سـلـسـلـة شهور الحمل التسعة: الشهـــر الثـــالــث...شاركينا بتجربتك...

السلام عليكم و رحمه الله
مشكورة اختي على الموضوع

انا الحينه دخلت الشهر الثالث يعني ما كملت كم يوم بس

احس ان الامساك خف شوي يعني ما احس بالصعوبه في الموضوع :o

بس الرغبه في دخول الحمام و التبول زاد مليت من هالشي

دوم ارقاد و كسل و عدم الرغبه في الاكل بس الحينه شوي شهيتي انفتحت اكثر عن اول

زادت عندي بعض الالام مثل الم اسفل البطن و الظهر

و خاصه اني امس طحت :down:

على ريحه الريل حدث ولا حرج .. يقولي مستويه جلب عليه قام يشك بعمره يقول و الله متسبح :D2


انا ابا اعرف في اي اسبوع اقدر اعرف جنس الطفل .. اقدر الاسبوع الثاني من هذا الشهر ؟؟؟؟

:)

حبيباتي نسيت أقولكم انا الحين بآخر الاسبوع الثالث الاسبوع 12 ، بس ترى الحين بدى ظهري يعورني زياد عن اللي قلته وما أحب ريحة اللحم ولا آكلة اصلا من قبل الحمل ولا أحب ريحة السمج وأكره الحليب ، و عفيا قولولي شسوي ما أقدر آكل هالاشياء... بس ترى شهيتي من قبل انا ما احب هالاشياء بس والله اكل كل شي ثاني وبشهية الحمد لله ، وكله فيني بجوة واتضايق لاتفه الاسباب.

وبعدين انا بسأل شي يصير اسافر بالطيارة مسافرة قريبة ؟ يعني لي البحرين مثلا والا في خطر لاني اعرف وحدة بالرابع اجهضت سمالله عليكم وعلينا بسبب الطيارة بس اللي قريته انا بس باول 3 اشهر موزين ؟؟؟؟؟
وفي سؤال ثاني... هل ادا ماحبيتي زوجج او كرهتي ريحته فترة او كله تتهاوشين وياه ....هل البيبي راح يطلع يشبه؟؟؟؟


جاوبوني بليز

حبيبتي انا هذا الحمل الثالث لي والحين انا بالشهر الثالث انشاء الله لكن هذا الحمل غير عن الحملات الاخرى لاني تعبانة وايد من الترجيع ونزل وزني كثير وما آكل اصوم على معدة خالية لاني استفرغ على طول حتي وآنا صايمة
افيدوني متى يخف الترجيع والنوم وظيقة الخلق مليت وزوجي بعد مل من هل مرحلة ابي ارجع طبيعية اسولف مع زوجي وعيالي وامارس الحياة الطبيعية بدون تعب متى متى متى متى متى متى

بسم الله الرحمن الرحيم

السلام عليكم ورحمة الله وبركاته،،،

الظاهر انه معظم الحريم يحسون بالغثيان واللوعان. بس الحمد لله الامور ماشية :up: معاي....

أنا بأول أسبوع بالثالث والكسل موجود وبالذات أثناء الصباح صعب اني أقوم علشان أتجهز للدوام ودوم أتأخر أكثر من ساعة :eek2:

بس يمكن الشهية مش الى هناك أكلي بسيط جداً وخاصة انه رمضان... بس بالليل أحس أني آكل أكثر. أحاول أنوع في الفواكه وأشرب الحليب .

وهذا كله اللي عندي!

الله تتمم عليكم خواتي.. أحب أشارك وياكم بهالموضوع .. آنه بالأسبوع الثاني من الشهر الثالث والله لا يراوي اي وحده فيكم اللي صاير لي .. :down: توني أمس طالعه من المستشفى بعد إقامة لمدة 3 أيام بسبب الجفاف .. الاسيتون في البول كان معاي +3 :pain: وهذا شي خطير على البيبي وعلي وخاصة أن وزني نقص بهالمرحلة 7 كيلو تقريباً .. وطبعاً آنه تاركه بيت زوجي وقاعده في بيت أهلي لأني مب طايقه اي شي بالبيت غرفتي وحمامي والصالة والمطبخ وكل شي فالدكتور نصحني اني ابتعد عن كل شي يخليني احس بالغثيان في سبيل اني آكل .. واليوم حققت انجاز لأني مارجعت إلا مرتين :clap: ( والعادة من 7 إلى 9 مرات ) ، كرهت الحمل خلاص احس مافيني اتحمل :confused: وادعي ربي ليل ونهار ان المرحلة هذي تعدي بسررررعه واخلص من هالاعراض الكريهه :down:

:down:
كيفكن؟ وكيف البيبيز؟
في الشهر 3 زادت اللوعه والترجيع صار كل يوم ودوخه والم بالظهر ودايم اشعر اني مضايقه واللي زاد الطين بله الصيام في شهر رمضان تعبني واايد ..

هلااااااااا بناااااااات شلونكم



انا توني داخله الشهر الثالث يعني اليوم الرابع من هذا الشهر



احس اللوعه بدأت تخف شوي مع ان الترجيع للحين مستمر :down::down:

وبدأت شهيتي تنفتح للأكل بعد ما كنت ما أكل شي حتى الماي ما كنت احب اشربه ....

وعندي سؤال احس بالام في المنطقه اللي تحت البطن ما اعرف شنوووو يسمونه يمكن منطقة الحوض هل هذا طبيعي في هذا الشهر ولا لا


مع ان الدكتوره طمنتني ان كل شي طبيعي


بس لاني في حملي الاول اجهضت فلهذا اشعر بالخوف نوعا ماااااااا ....

طمنوني

انا حاليا في نص الشهر الثالث


انام اكثر من 12 ساعه ولازم ارجع اول مااصحى شهيتي مفتوحه للاكل

واميل للموالح اكثر مزاجي احسن من الشهر الثاني الحمدالله وهاذي اول

مره احمل الله يستر:pain:

انا حاليا في نص الشهر الثالث


انام اكثر من 12 ساعه ولازم ارجع اول مااصحى شهيتي مفتوحه للاكل

واميل للموالح اكثر مزاجي احسن من الشهر الثاني الحمدالله وهاذي اول

مره احمل الله يستر:pain:

السلام عليكم ورحمة الله وبركاته

هلا أختي نوراء الحلوووه...

إن شاء الله ما فيكي إلا كل خير...

المشكلة تصير لمّا يصير عندك ألم في أسفل البطن و الظهر معا...هنا ممكن تقلقي...

حاولي ما تجهدي نفسك أبدا...و نامي و استلقي على قد ما تقدري...و ما تتعبي نفسك...

و إن شاء الله خير يا رب...

اهليين حبيباتي:smile:
انا الحين فى الاسبوع الثاني من الشهر الثالث :smile:
والحمد لله رب العالمين اللوعه خفت اشوي بس على طول احس بدوخه من اطلع من البيت او اركب فى السياره :down: تملللللللللت من قعده البيت :down:
شهيتي مازالت مسدوده وعادي اتم طول اليوم ما اكل الا وجبه وحده بس حتى الماي ما اشتهي اشربه بس عشان حبوب الحديد :down:
متى اخلص من الثالث وادش الرابع متى متى متى متى :D2 ابي افتك من هالاعراض وبعد ابي اعرف شنو جنس البيبي انا الحمد لله عندي ولد وبنت وصج اهم شي السلامه بس الفضوووول ذابحني ابي اعرف وعشان اعرف بعد شنو اخذ له من اغراض واي لوووووووووووون :D2 :D2
متخرعه :o :o
بالنسبه لحركه البيبي احيانا احس مثل الفقاعات فى بطني معقوله هذا البيبي :s2 لو تهيؤات :s2
وسلامتكم :smile:

السلام عليكم جميعااا

انا ليا الان اسبوعين بالشهر الثالث والحمد لله احس اني احسن من الشهر الي فات من ناحية التقيء والغثياان لكن لما اصحى من النوم وانا لسه مجهده وحاسه انه قلبي رح يطلع من مكانه بسبب النوم اول ما اصحى اكرمكم الله ارووح للحمام واتقيأ وانا لسه جوعانه مو اكله شيء وكل عشر دقايق ربع ساعه وارجع تاني وما يريحني الا طبعا بالشديد القوي ريحة عطر حلوة اشمها بقوة ممكن غريبه ما بعرف ...:D2

بس طبعا الام الظهر والصداااع الدائم هذا طوول الوقت والدوخه واحس اني بدي انام طووول الوقت ... :pain:

بس عندي سؤال ... احيانا مو دايماا احس بدغدغه خفيفه وحلوة اسفل البطن ارجو ان تكونوا قد فهمتوا قصدي بالدغدغه (wink)

وزادت عندي افرازات مثل المويه دايما مو احيانا بس الي مخوفني هل ممكن تكون مويه الطفل لا سمح الله ..... والله اني خايفه :sad:

وشكرا لك مرمووم على الموضوع الشيق والمريح لاعصابنا ...


اختكم جميعا

انا الحين في الشهر الثالث
الاسبوع 11
للحين اللوعة ذابحتني
واحس كلى بضيق وملل
والاكل ما احب اكل وايد
وبخاصة اللبن والحليب
والله يستر ويثبت لي
وعدي بقية الاشهر على خير

campoocha
انتي حااااااااااااااامل؟؟؟؟
ليش ما قلتي لنا وفرحتينا؟؟ انا لاحظت غيابج عن المنتدى
بس قلت يمكن للحين ما دريتي انهم فتحوه مره ثانيه.
الف الف الف مليوووووون مبروك حبيبتي والله فرحت لج من كل قلبي
الله يثبته لج ان شاااااء الله ويردج فى وقتج بالسلامه انتي والبيبي.

الحمدلله في هذا الشهر الغثيان خف شوي
بس الحالة النفسيه لسه مضطربه
ابكي كثييييييييير وعلى اتفه الاسباب:cry:
ولاحظت ان شهيتي للاكل قلييييييييييييييله
واذا اكلت بسرررررررررررررعه اشبع؟؟؟
ولاحظت كمان ان بطني برز شوي وملابسي بدت تضايقني
وظهري يؤلمني اذا بذلت اي مجهود:sad:

وسلامتكم


والله يقومني واياكم بالسلامه ويرزقنا الذريه الصالحة


آآآآآآآآآآآآآآآآآمييييييييييييييين

نسييت اقول لكم بعد...
الحرقان في المعده مررررررررررررررررررره زايد علي:sad:

بالنسبه لي هذا حملي الثاني وانصدمت لاني سمعت ان الوحم راح يكون اخف لكن انا لقيته اكثر من الاول
غثيان وقي واغماء كرهت كل انواع الاكل والبيت والعطور بكل انواعها
تخيلو انا بنصف الشهر الثالث نزل وزني 8 كيلو الى الان فمدري اذا كان هذا طبيعي الي عندها راي ياليت تفيدني
بحملي الاول مانزل وزني لكن مازاد غير 5 كيلو وكانو بالشهر التاسع يعني ظليت طول الشهور الثمانيه مافي زياده وبنتي الحمد لله جبتها 3 كيلو و100 غرام
والله حالتي النفسيه تعبانه مره وحزينه لاني حامل مع اني احاول احمد الله دايما ومااجزع بس الوحم عندي شديد جدا
وبنتي الله يخليها عمرها 3 سنوات ونص مطلعه عيوني وزايده الحاله عندي هههههههههههه
لكن الحمد لله زوجي يحاول يساعدني ومتفهم وضعي حتى اكثر من الحمل الي قبل لكن انا لازلت اخلاقي زفت ههههههههه
تخيلو حتى الكلام ماشتهي اكلم احد احس يلوع تسبدي ولااشتهي اطالع الاكل اواشم ريحته وعلتي الصابون كارهته بشكل((صايره وصخه البنت))واذا دخلت اتروش اشم ريحة الماي ثوم تصدقون عاد وعندي عقده من المطبخ والبلكونه مااقدر ادخلهم ولاحتى اسمع طاريهم ادري هذرتي زايده بس والله من القهر لدرجه اني صرت اقول ليه الناس تحمل هههههههههههه
بس عندي سؤال شلون تتحملون رجالكم لان والله زوجي مسيكين يجي بيضمني اذا صرت تعبانه مااتحمله ودي اذبحه وصار من يدخل من الباب جاي من الدوام قبل لايسلم علي يدخل يتروش ويجيني اقوله ليه تحط صابون وارجع على طول ههههههه
وخايفه يجي يوم ويزعل مني لاني المره الي قبلها توحمت على كل شي الا زوجي
ماقلت لكم هذره ومانعطى وجه

هلا حبيبت كيلوعسل الله يكون في عونك ويسهلك يارب والله صعبة
حتى انا كنت مثلك بحملي الاول وهذا حملي الثاني و بالشهر الثاني كنت خايفة احمل خوفي من الاول
لكن هل بدأ ت معاك هذه الاعراض من الشهر الاول؟
انا الان وعندي غثيان شهيتي مسدودة تصوري حسيت اني نحفت اكثر من قبل الحمل بدون ريجيم:D2
زوجي يقولي لازم تاكلين اقول والله مو بيدي ما اقدر
بس ادخل الشهر الثالث راح اكتبلكم اخباري ان شاء الله

هلا خيتو اماني
انا مثل ماقلت لك وزني نزل 7 كيلو ونها ئيا مااكل شي ابدا والله اذا هلكت من الجوع واضطريت اكلت بسكوت شاي صار وزني 54 ونحيفه كثير لاني طويله جدا
انا لي الان شهرين ونصف ومثل ماقلتي خناق مع زوجي واهلي ليه ماتاكلين واصلا مااكل وعلى كذا الله يعزك مااوقف عن الترجيع
بالنسبه لي كنت ماودي بالحمل بسبب حملي الاول وبسبب بنتي واطباعها الحلوة كرهت لعيال هههه واخذت حبوب منع حمل لمدة 3 سنوات ونصف وتركته على اني راح امنع عادي وحملت من ثاني شهر وقتلت نفسي بكي يعني الي يقولون الحبوب تسوي مناعه بعد تركها لايطمنون انا كنت امنع بعد الحبوب وهم حملت تعرفين شلون خبرت زوجي اني حامل سويت اختبار الحمل بدون علمه الفجر واول ماطلع لي حامل صحيته مثل المجنون اصارخ وابكي واقوله قوم انا حامل هو ارتاع يقول خير وش صاير بعدها قال مبروك انقهرت اقوله وش مبروكه انت الثاني وتخانقنا هههههه وقضينا الليله بخماق وصراخ فكره حلوة هاه ههههههه
تعرفون بنات وش صار معي جديد امس نزل مني نقط دم وحسيت بالم طلق واليوم رحت للدكتوره وبصراحه كنت خايفه واقول هذا اكيد عقاب من الله لانك كنت رافضه الحمل قالت لي الدكتوره المشيمه نازله شوي من مكانها وهي الي تسبب نزول الدم فمدري هل نزول المشيمه خلقه يكون او بسبب التعب تنزل خصوصا ان بنتي عمرها 3 سنوات وهي الله يحفظها دبدوبه ومتعبه لازلت احملها وارفع فيها وانا عاد عصقل فمدري هل هي السبب ياليت الي عنده فكره يفيدني

اما انا توي دخلت الشهر الثالث و دايما" عندي شعور بالإمتلاء لدرجة اني لم اعد اطبخ لأن تواجدي مع الطعام يزعجني, ولا اقدر ان انام مهما بلغ بي النعس,و الحرقة طبيعي ,الإمساك يروح و يجي ,وتعب تعب تعب مصحوب بنعاس قوي و السخرية عدم القدرة على النوم:cry: و مزاجي سريع التقلب من هدوء الى انفجار اشعر اني خائفة و افكر بأشياء كثيرة .......:think:
الله المعين و ارجو ان ترتاح كل التعبانات :shy: