ماذا لو عرفتي انكي حامل ؟؟

ان فى حملى الاخير اشتريت تيتينا او يسمونها سكاتة من الصيدلية وعلقتها فى حبل فى الدولاب واول ما دخل زوجى المنزل و يغير ملابسه و يعلقها فتح الدولاب ووجد السكاته قالى هذا اللى فى بالى ولا غلطان قلته له صح وما اقولكم شو فرحته وخوفه على فى نفس الوقت لان الحقيقة ان ده حملى الثالث وادعولى ان يأذن ربى هذه المرة بطفل صحيح صالح امين يارب ويرزق كل المحرومين ففضله و رحمته واسعه

انا احس انه بيغمى عليه
اذا ما اغمي علي ، بفرح وبصلي وبحمدربي ليل نهار
وعقب بسير عند حبيبي الغالي وبقول له فيصل يسلم عليك
الله شقا هالشعور حلو :confused:
الله لا يحرم حد من هالفرحه يارب ،وعقبها بخبر امي الغاليه لانها تتريا هاليوم ع نار وعقب اهل زوجي لانهم بيفرحون لي واااايد

يااااااااااااااااااااااااااااااااااااااااااااااااااااااااااااااااارب كلنا نحمل هالشهر ياااااااااااااااااااااااااااااااااااااااااااااااااااااااااااااااارب

مرحبا حبيباتى انا لو حملت اول شى راح اصلى ركعتين واحمد ربى وثانى شى راح ااكل المساكين والفقاراء وان شاء الله خير الله يرزقنا ويرزق كل محرومه

اختكم فاطمه

مشكورة يا الغالية على تنبيهنا باهم شي في الحياة وهو الامومة لكل امراة
طبعا اول واحد خبرته هي امي
وبعدين ريلي
كان موقف عادي بالنسبه لريلي لاني حملت من قبل وسقطت
بس لما اتربين هو صدق الفرحة الحقيقية واتشوفين ولدج بين ايديج
تحياتي
ام شجون

هلا حبيباتي موضوع حلو واااااااااجد وعجبني مشكوره أختي نا كنت مخططة انه بسوي فكرةزجاجة الحليب مان الطفل وباغلفها وبعطيها لزوجي لكن من الفرحه ماقدرة أصبر وعلى طول قمت أبكي وتصلت على حبيبي وخبرته وانا بعدي ابكي وبعدين كلمت أمي وقلت ليها طارت من الفرح وقامت تبكي معاي ومباشره صليت ركعتين شكر لله وبعدين خبرنا الأهل كلها فرحوا كلهم وبصراحة لاأنا ولا زوجي كنا نتوقع إني حامل فكانت المفاجئه حلللللوه مره الله يرزق الجميع ياااااارب
أختكم :دمعة عين

كيف تستقبلين الخبر او كيف استقبلتي الخبر؟

راح ابكي او احمد ربي


من اول شخص راح تقولين له ؟
وكيف بتقولين له ( الاسلوب اللي بتعبرين فيه عن انك حامل )
او من اول شخص قلتي له الخبر وكيف ؟

زوجي حبيبي اكيد انشاء الله اذا صار الحمل راح اشتي غرض مال بيبي او راح احطه في علبه او بعطيها ياه

من ثاني شخص راح يعرف انك حامل ؟
او من هو ثاني شخص عرف انك حامل ؟

امممه وابو وبيتنا

من ودك يعرف انك حامل ؟؟

ناس كلهم او بدات الا اذوني او اني في فترة الانتظار




اللهم ارزقنا من حيث لا نحتسب وارزقني واخواتي بالذريه الصالحه اللهم امين سبحانك اللهم اني كنت من الظالمين

دخلت أشوف سواليفكم


يعني للمستقبل

انا بعدنى ماحملت
بس لو حملت اول شى بسويه انى اصلى ركعتين اوكى وحطيت نيه انى اساعد الماساكين وان شاء الله خير يارب يارب ترزقنى وترزق كل محرومه يارب

السلام عليكم ورحمة الله وبركاته
اختي تعرفي انا مره تاخرت علي الدوره 18 يوم ورحت عملت تحليل منزلي وماطلع لي خط ورحت لزوجي وضليت ابكي وبعدين نمت وصحيت الظهر ورحت شفت التحليل لقيت خط ثاني خفيف طار عقلي من الفرح وعلى طول ماعرفة شسوي لان زوجي بالعمل وحسيت قلبي بيوقف وعلى طول طلعت اجري لاخت زوجي ولام زوجي وبلقتهم وابتدة الاتصالات والتبريكات وزوجي امي اتصلت عليه وقالتله البشاره حسيت انو زوجي مو شايلته الارض وده يطير بيه وضليت فرحانه يومين ويوم نزلي دم خفت ارتعبن قلت سقطت ورحت للطبيب بسرعه وفي الاخير ضاعت الفرحه لانها طلعت الدوره



والخط الثاني اللي طلع كان من كثر الادويه الهرمونيه اللي اخذتها فترة 3 سنوات وياليتكم ماتشوفون حالتي والاحراج


وسلامتكم

السلام عليكم ورحمة الله وبركاته
حبيبتي غرابة
......قبل ما احمل كنت اعاني من مرض والحمدلله االله عافاني منه ....وتعرفين اول الوحده ما تعرس تحب تعرف ان ما بلاها شيء حتى لا سمح الله لو تحمل وتعق بس المهم تثبت ان مافيها شي وبصراحه ....كنت سايره المستشفى انا وزوجي ...عند دكتورة الجلدية يعني مول مايخصها بس شافتني قالت انتي مب طبيعية مرضك وايد زايد خليني قبل ما اعطيكي الابره اتاكد من انك مب حامل ولحظات ....خذوا التحليل ....وردت علينا مبرووووك حامل ....وانا اصيح لا لا مب وقته انا تعبانه صح اني فرحت بس الدموع كانت اسبق في مشاعري ....وكان زوجي طاير من الفرح يتصل بالاهل يخبرهم ......................................والله ما كتب للبيبي انه يعيش ....بس الحمدلله ان الله رزقني بنور العين عبدالله .


ودعيلك يارب ياحبيبي ترزقك بالذرية الصالحه يااااااااااااااااااااااااااارب يارب

اخاف اخطط و اخطط.. و بالاخير من الفرحة أنسى..

المهم الله يرزقني بالذرية الصالحة يارب العاجلة الغير آجلة يا رب.. و يرزقكم جميعا خواتي..

بس على طول بصلي ركعتين شكر لله.. و بقرأ لي على طول جزء من القرآن.. و بعدها فحص الدم للتأكد الفعلي..

و طبعا زوجي <=== اللي ينتظر مثلي بخبره اول شي.. بعدين أمي و عمتي ام ززوجي..

السلام عليكم
انا بصراحه اول مره اشارك بالمنتدى مع اني لي سنه وانا اتابع مواضيعه بس لان الموضوع حساس وجا في وقته لاني انا بعد شوي باخذ نتيجة التحليل......بس بصراحه خايفه يخيب ضني وينكس خاطري طول الليل ما نمت قلقانه لاني سويت تحليل بالبيت وما طلع شي بس امس الدكتوره قالت سوي تحليل دم .........
ادعولي يابنات اكون حامل
ياااااااااااااااااااارب وانت القادر على كل شئ تمم لي الفرحه وارزقني بالبنت اللي اتمناها
انا لي 7 شهور من يوم تزوجتعلشان كذا اذا حملت اول شي اعرف نفسي باصيح
اولا باصلي ركعتين شكر لله لانه هو اللي انعم علي بالحمل
ثانيا بخبر امي لان زوجي في الدوام ولما يجي بخبره بهمس باحضنه واخبره وبقوله ان هلا متربعه في بطني وبعدين بنشر الخبر بين الناس والاهل

والله يرزق الجميييييييييييييييييع

اخ انا من قبل لا يدخل علي زوجي
كنت افكر بيني وبين نفسي لو حملت اشلون بقوله واقد انا واحلامي الورديه بس للأسف مر علي شهرين من الزواج وانا للحين ناطره بس انشالله اذا صار الحمل ماودي اقوله الأول بقول حق والدته او اخته تخبره بحملي وانا طبعا قاعده بغرفه النوم او الصاله وطبعا حاطه احلى مكياج وما اعطي ويه مع ابتسامه خفيفه
جذييه ويلحقني زوجي وين مااروح هههههاااااااي

أما انه عن نفسي اهم شي احمل

وما علي من شلون اخبر الاهل والعايله وزوجي

ادعوووو لي يا بناااات احمل

يمكن اذا حملت اطلع فكرة حلووووة يعني اصير

عكسكم ما اخطط الا لييييييييين احمل

وادعوووو لكل محرومه ولا تنسووووني انه بعد وياهم

هلا مشكورة اختي الموضوع بصراحه وايد حلو

انا الحين بالشهر الثالث من الحمل و عرفت قبل شهر و نص و لما عرفت و الله ما كان في شعور ما حسيت بشي حسيت اني بصيح و الا بصارخ من الفرحه

و يوم عرفت سرت البيت و خبرت ريلي و امه اني حامل << لا بعد كانوا في المطبخ يسوون الغدا هههههه احلى مكان المطبخ يعني ريحة البيبي صارت بصل =)

و طبعاً فرحوا واااااااااااااااااااااايد و صاروا يدلعوني اكثر من قبل و يحاتوني وايد

مشكورة اختي عالموضوع الحلو

و يا رب الله يرزق كل محروم و محرومة يا رب

يالله متى احس بفرحة الحامل \...
ربي لا تطول علي المده

يا رب

وين احاسيسكم يابنات




نعنشونا:)

أنا في حملي الاولي ما كنت متوقعه اني اكون حامل .. لانه عقب شهر ونص من الزواج ياني التهاب في اذني ..

فسرنا انا وريلي العياده سئلتني الدكتوره انتي حامل قلت لها لا وبكل ثقه لاني ما توقعت اكون حامل لانه ما صار لنا متزوجين وااايد <<< وبعدين انا ما كنت افكر في احمل كان عمري حزتها 17 سنه ..

المهم ريلي قال يمكن تكون حامل وانا محتجه على رمسته ما اريد اسوي تحليل دم لاني اخااف من الابره لوووووووول المهم قالت الدكتوره لازم اسوي تحليل عسب تتاكد .. وسويت التحليل ويلسنا نتريا النتيجه انا وريلي وطلع انه فيه حمل .. <<< الصراحه انصدمت وريلي طار من الفرحه وباسني على راسي وتم طوول الوقت ميود ايدي .. ونحن في السياره اتصل في ابوي الله يرحمه وخبره واستانس وااايد عقب اتصل في امه وبلغها وانتشر الخبر بين كل الناس ..

بس مثل ما يقولون يا فرحه ما تمت ياني نزيف استمر مدة شهرين ونص وعقب طاح الجنين ..

وعقب ثلاث سنوات ونص بالضبط .. كنا مقررين انا نسافر (ماليزيا وتايلند ) وعقب نسير مصر .. بس لانه كان موعد الدوره جريب ما رضى يحجز لين ما اتيني الدوره لانه لما سرنا تركيا يتني الدوره هناكي واتضايج وايد فهالمره قال يا انا يا الدوره المهم تاخرت ثلاث ايام وكنت ناويه اخذ حبوب انزلها عسب نحجز ونسافر .. سار الصيدليه وياب لي حبوب لتنزيل الدوره وتحليل منزلي بعد قال سبحان الله ما تدرين قلت له انا متاكده ما شي حمل بس ريلي اصر وانا رافضه وبعد اصرار سويت التحليل وقلت له ها جفت ما شي ..

المهم خليت التحليل في الحمام وسرنا تغدينا وعقب الغدا كنت ناويه اخذ الحبوب عسب انزل الدوره .. بس ريلي قالي جيكي ع التحليل انا حاس انه هالمره غير .. المهم سرت وجفت خطين واضحين مره .. انصدمت وما صدقت عيني خذت المخبار حق ريلي عسب اتاكد من الي جفته استانس وقال الحمد كنت حاس .. وصار ما يخليني اسير مكان الا وهو وياي .. حتى لما دخلت اسبح ما رضى يخليني برووحي دخل وياي ^_^

والعصر سرنا العياده عند الدكتوره وسويت تحليل وقالت لي اني حامل .. وسويت الترا ساوند وعطتني موعد .. ولما طلعت من العياده قلت له الدكتوره تقوول ماشي حمل .. قال الحمد لله .. ونحن في الطريج قلت له انا عازمتك على العشى .. ما حب يكسر بخاطري ..

سرنا مطعم قيصر وهناك قلت له بذمتك هذا ويه واحد بيصير اب .. ما صدق واستانس وااايد .. وقالي عيل ما شي سفر .. وما خلانا نتعشى قالي قوولي بنسير البيت قلت له لا تخااف انا عازمتنك ما شي ..فايده طلعنا من المطعم بدون ما نتعشى .. واول واحد عرف الخبر اخوووي لانه ريلي دق عليه وخبره واستانس واااايد وقاله ييبها لنا البيت .. عقب اتصل في امه وسرت بيت اهلي .. وكانو اخواني طايرين من الفرحه حتى مرت ابوي استانست ..

اما اخوي الصغير كان ياي بيضربني هزبته مرت اخوي قالت له .. كنت دوم تحتشر تبا تصير خال ولما بتصير تضربها وحضني اخوي من كثر ما كان فرحان لاني البنت الوحيده عندهم ^_^

عقب اتصلت باعز ربيعاتي وخبرتها وفرحت وعطتني نصايح من الزينه وخبرت ربيعاتي والاهل تكفلو بنشر الخبر ^_^

وهذي قصت حملي ^_^ وانا الحين في شهري السابع ..

والله يرزق كل محروومه بالذريه الصالحه عاجلا غير آجل ويقووم كل حامل بالسلامه ^_^

شعورى بهذا الخبر ستختلط مشاعر الرهبة والخوف والفرح
لن اعلن لزوجى الخبر على الاطلاق سأخمه حتى بداية ظهور الحمل وتضخم البطن ليكتشف هو بنفسه
وفى بداية شهور الوحم من بداية التعب ساحاول بقدر الامكان ان لا اظهر تعب الوحم
ومن ثم سأخبر امى وصديقاتى
بس يارب احمل هذا العام
ادعو لى ربنا يتمم زواجى واحمل سريعا واكون من الحوامل هذا العام

أنا أول مررة حملت فيها ،،شرينا تحليل واتفقنا نعمله بالصبح والدورة كانت متأخرة يوم واحد بس
بس لأن الدورة ماتتأخر عندي وأنا أنتظر خبر الحمل،،ماجاني نوم ليلتها،،وقمت سوّيت التحليل بالفجر ويوم طلع لي اوكي ماصدّقت حالي،،رحت لريلي وصحيته من النوم وعطيته الاختبار وياعمري عليه طار من الوناسة ويوم ثاني رحنا تأكدنا بتحليل الدم...
بس هذا الحمل ما تم

بعدها بفترة رديت حملت بس سوّيت كذا اختبار بالبيت وماضبطت وأنا كنت راح أسافر وأبي أتأكد عشان لو فيه حمل انا مورايحة،،وعلى الرغم من أنها تأخرت علي أسبوع وشوي،،لا التحليل المنزلي ولا الدم طلع فيهم شي،،انتظرنا شوي وفقدنا الأمل بالحمل،،بس عملنا مررة ثانية تحليل دم واتصلت الدكتورة علي وهي فرحانة وبشرتني بالخبر،،وكان يومها اهو نفسه يوم تخرجي،،وفرح ريلي مووووت