سـلـسـلـة شهور الحمل التسعة: الشهـــر الرابــــع...شاركينا بتجربتك...

مرحبا بحوامل الشهر الرابع

يحالكم وشحال البيبي؟

انا اللحيين ف نهاية الرابع و ان شاء الله بدش الشهر الخامس ع اول عشره

وف ها الشهر وايد تعبت واحس باللوعه مرات بس احس انها خفت الحمدلله عن الشهر اللي قبله

واحس بدوار ف راسي وصداع وايد ونتفاخ نفس الامتلاء وقت النوم مع اني اكوون يوعانه

وشهيتي تحسنت عن قبل

وظهري وايد يعورني وبطني من تحت بعد

والله يعيين وان شاء الله تكوون اعراض عاديه

والله يثبت حملنا ويتمم ع خير ان شاء الله

ونولد بالسلامه

ومبرووك عليكم الشهر ويارب نقدر نصوومه كله

السلام عليكم


أنا دخلت الرابع من أسبوع تقريبا وهذا الاسبوع الثاني فيه




أحس بتعب كل ما تحركت كثير وأحيانا ألم ف البطن والظهر



حملي صار واضح ,, وأنا فرحانة بيييييييييه



سمعت نبضات جنيني وكنت بجن من الفرح واتصلت ع طول بزوجي وخبرته

وأقول سبحااااااااااان الله كل هذا بداخلي وأنا ولا حاسه بشئ!!!!



ملابسي صارت مشكلة عويصة جدا بالنسبة لي وما اقصد ملابس البيت

لكن العمل , متبهدلة معاهم كثيييييييييييير


صارت حركة بداخلي وحسيت بها ولولا إني حامل لكنت صرخت وقلت ويش هذا؟

بس فرحت وكل يوم أكلم البيبي وأقوله أخليني أحس فيك ياحبيبي

خاصة إنه أول حمل لي ..........

الله يقومنا بالسلامة يارب

:shy: دخلت الرابع من 4 ايام تقريباً ... بطني برز فجأة ... كنت ناوية ما اخبر حد عن حملي الا بعد الخامس او بداية السادس بس الظاهر راح اتفضح قريب:shy: :shy: :shy: ، اكتر شي معذبنى الامساك .... تعبانة منو كتير وقررت اخد حليب دافي مع ملعقة عسل قبل النوم برغم اني كنت مترددة لاني مرة قرأت ان العسل مضر لللمرأة الحامل ... لكن وش اسوي ؟؟؟ مافي حل ؟؟؟


الغثيان لا زال ملازمني ... احسن من الشهر الثالث لكن لسه موجود ....

شكرا على الموضوع الرائع


بس حبيت اسأل ايش الاكل المهم في هاي المرحله

وبطني مابرز كثير شوي واحس بالحركه الحمد الله بس خفيفه


ودعواتكم للحوامل

اهلين بحوامل الرابع
صراحة الشهر هذا كان احسن من الثالث بلنسبه لي الغثيان اخف و الترجيع
لكن اللي ذابحني الام ضهري مع رجلي اليسار ما اقدر اقوم واقعد زي الناس تعذبت صراحه بس الله يعين انا الان في نص الشهر الرابع
اما الحركه احس شي بس مدري هي حركه ولا لا لاني اخر حمل قبل 7سنوات يعني نسيت
الله يهونها علينا و عليكم
نشوفكم في الشهر لخامس ...............

مرحبا اختي اشكرج علي هل الموضوع
انا الحين بالشهر الخامس بس قبل شهر العوارض شوي كانت غير عن الي قلتيه
شهيتي كانت مسدوده وانا بالاول ثلاث اشهر ما كنت ارجع بس في الشهر الرابع بديت بالقي
واحساس فضيع بالخمول واستانس كل ما اشوف بطني يكبر لاني اول مره احمل

انا باجر بكمل 16 اسبوع وما احس بحركه الجنين ... مع انه هذا ثاني حمل ...يقولون البنت تتاخر ف الحركه ..(ان شاء الله بنت).... اللوعه الحمدلله خفت وااايد عن قبل .. شي بسيط بس يوم انش من الرقاد ...وكروشتي تبين شوي .. وشهيتي مفتوحه الحمدلله

أنا في الاسبوع الثاني من الرابع
أعراض الحمل عندي........
طعم غريب في الحلق علطول
كبر حجم الصدر وتغير في لون الحلمه وساعات حكه فيه
حكه في البطن احيانا لما اعطس وأكون محصوره تطلع قطره من البول (( عدم التحكم في البول ))
كأني مره حسيت بحركته مش متأكده إن شاء الله أحس فيه عدل المره الجايه

بنات هل صدق انه حركة الولد تبدأ من الرابع
وحركة البنت تبدأ متأخر شوي يعني بالخامس
مين حست بهالشئ

انا ان شاااء الله في 11/1/2007 بدخل الرابع باذن الله

بس لاحظت وااايد الصداع !!اللوعه خفت الحمد لله

بنات نحن نتكلم عن اللوعه والالم ؟؟ليش مانتكلم عن الاكل الصحي والمفيد لكل مرحلة من مراحل الحمل

واتمنى من مرموم مساعدتنا في هالموضوع ؟؟

يعني نوع الغذاء لكل مرحلة من مراحل الحمل

الحين طبعا نوقف الفولك اسد ونبدأ في الحديد على شكل كبسول او في الغذاء الطبيعي

طيب شو الاكلات المغذية جدا والفواكه ؟؟مثلا في هالشهر اقدر اكل اناناس ؟؟او لا ؟؟؟

شكرا للموضوع الشيق

انا الحين توني من 5 ايام داشة الرابع

الحمدلله اللوعة خفت شوي, وصرت آكل بس مو كل شي وللحين عندي نفور من بعض الروائح, الحركة للحين مع اني هذه الحمل الثاني لي وانا وايد متشوقة للحركة انتظرها بفارغ الصبر

الله يتمم على الجميع بخير

انا نفس الشي خف الوحام عني لكني اعاني من صداع متقطع في اليووووووووووووووم ودوخه ؟؟ وحركة البييبي بدري عليها لاني توني في بدايه الشهر الرابع .

الصداع يذبح هالفتره

السلام عليكم


كيفكم اخواتي .....يارب يسر لنا حملنا ونولد بالسلامه....ويارب نسير حلوين ورشيقات في حملنا وبعد مانولد بالسلامه


وياااااااااااااااااااااااارب يرزق كل وحده تتمنى تحمل الذريه الصالحه...عاااااجلا وليس اجلا يااااااااارب

انا الان في الشهر الرابع...الصداااااااااااااااااااااااااااااااع الصدااااااااااااااااااااااااااااااع تاعبني....من تعرف سببه.......الدكتوره تقول عادي مافي شي


وكمان في شي غريب ظهرت على ساقي بقع زرقاء.....بعد يومين مال لونه الى الأحمرار؟؟؟؟

انا باخر الرابع وكمان كتييييير حابة اعرف اذا ولد اوبنت

:gum: انا باخر الرابع وكمان كتييييير حابة اعرف اذا ولد اوبنت

تسلمين الغاليه ويزاج الله خيرر

بسم الله الرحمان الرحيم
سلام عليكم ورحمة الله وبركاته
شخباركم انشاء الله بخير حوامل شهر الرابع اني توني داخلى الرابع شهيتي مسدوده على طول بده بطني بي البروز خف الغثيان عن قبل واشعر على طول اني تعبانه وعصبيه على طول طبعا هاذا مو اول حمل لى عندي بنت عمره سنه وثلاثة شهور بس لى الحين ما حسيت بي حركة البيبي حملى لاول حسيت بي الحركه بديت الربع بس هاذا لى الحين يا الله الله يسري لى جميع الحوامل ويثبته لينى اشوفكم على خير:salam:

السلام عليكم

شلونكم حبيباتي الحوامل ..؟
كلنا انعاني نفس المعاناة ..
انا اليوم لي اول يوم في الرابع ..
ومن امس احس بصداااع مستمر ..
واللوعه شوي خفت عن قبل ..
وتطلع لي علامه زرقه في ساقي اليسار
تخف وترجع تطلع ..وطبعا للحين ماحسيت بحركة الجنين ..
لاني توني اول يوم من الرابع ..
بس وايد متشووووقه عشان احس بحركة البيبي .. :shy:
وبداية حملي كنت دايما نعسانه وابي انام وعلى نهاية
الشهر الثالث خف شوي ..واحس بنغزات تحت بطني
وشوي الام في الظهر ..
ومن آكل شوي احس بطني منتفخ ..
ومزاجي احيانا يكون متعكر ومالي مزاج احد ..
يمكن لان عندي مشاكل
في الجهاز الهضمي والجنين بدا يضغط عليهم ..
بس انا في الشهور الاخيره اتعب وايد ..
ادعولي ان الله ييسر علي حملي و ييسر علي ولادتي .

انا عني

اول شي حسيت ان بطني كبر عن اول بس مو لدرجة اني ابين اني حامل

والامساك ذبحني

وروحة الحمام زادت

واهم شي راحت اللوعة وشهيتي صارت مفتوحة

واحس نفسي مرتاحة عن الثلاث شهور اللي فاتت وعندي نشاط