تجهيزات عرائس ' مملكة البحرين ' لشهر محرم 1434- 2012 م / الجزء : 95»

حبيبتي بغيت وصف حق اول محلين اذا ما عليج امر أورانج ادله وتسلمين

ba7rinia;16339663:
حبيبتي بغيت وصف حق اول محلين اذا ما عليج امر أورانج ادله وتسلمين

مرحبا بنات عروس

بحط لكم تقرير بسيط عن ملجتي

الحمد الله تمت ملجتي علي خير تاريخ 13/11

كنت ابي في ربيع بس هل الخطيب ما رضو تاريخ 11/11 فليل كان يوم الاثنين قالو لي 13 يوم الاربعاء الملجه وانه مو مجهزه ولا شي

انه دوام الى 4 فما عندي وقت خبرت الشغل ما بداوم يومين

من قبل انه درت محلات الذهب فحطيت في بالي كذا شي من كذا محل

فتاريخ 12/11 من الصبح قعدت ورحت مع الوالده الستي سنتر محل pure gold

كانت عاجبتنى من عندهم دبله دايمون اب 320 خذيتها بحط لكم الصور لاحقا حاليا انه بالشغل


كان عاجبتنى كذا شبكه وحده في داماس وحده في مجوهرات السيف الثنتين ذهب ابيض

خذيت لي من مجوهرات السيف عطانه بعد مقاصص اب 1550 الوالده ما قصرت وياه يوم اشتري الذهب كان لغرام 16.2 طبعا عيار 18 فيه 81 غرام

قبل الملجه بجم يوم كنت رايحه السعوديه وشريت هندي لي يجي قطعتين من مجمع فينيسا اب 90 دينار توب وتنوره وديته الخياط تاريخ 12 الظهر قلتله باجر الصبح باخذه عاند قال ما يمدي بس سواه لي بالغصب يوم الملجه الصبح امي راحت استلمته

العصر والمغرب انقضوا وانه ادور اكسسوارت هنديه رحت كذا محل في سوق واقف وسوق المنامه وجدعلي بالغصب لقيت يناسب لون ثيابي كان لونه لون الشاي كرك وفيه ذهبي وبرتقالي غامق جاي ع بني وزيتي تاذيت لين لقيت شي يناسب من محل في سوق واقف صارت الساعه 8 بليل قلت ابي احف قلت ادخل صالون احف رحت فاتنه الخليج حفيت بس حواجبي وعجبتنى الحفه:thumbs_up:

تذكرت سالفه السفره:!!::woo::confused: قلت ما بسوي سفره ما يمدي ومن وين بدور حزت الحزه بس امى وبنات خالاتي قالوا لازم لو شي بسيط

رحت مع بنت خالتى محل ديفيا شرينا تور بو زري وخلق حرير شي يناسب لون ثيابي

ورحت محل تاجرت منظره وقران بالقاعده مالته والمراش مال ماي ورد لونهم ذهبي كلهم

ورحت شريت توزيعات من طيور الجنه ومن الفخار ومن لايف ستايل شموع ومن الانوار المهم شريت كل شي سريع وصارت 11 وكل محل سكر

رجعت البيت بعد يوم متعب

قعدت اجهز اغراضي لانه كانت الملجه ما بتصير في بيتنا في بيت خالتى تاذيت وانه انقل في الاغراض وارتب واجهز لشناط واشيل واحط

يوم ارقد كانت 5 وقعدت 9 ونص الصبح

مريت حلويات الجزيره شريت شوكليت للسفره وشريت مكسرات وحلويات حق نحطهم للسفره وعلى طول بيت خالتى كان وقتها الساعه 11 نزلت لشناط وكل شي وقعدت ارتب واشيل واحط بالسفره الساعه 12 وصلت بنت خالتى وساعدتنى وقلت لها انتى كملي كل السفره رتبيها ع ذوقج ما قصرت مسكينه شرت فواكه ونسقتهم ومارشمالوز وحطهم في اعواذ وشرت توزيعاات اكثر وركبت كل شي عالساعه 1 ونص انه طلعت رحت الصالون تونى متفرغه بسوي واكس جسمى كامل وصلت الصالون 2 وربع كانت زحمه الشوارع كان في جدعلي صالون وهج تاخرت فيني لين الساعه 5 :|:| قلت لها ابي بديكير ومنكير يوم اطلع من الصالون 6 كانت والشيخ بجي يملج الساعه 8!:hysterical:

رحت البيت سبحت عالسريع كل ما اتفرك الواكس ما يروح لاصق بالجسم:thumbs_down:8o|

سبحت وصليت 6 ونص طلعت رحت الصالون اسوي شعري سويته ويفي كامل الحمد الله كان الصالون خفيف ومن وصلت اشتغلو فيني 7 ونص كملت من شعري ونجي للمصيبه:badly: مافي احد يمكيجنى وغير هاي انه مسويه عيوني عمليه قرنيه وليزك والدكتور مانعني احط ماي واي مستحضرات تجميل في عيوني كنت مفكره ما احط شي بس قالو لي لو شي بسيط لازم:-# لانه عيوني اوردي كانت ملتهبه وحمره شوي ( هاي كان للسبب الى مخليني ااجل لين ربيع) انتهي من فتره العلاج الساعه 7 ونص طلعت من الصالون رحت بيت خالتى جان خالتى فديتها الله يخليها لي متصله في وحده تمكيج مكيجتنى اشوه يدها خفيفه وسريعه وحده تمكيج اسمها نور شرحت لها شنو ابي وقلت لها خفيف وراويتها المستوى لي ابيه وقلت لها عن عيوني ملتهبه تحاسب والحمد الله يوم جفت شكلي النهائي عجبني:thumbs_up::L: كانت الساعه 8 وربع يوم تخلص لي المكياج جان يتصلون يقولون لي الشيخ وصل:hysterical: ارتبشت وارتبكت وانه للحين ما لبست ولا تعطرت لبسونى بنات خالاتى عالسريع وقتها صرت مريضه :sick::'(:badly:^o):confused: صار بطني يعورنى وعلى اعصابي واحس ابي ادخل الحمام وصادنى سهال وانتوا بكرامه دخلت الحمام وطلعت ساعدوني وحده تلبسني اكسسوارت الهندي وحده في ثيابي وحده ترتب شعري طلعت من الحجره قعدت عالكرسي قبال السفره ثواني والشيخ داخل يملج


وقت الملاج مادري شنو صادنى ابي اصيح بس مافيني دموع :hysterical: من الخوف والرهبه الشيخ يسالنى وانه حاقره:-# يقول بسالج اخر مره ههه اتنفس بصعوبه احس صدري يصير فوق وتحت شهيق زفير من خلص الشيخ قلت خلاص عدت ع خير معنه كل شي بسرعه قلت لامي لا تجين تسلمين علي لانه من احضنها بصيح اصلا وقت الشيخ يملج ما فصخت المشمر الاخضر الى وهي مدمعه:o فديتها الغاليه

والملجه كانت شي بسيط بس خالاتى وعماتى وجم وحده من ربعي المقربين وبس ما يمدي اسوي شي كبير

الساعه 7 ونص الوالده تقول اتصلي في خطيبج نبي كراسي زود وين الكل بيقعد اتصلت فيه نبي كراسي الحمران يتاجرون لنا 15 واحد للاحتياط واشوه جابوهم سريع مادري من وين دبرهم

العشي طلبو من مطعم مقبلات ومشويات الى 25 شخص وكيك ثنتين كبار بدال الحلويات ما مدا احد يسوي حلاوه

الساعه 11 خلصو من ملجه الرجال وجا خطيبي ولبسنا الدبل وصورنا

التصوير كان وحده اسمها بشاير للتصوير

والحمد الله عدا اليوم على خير وربي يوفقنا وييسر امورنا ويوفق جميع العرايس ويوفقهم ويسر امورهم ويرزق كل بنوته بالى تتمناه
F:F:

كلووورة فديتها كفت ووفت شرحت الاماكن بالضبط

قموووووورة اهلا وسهلا بالعروس المختفية شخبارج وشعلومج ، ترى للحين ما نسينا التقارير عليج واجب طوووويل


مرسى الشوق الف مبرووووك والله يهنيكم مع بعض آميييين

بنوتات الدبل الذهب العاديه وماحبها تكون عريضه بحدود جم اسعارهم ابيها للاستخدام اليومي

مشكوره حبيبتي يزاج الله خير باروح اليوم أجيلك

مرسي الشوق;16340372:
بنوتات الدبل الذهب العاديه وماحبها تكون عريضه بحدود جم اسعارهم ابيها للاستخدام اليومي

40
45

بنات حجزت الماكيرة منى القطان الحمدلله لقيت عندها حجز

وحجزت صالة قصر المرجان

أحين أبي أحجز الأستيديو لعرسي و محتارة بين أستيديو صحاري وبين أستيديو سكوب

الناس محيريني يقولون لي سكوب حركاتهم كل مكررة ما فيه جديد واني كان خاطري فيه

فأنتوا شتشورون علي؟!

اليووم رحت محل التوازيع ودينغ ديلاايت وكان الجو كلت اينن وخصوصا اللي ع روز مشكورين بنات لأنكم دليلتوووني ع المحل

السلام عليكم بنات

شنو المجمعات اللي فالسعوديه اللي تنصحون بها؟ نبي نروح نشتري فساتين لخطوبة اخوي ان شاء الله.

بنات و ينكم محد رد علي

لاني خلاص باجر أبي اروح أحجز لا اتوهق ولا أحصل حجز بعدين:-#

مـشتاقة لـيك;16340614:
بنات حجزت الماكيرة منى القطان الحمدلله لقيت عندها حجز

وحجزت صالة قصر المرجان

أحين أبي أحجز الأستيديو لعرسي و محتارة بين أستيديو صحاري وبين أستيديو سكوب

الناس محيريني يقولون لي سكوب حركاتهم كل مكررة ما فيه جديد واني كان خاطري فيه

فأنتوا شتشورون علي؟!

سوحي;16341360:
السلام عليكم بنات

شنو المجمعات اللي فالسعوديه اللي تنصحون بها؟ نبي نروح نشتري فساتين لخطوبة اخوي ان شاء الله.

في شارع في الدمام كل سووق فساتين عجيب واسعارهم مناسبه وكل ع الموضه

ما اعرف شنو اسم الشارع بس فيه هالشارع مجمع أسمه أعتقد مجمع لولوة

أختي مشتاقة ليك

إحنا بنقول لج نفس اللي قلناه عن المكياج

روحي للإثنين وجوفي شغلهم وخليهم يراونج آخر شغل لهم واختاري اللي يعجبج
لان في ناس يعجبهم صحاري وناس يعجبهم سكوب وناس لا ذي ولا ذي وأنا منهم:o

ابي مكان حلو حق تسارييح في محررق او عراد وما ابي زحمه لانه عندي يهال ما ابي أضيع يومي في الصالون

M!ss CoLoRz;16341558:
أختي مشتاقة ليك

إحنا بنقول لج نفس اللي قلناه عن المكياج

روحي للإثنين وجوفي شغلهم وخليهم يراونج آخر شغل لهم واختاري اللي يعجبج
لان في ناس يعجبهم صحاري وناس يعجبهم سكوب وناس لا ذي ولا ذي وأنا منهم:o

رحت و شفت عجبووني ثنينهم بس ترددت يوم سمعت يقولون ان سكوب حركاتهم قديمة رغم ان من قلب كان خاطري اخذ عندهم

فأنتو فيدوني بتجاربكم

مرسى الشوق

الله يبارك لكم ويهنيكم يارب , عساها عشرة دايمة F:


مشتاقة ليك

في خطوبتي صورت ف صحاري واستانسو على صوري . . واحين للزواج محتارة مثلج
بس انا جيكت سكوب في ذكرى ملجتي وكان وايد حلوو حتى حركاتهم شي غير سوو لنا


[SIZE=2]أخت القمر
[SIZE=2]
[SIZE=2]الله يعطيج العافية بس نطالب[SIZE=2] بالتقارير حتى لو بالكتابه ,, ع[SIZE=2]شان نستفيد :o[SIZE=2] ولو بالصور خير وبركة :D[/SIZE][/SIZE]
[/SIZE][/SIZE][/SIZE][/SIZE]

بحرينية عندج باربي تساريحهم حلوة ، واذا تروحين من وقت ما عندهم زحمة

اما اذا ما تبين تجاكمين عندج غصون في عراد بالموعد تروحين تدشين يسون لج شعرج وانتي طالعة

خلاص رحت باربي من الصبح والحمد لله خلصت

مـشتاقة لـيك;16340614:
بنات حجزت الماكيرة منى القطان الحمدلله لقيت عندها حجز

وحجزت صالة قصر المرجان

أحين أبي أحجز الأستيديو لعرسي و محتارة بين أستيديو صحاري وبين أستيديو سكوب

الناس محيريني يقولون لي سكوب حركاتهم كل مكررة ما فيه جديد واني كان خاطري فيه

فأنتوا شتشورون علي؟!

ماعليج من الناس انزين اهمه سوو الحركات بس انتي ما سويتيهم
انا صج عفسوو الفيديوو مو عفسوه عفسوه بس صورو لي الناس الي تسلم اكثر من العرس
ويوم ارقص ويا ربعي ما صوروني وهاي اكثر شي عورني قلبي عليه
انتي الي عليج خلي احد يوجههم وان شاء الله كلشي بيكون تمام واي حركه ماتبينها اتفقي وياهم