون تكلمت عن كل شي يخص نوع الطفل .. و اي شي تحسونه ناقص قولوا لي

نونـــــو

تسلمي ع الموضوع المتجدد والمتكامل

وأكيد بيكون مرجع للكثيرات

ربي يعطيك العافية

وتستاهلي التقييم

ما شاء الله موضوع متعوب عليه فعلا
يعطيكي العافيه يا نونو
وتم حفظ الوصله بالمفضلات :adore:

ما شاء الله الموضوع حلو ومفيد يعطيج العافيه

تسلمين ويعطيج العافية بصراحة ما قصرتي

نون
الموضوع رووووووووعه ، وحيل حيييييل بيفيدني بما اني بجر واحتاج نصايح الي عندهم خبره ..
فيه اشياء ما كنت حاطتهم باللسته بس من بعد موضوعج ضفتهم ان شاء الله ..
ومقياس حرارة الغرفه عجيييب ، ممكن تكتبيلي اسم الماركه عشان ادوره واشتريه ؟

و الله يجزيييج الف الف خيييير يارب ..

نونو يعطيج الف عااااافية على هالموضوع الرائع

صراحة موضوعج يستحق وسام التميز والتثبيت لانه وايد بيفيد الكروشات

يسلمووو موضوع رائع ومتكامل ربي يجعله بميزان حسناتك

الله يعافيكم و يسلمكم بنات
و انا ماقدر ارد عليكم كلكم الحين لان مااريد الموضوع يتملي ردود و انا لسه ماكملته

و بالنسبه لحرارة الغرفة اسمها هذا

Grobag Egg Room Thermometer

ان شاءالله تحصلينها .

قائمة مشتريات رضاعة الطفل

الرضاعة الطبيعية:
- شفاطة الحليب
- غطاء الرضاعة الطبيعية
- كريم لحلمة الصدر
- قطن للصدر
- مخدة الرضاعة
- ستيانات الرضاعة
- لتكبير حلمة الصدر


الرضاعة الاسطناعية:
- رضاعات
- ألة تعقييم الرضاعات
- اقراص لتنظيف الرضاعات
- ألة تسخين الرضاعات
- فرشاة تنظيف الرضاعات
- حافظة حليب الباودر
- صدريات للطفل وقت الرضاعة
- قماش او مفرش لاخراج الهواء من الطفل
- مصاصات \ لهايات



نبدا في الرضاعة الطبيعية ..
اول شغله تحتاجينها هي شفاطة الحليب. و انا انصحكم ماتشترونها اله بعد الولادة ..
يعني حطي في بالج اللي تريدينها بس لاتشترينها اله بعد ماتتأكدين ان عندج الحليب الكافي للشفط..مثلا انا حليبي نشف من اول عشر ايام .. و حسافه الشفاطه ماستفدت منها..
و بالنسبه للنوع الاحسن و الافضل في السوق الكل يقول من شركة ميديلا ..
و فيه منها العاديه و فيه منها الكهربائيه .. انتي و ميزانيتج و المواصفات اللي تحبينها ..

و هذي علبتها و اسمها ..





غطاء الرضاعة.
مرات تحتاجين ترضعين و يكون عندج ضيوف .. او و انتي في السوق و تحتاجين ترضعين الطفل ..
و هذا غطاء ممكن يفيدج.. و فيه منه انواع و الوان



و فيه منه هذا اللون





كريم حلمة الصدر ...
لما ترضعين تتشقق حلمة الصدر .. و تحتاجين كريم عشان يرطب المنطقة..
و بعد فيه انواع في السوق ..




قطن الصدر
تحتاجين قطن يحمي ملابسج من الحليب اللي ينزل من الصدر .
و فيه انواع و اشكال من هذا القطن. حسب انتي شنو تحبين او اللي تلاقينه ..


و هذا شكل القطنة





مخدة الرضاعة
feeding support pillow


هي مخده.. تساعد الام على الرضاعه .. انا حسيتها مرييييحه لان ساعدتني بالرضاعه الطبيعيه .. صح اني مارضعت غير عشر ايام بس بعد فادتني لما رضعت بنتي حليب بالرضاعه.. تقرب البيبي يمج و تحسين انه نايم على شي مريح .. و خصوصا اللي حضنهم صغير ..




و الطفل يقدر ينام عليها و ياخذله قيلوله


و لما يكبر شوي يقدر يجلس عليها عشان مايطيح ..


احسها ضرورية و مفيدة ..



ستيانات الرضاعة .
اكيد الكل يعرفها.. ستيانات الرضاعة تكون مفتوحة من النص .. و يكون فيها مثل الطباقية او الازرار و تفتحين و ترضعين بكل سهولة




لتكبير حلمة الصدر ..


يه امهات تكون الحلمة عندهم صغيره و مرات تصير فلات ابد ماتبين .. و يصعب على الطفل الامساك بالحلمة.. و خصوصا بالمستشفى تكون الام تعبانه و الطفل مايعرف يشرب من صدرها..

هي تكون سيليكون و بمجرد انج تبللينها شوي بماي رح تلزق على الصدر ..
و هي تتعقم و تستعمل للمره الثانية..



هذا كل شي كان للرضاعة الطبيعية.. و اتمنى مااكون نسيت شي .. و بالرد الثاني رح اكلمكم عن الرضاعة الصناعية ... ياريت محد يرد اله ان اكمل الرد الثاني .. شكرا

ياه انتى حاطة كل حاجة ربنا يبارك فيكى

الرضاعة الاسطناعية:
- رضاعات
- ألة تعقييم الرضاعات
- اقراص لتنظيف ألة تعقييم الرضاعات
- ألة تسخين الرضاعات
- فرشاة تنظيف الرضاعات
- حافظة حليب الباودر
- صدريات للطفل وقت الرضاعة
- قماش او مفرش لاخراج الهواء من الطفل
- مصاصات \ لهايات





الرضاعات
طبعا اذا نريد نتكلم عن الرضاعات مانخلص من هنا لباجر ..
و اكيد كل وحده و حسب شنو سمعت انه زين .. و فيه امهات من قبل و يعرفون شنو النفع معاهم
و انا وحده من الامهات اللي كانت معاي خبره مع الرضاعات لاني كنت ارضع صناعي فقط . .
و حسب تجربتي حسيت ان تومي تيبي هي الافضل . و طبعا كل ام و ذوقها ..

Tomme Tippee


هذا شكلهم .. هذول الصغار و العاديات .. و فيه عندهم نوع ثاني بالصورة التالية


هذا النوع هو يسمونه anti colic يعني مانع للهواء .. و انا من استعملته و انا رتاحيت من شي اسمه غارات عند بنتي ... يجي معاه مثل البوري يمتص كل الهوى .. بالتالي يروح الحليب للطفل بدون هواء..


هذي نفسها بس الكبيرة .
و الشغله الثانيه اللي فيها .. هذا البوري الموجود يتحول لونه احمر اذا كان الحليب حار
و يتغير اذا كان الحليب بالدرجة الصحيحه.. يعني راحة نفسية...

انا ماقدر اكلمكم عن كل الماركات لاني مامجربتهم .. و كثير ناس يفضلون الرضاعات الزجاج .. بس انا بصراحه مااشوفهم عندنا .. حتى بالاسواق بالقوة نلاقي زجاج .. على مود هيجي ماعندي اي تجربة غير هذول الرضاعات و ان شاءالله يعجبوكم ..



ألة تعقييم الرضاعات ..
طبعا من اهم الشغلات اللي لازم تكون موجوده عندج اذا كنتي ترضعين صناعي هي ألة التعقييم .. و طبعا ينصحون و يقولون لااااازم تعقمون الرضاعات بعد كل رضعة خصوصا اول ست اشهر .. و هذا اللي سويته مع بنتي الحمدلله ..
و ألة التعقييم حسب نوعية الرضااعات اللي تستعملوهم لان كل شركة عندهم ألة خاصه..
و هذا الجهاز اللي كنت استعمله انا اللي هو خاص مع رضاعات تومي تيبي


طبعا فيه ناس فاهمين غلط .. و عبالهم سالفة التعقييم تطول ساعة.. بس هذا الجهاز يطول فقط خمس دقائق.. و اللي كان عندي كان فيه شاشه صغيره تقول لج الوقت المتبقي.. بس تخلص انتظري خمس دقايق ثانية لان يكونون حااارين .. و استعمليهم عادي.. طبعا لا تنسون لازم تغسلوهم اول مو على طول تحطونهم في التعقييم..
و التنظيف طبعا بالفرشاة اللي رح انزلها .. و سائل غسل الصحون العادي اللي تستعملونه في البيت
مايضر لان رح يتعقم ..



اقراص لتنظيف أله التعقييم
هي اقراص عاديه تقدرين تشترينها من كل السوبرماركتات ... و كل اسبوع تقريبا تحطين قرص بـ جهاز التعقييم و تشغلينها بدون الرضاعات عشان ينظف الجهاز من كل الاوساخ و الجراثيم




ألة تسخين الرضاعات
هذا الجهاز همات طبعا حسب نوع الرضاعات اللي تستعملينها ..
و هذا كان جهازي


انا ماحبيت الجهاز .. هو يفيد لو انج تعرفين وقت جوع الطفل.. عشان تحضرينها له قبل لا يبدي بالبجي .. لان الجهاز يطول يمكن اكثر من خمس دقايق .. و انا كنت استعمل حليب باودر و كنت احط ماي دافي في الرضاعة يعني مافادتني هواي.. بس انا اشوف كثير امهات يحبونها و يستعملوها ..




فرشاة تنظيف الرضاعات
الفرشاة طبعا حسب نوعية الرضاعات اللي تستعمليهم ..
و هذا مثال للفرشاة .





حافظة حليب الباودر


طبعا هذي من الضروريات للي ترضع صناعي.. تحتاج كمية باودر لما تطلع ..
و هذي العلبة يكون فيها اربع او خمس اماكن منفصله عشان تحطين اربع وجبات للطفل لما تطلعين..
و انا نوعية الرضاعات اللي كنت استعملهم كان معاهم شي حلو ..


هذي علب تحطين فيها الحليب و بعدين تحطين العلبة في الرضاعة .. و لما تحتاجين الحليب بس افتحي العلبة و فرغيها في الرضاعة.. انا هالاختراع عجبنييييي.. لان ماياخذ مكان في الشنطه يعني شي داخل شي ..



صدريات الطفل
طبعا تحتاجين تلبسين الطفل صدرية او ماعرف شنو تسمونها هذي




جيبي صغار لان اول ايام الطفل صغير و مو حلوة عليه الكبار ..




قماش او مفرش لاخراج الهواء من الطفل
طبعا بعد مايخلص الطفل من الرضاعة لازم تطلعين الهوى اللي في بطنه .. رح تحطينه على كتفج و تطبطبين عليه .. و لازم تحطين شي على كتفج عشان مايذب الحليب عليج ..




مصاصات او اللهايات

فيه امهات ماتحب تستمع اللهايه .. و فيه منهم يفكرون في بعدين لما الطفل يكبر شلون رح تقدر تفطمه منها.. و فيه اللي تخاف من الجراثيم .. و فيه اللي تسمع ان يخرب اسنان الطفل او يتأخر في الكلام بسبب اللهايه.. انا مااقول لكم الكلام مو صحيح .. بس هي اللهايه اصلا مو زينه لبعد عمر السنه .. و فيه ناس تقول ست اشهر .. و انا انصح كل الامهات يعلمون اطفالهم عليها و متى ماكبر الطفل ست او سبع اشهر تبطله .. و رح يكون سهل لان بعده صغير و مامتعود عليها ..
و بالنسبه للاشكال .. لازم تكون سيليكون .. و تكون من النوع المنحني .. حسب تجربتي هذا احسن نوع ..



هذا النوع موجود في موذركير ..




الحمدلله خلصنه من موضوع الرضاعة.. و اكيد اللي شايفين شي ناقص يقولون لي لان اخاف اني ناسيه شي ..

صيدلية الطفل


الطفل الصغير يكون صغير لدرجة مانعرف شفيه يبكي مع ان طول الوقت يبكي ..
و اكثر الاوقات يكون السبب هي الغازات..
انا جربت نوعين من الدواء للغازات .. النوع الاول هو Infacol


النوع الثاني هو Dentinox


انا بصراحة عجبني الثاني .. الاول مانفع مع بنتي ابد .. اما الثاني خلاها تنام
و كنت اعطيها بعد او قبل الرضعه حسب مامكتوب على العلبة .. و انصحكم فيه بقوة و رح يكون مع تجهيزاتي اكييييد :thumbs_up:



مرات تحسين الطفل مسخن .. بس ماتدررين اذا صدق مسخن او بس حرارة عادية
تحتاجين جهاز مقياس الحرارة عشان تقيسين حرارته و تتأكدين ان كان صدق فيه حرارة..
فيه نوعين ..

النوع الاول العادي


النوع الثاني اللي تقيسين الحرارة من خلال اذن الطفل


طبعا النوع الثاني احسن و اسهل .. بس يكون اغلى




الطفل يصيبه حالة انسداد الانف .. و مسكين صغير و مايقدر يتنفس بسهولة
و بهالحالة الام تضل سهرانه للصبح مع بكاء الطفل .. و ليلة من ليالي الف و ليلة لا يوجد فيها النوم

الكم الحل


هذي اقراص فيها فكس سائل .. هذا شكل الاقراص


تاخذين وحده من الاقراص و تفتحين راسها بمقص و تحطين السائل في كلينكس و تحطينها جنب سرير الطفل.. الغرفة رح تنملي ريحة فكس .. و الطفل يرتاح و يتنفس بشكل سهل .. بس مكتوب على العلبة من ثلاثة اشهر..





امهاتنا الحبيبات.. ارجوا منكم قبل ان تعطوا اي دواء للطفل مهما سمعتوا عنه .. و حتى اللي انا اتكلم عنهم .. و اقول لكم نفعوا معاي.. لاااازم تقرون التعليمات .. وتتأكدون انه ينفع لعمر طفلكم العزيز ..
لا سامح الله اي خطا منج ممكن يأذي الطفل اكثر من ماهو متأذي .. لا تنسين تسألين الصيدلاني قبل اي شي و قرأت التعلمات ثانيا .. و اتمنى من الله ان لا يصيبكم سوء و لا اي مرض .. و يحفظ لكم فلذات اكبادكم ..

موضووع اكثررررر من مفيييييد

مع اني مو بكريه بس وايد استفدت وسيفت وايد صور عشان اييبهم في التجهيز