الســــــــــــــــــــــــــــلام عليكم

كيف حالكم
طبعا كنت مترددة اناقش مسالة حياتي مع اي احد
حتى اخواتي
اذا احد كلمني بالموضوع ابكي واصيح والعن كل من حولي
واتضايق
مابي احد يناقشي بموضوعي
بس لما شفت المنتدى جاء في بالي فكرة وقلت ادخل واستفيد من العرايس
وسجلت ولقيت هالقسم في استشارة والحمدلله كني تشجعت اكتب لكم

مشكلتي تزوجت قبل تسع سنين من ابن عمتي
طبعا مثلي مثل اي عروس
تحب زوجها
لكن هو حسيت كانه انصدم شوي من شخصيتي
لانه هو شخصيته هادئة جدا جدا و رجل صموت كتوم يعني مو من النوع اللي يضحك ويسولف كثير
اما انا شخصيتي اجتماعية كثيرة سوالف ونكت يعني مثلي مثل البنات
تعبت معه باول حياتنا
كنت اسحب الكلام منه بالقوة
اذا سولفت معه مرة ومرتين مايسمع .. لازم ارفع صوتي ويرد: هاه؟
حملت في بنتي الاولى وكنت احسه يكرهني ومتضايق لكن حاولت اوفر له كل شيء
لما ولدت.. صار يجلس مع بنتي وانا :'( ولا كاني موجوده
مايظالع فيني ابدا
ولايكلمني
تخيلو
اوقف عنده اكلمه
وهو مع بنتي يلعبها ويسولف معها ولايكلمني كانني لست موجودة

طنشت وقلت معليش راح يتغير مع الايام

حملت بولدي الثاني بعد ست شهور من ولادتي
وولدت الحمدلله الوضع اهون من المرة الاولى

حملت بعد كذا .. طبعا جلست اربع سنين وحملت حملي هذا
كان يضربني فيه ضرب شديد اليم
وكنت اكلم اهلي
ويقولون زوجك رجل محترم وانتي اكيد شتمتيه :'(

سكتت وقلت راح يتغير و ربي راح يغيره

جلست سنتين بعد ولادتي بولدي هذا وطلع معاق سمعيا
لكني والله احبه حب شديد جدا
ومتعلقة فيه
ولدي الان كمل سنتين ونصف
بدات المشكلة مع زوجي قبل رمضان هذا اللي راح
صار متغير ويفتعل المشاكل لاتفه سبب
واحيان يضرب ويلعن ويقذف بدون سبب
قبل اسبوعين جلس يلمح لي انه يبغى يتزوج ويطلقني
طبعا زعلت ولارديت عليه
جلس يمشي وراي ويقول انه من حقه يستقر
طيب كيف يستقر وانا موفرة له كل شيء

قبل اسبوعين ضربني بدون سبب ضرب اليم شديد لدرجة اني قفلت باب الحمام على نفسي وجلست ابكي وارتجف بقوة
لين طلع من البيت
بعدها بيومين جاء عندي وانا اغسل مواعيني بالمطبخ وضربني (( يضربني لانه يكرهني)) يضرب بدون سبب
رماني على الارض قدام اولادي وطلقني بالثلاث
ابكي واشوف عيالي يطالعوني وهو يضربني ويبكون

بنتي الكبرى عمرها ثمان سنين هربت لغرفتها وتخبأت تحت المفارش وجلست تصيح وتبكي
( كان الضرب دايم قدامها من عمر سنة الى اليوم)
حاليا انا في بيت اهلي
لي اسبوعين
اخذ اولادي مني
ولا ارسل ورقتي
حاولوا اخوانه يصلحون بيننا
بس هو يقول لهم انه طلق بالثلاث
واصلا ماوقع الطلاق
لانه حصل في جماع في طهر

انا رافضة فكرة الرجوع له حتى لو جاء للباب يرجعني
لان اللي ضرب مرة يضرب مرة ثانيه
واللي طلق مرة يطلق مرة ثانيه

اولادي استودعتهم لله

بس اللي معذبني

ليه سكت الحقير كل هالسنين وضيع عمري معه وحرمني من الحب
ليه بعدما انجبت الاولاد طلقني
يعني كان يقدر يطلق من زمان لكن ليه الحين
بعدما راح العمر
:'(
عمري الان ثلاثين
بتقولون اني صغيرة
لكن انا احس اني عطيت كل ماعندي
حاليا
عند اهلي قمت اعاقب نفسي
اسوي ريجيم قاسي لعين
واحرم نفسي من الاكل
احس اني اذا نحفت بتزوج بسرعه
و ناوية اروح بيتي وادخل الحوش عند اولادي واسلم عليهم
احس اني باقي فيني غضب وكره
مع اني سامحت الكل لوجه الله
بس احس فيني قهر شديد
احس اني ضيعت تسع سنين من عمري على رجل مايفكر الا بالاكل
حتى الهدية ما يجيب لي
تخيلي
طلبت منه في عيد الفطر عيدية
تفل بوجهي

بعدها بيومين قلت له ماراح انسى تفلتك بوجهي
قام يصيح يقول والله ماتفلت بوجهك ويحلف باغلظ الايمان

كرهته كرهت حياتي الان بسببه
احس اني ماراح ارتاح الا لما اتزوج

لكن اخاف يتكرر اللي حصل مع الزوج الثاني
اخاف يسالني الزوج الثاني يقول وش سبب طلاقك منه
اخاف انهار واطلع كل الاسرار
اخاف اصير ضعيفة في يد انسان ثاني
وترجع نفس الماساة


ادري طولت لكن والله تعبت وانا اكتم بصدري

اولادي لهم اسبوعين ماادري عنهم ولاكلمتهم

اخر خبر وصلني

قالو لي ناس ان بنتي يدها مكسورة
ودي اشتكي لحقوق الانسان
لكن اهلي مايبون عيالي
يقولون اللي خلقهم يخلق غيرهم
صديقتي هي معلمة في نفس مدرسة ابنتي
تقول لي كلمي بنتك بالجوال
قلت لها لا
اخاقف يجيني انهيار وابكي

حالتي جدا مملة
محد يهتم ولايسال
حتى صديقتي
قلت لها اليوم في الواتساب: من زمان ماسمعت كلمة حلوة :'(


الله يفرجهاعلي

ولاتنسوني من دعواتكم

ردي علي
ماذا افعل في وضعي هذا