ماذا افعل

السلام عليكم ورحمة الله وبركاته

في نص رمضان ماحسيت إلا وأنا مرسله علئ جوال طليقي مدري بس حسيت أني محتاجه أوصل له كلامي مباشره بدون أي واسطات

رد علي وبعد تححقيق مني ومنه وأخذ وعطاء

سألته إذا باقي يبينا قال أيوه وكان كلامه مريح وكأنه قلبه حن لي ولعياله
حاول يفتح معي غزل بس وقفته عند حده
كان ماشي بالسياره
وبس وصل البيت تغير كلامه صدمني بقوه آخرها رفض يبي بس يدفع لي مقدم واتنازل عن المؤخر القديم وماأكتب واحد جديد

وقال أنه بيدفع وكلا يروح بنصيبه كلامه كان مستفز مايبي يدفع مؤخر ونرجع بس عادي يدفع وماعاد نرجع

حاولت الين قلبه علئ عياله وقلت له ولدك مايبيك يقول ابوك وسخ (يعني مايبيه)

الرجال قلبه معوره بس واضح جنبه أحد ينقله اش يقول

والله أني مقهوره وموجوعه منه
دعيت عليه قعد يقول لي ليش تدعي علي أنا بعطيك حقك
اتهمني أني ماديه لأني أطالبه بحقي
وقعد يقول لي أنه فيه مشاكل حصلت له وانه إلي فهمته من كلامه أن إلي خلاه يسوي كذا ويطلقني أنه تعب روحي
أنا أدري أنه معه مس عاشق
بس موب بسبب ولا اقتنعت بكلامه
موب عذر حتى يتركني يبي يحنن قلبي عليه
قلت له أني بتزوج إذا ماتحرك ورجعنا واني أرحمه كانه ابني مش طليقي من يوم كنت عنده
أنا موب ندمانه أني أرسلت له بالعكس وصلت له إلي عندي بدون أي فبركه من أهله
وفي يوم 21من هالشهر أرسل لي يسأل عن عياله (أنا عارفه مو حب بعياله بس حجه ليفتح حوار معي)
وسأل إذا بنتي عندها أرجوحه ولا يجيب معه إذا جا
أرسلت طمنته عنهم وقلت له هي ببنتك تبي تجيب لها جيب وأتمنى ماتكون لعيال إخوانك (لأنه قبل شهر تقريبا جاب سياره لعبه لولدي بس كانت لعيال إخوانه ومن زود الوقاحه يقول لأخؤي الصغير إلي راح معه ليجيبوها من بيته أنه هاللعبه مالها لازم عندهم يعني خرده لأن ديركسونها مكسور
المهم أنه اختفى ولا جا(مدري أيش الغلط بكلامي ومن زين طبائعه يزعل من الحق )
قمت أرسلت لاخته تقول له يجيب زياده علئ المصروف(إلي هو أصلا منقصه بكيفه 300وأحيان 400)
بشتري ملابس العيد للصغار
وأمس جت أمه وجابت مصروفهم أول مادخلت ابتسمت غصبا عني مابتسمت لها لأني عرفت أنها هي إلي حرضته يطلقني
ماقدرت اجاملها وأنا أعرف أنها تنافقني
والله أني احترمتها وعمرها مأشافت مني الشينه ماقول إلا حسبي الله عليهم
والله أني مقهوره وموجوعه لأني وقفت معه لآخر لحظه وبااااعني
ماطلبته إلا حقي وقال أني ماديه
ضيع مستقبلي وشبابي ماسويت فيه شي حتى استاهل كل إلي يسؤونه فيني
لأني كنت محترمتهم وساكته يعني لازم أصير غجريه حتى مايخربون بيتي

والله أنا الوحيده إلي كنت احترمه وإخليه يحس أنه إدامي كل إخوانه وعيالهم واخته إلي بالثانويه يمسحوا فيه البلاط قدامي. ولا يتكلم جبروته كان بس علي أنا

مقهوره لأنه قطع نصيبي تقدم لي شباب يسؤونه ولا يجئ اثرهم بالأرض

وماقدرت أوافق عشان عيالي ماطاوعني قلبي أتركهم لأهل أبوهم والله لأيتبهذلوا وفوق هذا مايعرفوهم بيستوحشوا منهم

أبوهم نفسه أناني تخيل في مره كنا جالسين نتغدى أنا وهو وولدي كان صغير وكنت أعزل له البطاطس ااكله ياها بقت قطعه صغيره جيت بااكلها الولد أخذها مني واكلها يالله معقول فيه اب يأخذ اللقمه من فم ضناه

أدري أنه مافيه خير وأدري أني غلطت لما تعاملت معهم بطيب فيه ناس تفهم الطيب غلط هالأيام بس شسوي أنا هيكك وأهلي ربوني علئ هيكك

شسوي في هالبشر حاولت أصلح أوضاعنا وأرجع عياله لحضنه وكسحني.

والله ماكنت أتخيل أن بيجي هاليوم
بس ربي أراد أنه يجئ

يوم29رمضان طليقي أرسل يسأل عن عياله
ومارديت عليه لأن مابينا مسجات
وأسلوبه كان شوي فيه غزل

ولأنه لو صدق يحب عياله كان جا شافهم
مو أمه إلي جت جابت مصروفهم

المهم آليوم أرسل سلم وقال عني رأي ممكن تسمعيه
رديت رأي لشؤ
طول مارد ؤبعدين أرسل خلص أنسئ
ارسلت له دام ماعندك شي ليش ترسل
قام عطاني موعظه وأننا أكثر حطب جهنم واني شفت حالي عليه
شين وقوي عين رديت لاتتكلم بالدين
وسؤالي كان عادي بس هو فهمه مثل مايحب
أرسل في شي سويته وندمان تبي تعرفيه قلت خير
قال أنه ندمان أنه نام بالمستشفى عندي لما سقطت وهذا من غلاتي لكن الحين الله لإيردني
والله كنت بضحك من غبائه الحين يوم ينام كذا معناته يحبني حسيت أني استصغرت عقله نام لأنه نعسان أيش التضحيه والحب بالموضوع مدري وكلها ساعه

المهم أني انقهرت وعطيته من السب إلي يبرد قلبي فيه
أرسل شكرا علئ رسالتك الاخيره لأنها خلتني أكرهك وأبطل أفكر فيك

والله مدري أضحك ولا أبكي من إلي صار
أنا الآن تأكدت أننا حياتنا مع بعض من المستحيلات

وقلت إلحمدالله أن ربي فكني منه دام تفكيره كذا وماشئ ورئ كلام أمه

قلبي يعؤرني علئ عيالنا
ماكنت أبي صورته تتشوه قدامهم
الآن بتصير بينا مشاكل طويله عريضه
ومحاكم وحاسه أنه ناوي شرر
حسبي الله عليهم حسبي الله عليهم

والله كان ودي أرجع لبيتي بس أجبرني
مدري أيش السؤال إلي أبيه الحين بالضبط
هل هو كيف أرجع أصحح إلي سويته بس هذا مستحيل بيكبر حيله وحتى لو صار ورجعنا بيظل شايله بقلبه طليقي حقوووود
وهل أقول لأهلي عن كلامنا ومسجاتنا
بس أخاف مدري من أهلي ولا من المشاكل إلي بتصير بينا بسببه

حسبي الله عليه فكرت اعتذر له بس خايفه والله لايطردني ويبهذلني وبيقهرني
سامحوني ياعيالي ماعرفت اختار ابوكم وبتتشوه صورتنا قدامكم
الله يستر يارب دبرني فااني لاااحسن التدبير