سـلـسـلـة شهور الحمل التسعة: الشهـــر الخــــامس...شاركينا بتجربتك...

شلونكم حبيباتي...


كان عندي مو عد الأسبوع اللي راح وقالت لي الدكتورة اني في الاسبوع 20, وسألتها عن السونار قالت لي ان مو اكيد يبين جنس الجنين الحين وقالت لي انطر الى الشهر الجاي...
بس انا ميتة مو قادرة اصبر خاطري اعرف بسرعة...
شرايكم اسوي الحين والا انتظر؟؟؟

هلا خواتي

أنا ألحين في اليوم الثاني من الأسبوع العشرين .. وهذا أول حمل لي .. بالنسبة لجنس الجنين بين معاي من الأسبوع ال 18

أما الأعراض فنفس أعراض باقي الحوامل برز بطني وبدا يبان إني حامل وكثرة دخول الحمام وألم أسفل البطن وإذا أجهدت نفسي في الشغل أحس بألم أسفل الظهر .. وبعد عندي مثل الشد البسيط في أسفل القدم اليمنى أحس فيه مع الركوع أو الوقوف من السجود والجلوس. أما عن النوم فما صرت أقدر أنام على بطني .. أحس كأن نفسي بينقطع .. :pain: فأحاول أرقد على الجنبين لأن النوم على الظهر يجهد العمود الفقري بسبب ضغط الجنين عليه. :down:

حركة الجنين بعدني ما حسيت فيها وأنا منتظرتها بفارغ الصبر .. لكن الظاهر ولدي هادي وحركته خفيفة .. :D2

على فكرة يا بنات أنا سمعت إن في دراسة نفسية تقول إن أفكار المرأة الحامل عن طفلها تترجم لواقع بعد الولادة .. يعني لو الأم تحط في بالها إن ابنها بيكون إنسان زين ومطيع وبصحة جيدة وكل الأفكار الزينة .. هالتفكير يطلع في الطفل لأن كل شي يتخزن في العقل الباطن .. وإذا اتخيلت إن ابنها بيطلع بصحة رديئة أو أي أفكار متشاءمة بتطلع صدق في ولدها .. فخلوا أفكاركم كلها إيجابية عشان تخلفوا أبناء أصحاء متفائلين :up:

والسموحة على الاطالة :shy:

انا الحين بالاسبوع الثالث من الشهر الخامس(وماعرف اذا كانت حساباتي دقيقة ولا لا ) لأنو انا دورتي مو منتظمة فما اقدر اعتمد على هذي الطريقة....... لكن الدكتور قال لي باخر موعد انو على حسب حجم الرأس اني بالاسبوع 19...

من الاشياء اللي حسيت فيها بهذا الشهر :

بطني كبر بشكل سريع عن الشهر اللي فات وصار بااااااااااااااين مرررررة ....
بديت احس بحركات خفييييييييفة مرررة كأنها فقاعات اتوقع انو هذي حركة البيبي ... ولاحظت انه يكون في قمة النشاط والحيوية اذا كنت تو ماكلة ..... شكله يحب الأكل حياتي
صرت احس بالم اسفل الظهر لما اتحرك كثير او اوقف لدرجة اني ماعرف انام او حتى انقلب بسهولة
اكلي عادي ..... لكن زاد وزني يمكن للحين 4 كيلو او 5 ماادري اذا كان هذا طبيعي ولا بزيادة احد الحين ؟؟؟؟؟ انا مابي اسمن كثييييييير
طبعا ملابسي كلها ضاقت علي وصرت مضطرة البس لبس حوامل
صرت احس بحرقان شوي في المعدة... وبالنسبة للتبول الله يعزكم احسه قل عن قبل ........ غرييييييييبة؟؟؟؟؟؟؟ او يمكن علشان احنا برمضان وقلت السواءل اللي نشربها خلال اليوم !!
وصايرة عندي افرازات يبيلي اسأل الدكتورة عنها...
وطبعا الامساك اللي معذبني ......

وباخر موعد شفت البيبي وهي تتحرك وقالو لي انها بنووووووووووووته وانا كنت اشوفها في ( 3D)
مبتسمة وتحط يدينها على وجههها ( تتغلى على امها وابوها بعد عمري) :shy::shy::shy:

وانصح الحوامل لازم يشوفون البيبي ب 3D
انا سويتها هذا الاسبوع عشان يتأكدون من صحة البيبي وقالوا لي اسويها مرة ثاانية في الاسيوع 24 او 30 راح يعطوني صور للبيبي تشبه شكله بالحقيقة ..... وانا مرررررررررة متحمسة
يالله طول عليكم بزياااااااادة ..... مشكورة اختي على الموضوع الأكثر من رائع

انا بعد توني ادخل الشهر الخامس الحين بعدي بالاسبوع الاول من الشهر الخامس

بس طبعا ما حسيت بالحركة من البيبي ابدا لكن الم الظهر لم يتوقف من بداية الحمل الى الان الحال على ما هو عليه فعلا بدا بطني يبرز قليلا
بعد شو حالي حال الخواتي صار الحمام اعزكم الله صديقي :D2:D2:D2 عاد الفشلة بالدوام بالمدرسة رايحة الحمام ونفسي بعد كل حصة اروح الحمام لكن عاد ايود عمري بالقوة :D2:D2:D2
وطبعا بما انه الحين علينا رمضان الصيام ذابحني احس بالارهاق والتعب واتريا المغرب بفارغ الصبر والله اقول سبحان الله الي يحفظ الجنين في رحم امه يعني احنا طول فترة الحمل نهتم بالغذاء طول اليوم وبالشهر نصبر ونتحمل ومع ذلك ربنا يحفظ الجنين
سبحان الله والحمدالله رب العالمين

متى اوصل اخر الشهر واحس بالحركة نفسي احس بالحركة الحين ولاشي لا حركة ولا نبض مثل الاخوات :smile::smile:

انا الان في الشهر الخامس
وفعلا في هذا الشهر اشعر بأني حامل عن جد خيث بدأ يظهر على شكلي كبر البطن
واكثر ما افرح به هو عندمااشعر بحركته وبنبضاط قلبه

بس مشكلتي لما آكل ما الي شهية
بس لما اكون معزومة عن ناس تفتح شهيتي لكل اشي بس في داري لاءا

وكمان صرت ما اعرف اجد الطريقة المناسبة والمريحة للنوم دائمة التقلب

وما شاء الله وجهي منور هذا الشهر وحاسة حالي زدت حلاوة فوق حلاوتي:shy:

ولكم سلامي واحرتامي

مامة المستقبل
الماسة

السلام عليكم ورحمة الله وبركاته

انا الان في اول اسبوع للخامس لحملي الاول:shy:
احس اني احسن من الاول و لكن قابليتي للاكل تتحسن ببطيء:smile:
احس بالم بالظهر و اسفل البطن:pain:
و كما قالت الاخوات ادخل الحمام كتييييير:o
و عندي عسر هضم
لا احس بحركة الجنين تماما و لا اعرف شكلها
و اتمني احس بحركة البيبي

:cool2::cool2::cool2:

السلام عليكم ورحمة الله وبركاته

انا الحين في الاسبوع الثالث من الشهر الخامس واحس:

_ اني حامل صدق
_حركه البيبي
_وكثرة دخول الحمام

وبس.......

أنا الحين 19 أسبوع و يومين..أحس بحركة الطفل
تزداد مع مرور الأيام..وأحس بشد اسفل البطن.
و وجع الظهر تعبني..
خمول غير عادي...يعني اغلب إلا قالوه البنات يحصل لي..

لكن اختلف أني عندي ارق من أول ما حملت..ما أنام كثير!

شكرا على الموضوع الرائع

الف شكر لج اختي مرموم على موضوعك الرائع يالغالية ...

استفدت من تجارب البنات وايد خصوصا ان صاير فيني وسواس هالايام وايد احاتي .. :down:

بالنسبه لي انا في الاسبوع 19 الحين واحس بحركته على خفيف

وزني ليحين ما زاد :pain: وبطني صغير مايبين ومن يومين نزل علي دم ولأول مرة ورحت للدكتورة وقالت لي ان المشيمة نازلنة لعنق الرحم وهذا خطر لازم ارتاح وكله انبطح وارفع رجلي

بالنسبه للأكل اكلي ضعييييييف كلش حتى الحديد والفيتامين ما اخذه :confused:

خاطري اكل مثل اللي يقولون شهيتنا مفتوحة ماشالله عليهم ..

تسلمين غناتي على المواضيع الحلوه

مرحبااااا فيكم؟
اتمنى لكم حمل سهل ويسير ...
انا توني داخله الخامس صارلي اسبوع وتوني باديه احس بنبض في بطني شعور جميل ماينوصف ...
اللي احس فيه الم متقطع في الظهر .. اللوعه بدت تختفي .. وكثرت التبول طبعا .. موعدي في نهاية الاسبوع بسوي سونار عشان اشوف بنت لو ولد
الله يتمم للجميع يــــــــــــــــــــارب
:shy:

من اي اسبوع يبتدي الشهر الخامس؟؟؟؟

:هلا يا امهات المستقبل ..

انا الحمدللة عديت هالشهر على خير ونفس الي مكتوب صادني .. بس الحمدلله مافي الم فالظهر ولا انتفاخ فالارجل واليدين

وما شاء الله حركة البيبي احس فيها من الشهر الرابع بس هالشهر اكثر .. والله يعين الاشهر الياية .. :D2 خاصتا بالليل .. ويوم اتحرطم على الابو يقولي خليه ياخذ راحته ...:o

وان شاء الله تاريخ 14 اودعكم لاني داخلة شهر يديد اشوفكم ان شاء الله في موضوع الشهر السادس :z_bye:

يعطيكم العافيه على هالموضوع ..

حلو ان الوحده تلاقي ناس يشاركونها نفس تجربتها خاصة وان الحامل تكون متحمسة لحملها وودها تشارك احاسيسها ..

بالنسبه لي انا في الخامس الان (الله يتمم علي) واحس بتغيرات مره كبيره ..

اولا. بطني كبر وصار ملحوظ

ثانيا. اتعب بسرعه من الجلوس والوقوف والم الظهر مره يزيد

ثالثا. ادخل الحمام كثير (وانتم بكرامه)

رابعا. البيبي يتحرك واحس بحركته بشكل واضح


بس عندي سؤااااال

** يجيني الم اسفل البطن هل هو عادي ولا المفروض اقلق ؟؟؟؟؟

انة كل مرة اروح اسوي التراساوند ما يبين الطفل بنت او صبي يقولوون للحين مع ان ناس وايد يبين لهم مادري ليش

اختى الغالية
كلامك صحيحالام اسفل البطن واحس بالحركة الطفل وزيادة الوزن

مراحب خواتي

انا بالاسبوع 21 اي في الاسبوع الثاني من الشهر الخامس والحمدلله
حركة الجنين تجنننننن رغم اني خفت منها من البداية
لانه كان يركل ويرافس الى الاسفل كانه يبي يطلع :(
هالحركة خوفتني وماكنت ادري انها حركة طبيعيه لولا اني تطمنت من البنات والحمدلله :)

الحمدلله بطني بدا يبان شوي وشهيتي للاكل مفتوحه والحمام وانتوا بكرامه كل شوي، ودووووووووخه احس بها بالوقوف او الجلوس لفتره طويله.

وحرقان بالمعده ذبحنيييييييييي بس الحمدلله كله يهون ،، يارب ترزق كل المحرومات ان شاءالله..

بس الحمدلله هالشهر اريح من الشهور اللي قبله وصرت اقدر اطلع بعد ماظليت حبيسة البيت اربع شهور ، وان شاءالله بودعكم بتاريخ 28/2/05 وبنلتقي ان شاءالله بحوامل الشهر السادس :)

ربي يسهل علي وعليكم

bj3a:
من اي اسبوع يبتدي الشهر الخامس؟؟؟؟

اهلين اختي يبتدي الشهر الخامس من الاسبوع 20

لانه الشهر الاول يعتبر 6 اسابيع وليس 4 اسابيع

لانه اول اسبوع حمل يكون اسبوع الدوره.. والاسبوع اللي يليه يكون فترة امان لمنع الحمل

وبالتالي عادة مايتم حساب اول اسابيع الحمل بعد 14 يوم من اخر دوره

الله يهون عليش اختي :)

يا جماعه يقولون ان النومه على الظهر تؤذي جنين هل هذا صحيح..!!

و انا في هالشهر وايد نفسيتي مرتاحه بفضل الله و شهيتي مفتوحه و خفت الحرقه بالمعده..

بس ىابي احد يقول لي الجنين الحين يتقلب بالبطن ولا بمكان واحد..

لاني بالليل وايد اقلب يمين و يسار فا اخاف هالشي يؤذي المحروس..

انا تووووووووني باول اسبوع من الخامس ومستانسه حدددي :clap:
ابي الوقت يمشي بسرررررعه
احس بالم فى الظهر واسفل البطن بس طبعا حركات البيبي ورفساته
تهون كل شي عليي
طبعا كثر دخولي للحمام وهالشي زاعجني ومحرجني وايد
سويت التراساوند من جم يوم وقالولي ما يبين واضح شنو جنس البيبي
بس يممممممكن يكون بنوته حلوه مثلي
ان شاء الله برجع اسويه نهايه هالشهر عشان اتاكد اكثرررر
عموما..
ماكو فرق عندي بنت ولد.. المهم السلامه ان شاء الله
دعواتكم.