سـلـسـلـة شهور الحمل التسعة: الشهـــر الســـــابع...شاركينا بتجربتك...

انه توني داخله السابع :)

بصراحه احس بثقل واحس روحي كله ابي اروح الحمام :( وكله يصيدني شد عضلي وظهري وايد فيه ألم :(

والبيبي مشاالله عليه حركته قويه

الله يسهل علينا انشالله

هلا أخواتي
اني صار لي أسبوع وشوي من دخلت السابع وكنت متونسة بالحمل:shy: قبل ماأدخله ومن دخلته زاد كل شئ التعب والزهق والعصبية والوزن(w) ولأغرب ان حتى الطلق صار يجيني لدرجة اني رحت المستشفى ودخلوني غرفة الولادة ومن دخلوني راح كل شئ وماحسيت بشئ والله يعينا نكمل باقي الأشهر:sad:

هلا والله خواتي

انا توني داشه السابع ........واحس بالثقل وظهري دوووم يعورني

وانام زين كل شوي انقلب ...........

الله يسهل علينا ويتمملنا على خيير

انا باقلي اسبوع وادخل الشهر الثامن ان شاءالله ومن اسبوع وانا انزف وحالتي حااااااااله وبصراحه خايفه وايد ..يارب اكمل لين الشهر التاسع ياررررررررررب:(

مرحبا كروشات

انا من 5 ايام دشيت السابع واليووم سادس يووم لي في السابع

واحس بتعب كبير وضيق تنفس وعوار ف الاذن وما اقدر ارقد عدل

ووايد اسير الحمام وكله احس بضغط اسفل بطني

ومرات احس بالام تحت

والله يسهل عليكم وعليه يارب ونكمل شهورنا ونولد بالسلامه

من دخلت السابع تعب مستمر بظهري وبطني يعورني واحس بتقلصات برجلي وتورم بالساقين وحموضه زادت ومانام كلش صايدني ارق واحس بحركه البيبي بس مااشوف بطني يتحرك غررررررررررريبه؟؟؟؟؟

بنات انا ببدابه سابع واحس ان بطني متحجرة مثل كورة وياااااااااابس واحس بحركه الجنين بانه يتحرك بس ماقام يرفس نفس قبل بقوة؟

ومااشوف حركة الجنين على بطني؟


هاي شي طبيعي وخصوصا تحجر البطن

انا دخلت السابع من اكثر عن اسبوعين ..

احس بحركة البيبي فديته ربي يحفظه .. واحس بألم باسفل البطن .. وتعب وارهاااااااق وصعوبة بالتنفس نوعا ما .. الله يعينا ويتمم حملنا على خيـــــــــــــــر ويرزقنا الذرية الصالحة ان شاءالله ..

هذا الشهر متعب جدا جدا ........ تعب من أقل مجهود حتى لما اوقف اغسل اسناني اتكسر
ويجيني ألم في البطن من جهه اليمين
حركه البيبي تجنن الله يحفظه
انتفاخ في كل الجسم
تعب وملل من الحمل
ثقل من تحت
متشوقه مررررررررررره اشوف طفلي بين احضاني
والله يسهل على كل الحوامل ويرزق الليي تتمنى ياررررررررررب

انا ما نزلت عندي مادة اللبأ ليش؟

:D_smil1:الله يقومنا بالسلامة ويفرحنا بسلامة مواليدنا .... أنا دخلت السابع من أسبوعين وحرقة المعده زادت بعد عدد مرات التبول والنوم تعب وعدم راحه وأتعب من الوقفة أو المشي لفترة طويلة دائما أفكر متى أولد وأحسب المده الباقيه للحمل والاحلام بالجنين والولاده على طول أحلام أشكال وألوان

باجر بدخل الاسبوع الـ 27
ضايق خلقي من أمس و حركة البيبي مو حاسة فيها :(
تو وانا اتصفح المنتدى تحرك بس حركة وايد وايد بطيئة و حسيت فيها و انا حاطه ايدي على بطني !!

يقول زوجي يمكن نايمة لاتزعجينها !!! مو معقولة كل هذا نوم !!!

اسم الله على البيبي من الخامس وحركته وايد حلوة بس من دخلت السابع صار مكسل وايد !!!

الحمدلله العوار اللي ياني في السادس تحت الظهر راح شوي و قمت انام ولو انه نومي متقطع

وكثير اقوم زوجي مخرعته هههههههههههههه والله مسكين وايد يقوم مفزوز بسبتي !! :(

وقام وزني ماشاءالله يزيد بس مو باين وايد لانه على قولت ماماتي وزن البيبي و المشيمة واللي

فيها !!

الله يهون علينا يارب و يرزقنا الذرية الصالحه ،،
اللهم آمين

السلام عليكم والله يتمم للجميع على خير ويرزقنا ساعة ميسرة
أنا بالسابع الآن والحمد لله أشعر بالغثيان وحرقة المعدة وثقل مو طبيعي مأقدر أمشي ولآم في البطن والمفاصل رغم إني أحاول الحركة بس أتعب كثير

مشششششششششششكوره علي المعلومات

اني توني داخله 25 اسبوع
حاسه بثقل في بطني مو طبيعي والم في رجلي
والم في ظهر واسفل بطني
حركة الجنين تحت مره بعض الاحيان احسه بيطلع
وهاذا اول طفل لي وخايفه من الولاده
وشهيتي مفتوحه للأكل وزني زايييييييييييد كثير
وعرفت جنس المولود من الشهر الرابع قالت لي الدكتوره بنوته

انا بنص السابع الحين ومن بداية حملي مازدت الا4/5كيلو الحمد لله حاسه بكسل واتعب بسرعه والنوم ماارتاح فيه والنفسيه عدم تشاؤم وخوف وقلق واحس الدنيا سوده بعيوني بصوره مو طبيعيه لدرجة اني خايفه لاتتطور حالتي ويصير فيني اكتئاب الله يستر

السلام عليكم اخواتي,
في هذا الشهر عانيت كثيرا من الام الظهر و صعوبة في النوم ولا انسى ايضا كثرة الحكة في البطن.

خلال ها الايام بكون في الشهر السابع ان شاء الله .. الله يسهل علينا و على الجميع ..

التعب و الترجيع من اول الحمل مازال للحين .. و الحموضه واللوعه حدث ولا حرج .. بس ها اليومين احس بالم في الظهر و اسفل البطن .. واحس بحركات البيبي الله يحفظه ..

الحمد لله مافي انتفاخات ابدا للحين ومافي بطن بارز من الاساس .. مايبين اني حامل :)


تحياتي ..

وأنا آخر يوم لي بالسابع اليوم

وبدخل الثامن بكرة ان شاءالله

انا بعد فالسابع ......والله اللي حسيت فيه .....ضيقة نفس مو طبيعية احس اني مو قادرة اتنفس مرات كثيرة ولما اكل يزييييييد هالشي وتصير كتمه......والم في منطقة البطن من فوق بسبب ضغط الياهل على عظام الصدر ......والم فالظهر كل شوي منسدحة وما اقدر اقعد فترة طويلة لازم راقدة ومحتارة من هالالم ؟؟؟؟رفسات البيبي ما شاءالله عليه وااااااضحةومتعة صراحة متعة كبيرة وانتي تشوفينه وتفكرين يا ترا شنو يسوي الحين يلعب ولا شو يسوي سبحان الله ..... واكثر شي بالليل مع النوم فعشان جذيه ما اقدر انام بالليل لاني احس اني ماذيته وفاغصته واخاف عليه فما اقدر انام من التفكير فيه !!!بس احسه هاليومين ما يتحرك كثير نفس السادس وانا قلقانة عليه وبطني مشدوووود وياااابس!!والسرة اختفت صارت هيا والبطن وحدة ههههههههه وثقل فالحركة وخصوصا لما اقوم واقعد بصعوبة ......وعندي وسواس مو طبيعي في سالفة الولادة المبكرة كلما جاني وجع غريب قلت الله يستر شكلي بولد هههههههه عبالها الولادة بهالسهولة الاخت ما تدري ههههه

فعلا في الم برجلي اليسار ولما اقعد من النوم احسها منملة ومتخدرة وما اقدر احركها الا بصعوبة وبعد فترة يمكن نص ساعة ترجع عادية ؟؟؟؟هل هذا الشي عادي ؟؟؟والنوم صعب جدا كللللله ارق وارق وتفكير وعدم راحة ابد فالنوم والمشكلة لو نمت عاليمين يجيني الم شديييييد في بطني من فوق عوار مو طبيعي فاقلب لليسار تنمل رجلي وعلى ظهري ما اقدر اتنفس احس بختنق والله مو عارفة شلون ارقد !!!! الظاهر اني بنام وانا جالسة !!!!!!!والجوووووع حدث ولا حرج والله يا خوفي بكرة اروح اوزن انصدم بوزني !!!!! ومرات احس بغثيان واني برجع الله يكرمكم كاني في بداية الوحام ما ادري ليش ويكثر هالشي بالليل رغم اني اكون صار لي 3 ساعات متعشية قبل ما انام !!!!!

كنت احسب اني وحدي اللي استحي من شكلي وانا حامل بس الحمدلله لقيت معاي بنات فهالتجمع نفسي هههههه مدري ليش يجيني هالاحساس واحاول اخش بطني وش تخشين واهيا جدامج !!!! الحمدلله والشكر !!!!والاحلام كوابيس مو احلام وتقعدين تحلمين بالاولي والتالي ما بقى احد ما تحلمين فيه مسويين تجمع بالاحلام بعد ههههههههههههه والله متمللين من الحمل ونعد الايام و الاسابيع عشان ندش التاسع ونولدونفكر بالولادة وشنو بيصير وتفكيييييررررررررر بس عشان نشوف هالحبوبين اللي مغلبينا معاهم طوووول فترة الحمل ووالله شكلنا بننسى كل هالتعب بس من نظرتنا لهالكتاكيت الامورين ان شاء الله ............ياااااااااااااارب تمم حملنا كلنا على خير ان شاء الله ونولد فشهرنا التاسع وترزقنا ولادة سهلللللللة وميسرة وترزقنا شوفة الامورين الحلوين ان شاء الله ونضمهم ونشمهم ونبوسهم بكل حب وحنان اميييييييييييييييين يا رب العالمين يا الله يا ارحم الراحمين .............. ويا رب ترزق كل محرومة عاجلا غير اجل يا ارحم الراحمين ........