صباح الخير حبايبي
مو عارفه وين أكتب موضوعي
بنات منطقه ( جده ) ساعدوني الله يسعدكم
وين ألاقي جبنة التوفو المعلبه يعني تكون جاهزه زي أي جبن كمان لبنة الصويا ( هما مطبوخين من
حليب الصويا المطبوخ من فوق الصويا ) تعبت و انا أدورلها بالسوبرماركات الكبيره زي الدانوب وكذا
ليا 5 شهور ماذقت طعم الجبنه و لا زبادي ولا لبنه غصبا عني عشان عندي حساسية اللاكتوز بس أشرب حليب الصويا العضوي لو أكلت المنتجات الحيوانيه مره أتعب
ومتجنبه أكلات كثيره تضرني وباقي الأكل اللي آكله مره صحي
أنا عارفه اني اقدر أصنعها بالبيت بس ما ابغى لانها تجلس اسبوع بس وتخرب عشان كذا أبغى شي يجلس معايا وقت ما أبغى آكلها تكون موجوده
شفت صور كثيره بالنت بس كلهم اللي كاتبين المواضيع مو في جده مره اضايقت من زمان أبحث عنها كمان قالو في بقالة الاندنوسين موجوده ورحت قلي خلصت ع حظي النحس
نفسي آكل جبنه ولبنه مره مشتهيا وربي شويا و أبكي مره مشتهيه طعم الجبن و اللبنه و الزبادي
السعوديه هنا مو موفرين هذ الأكلات
لكن الدول اللي برا بكل مكان يلاقو هذي الأكلات موجوده عندهم بكل سهوله خصوصا أمريكا و فرنسا و بلجيكا و اليابان و الصين و اندنيسيا من جد شي يقهر آآه بس ياليتني عايشه برا عشان احصل الأكلات تبع الحساسيه
لكن الدول اللي برا بكل مكان يلاقو هذي الأكلات موجوده عندهم بكل سهوله خصوصا أمريكا و فرنسا و بلجيكا و اليابان و الصين و اندنيسيا من جد شي يقهر آآه بس ياليتني عايشه برا عشان احصل الأكلات تبع الحساسيه
اللي تفيدني ماراح أنساها من دعواتي ..
ياليت ماطنشو لاني كل ما أكتب موضوع ماحد يرد عليا ولو ردو يكون 3 مو أكثر من كذا وربي كرهتوني في المنتدى بسبة التطنيش ع الأقل قولو كلمه بس ..