شاركونا بأحلى خمس منتجات عندكم حاليا

مسزز ...
فدتيج يعطيكي العافيه على الموضوع الحلوو

وان شاء الله نشوف التفاعل الحلو من العضوات

بارك الله فيكي:Dبانتظـــار ضيفتنا F:

يعطيج العافيه ع الموضوع حبيبتي
و صح مفيد واايد ...
خوش منتجات

.. بأنتظار همس جنوني

هلا ..

خواتي الي شاركونا كلنا بانتظار الضيفه والاخت العزيزة

{ همس جنووووبي}


لتشاركنا الموضوع

واتمنى من مشرفاتنا وعضواتنا قراءة مضمون الموضوع لان الفكرة كلها هي ان نقوم باختيار عضوة لمشاركتنا ..

وهذا رجاء ..

السلام عليكم و رحمة اللّه و بركاته

توني أشوف الموضوع :-#
آسفة بنات ما كان عندي خبر بالموضوع :o

لو تعطوني مهلة لبكرة إن شاء اللّه لأني الحين بالدوام

مس بلنج
تسلمين على الموضوع و لو إنه صعب أحصر أحلى 5 منتجات عندي لو تخلونهم 10 :D

تحياتي و آسفة إني خليتكم تنتظرون F:

السلام عليكم و رحمة اللّه و بركاته

إن شاء اللّه الكل بخير و بصحة و بسلامة

و أشكر المشرفات على الموضوع و أشكر مس بلنج على اختياري :o

و اسمحوا لي بنات إني تأخرت بعرض مشاركتي بس ما كان عندي علم إنهم صادوني :worn_out:

المهم هذي مشاركتي المتواضعة و لو إنه كان صعب أحصر أفضل 5 منتجات كنت أحط شيء و أطلع شيء :lol:


و اسمحوا لي على الصورة تصوير تلفون :thumbs_down:، كاميراتي متصادرات هالفترة 8o|

الشرح

1- Beauty Blender: بيوتي بلندر إسفنجة لوضع كريم الأساس غرامي هالبلندر تخلي كريم أساسي حلو و ما في خطوط ولا أي شيء على وجهي :struggle:، طريقة استخدامها أبللها بماء دافيء بعدين أعصرها و أوزع بها كريم الأساس بطريقة التربيت، الطرف المدبب يستخدم للأماكن الضيقة مثل زاوية العين الداخلية. مرات لما أكون زودت العيار شوي بالبلاشر ما أحط بودرة استخدمها هي ببقايا كريم الأساس اللي فيها و يخف البلاشر. عيبها مش متواجدة بالخليج :thumbs_down: ممكن دبي فاشتريها من النت.

2- Lip Glow من ديور:مرطب شفاه و في نفس الوقت يعطي لون وردي للشفاه :K: يعني إذا تورطت و ما عندي روج في متناول اليد هذا يخلصني من الورطة، أغلب الأحيان أحطه و أحط فوقه محدد شفاه فيصيركأني حاطة روج. صار لي تقريباً 3 سنوات و أنا استخدمه.

3- Fix+: فكس بلس سائل لتثبيت المكياج أو لإنعاش الوجه و إعطاؤه نضارة في بنات يستخدموه قبل المكياج و في منهم بعد المكياج، أنا استخدمه في 3 اشياء؛ أول شيء أنظف فيه حواجبي من البودرة وكريم الأساس أول أمرر فرشاة ماسكرة قديمة على الحواجب بعدها أجيب فرشاة الحواجب وأحط عليها شوية فكس و أمررها على الحواجب تشيل بقايا الأساس و البودرة و في نفس الوقت يظهر لونهم أحسن و إذا حطيت قلم حواجب يسهل لي توزيعه، ثاني شيء بس لاتضحكون أنظف فيه بعض فرش المكياج :D بس اللي يكون شعرها صناعي مش طبيعي الأغلب فرشاة الرموش بعد ما أحط ماسكرة في العين أمرر الفرشاة على الرموش فتمتليء ببقايا المسكرة فيصير شوي صعب استخدمها للعين الثانية و من الكسل ما أروح أغسلها أو لأني أكون مستعجلة استخدم الفكس أحط شوية بكلينكس و أمرر الفرشاة عليه فتنظف و استخدمها مباشرة و مرات استخدم نفس الطريقة مع فرشاة الكونسيلر، و الاستخدام الأخير للفكس إني بعد ما أخلص وضع مكياجي كله أرشه على وجهي فيعطيني نضارة.

4- Skin Foundation من بوبي براون: كريم أساس سائل لما أحطه ما كأني حاطة شيء و من يوم بديت أحطه الكل يسألني إيش حاطة بوجهي مع العلم إن نوع بشرتي مختلطة و الحين بسبب الشتاء راح تميل للجفاف.

5- ماسكرا دبل وير (Double Wear)من إستي لودر: بوجه عام ما أحب منتجات إستي لودر كذا نفسياً ما أعرف ليه و أختي صار لها فترة تمدح بهالماسكرة حتى لما خواتي أخذوا منها بالسفرة ما أخذت معهم بس قبل عيد الأضحى كنت رايحة صيدلية مسقط (فرع المكياج و العطور) و تعّبت الصيدلاني وما حصلت ماسكرة كلينك اللي أبغيها و استحيت أطلع فاضية فأخذتها لأن المكياج الثاني كان جيفنشي و أكرهه أكثر من إستي لودر بس من أول استخدام و أنا ذايبة بدابديبها:adore: حبيت هالمسكرة من كل قلبي و إذا خلصت إن شاء اللّه باخذ منها مرة ثانية إذا ماحصلت عشق جديد.

أدري طولت عليكم بالشرح بس وحدة تحب التفاصيل و عطوها مجال تتكلم :-# و إن شاء اللّه كنت ضيفة خفيفة عليكم


اختار من بعد الأخت Sweet N Sour

تحياتي F:

مرحبـــــا

اختي همس ..
تسلمي على المشاركة الحلووة اضافتك جميلة جدا للموضوع
بارك الله فيكي استفدت من جميع النصايح الي قدمتيها

بالتوفيق ..

واختيار همس كان لمشرفتنا سويت بانتظار مشاركتها

والسبب ان 5 اشياء لتكون سهلة عليكم لا اكثر بالعكس بيكون اسهل لنا نختار عضوات اكثر
ونشوف مشاركات اكثر ونستفيد

واخف ع كثير عضوات

بالتوفيق