تجمع الحوامل اللي ولادتهم شهر 7 " يوليو 2013 .. حيآكم

الحاضره .. الغائبه;16350115:
عادي اي عضوة تفتح التجمع والمشرفات يثبتونه لكم ..

مبرووووك الحمل والله يثبته ويرزقكم الطفل السليم المعافى يااارب ..

مشكورة الغالية ع التوضيح
كنت خايفة ادخل و ما الاقي الموضوع :D

الله يبارك فيج و يرزق كل محروم ..
آآآميين يا رب



om huss
هلا وغلا حبيبتي ..
ما شاء الله الله يخليهم لج ..
حلو فرق السن بين الاول والثاني بس الحين ولدج صغير الله يسهل عليج
عندي ولد توه خلص 3 سنوات " حملي الثاني


non0_non0
حيآج الله حبيبتي
والله يسهل لج حملج و ولادتج
نورتي ,

عروس مخمليه

تمام انتي شلونج ’
اميييين يا رب
و الله يتمم لج على خير و يسهل ولادتج

مخمليه
الله يبارك فيج
و يتمم لج حملج ويسهل ولادتج ,
نورتي


امرأه فوق القمه

اهلين و عليكم السلام والرحمة ,
امين الله يثبت حملج ويسهل عليج ,
كم عمر البيبي الأول , الله يخلي لج اياه
انا ولدي خلص ثلاث سنين و اضطر اشيله بس احاول اني ما اشيله قد ما فيني ,


*عطر الرحيل*

الف مبروك و الله يتمم لج حبوبة ,
نورتي ..



ام حسين ..
مشكورة فديتج ما قصرتي ’
حطيتي التواريخ توني كنت بسويهم ’

جنون انثى
الحمدلله بخير
شو اخبارج
امييييين يا رب , مشكورة عالدعوة الحلوة
و نورتي التجمع ,

بنآت منتظمين عالحبوب ’
و منو تاخذ بس فوليك ,
و منو بدت تستخدم حديد و فوليك ..

و كيف التغذية معاكم تتغذون اوكيه
ولا اكلكم العآدي ..


:: انا وصفتي لي الدكتورة موعدي اللي راح ’ كان لي 8 اسابيع فوليك مع حديد .. بس كبسولة وحده فيها الاثنين ,.

التغذية , اكل اكلي العادي بس مبتعده عن الفاست فود
شفت في تقرير ب اخبار ام بي سي ان يساعد ع الاجهاض " اسم الله علينآ

لقيت هآي الموضوع من النت ’


ما هي اضرار و مخاطر الوجبات السريعة على الجنين و الحامل الحوامل

جدت دراسة جديدة، أن الحوامل اللواتي يتناولن المأكولات السريعة الغنية بالدهون غير المشبعة ينجبن مواليد أكبر حجماً.
وقال علماء جامعة هارفارد، إن النساء اللواتي يستهلكن خلال فترة الحمل دهونا غير مشبعة تدعى بالدهون التقابلية عبر المأكولات السريعة، قد ينجبن مواليد أكبر حجماً من غيرهن.
ولم تبرهن الدراسة أن هذه الدهون وحدها تعزز نمو الجنين الذي قد تكون تداعياته خطيرة على الأم والمولود، لكن الباحثين وجدوا رابطاً بين حجم المولود ومستويات الكولسترول عند الأم التي تتأثر بالدهون التقابلية.
وغالباً ما يلجأ الأطباء للولادات القيصرية لدى كبر حجم المولود، ويزيد خطر إصابة هؤلاء المواليد لاحقاً في حياتهم بالسكري وأمراض القلب.
ووجد العلماء الذين شملت دراستهم 1400 حامل، أنه مع كل زيادة نسبتها 1% في معدل الدهون الموجودة بالزيوت المهدرجة، يزيد خطر كبر حجم الأجنة إلى درجة قد تكون في بعض الأحيان قاتلة.


و بنات اي معلومة تحسون بتفيدنـآ من خبرتكم او من خلال قرآئتكم اقتبسوا لنـآ
خلونا نستفيد قد ما نقدر و نخلي حملنـآ صحي

سلام
حبيت اشارك معاكم
ولادتي 14-7
وهاذه حملي الثاني
بس كلش متعب عن الحمل الاولي
بالنسبه للحبوب عندي شكثر جديد وفوليك ومال لوعه
ولا اكل ولا حبة مع ان دمي ناقص موصل 9
ماعرف ابلع حبوب
:(

عليكم السلام ’
اهليين بيني وبينج اسبوع ’
صح متعب لان الحمل الاول تقريبآ ما في مسؤوليآآت
الحين عندنـآ ياهل وتعالي شيلي و حطي و اكلي و لبسي و مافي نوم الا اذا نام
الحمل الاول وايد اسهل صج حسيت فيهـآ ,

حبوب مال اللوعه ما انصحج فيه
انا عن نفسي حسيت يزيد لي اللوعه ’
انصحج تاكلين هاي البسكويت , هاي صديقي في الحمل
تلاقيني امشي و اكله ,


هاي مكيس .. كل 3 حبات مع بعض و في مفتوح بعلبه كبيره انصحج بالعلبه الزرقآ لان فيها كله اجيآس ’

انزين اختي في في الصيدليآت مثل الشي البلاستيك " اداة " تكسير الحبوب
كسريهآ و كليهـآ مب معقول طول الحمل ما تاكلين هالفيتامينات .. و دمج ناقص
البيبي بيتغذا عليج انتي لاتستغربين التعب
و هاي ثاني حمل حاسبي على نفسج .. :(

هلا بنات
انا عندي بنتي ريم عمرها سنتين وشهر
وهذا حملي الثاني
انا بالرياض واراجع عند دكتور عابدة خاتون بمستشفى عبيد
رحت عندها قبل اسبوعين وقالتلي انا بالاسبوع السادس وعطتني فوليك بس
بكره ان شاء الله عندي موعد عشان السونار

والله الله بالموز لانه مرره مفيد


اتمنى اتعرف عليكم اكثر ووين تراجعون

مبروووووك الحمل صبااايا
الله يتمم لكم
انا العام الماضي كنت بتجمع يوليو
لكن اجهضت ب١٢ اسبوع
وكنت اتمنى انظم لكم لكن اجت الدوره وحطمت اماالي

*عطر الرحيل*;16354576:
هلا بنات
انا عندي بنتي ريم عمرها سنتين وشهر
وهذا حملي الثاني
انا بالرياض واراجع عند دكتور عابدة خاتون بمستشفى عبيد
رحت عندها قبل اسبوعين وقالتلي انا بالاسبوع السادس وعطتني فوليك بس
بكره ان شاء الله عندي موعد عشان السونار

والله الله بالموز لانه مرره مفيد


اتمنى اتعرف عليكم اكثر ووين تراجعون

الله يخليها لج حبيبتي , ويتمم حملج . .

ايوآآآ ممكن هالمره تكتب لج الحديد ,
يعني فالاسبوع الثامن انتي ,
انا اول سونار سويته ف الاسبوع الثامن ,

والله انا طايحه باليوسفي او الافندي , في حملي هاي وايد اكله ’

انا عمري 22 و نص ههههه
بحرينية و عآيشة في ابوظبي ..

يلا عرفونا على انفسكم بنـآت

جوفان;16354599:
مبروووووك الحمل صبااايا
الله يتمم لكم
انا العام الماضي كنت بتجمع يوليو
لكن اجهضت ب١٢ اسبوع
وكنت اتمنى انظم لكم لكن اجت الدوره وحطمت اماالي

الله يبارك فيج حبيبتي ’
يا الله ان شاء الله يكون لج شفيع يوم القيآمه
كل شي يصير بالكتبه متى ما ربي يكتب لج راح يصير
كم لج متزوجة ؟

..
وحيآج الله نورتي

هيفاء
صار لي متزوجه ٩ سنوات

جوفان;16354703:
هيفاء
صار لي متزوجه ٩ سنوات

الله يكتب لج الذرية الصالحة , اختي
و يكتب لج الخير ’ اكيد كل تأخيره فيهـآ خيره
ما تعرفين شنو مخبي لج رب العالمين سبحآنه كريم "

انا بحرينية وعاشه ف البحرين توني من كم يوم داخله 22
عندي بنت عمرها سنتين ونص تقريبا وهي حملي الثاني
ام حسين الظاهر كلش تعبانه هههه الله يكون ف العون

الله يخليك كثير كثير تعبانه

والله في كل لحظه منقرفه من نفسي و من كل شئ

هل توحمتي على شئ معين أو لسه؟؟؟

اللسته


هيفاا
2013-7-2

ام حسين
2013-7-9

رسمتك داخل عيوني
2013-7-14

ام طروقي وهنوفة
2013-7-20

عطر الرحيل
2013-7-24

امراة فوق القمة
2013-7-29



الله يتمم لنا على خير
ونولد بالسلامة

مادري صايرة احب الاكل الحار
دايما ابي اكل فلفل :$
اما الاكل العادي كل شي اكله تلوع جبدي منه
حتى الليمون تلوع جبدي منه
مماحصلت شي غير الفلفل يروح اللوعة
:(

ماجوبتيني يا رسمتك داخل عيوني؟؟

والله مزبوط
حتى أنا صرت أحط في الشطه في كل شئ

هل تعرفي أنا حملي الأول توحمت على الحار بشكل خيالي و طلعلي ولد

أنتي شو بدك هذي المره ولد أو بنت؟؟

عندي بنت
اتمنى بنت بس زوجي يبي ولد
انتي شنو تبين