◣♂التجمـــع الاول لـ الحوامـل اللي يولدون شهر ابريل (4) 2013 ♀◢

ماشاءالله اقواس.. و ان شاءالله يكون عندج حليب..
بس على قولت زوجج لاتقولين لاحد و لا تتكلمين كثير بهالموضوع ..
والله انا اقول الحسد يجي من الشخص نفسه.. الله يحميج حبيبتي انتي و التوينز ...

اهلين هلا اقواس

الشفاطه مفيده حتى لو كات يدر سدرك حليب لان لو كان الحليب كثير بتحتاجينها اكثر لان اذا كان في سدرك حليب متجمع والبيبي نايم وماطلعتيه ممكن يسبب لج الم وصخونه

فالافضل انج تشفطنه وتخلينه في الثلاجة وتكتبين عليه التاريخ ومتى ما احتجتي تعطينه البيبي

صح كلامك نونو
بس عارفه انا ناويه افطمهم ع طوووووول

عشان ما اتعب
يمكن بس شهر او شهرين بالكثير
والباقي بالحليب الجاهز

صديقتي فطمت بنتها ع طووول و زوجة اخوي ماترضعهم من صدرها اببدآ
ع طول تفطم عيالها

فأنا ناويه اسوي مثلهم
لأن بصراحه توينز و انا ملاحظه حركتهم مع بعض و لما يهجدون مع بعض
بمره لا قاموا من النوم يبون رضاعه

يصير انا ارضع واحد و الثاني ابوه خخخخخخ

ام نوف .. ان شاءالله آخذ بنصيحتك
مع اني قلت لأمي لو أنا نايمه لا تصحوني فترة الأربعين

خلوني ارتاح عندكم و إذا جات ام زوجي خيييير وبركه
كل وحده تمسك واحد ترضعه

طبعآ امي قالت ان شاءالله بس ام زوجي كيييف راح اقول لها ههههههه

من الحين افكر كيف اسلم اهل البيت المهام وانا ارتاح

هههههههههههههههههههههه الله يعينج

صح التوينز صعبة انا معاج زوجة اخوي كانت ع طول صناعي بس اختاري حليب ممتاز .

المشكله ان لو مارضعتيهم مناعتهم تكون ضعييييفه انا بنتي بس لو تمر جنب ناس مرضى تعادت منهم

هلا كروشات
الله يسمع منكم إن شاء الله وتطمني الدكتورة بكرة
خيو أم نوف بكرة موعدي عند الدكتورة إللي أتابع وياها ويوم اﻷحد عندي موعد في المركز .. إن شاء الله بكرة نرجع أني وأنتي ونطمن البنات
دعواتكم لي ولجميع الحوامل

ربي يطمنننج ع البيبي وترجعييين وانتي فرحااااااانة

الله يسمع منش خيو أم نوف

نونو انتو يسون ل عطول احنا مرة طول الحمل

ام نوف لازم بروح بس اتملل ان شاء اللـَّـہ خلال هالايام

وعطاري كرسي الاستحمام انا ماعجبني لان الطفل لو كان صغير يزلق منه حتئ لو رابطتنه

هلا كروشات
شخباركم ؟؟
دعواتكم لي .. بعد أشوي بدخل عند الدكتورة وقلبي يرقع من الخوف وعيوني بدت تدمع
إن شاء الله بس أطلع من عندها أخبركم بكل شي

طمنينا عنك بتولةة

هلا بنوتات
الحمد لله طمنتني الدكتورة .. وقالت لي كل شي سليم في البيبي .. وشافت كل شي وراوتني إياهم بس ما قدرت تشوف ويش جنسه وعطتني سيدي .. وكان عاطنها ظهره وصاك رجايله وحاولت تخليه يتحرك عشان يبين جنسه بس معاند .. والمشيمة بدت ترتفع .. تقول أرتفعت أشوي .. وبعد يبى لي أواصل على رفع رجايلي .. ألف الحمد لله والشكر إللي أتطمنت .. وعطتني موعد اﻹسبوع الجاي بع يوم الخميس .. كانت بتعطيني بعد أسبوعين بس قلت إليها أبغي أعرف جنس البيبي عشان التجهيزات .. قالت خلاص الإسبوع الجاي مثل اليوم والوقت .. وقالت لي أي وقت أتعب أو ينزل عليي دم أروح إليها العيادة
الحمد لاه على كل شي .. الحين راجعة البيت وأحس روحي مفرفشة لأني أرتحت واجد .. وأحس هم وأنزاح من عليي .. يا الله دعواتكم لي ولجميع الحوامل بالسلامة

الحمد لله على كل شي **

الحمد لله اللـَّـہ يفرح قلبش بجوفتش

الحمد لله اللي طمن قلبك
وان شاءالله ترتفع المشيمه وتصيرين عال العال

الحمدالله عالسلامه البتول وان شاء الله ترتفع بعد .. والله يفرح قلبك بشوفته يااارب ..

الف الحمدلله البتول.. والله فرحت لج من كل قلبي..
و ان شاءالله على المره الجايه المشيمه ترجع لمكانها الطبيعي .. بأذن الله

فرحتج لج هوااااي

مشكورين بنوتات على الدعاء .. والله يطمن قلب كل حامل .. والله يسمع منكم وترتفع وتصير في وضعها الطبيعي

والحمد لله على كل حال

افكار حلوة و سريعة...


لا تنسين علبة المنيكير والبوديكير للبيبي :cool:

علبه تتكون من مقص اضافر و مقص عادي .. و مشط و مرات تجي معاها مقياس الحرارة..




العاب للطفل في الحمام مهما كان عمره صغير... يسكته و يحس بالامان و هو بالحمام :thumbs_up:




مقياس حرارة ماء الاستحمام .. احسها من الضروريات لان كنت ماعرف شنو المناسب ..
و هذي يتغير لون الشريط احمر اذا كان الماء ساخن و ازرق اذا بارد و اخضر اذا تمام :thumbs_up:



اسفنجة للحمام .. ناعمة و مفيدة ..



بوكس او علبة تحطين فيها حفاضه و وايبس و مفرش لتبديل الحفاظه و انا فادتني بالسفر و خصوصا بالطيارة ما اضطر اخذ شنطتي كلها.. اخذ هالعلبه و اروح .. :thumbs_up:




اقدر اقول هالشي احسن شي استفدت منه و احبه موووت..
مقياس حرارة لغرفة الطفل.. حساااس يعني مجرد ماتغير الجو يتغير لونه ..
لما تصير لونها اصفر مع سمايل فرحان يعني الغرفة حرارتها مناسبه.. و لما يصير لونها برتقالي يعني حر.. و لما تصير حمرة مع سمايل حزين يعني حر زياده عن اللزوم .. و لما تصير لونها ازرق يعني برد
استفدت منها كثيييير و صار لها ثلاث سنوات و نص مشتغله على مدار اربع و عشرين ساعه.. و صرت اعرف متى بنتي تنام عدل و الفضل يرجع الها..



مقياس حرارة الطفل .. لا سامح الله



جربت كل انواع الادويه و القطرات لعلاج مغص بنتي.. و هذا الوحيد اللي فادني و اصلا ريحته كلها اعشاب و نعناع .. يريح الطفل و يخليه ينام مرتاح و يطلع كل الهوى :thumbs_up:



صديقي الصدوق.. فكس على اقراص.. تفتحين القرص و تحطينه في كلينكس و تحطين الكلينكس على سرير الطفل.. ريحة الفكس تملئ الغرفة و تخلي الطفل يتنفس بشكل لطيف :thumbs_up:



اله تساعد على اخراج المخاط من انف الطفل.. بس سمعت انها مو زينه للاطفال الصغار حديثي الولادة و الله اعلم ..



خلصنه نصائح لليوم .. و اكثر الاشياء اللي نزلتها هي انا مستخدمتها يعني للامانه عشان ما اورطكم بشي .. و اتمنى انكم تستفادون .. و كل هالاشياء لازم تكون عندج موجوده قبل الولادة عشان ما تحتاجين لشي و ماتقدرين تجيبينه او زوجج مايفهم عليج ..

اختكم
نورة

تحديث لقائمتنه الحلوة الجميلة ...




اقواس توفي
موعد الولادة: 01/04/2013
الجنس: تؤام اولاد
الاطفال: لا يوجد (بكرية)


قربت اصير ماما
موعد الولادة: 01/04/2013
الجنس: ولد
الاطفال: لا يوجد


ولائية
موعد الولادة: 03/04/2013
الجنس: بنت
الاطفال: ابرار,مريم,محمد


ملكة بحنانها
موعد الولادة: 05/04/2013
الجنس: بنت
الاطفال: عبدالرحمن (سنتين و خمس اشهر)



UM.NOOF
موعد الولادة: 12/04/2013
الجنس: ولد
الاطفال: نوف (سنتين و عشر اشهر)



non0_non0
موعد الولادة : 14/04/2013
الجنس: بنت
الاطفال: مريم (3 سنوات)


نجوم تتلألأ
موعد الولادة: 14/04/2013
الجنس: غير معروف
الاطفال: عمار و سارة


abcd1
موعد الولادة: 21/04/2013
الجنس: غير معروف
الاطفال: اياد (سنتين)


Al.batoul
موعد الولادة: 22/04/2013
الجنس: غير معروف
الاطفال: ؟


MoOoDiYa
موعد الولادة: 24/04/2013
الجنس: غير معروف
الاطفال: لا يوجد (بكرية)


الحاضرة..الغائبه
موعد الولادة: 25/04/13
الجنس: غير معروف
الاطفال: بنت (اربع سنوات و نص)


زهور البحرين
موعد الولادة: 26/04/2013
الجنس: ولد
الاطفال: لا يوجد (بكرية)


خطوات مجنونة
موعد الولادة: 30/04/2013
الجنس: ولد
الاطفال: لا يوجد (بكرية)


اللي لسه ماعرفوا الجنس هم : الحاضرة الغائبة.. موديا.. ايبي.. البتول..نجوم تلألأ
نجوم تلألأ ان شاءالله تعرفين الجنس في موعدج يوم تسعه.. و البتول بعد اتصور قلتي عندج موعد يوم تسعه بعد
الحاضرة ان شاءالله يقولون لج جنس الجنين يوم عشرة .. موديا يوم 13 عندج موعد.. و ايبي يوم 25 ... كلكم ننتظر نعرف جنس جنينكم .. و اهم شي يكون بصحة و سلامة