بنتي مع صوت العالي و الخوف

امممم حبيبتي انا افضل مو دكتور نفسي الا دكتور اطفال لان ممكن ان بنتك عندها التهااب او انسداد بأحد الاذنين لأن هاذي من اعراضه ان تصير اذن اقوى من الثانيه بالتالي بسرعه وبشكل عالي يوصل لها الكلام والصوت وتألمها .... روحي المشفى وخله يفحصون لها اذنها ويستبعدون سالفة الالتهاب وبعدها اذا تواصلت مشكلتها حاولي تعوديها شوي شوي ع الضجيج مثل التلفزيون اوو حتى تصورينها بالفيديو وهي تتكلم و تلعب وبعدها توريها ايااه عشان شوي شوي تتعود واما سالفه خوفها فيمكن لانها متعلقه فيك كثييير وانتي الشخص اللي تشوفه 24 ساعه معاها بالتالي حاولي شوي شووي تنسحبين يعني مرة تخليها عند اهلك وتطلعين ربع ساعه وترجعين عشان تتعود ع غيرك وع سالفه اللعب وديها وانتي قعديها بالمقعد وقولي لها انا جنبك اشووفك واذا تحركت اللعبة نادي باسمها ودلعيها ( ذبحتهم هالحركة الاطفال ههههههه ) لان بنت اختي جذي جننتنه وبالاخير قلت لاختي تسوي هالحركة معاها ونفعت ... وسلاماااااااااات ماعليها شر ان شاء الله

الله يجزاك خير
بوديها افحصها بس انا احسها اتسكر أذانها من الخوف من صوت
والله جتني الكأبة من تصرفاتها

مسكينة والله حبيبتي الف لا باس عليها
اعملي مثل ماقالتلك الاحت وشوفي وان شالله خير .... وكمان ارقيها واقرئي عليها عند وقت المغرب وربي يحميها ويحفظها لكم ان شالله

اللهم آمييين يارب يحفظ لي بنتي من كل شر

حبيبتي والله انا بنتي مثل بنتج تخاف من الاصوات العالية
و بالفترة الاخيرة صايرة تخاف من صوت الطيارات اللي تمر من يم بيتنا .
اول شي كانت تسكر اذونها و تبجي .. و بعدين قامت تسكر بس اذانها بدون بكي

اخذتها طبيب اطفال و سولفت لهم السالفة.. قالوا عادي كل طفل يمر بفترة و تعدي
و قالوا لي اعطيها كم شهر و اذا زاد الوضع ارجع لهم ..
بس انا اشوف انها جاي تتحسن.. جبتلها لعبة طيارة بيها اصوات و قامت تلعب بيها
قمت اقول للروضة الصبح انهم يعطوها ستيكرات عشانها ما خافت اليوم . و قمت اشجعها
بس ترى بنتي تخاف من صوت الطيارات بس .. و قررنا انا و ابوها ناخذها سفره اي مكان بالطيارة عشان تشوف و تسمع الحقيقه انها ماتخوف ... و على الله تصير احسن

بس بنتج حبيبتي تقولين تخاف من كل شي .. يرادلج تعب و صبر .. لا تفكرين في الطبيب النفساني لان حتى لو بنتج مابيها شي رح يطلعون بيها شي والله صدقيني اخذيها عيادة اطفال احسسسن

و انا بنتي تخاف من العاب الاطفال.. بس مرات اجبرها تركب حتى لو تبجي و لما تركب تقوم تضحك و تشوفها وناسة.. و بعد تخاف من الناس الجداد او اي ناس اغرباء .. و تبجي مع الاطفال اذا بجوو

هاي كلها حساسية حبيبتي و تزول مع الوقت ..
شوية تفكير و صبر و شغلات و تشجيع كل شي يروح مع مرور الوقت..

و الله يوفقج و يعينج و يعيني على بناتنا الحساسات ههههه

اللهم أمييين يارب تفرج همي .... و تشفي بنتي و تبعر عنها الخوف

حاولي تقوين ثقتها بنفسها وتشجعينها إذا شفت فيها تحسن

والأصوات اللي تخاف منها خليها تشوف مصدرها

وحافظي على رقيتها لأن ممكن حصلها خوف من صوت عالي وبقى بنفسها