الى كل من تزوج عليها زوجها

s2s2s
الحقيقة متزوج وحده وتخب علي وكل رجل وده يجدد لكن هناك امور تمنع

ريم الله لايفرق بينكم

الدعوات الجاية بفلوس انتبهي الكيلو 100ريال هههههههه

ياترى هل هو صحيح ان الرجل (من الناحية الفطرية) لا تكفيه زوجة واحدة؟؟؟

لدي أخ متزوج ودايما يقول أبغي اتزوج وبط جبودنا من كثر ما يحن

ومرة سألته : انت زوجتك مقصرة معاك؟ انت ما تحبها؟
وهو قالي: بالعكس هي مو مقصرة معاي بشي ..بس هالشي فطرة في الرياييل انهم ما تكفيهم وحدة!!!!!!!

فهل هذا الكلام صحيح ؟؟؟
واذا كان الرجل متزوج وحدة بس مثلك ياناصح المملوح فهل فعلاً من داخلك تحب انك ترتبط بوحدة ثانية وثالثة ورابعة !!!!!!!!!!!
لأن في رياييل يقولون :كفاية ابتلينا بوحدة بعد نجيب علة ثانية على قلوبنا (ياترى هاذيلا يكذبون )

بعض الرجال لما يريد يتزوج يقول هذه سنة..ولكن لو نظرنا نظرة واحدة إلى السنن الآخرى اللي يطبقها تشوفه عدم..بل ربما لا يصلي أو متهاون ..لو أنه طبق السنن الآخرى جان ما يحصل وقت يتزوج ثانية..

وبعضهم يبي زوجته عارضة أزياء كل يوم..عيل ليش تبي زوجتك تنجب الأولاد وتطبخ وتشتغل في البيت..عطها فلوس في يدها وطرشها السوق تتشرى لك جميل الثياب وأنيقها..

إحنا النسوان أيضا كانت لنا أحلام وأماني في فارس أحلامنا وأولها أنه يكون وسيم وعريض المنكبين وكثير العضلات..ومشدود البطن ورياضي.. ويكون رومانسي ووووو..لكن يوم تزوجنا رضينا بالحال وقلنا الحمدلله مع أن كل وحدة تقول إنها كان يمكن تاخذ أحسن من زوجها..ولكنه قضاء وقدر..يعني مثل ما يريد الريال تكون زوجته لازم هو يكون بعد ..رشيق وأنيق وطيب الرائحة ونظيف....

اللي يبي يتزوج على زوجته المريضة أو اللي لا تنجب..شنهو يسوي لو كان هو مكانها مريض ولا ينجب.. يعني يرضى مرته تطلب منه الطلاق وتهجره في حاله روحه... الي أنا أعرفه لو الزوجة مرض زوجها تهتم فيه وتراعيه وتسهر على راحته وتتعب نفسها على شانه..ولكن لو مرضت هي الريال يتأفف ويتهرب من عنايتها ويطرشها إلى بيت أهلها لين تشفى.. وتصير مثل الجمل اللي تكاثرت عليه السكاكين.


في فترات لا يمكن تكون الزوجة جميلة وأنيقة مثل حالات المرض والولادة وحالة الطبخ طبعا مو الكل وبعض الرجال لا يتفهم هذا الوضع..

يا رجال أتقوا رب العالمين فينا..

عندي سؤال ياكل نفسه


والزوج اللي مقصر ومعذب ومبهدل بنت الناس اللي ماخذنها ويعاملها مثل الجلاب وأتعس شو جزاه ؟

أنا أقولك جزاه الصبر عليه وتحمل قرفه والدعاء أن الله يصلحه في يوم من الأيام وعمرها يروح وعمره بعد وهي تعيش كذبة الصبر والتحمل وهو مستمر في ظلمه وتعذيبه صح ولا لا واذا شفنا العكس اذا الزوجه شوي مقصره تعرف شو يصير للزوج مايحتاي ...........!!!!!!!!!!!!



ليش المجتمع وخاصة الخليجي دايما يرفع كفة الرجل ؟؟؟؟

الرجل بطبيعته أناني....

يحب كل شيء لنفسه....
والله لو كانت مرته مولعه أصابعها علشانه
بيقولها نورج ما يكفيني ودي بغيرج يولع
أصابعه .... والله أنانييييييييييييييين......

أخوي ناصح النصوح......
ودي لو تفسر لي كلامك....
( الحقيقة متزوج وحده وتخب علي وكل
رجل وده يجدد لكن هناك امور تمنع)
ليش الحرمة نعال ولا كندوره بتغيرها...

الرجل يمكنه ان يتزوج على زوجته حتى ولو بدون سبب ...لمجرد المتعه ولا اعتقد ان هذا حراما ولكن اذا لم يعدل بينهما فجزاؤه على الله وممكن 3 واحيانا اربعه وممكن يكون بيؤدي واجباته الزوجيه معهن كما ينبغي


هذا هو تشريع العزيز الحكيم

اشمعنى يعني حبكت إلا يطبق سنة الله في النساء ..أعتقد في سنن أخرى تنتظر منه المبادرة..:angry:

لين الرجل أعطى المرأة كل حقوقها وأحسن ووفى في هذاالأمر بعدين يحق له يفكر في وحدة ثانية..

عيل شلون تفسر زواج الريال اللي طول وقته مشغول في العمل وفي المنزل ويبخل بوقته على أسرته هل يحق له الزواج وهو مقصر ..ولو كان كل الرياييل مثل رسولنا عليه الصلاة والسلام في العدل والإحسان جان رضينا بثانية وبثالثة ورابعة..

:eek2:

بصراحة ما فيه موضوع يوجع قلبي وخطر يجيني الضغط بسببه كثر هالموضوع يا عالم صكوا الموضوع وارحمونا
اللي مقتنعة خلاص الله يهنيها باقتناعها واللي مو مقتنعة خلوها في حالها ما راح تقدرون عليها
يا رجال هذا موضوع حساس جدا عند المرأة وهي تفكر بعاطفتها في هالموضوع ومالكم شغل فيها من حقها يا ناس خلوها ترفض يعني الرجال بيناظرون خاطرها والا بيشاورونها
حتى رفضها او كراهتها لهاذا الامر بتحرمونها منه

لا تعليق


ولا اقلكم عندي تعليق


اش فيها لما الزوج يتزوج على مرته


مافيها اي شي


لكن هل الزوج يعدل بين الحرمتين بعد ما يتزوج على الأولى


هذا هو السؤال


وسلامتك


الســــــــــــاهــــــــــر

السلام عليكم ورحمة الله وبركاته..

بصراحه كلام الاخوات شمشونه وظما قلبي ورجـــاء مقنع..
وانا بطلع عن الموضوع وبتناقش في اشياء ثانيه..

الحرمه مخلوقه حساسه.. واتفكر بقلبها.. وتحب تحافظ على الشي الي يخصها.. ويكون غالي بنسبالها..
والزوج شي يخصها وغالي بنسبلها.. فما اعتقد انها بترضى انه أحد يشاركها فيه..
وجذابه الي بتقول لا عادي عندي انه يتزوج عليي.. بتلقونها ميته من الزعل.. أو هذي اصلا تبا الفكه من ريلها وما تحبه..

ليش يعني الريال يوم يغلط الحرمه تسامحه وما تقوله شي لدرجه تنسى الي سواه ولا كان صار شي.. ام هي الغلطه البسيطه الخفيفه ايود عليها ويذكرها في كل الخلافات؟!

يعني الغيره ما طلع في زمانا هذا بل من زماااااااااان..
وكفايه انكم تعرفون ان عائشه رضي الله عنها زوجت الرسول عليه الصلاة والسلام كيف كانت تغار من زوجاته الاخريات..

يعني الحرمه وخاصة الي تموت في ريلها ما ترضى حد يطالعه او هو يطالع حد غيرها.. فما بالكم اذا في وحده ثانيه بتشاركهم عشهم الزوجي!؟

وعن الرياييل والله الريال ما تكفيه وحده وجذاب اذا قال تكفيني.. في رياييل يحبون زوجاتهم وراضيين بوحده.. في لا والله يحبون زوجاتهم بس يبون يغيرون لان الريايل من النوع الي يمل.. وخاصة الراييل اذا اتزوجو وهم مب مقتنعين والا مجبورين أقولكم بيتزوج على حرمته بيتزوج.. واذا الريال حط هالشي في باله بيسويه..

ورياييل هالزمن الاغلبيه دومهم يصيحون ومب قادرين انهم يكفون حق حريمهم فما بالكم اذا تزوجو وحده ثانيه!؟ تعتقدون بيكفونهم حقوقهم.. والله اذا ما كان قد المسؤوليه ومب قادر يوفي لها حقوقها ليش يتزوجها ويبلشها معاه؟! يعني هي تقتنع بالعيشه وتصبر لانه زوجها وهو حضرته يفكر يتزوج غيرها!؟؟!

وأعرف واحد تزوج 2 ويكره حرمته الاولى ويموت في الثانيه.. وعدل من بينهم وعطاهم حقوقهم كامله.. بس قلبه؟! قلبه يميل لمنو!؟ كيف الحرمه بتسكت اذا ريلها تزوج وحده ثانيه وفوق هذا قلبه يميل لثانيه!؟ تعتقدون بتتحمل هالشي!؟

محد مخرب هالدنيا غير الانترنت والتلفزيون والدش والي يشوفه برع في الشوارع!؟ عشان جيه الريال يسهل تفكيره بانه ينوع..

يا بنات بقولكم شي ترى الريال ما تكفيه وحده.. وجذاب اذا قال لا وحده بس اتكفيني.. لانه الريال جيه طبيعته يمل بسرعه.. ام الحرمه لا واحد يكفيها ما تفكر بغيره الا المريضه نفسيا..

بنات نصيحه وقت الشده شدو على الريال باسلوب محترم وحلو.. ووقت اللين لينو على الريال بطريقه حلوه.. لان الطيبه ينأخذ حقها وتنداس وينقص عليها..

ما نقول غير الله يهدي رياييلنا.. والي ما عطى حرمته حقها.. الله يصبرها وان شاء الله تجزي خيرا من الصبر.. والله يحفظلكم أزواجكم يا رب..

الحمدلله ان زوجي من النوع القنوع وما يحب الطلعات وملتزم.. والقنوع الي يرضى بالي عنده.. والحمدلله انا واعوذ بالله من كلمة انا طيبه :shy: وعندي اسلوب اخلي زوجي يتعلق فيني.. والله يجمعنا مع بعض دنيا وآخره.. ويحفظ لي زوجي لي يا رب..