تجمع الحوامل اللي ولادتهم شهر 7 " يوليو 2013 .. حيآكم

عن حركة البيبي
الدكتورة سألتني اذا اليوم اللي رحت فيه المستشفى حسيت بحركة او لا قلت لها خفيف
الشهر الخامس بنكون الحركة اوضح

ان شاء الله لاني بستانس بحركة البيبي احسه يدغدغ فيا
الدكتورتين خبروني ان فيني بنت بس انا ابي اتاكد الموعد الجاي
الله يرزقك بلي تتمنيه
من نص الثالث وانا اعشق النوم
يعني فجأه انام واصحى بعد ساعه
بولدي كنت اموت عالنوم وماكان عندي مسؤوليات
مثلك تمام اليوم زوجي يقولي لازم تعودي نفسك تصحي الواحد الظهر لاني بصحى الثنين الظهر
دوام ريلي شفتات يروح ٨ ساعات ويرجع ينام ٨ ساعات عشان الدوام اللي بعده بس يتغدى ينام وانا وياه ويصحى اصحى يروح الدوام اجلس اتعشى وعالتي في والنت
لين يرجع الصبح ننام للعصر
يقول لي انا اداوم انتي ليش هالكثر تناميين ؟؟ اقول له حامل انام عن ٢
ظحكتني ديما اقول اكل عن اتنين وانام عن اتنين
بحملي الاول زدت وااايد وتنفخت مثل البالون
وصلت ٧٧ بعد الولاده وااايد تازمت
يمكن لانك كنتي نحيفه وايد انا من الاساس مليانه و طويله فما زدت هذيك الزياده حتى امي تقول شكلك متغير بس عندك بطن

اول ماحملت ماوزنت بس من نص الثاني لحد الحين ٦٩ وغرامات الحمدلله ان الله ما ازيد وايد

عروس وين تراجعين اي مستشفى واي دكتورة


رسمتك حلم طمنينا بعد الموعد انتي و ام حسييين
باذن الله
وبعدين انتي ليش ماتسولفييين يلا دشي سولفي قولي اي شي
مزبوط رسمتك حلم سولفي واحكي مو لازم احد يسال حتى تردي ابدي انتي و بعدها كلنا نحكي
الماسة الف مبروك الوظيفة اليديده تستاهلين الخير

و فاقده التوت من غير شر

وباقي الصبايا
يالله يكفي احنا موجودين الباقي نايم ههههههههه

جوفان;16391867:
ههههههههههه هيفاء هذا دكتوره خرفاااانه

ام حسين اخبااارج

والله بالف عافيه يا طيبه عساكي بخير وصحه وعسى عروستك بخير كيفك انتي و شو اخبارك اشوفك مشاء الله بتجمعات التانيه ديما عملتلهم طله ربي ميحرمنا منك

هيفا لو منج أخذ أوراقي واطلع اروح اي عياده ثانية لان اهم شي المعاملة
ام حسين صج كنتي تنشطينا من انقطعتي قلة سؤالفنا

والله الود ودي كل يوم اتكلم معاكم و طول الوقت
اما عن موعدي اليوم
تهاوشت مع الطبيبة تبيين ارقد بالمستشفى
قلت لها مافي لو شنو ماارقد ماحب المستشفيات
طلع دمي ناقص بنات
طيب لمصلحك اهتمي بنفسك و معليش كلها يومين او اكتر شوي وتطلعي بسلامه
قالت لي بعطيج فرصة اسبوعين
اذا ماارتفع لازم ارقد
قلت لها يصير خير ههه
خودي بالك على حالك
زوجي حنااااان عدل عدل
ميت يبي يعرف شنو جنس البيبي ههههه
هذا زوجي تمام مثله طول الوقت يسال بنت او ولد
وعن حركة البيبي ماحس بشي كلش
مثلك انا كمان بس احيانا تجيني غازات اشك انها البيبي يتحرك
وزن بنتي لما ولدتها كان ٢ كيلو ونص
هذا الوزن الطبيعي للاطفال لكن انا اولادي يطلعو وزنهم 3كيلو و زياده بسبب الطول لاني انا و ابوهم
طوال طولي170 و زوجي193
مع أن زاد وزني ١٢ كيلو
هذي هي الزياده الطبيعيه للحامل من 12 الى15الكيلو معنها طبيعي جدا
ان شاء الله ماازيد وايد هالمرة
من بداية حلمي لحين زدت ٢ كيلو والله يستر
يا ربي يبعد عنا شر زيادة الوزن

رسمتك داخل عيوني;16392088:
الا بسالكم في اي اسبوع قلتو لي اعرف جنس البيبي

يقال من14 تعرفي البيبي لكن انا الدكتوره قالت في 20 اسبوع رح تسوي الالتراساوند

رسمتك داخل عيوني;16392090:
الماسة حتى انه وايد انام هههه زوجي يقول ماتشبعين
عن الأكل الحار
كللللللله حار اكلي ومن اكل الحار يصيدني امسااك
بنات شلون عن الجماع مع ازواجكم وهل نفسيتكم تبي هالشي ؟؟؟
وعن الوحام قل عندي

والله بتكلم عن نفسي ماعندي نفس لزوجي ابدا رغم اني مشتاقتله لكن ماعندي مزاج للعلاقه الجسديه يلي اقصده نفسيا عندي خاطر في زوجي لكن جسديا مو طايقه
هذا غير اني ماعدت استمتع مثل قبل يعني بالعربي مارتاح معاه من وقت حملت و هذا مو جديد علي ديما هيك يصيرلي لما احمل

رسمتك داخل عيوني;16392092:
سلفيه. كله اشوفج بالموضوع لكن ماتسولفي ليش عاد
احد مزعلج ؟؟

عندي احساس البنات عندهم ملل يدخلو التجمع او يمكن حد مزعلهم و مو عارفيين يالله بنات انشطو شوي

بحكيلكم عن موعد الدكتوره اليوم
سالتها عن الحكه و عطتني مرهم اجربه
و سالتها عن الصداع قالت عندك نقص في الكفيين و نصحتني ب القهوه و الكوله و عطتني حبوب فيهم مسكن و كفيين المفروض يسعدوني
و شافت نبض البيبي و قالت في الاسبوع ال20 تشوف جنس البيبي
و طمنتني على تحليل الدم و ظغط الدم عندي وبس
بعدها طلعت لزوجي و رحنا على مدينا جنبنا و تسوقنا كان عندهم تخفضات هبال تصورو اخدت بنطلون سكيني سعره88دولار اخدته ب 14الدولار و فلات شوز من55 اخدته ب 4 و اطفالي اشتريت لهم لسنوات القادمه يعني رح اخبيهم لان خامتهم فضيعه و سعرهم افضع
بسم الله مشاء الله والله تمنيت عندي خزنه فلوس حتى اشتري كل المحل
و تعشينا تشكن برجر و رجعنا والحمد لله

هلا بيك رسمتك داخل عيوني الجو برد و مطر و كابه و البيت كلهم مرشحين الا انا نفسي اروح كوفي شوب اخد نسكفى بتوحم عليها من يوم حملت لكن بعيد عنك عيالي يحشمو استحي اجلس معهم في مكان عام بيضلو يبكو و يصيحو و يلعبو في الكوفي ديما مستحيه منهم حرموني اطلع مع زوجي

اهلين رسمتك ,
مضطره انا المفروض ادخل طوارئ بس لاني ما احب انتظر بالطوارئ زحمه
ف اتصلت على عيادتي قالو لي ان دكتورتي بنفس اليوم كان دوامها من الصبح للعصر ومافي مجال ابدا ادخل لها ,
ف قلت ابي دكتورة ثانيه المهم ما اروح طوارئ قال لي عن دكتورة النحس
ودخلت والله نرفزتنا بس مضطرين نتطمن و نشوف شو صاير

على فكره انا لاحظت الدكتورات يخافون يقولون جنس الجنين اذا الرجال موجود ومثلا قال شكله ولد او بنت او انه يبي بنت او ولد .
كنا نشوف البيبي قال زوجي والله شكله ولد قالت له الدكتورة ليش عندك صبي شو بدك بالصبي
قال لا اللي يجي من الله حياه الله سكتت
بعدين قالت لي زوجج يبي ولد ؟ قلت لها لا زوجي عادي بس بخاطرنا بنت
قالت اذا هيك ااكد لكم عاللي شفته بنت ’

وحتى دكتورة الغفلة كانت متخوفة تتكلم ’
مثل ما قالت ام حسين الاسبوع العشرين بيكون اوضح
وبالنسبه لنقص الدم .. ما يعطونج علاج
و انتي اكلج خفييف ؟
لازم تهتمين بنفسج ,
وغلطانه مانمتي بالمستشفى ,

بخصوص الاكل الحار والامساك اتوقع ماله علاقه
ف الغالب الاكل الحار يسوي اسهال ,
بس لو تقرين اعراض الشهر الثالث او من نص الثالث يبتدي الامساك . شي طبيعي جدآ
و اذا تاكلين حبوب حديد بيكون له دور بهالشي

ام حسين جد مرآآت تلاقين تخفيضآت عجيبه .. ودج تاخذين كل المحل ,
سوي لج كوفي رايق بالبيت . شو تسوين
انا نادرآآ ما اروح كوفي لان ولدي بعد حركي . و اذا زحمة انحرج .. مع انه يلعب برى و يرجع
بس سبحان الله ما اجلس على راحتي ’
وسلامتج من الصداع و من الحكه ام حسين
وجد انا كنت وايد ضعيفة ف حسيت نفسي انتفخت وايد .

و كثرو من الماي ’ خصوصآ في الحمل المرأه تكون معرضة لالتهاب البول ’
يعني الوحده مب ناقصه تعب .. والتهاب البول يتسبب بالام ونفسيه ازفت ..
ف انتبهو .. كل ما صارت عندكم فرصة اشربو ماي .,

بالنسبة للحكه , عادي يمكن من الرطوبة لان الافرازات تزيد ,
انصحكم بالفوط اليوميه ’ لان تحافظ ان الاندر وير يكون نظيف .,
و بدلوها كل ما تدخلون الحمام ..
و بعد ما تتغسلون تشطفو و اشترو فوط مخصصة للمنطقة الحساسة فوط صغيره
نشفو المنطقة فيها عشان تتجنبون البكتيريآ اللي تسبب الحكه ,
اذا تضايقتي وحسيتي بحكه او جفاف او اي شي
تشطفي بغسول خاص بالمنطقة .. و تنشفي
انا دايمآآ جذي .. عشآن اتجنب المشاكل هذي والحكه
وسلامتكم

رسمتك داخل عيوني ’

غلطآآآنه اهم شي المآي و تعرفييييين طول اليوم اشرب ماي و اذا قمت من النوم و ما شربت
الله يعزكم لما اقوم و ادخل الحمام احس بحرقة بالبول ’ خفيفة
شارية لي غراش ماي حاطتهم بغرفتي
اقوم من نص النوم اشرب لان ما في وحده بتقوم من النوم و بتروح المطبخ تشرب ماي وترجع و المطبخ بعيييد ..

الشهر الثاني..4اسابيع و4 ايام ندخل الشهر الثاني..

الشهر الثالث..9 اسابيع كاملة تدخلين الشهر الثالث..

الشهر الرابع..13 اسبوع و3 ايام تدخلين الشهر الرابع..

الشهر الخامس..17 اسبوع و6 ايام تدخلين الشهر الخامس..

الشهر السادس..22 اسبوع و2 يوم تدخلين الشهر السادس..

الشهر السابع..26 اسبوع و5ايام تدخلين الشهر السابع..

الشهر الثامن..31 اسبوع و1 يوم تدخلين الشهر الثامن..

الشهر التاسع..35 اسبوع 4 ايام تدخلين الشهر التاسع

بنات هاي الحسبه صح ؟