تجمع حوامل يونيو 2013

انا بعد وااايد احب اغراض لوكسيتان

اصلا ما استخدم الا ديودرنتهم ممتاز وطبيعي لانه معظمهم في مادة ضد التعرق وهذي مب زينة

لا سمح الله مع الوقت تسبب مشاكل وااايد

عروس مغتربة عن زوجها;16425953:
كارفور شارع المطار مجابل البطين سوري نسيت اوضح لول
وانا ناويه لا خلصت كريمات استخدم نفس اللي تستخدمينه لان منتج بريطاني وربيعاتي وايد يمدحونه

امممم اليوم رحت كوفي اختي عزمتني في بوابة الشرق بعدين تمشينا الا خصب تباني ادخل محلات اطفال.. خذيت لبس ينفع للبنت وللولد بس ما خذيت شي ثاني ...ورحت l'occitane اخذ لي كم من شغلة احب سوالفهم.. امممممم وقلت يمكن اروح باجر ما ادري ... والصبح بروح سبا شو رايج تيين:adore:

هيه عرفته ,
وايد حلووو الكريم ما بتندمين .. وسعرها 47 درهم بس

بوابة الشرق رآآآآآيق ,
من فتحوة ما رحت كل ما يقول لي ريلي بنروح اقول له لا ادور المولات اللي بنص بوظبي ’
رحته من شهر تقريبآآآ ينييييت عليه , رايق و عود و شكله بينافس غيره . .

حلوين دلما مول و بوابة الشرق .. و افكر الفتره اليايه ان لو بطلع اقدر اروح لهم يعني ع الاقل في اماكن الوحده تروح لها و جريب مب زحمه ولا بنص بوظبي , تروحين يبي لج ساعه لين توصلين المكان اللي تبينه ..

بس شكلها اختج ساكنه جريب مني , ..
حبيبتي مستانسة انج حامل , يا رب يتمم لج هالحمل و تستانسون كلكم بالمولود ..

اي سبآآآ و باجر خبريني انطباعج عنه و اسمه وكل شي ,
وعليج بالعافيه حبيبتي يا لييييت ان شاء الله المره اليايه نتلاقى

مخمخ
انا و يا الحمل ,
خف عندي هوس الروايح .. او بمعنى ثاني .. صرت ما احب ادخل محلات و اشيك على الروايح و اشتري نفس قبل لا احمل
لان اول ما حملت كرهت عطر لانكوم بلاك روز ميد نايت , و كرهت الهاند كريم من بودي شوب بالالموند اويل , و كرهت كذا شغله كنت احبهآ .
ف الحين احاول ما اجرب من الروايح الثقيلة حتى العطور احط اخف شي عندي ,


و ... مازا ايزآآ

مخمليات;16426035:

ام ريماني

شخبار اجازتج اليوم ههههههه

الحين بوظبي ماشاءالله صايرة مليانة مولات ما تحتاجون تنزلون دبي

شكلج تحبين السبا وحركاته :thumbs_up: صراحة الوحدة تحس روحها ملكة من بعد يوم كامل في السبا

انا ان شاءالله بعد النفاس بدلع روحي يوم كامل

اهليييييين ’ ههههههههههههههه
والله اجازتي عجيبه ,
سويت بدي واكس , ف البيت ..
اوردي عندي الجهاز مال الصالون اريح ف البيت ..
اي وايد مولات .. و كل شي فيهم ..
من فتره صرت ما اروح دبي وايد , يعني مرات تنعد عاليد .

اختي من ما يحب يدلع عمره و سبآ وحركآت
بس مع ولدي .. وظروف دوام ريلي .. ما اروح سبآآ ..
بس لازم ادلع عمري بالصالون ..

ان شاء الله .. بتحسين عمرج فرش عقب النفاس

مخمليات;16426043:

انا بعد ام ريماني

كل روايح العطور الثقيلة مااقدر عليها ، وفي اول ثلاث شهور حتى الخفيف مااقدر بس الحين اشوى

حتى ريلي مسكين خليته يودي كله عطوره الثقيلة الشغل ، بس هالجمن يوم صايرة اموووت عليه اذا يرش عطره هيرمز

ماخليه يرش الا ذي ههههههه يقولي حكم قراقوش على العطور

اي اول ما حملت اقول حق خواتي اففف ريحة شي خايس ..
اعععع شنو هآي .. من باخه عطر
طلع عطر الحرف العربي عاد و انا ف الطياره كنت ابي اشتريه من ديوتي فري الاتحاد
اشوه ما خذته هههههههههه
اقول حق اختي هاي ريحتج قالت ريحتي خايسه شمي
اقول له اي هاي الريحه هههههههههههههه ..
عقدتها ااقول لها لاتبخين منه خلاص ,

و عطور ريلي انا جذي بعد الا عطر بولو الكحلي ..
هذي اذا بخه ادووخ من حلات الريحة :worn_out:

انا بروح اكلي تفاحة عن اليوع

وعقب بحاول أنام اشوفكم بكرة

تصبحون على الف خييييير

مخمليات;16426068:

ههههههه ام ريماني

الظاهر من الحمل اذا نحب شي ندوخ ، انا بعد من كثر ما تعلقت في الريحة تييني دوخة بس حلوة ههههههه

ما اعرف اوصف

اوووه سكتي انا من الحين اقول وين بخلي البيبي اذا بروح الصالون ما اقدر اخليه عند الشغالة صراحة

وبيت أبوي بعيد ما يسوى المشوار خخخخخخ ، سويتها مشكلة عويصة من الحين

اي والله دوخة حلوة , ههههههههههههههههه

وي لاتذكريني , مالج الا تودينه معاج ويا الشغاله مع اني ما أئيد بس شتسوين ,
انا كنت اخلي ولدي عند ريلي , و انزل الصالون و اسوي شغلي و انا متواكلة
و بعدين , قمت احس تلوع جبدي لما اسوي واكس بالصالون مع ان ما يخصهم بذيج المنطقة
بس نفسيآ ما اكون مرتاحه و بدال ما اطلع مستانسة و فريش صرت اطلع متضايقة ,

رحت كارفور يبت لي مكينة براون , قلت اسوي هالشغلة بروحي ,
و لو باروح الصالون اكون وفرت وقت ., على زوجي مسكين ..

ف اروح اسوي بديكير ومنيكير و اشقر و احف ,
واطلع ..

و اذا هير تريتمنت ’ او فيشيآل حتى الشغلة كل شهرين مره اسويهآ ..

غير ف البيت عندي كل اغراضي .. و مرات اسوي البديكير والمنيكير بروحي ’
و كل شي بروحي ,, بس اروح بين فترات عشآن احس اني رايقة و متدللـه ..

الحين خليتيني افكر , لو ولدت وين اخلي اليهآل ههههههههههه
قبل كان واحد نفر بعدين بيصرون اثنين نفر
واجد مشكل ,
الله يعينـآ

سوري انا طلعت اسوي شغلة و رديت , انتي محد
المهم انا بنآم الاقيكم بآجر

صحتين حبيبتي ,
و انا في خاطري جاي حليب بس مالي نصيب باروح الحجره ارتاح ,


.


قود نآيت

كله ناااااااااااااااااااااااااام نوم العوافي ان شاء الله
مخمخ ابقي خدي الشغاله معاكي لكن لا تسيبيها مع النونو في البيت لوحدهم ما تضمنيش برضو اما بالنسبه لام ريماني عاااااااااااااااادي خدي الاتنين واحد ترضعيه ونيميه والتاني يعني

شويه هيكون كبير امابالنسبه ليا بعد كدا اكيد لازم اعتمد على نفسي واقضي حاجاتي لنفسي لغاية ما العيال يكبروا شويه وبعدين خلاص يكونوا كبروا شويه ويقدروا يعتمدوا ويحافظوا على نفسهم
دي فتره مؤقته ولازم كلنا نعديها بس بالصبر وبالروح الحلوه عشان انطباعنا وحالتنا النفسيه هاتنعكس على الاطفال ولازم نعمل حسابنا ان هايكون فيه تنازلات وتغيرات لازم الزوج والزوجه يبقوا عارفين ومهيئين نفسيا لكدا

مخمخ التفاح مفيد جدا كتري منه
في الصفحات اللي فاتت كان في حد من البنات بيقول هايروح لدكتوره عندكم اسمها رشا انا سمعت عنها من قبل كدا انها ممتازه جدا من التجمع اللي كنت فيه في حملي السابق وكانوا بيقولوا عليها انها بتعرف النوع سواء بنت او ولد من اول الرابع ويارب يتمم لنا على خير

يابنات الكرشه صارت كبيره شويه ومشدوده اوي الحمد لله

عروسه ماتغيبيش علينا كدا كتير
وصحتك والنونو عاملين ايه

صباح الخير ان شاء الله كلكم بخير هذا الصباح

مخمليات
نفس اللي زدته ونفس الحاله النفسيه ذكرتيني جان ما اصيح الحين ههههههه

ام ساجد
نشيطه لآخر الليل موجوده وبتعطي معلومات حلوة

صباح الخيرات كروشات

شخباركم ؟؟؟؟

اصبحنا واصبح الملك لله ..

صباح النور والسرور حصاصي .. والله انا بخير واتمنى كل البنات بعد يكونون بخير ..

سوالفكم حلوة وعاش من جافكم عروسة و ام ساجد

صباح النور على عيونكم
صباح الصباح واللي جاي احلى من اللي راح