ابي مساعده عاااجله /تعبت مع خطيبي ، ماعرف اذا استمر معاه او لا

السلام عليكم خواتي
ابي الحل والنصايح منكم اهل الخبره


انا مخطوبه من فتره ، و ملجتي (كتب كتابي ) كان في شهر 4/ ابريل
قبل الملجه ولما انخطبت رسمي في شهر يناير/1 اتصل لي خطيبي وكنا نكلم بعض
طبعا فالبدايه كنا نبي نتعرف عي بعض يعني سوالف عاديه وكل واحد يقول الاشيا اللي يحبها
واللي مايحبها ،، بس مع الايام تعلقنا فبعض اكثر وصار في بينا غزل والصراحه هو اللي بدا
انا كنت استحي ..

بعد الملجه تم الوضع نفس ماهو بس انا حبيته زياده بحكم انه صار يزورني ونشوف بعض
وهو انسان جدا خلوق وسلس ولطييييف فالتعامل وكلامه حلو ودمه خفيف وحسيته هو مال لي بعد اكثر من قبل ..
تمينا شهرين على هالوضع بعد الملجه وفجاه انقلب الوضع من بينا
صار عادي يقول لي كلام يجرح ! وساعات يقول لي كلام على اساس انها غشمره بس كلام قوي
يعني منها (انا متحسف! انغشيت فيج! غيرج بنات شكثر)
وحسيت الاحترام من بينا فجاه طاح ! المفروض هالكلام ماينقال بين اي زوجين

حتى لما يزورني احسه متغير ، دايما يسرح، مو معاي ، واول الايام كان يتم بس يطالعني بنظرات اعجاب ويتغزل ! لكن عقب حسيته انقلب شخص ثاني ! مب الاعجاب قل لا ، حسيته مو مستانس معاي !!
وحتى الاتصالات بينا مايتصل لي مع ان احنا بفتره الخطوبه المفروض يتصل لي ويكون ولهان علي
يتصل كل اسبوعين او 3 اسابيع مره !

المهم صارحته وقلت له وطاحت علي المصيبه
قالي انا تعمدت اني اجرحج علشان ابعدج عني ! لاني انا شفت منج مواقف وتضايقت منها
وحسيت نفسي من عقبها بعيد عنج ومش متقبلج :thumbs_down:
خليته يقول اللي بقلبه وقال المواقف ، المواقف كلها سوء تفاهم ، هو بنظره انها كبيره
يمكن لانها جرحت كبريائه ولا غروره ، بس فنظري صغيره بس ماقلت له
المهم اعتذرت منه واخذت بخاطره وقالي انا بحاول بس ماوعدك ! انا دست على قلبي وقلت
يمكن فتره وتعدي ..
بس لما قلت له انا شايله بخاطري انك جرحتني وماخذت بخاطري ولا اعتذرت حتى قالي المفروض ماتشلين لاني تعمدت اقولج هالكلام
بس انتي طلعت منج مواقف عفويه وهاي المصيبه !!!!!!! انا اشوف العكس تماما !!

المهم زارني عقب ماصارحني مرتين
اول مره قالي خلاص انسي الكلام الي صار وانا نسيت وحسيته رجع طبيعي
وصار يكلمني يوميا بس 5 ايام وعقب رجع لحالته الطبيعيه :thumbs_down:


المهم تمت علاقتنا فاتره ! انا كنت احاول معاه واحاول اخليه يلين لان بصراحه مافي يسوى
كانت علاقتنا ممتازه وشخصياتنا متقاربه وكل الظروف اللي حولنا زينه
بس فجاه حسيت مخه مقفل ! يرد يعيد نفس المواقف ويرد يعصب عليها
وارد استسمح منه واخذ بخاطره ،، لين وصلنا مرحله ان نتكلم بنفس الدائره مافي كلام غير
قلت له خلنا ندخل طرف ثالث يمكن يقدر يساعدنا
ودخلت اخته الكبيره وقلت لها اللي صار من بينا وقالت السالفه سوء تفاهم بس
وهالمواقف تصير بين اي زوجين عادي
وكلمته وقالت لي انتي الحين دلعيه شوي هو بيلين
جربت بس حسيته صاااد عني ، اكلمه كلام حلو يرد علي بكلام قوي وجاف ويزعلني
بس احاول امسك اعصابي وارووق

لين وصلنا لحل ان خلاص مانستمر مع بعض لان انا تعبت معاه
واقوله انا شاريتك وانت بايعني يسكت ومايرد
يقولي انا ابي استمر ومابي ! ومابي اكثر
وهو قالي انا تغيرت وطلعت مني تصرفات معاج مستحيل تطلع مني اصلا
بس مادري ليش سويت فيج جذي بس بعد انا مش متحسف !
وانتي 100 واحد يتمناج وانتي ماعليج قصور بس انا احس نفسي فجاه صرت بعيد عنج
وقالي ساعات ابي ارفع التلفون واتصل لج بس احس ماقدر
وابي اقولج كلام حلو بس احس لا ماله داعي


المهم وصلنا الموضوع لاهالينا وطبعا كل طرف كانت له رده فعل غير
وبعد ماكلمناهم رجع كلمني قالي خلنا نحاول اخر مره لان انا رجعت قلت له انا لين الحين فالنص
بين ابي ومابي ماعرف اقرر
هو رد قالي انا مابي اكثر وماعرف ليش صار بينا جذي فجاه لان كنا نحب بعض
وقالي احس ماحبج ! واشوف نفسي بعيد عنج بس بحاول وبدعي الله يحنن قلبي

انا كنت اقوله شنو تبيني اسوي لك وبسوي ! انا محتاره معاه لان مافي سبب للخلاف
اوكي هو زعل من مواقف بس المواقف ماتستاهل الانفصال وكانت بينا ايام حلوه
وهو الحين محتار ومايعرف يقرر اذا نستمر او لا

موضوعنا صار له 3 شهور وامس كانت اخر مكالمه وقلت له الموضوع عليك والقرار يرجع لك
انا فالنهايه بنت ! اذا زوجي حبني بحبه !
و انت اللي تغيرت مشاعرك فجاه مش انا ! انت اللي لازم تقرر الحين


ماعرف وايد محتاره ماعرف شنو اللي لازم اسويه
مابودي ننفصل كلش لان مافي سبب ! وايد لايقين على بعض وحتى لما تكلمنا اخر مره كنا نفضفض حق بعض ! شلون كرهني فجاه انا مش عارفه
وهو لين اليوم يقولي مابي استمر بس ماقرر ولا تحرك ! وضعنا متعب جدا
عطوني حل الله يخليكم ..