♫♫ مشترياتنا في عروس لشهر ذو الحجة 1433هـ ♫♫

عليكم بالعافيه بنات تتهنون

وهي مشترياتي البسيطه ماشاءالله والحمدالله

صباحكم // ومسائكم ... ورد وكاذي

خوآآآتي الله يعطيكم العافيه .. ما شاء الله على التفاعل والتواصل ..

اهني كل الاخوات الي شاركونا بالمشتريات الحلوة الله يهنيكم وتخلصوهم بالعافيه
ان شا الله ..

واشكر المتابعات بالموضوع مشاركتكم حلوة وتعطي نكهه حلوة للموضوع

فلا تقاطعونا

. اتمنى من الاخوات الجدد والي حطوا لنا مشتريات تتنتبهوا لقوانين المشتريات
باول الصفحة وخاصة لحجم الصورة ولا بنضطر نحذف الصور لحجمها اتمنى التقيد غالياتي ..


يعطيكم العافيه :)

مرحبا بنات ،
عليكم بالعافية وتتهنون جميعًا يا رب صبيّة صبيّة ، بنت بنت ، نفرة نفرة :D ،
هذه الطلبية وصلتني قبل السفر صورتها بس ما مداني أنزلها ،
وبما إني رجعت بالسلامة الحمدلله بأنزلها لكم ، وعقب راح أحط لكم مشتروات السفرة إن شاء الله ،

باليت فايس من إربن ديكاي ، وصل بسسسسس







مكسور :( ، ودمّر الطلبية كلها :( ،

هذا شكله :( ،



بس الحمدلله كان لون واحد مكسور ،



والباجي سليم الحمدلله ،



حتى براية أقلام نارس ما سلمت من طشّار الشادوووو المكسور ،



باليت لوراك الجديد ، حيل حلوووو ،
وهم حاشه إصابات من الشادو المكسور :( ،



شوفوا شكله وبقايا شادوووو إربن ديكاي المكسور تناثرت عليه ،





الحلوووو بالشادووووو إن 8 ألوان مطفية و8 ألوان لمعة ، وألوانه طبيعية وقريبة من باليت نيكد ،

وللأمانة ، الشادو للحين ما جربته تجربة أقدر من خلالها أقيّمة ، لكن البرايمر اللي معاي كلش مو حلو ، جربته مرة ما سوّى أي شي ،

ولي عودة قريبة بإذن الله تعالى ،،

F:

تتتهنون بمشترياتكم بنوتات لبس العوافي ان شاء الله
كلكم ذوق تشجعون الواحد ينزل و يتسوق و يغير اللوك كل يوم :lol:

بنزل تكمله لاغراضي المكدسه
و احذركم في اغراض شريتها و صورتها من فتره بس ما لحقت انزلها بالمنتدى :'(
و نبدا بسم الله

برايه لقلم الشفايف من انجلوت
شريته مخصوص لاقلام انجلوت
ما ادري يوم جربت برايتي الثانيه حسيت ما تبري عدل و القلم انكسر شوي فقلت ماشي حل غير ناخذ برايه انجلوت نفسها

روج لونه وايد ناتشورال من افون
زميلتي بالدوام اهدتني اياه F:

روج احمر مات من كلارنس
كان خاطري لون احمر جرئ شوي عن اللي عندي
و شفت هاللون و حبيته

فاونديشن مات من ايف سان لوران
ما جربته للحين فما اقدر احكم عليه

مسكارا من ايف سان لوران ضد الماي
حلوه بس تتعبني يوم اشيلها

بيس مات من ايف سان لوران
حبيته يخلي بشرتي صافيه و خفي الدهون

فاونديشن من كارجو خذيته للتجربه خصوصا انهم كانوا مسويين عروض حلوه في سيفورا على منتجات كارجو

البورده :D

و نكمل في رد ثاني ان شاء الله :)

سلام عليكم


المشتريات كلها روعه و تتهنون فيها يارب و شجعوتني اشاركم بمشترياتي


بسم الله ما شاء الله


اول شي بعض المشتريات من ديور و هالماركه حبيبة قلبي

بودرة تان و ما كنت متأكده اني اباها و البايع اصر اني اجربها و يوم جربتها عطتني لوك تان بطريقه حلوه و كانت آخر حبه من الدرجه الي ناسبتني و خذتها و قمت اعتمدها فأغلب طلعاتي

و سعرها بـ 243 درهم من سيفورا

هالمسكره مالي غنى عنها و مهما نوعت في المسكرات بس هاذي الاساس من 3 سنوات تقريبا و سعرها بـ 160 درهم

من ميكب فور ايفر ليب لاين بيرفكتر و الصراحه اشتريته بالغلط لاني طلبت جحال ابيض و البايعه لخبطت لان تقريبا نفس الشكل و سعره اظني بـ 70 درهم من باريس غاليري

و سرت يوم ثاني وخذت الجحال الي اصلا كنت اباه و سعره بـ 80 و رغم ان عندي منه الوان ثانيه و حلوه بس ما عيبني فالاستخدام و خذت جحال غيره من ماك و عيبني و السعر فالصوره

اسفنج للبودره من سيفور بـ 31 درهم

كان فبالي منتج من محل كورس قريت عنه مدح فالنت و للاسف ما لقيته و قالو انه يمكن ينزل فدبي بعدين او احتمال يكون حصري بس في امريكا و خذت شي ثاني لان حبيت اجرب من هالماركه

كريم الليل و سعره بـ 199 درهم و حاليا استخدمه و اتوقع اني برد اشتريه مره ثانيه اول مايخلص

ايلاينر اسود من نفس الماركه بـ 47 درهم

بوت اسود من آلدو و منظف لاي جوتي قطعته شاموا

و لي عوده ان شاء الله بمشتريات ثانيه