◣♂التجمـــع الاول لـ الحوامـل اللي يولدون شهر ابريل (4) 2013 ♀◢

اي بي

اي انشالله اول حفيد بس التجارب كلها عليه هههههه

انا و الله عندي موعد 12 - 12 بس اتوقع باخره لاني ابي اعرف جنس البيبي هالاسبوع بس مادري الخاص
بيفتح لو شنو لان الجمعة و السبت و الاحد و الاثنين اجازة و ما اقدر اروح عقب هالايام لان علي دوام بالجامعة
اذا حجزت لي موعد بخبركم ...

انا ايام الاجازة اكون مشغولة في بيت ابوي و الايام العادية كله دراسة و اختبارات ما يمديني غير اني اريح
من جذي دخلاتي وايد قلت ...

abcd1;16332795:
وااااااااجد حلو شكله التيكر :adore:

بس شكله نفس الشىء بيتوقف
لأني لما احط عليه السهم ما في شىء ينضغط
يعني كأنه صوره بس :!!:

حطي على مالي بيدخلك موقع عادي ينضغط

صح مالي ما يستوي:thumbs_down:

كيف أصلحه؟؟

ثلوج الحب;16332882:
خطوات ونجوم تسلمون ياربي

:)

non0_non0;16335070:
مواعيد حوامل ابريل الجميلات :adore:


نونو : 03/12/12 و 04/12/12

ام نوف: 06/12/12

الحاضرة الغائبه: 10/12/12


اللي عندها موعد تقول لي حتى اضيفها . حتى نعرف المواعيد مالتكم :thumbs_up:

أنا موعدي 9/12

non0_non0;16335072:
المفقووودين اللي تعودنا عليهم

قربت اصير ماما
زهور البحرين
نجوم تتلألأ

فديتكم موجودة:adore:

non0_non0;16335077:
الحريم الحوامل

شوفوا كيف الحريم يتعاملون مع عيالهم
يعني اذا كان اول طفل ولا الثاني ولا اللي بعده

اولا : الملابس
الطفل الاول : تلبس ملابس الحمل من اول ما تعرف انها حامل
الطفل الثاني : تحاول تلبس ملابسها العاديه لأطول فتره ممكنه
الطفل الثالث : ملا بس الحمل هي ملابسها العاديه اليوميه

ثانيا : الاعدد للطفل
البزر الاول : من اول ما يصك راسه ولا يصيرله شي على طووووول تشيله
البزر الثاني : تشيله لو حست ان خلاص في سياره تبي تصدمه
البزر الثالث : احسن علشان تتربى خلي السياره تصدمك

ثالثا : الأكل
الورع الاول : ترمي اي شي يطيح على الارض
الورع الثاني : تغسله بشوية مويه
الورع الثالث : تمسحها بملابسها

رابعا : التنزه
الولد الاول : توديه الملاهي والمراجيح والنادي
الولد الثاني : النادي بس
الولد الثالث : السوق >>> تبيه ينهبل

خامسا : اذا الام تبي تتطلع
الياهل الاول : تخليه مع اختها وتتصل كل خمس دقائق تتطمن عليه
الياهل الثاني : تخليه مع اختها وهي على الباب تتذكر تعطي اختها رقم تيلفون المكان اللي بتروح له
الياهل الثالث : تخليه مع اي احد مع التحذير بأن لاحد يتصل عليها الا في حاله يكون الموضوع فيه دم

سادسا : في البيت
العيل الاول : كل دقيقه تشيك على ابنها وهو نايم
العيل الثاني : من وقت للثاني ان الكلب ما اكل يد الولد
العيل الثالث : تتناحش منهم على قد ما تقدر

سابعا : لو بلع قرش (ملاحظه : القرش شيئ مصنوع من المعدن وليس سمكه القرش انتبهوا )
البيبي الاول : تطلب عمل اشعه للولد
البيبي الثاني : تقلق عليه شوي وتستنى وتشوف بيهضمها ولا لاء
البيبي الثالث : تحرمه من المصروف >>> خخخخخخخخخخخخخخخ

صدق والله

أول طفل نزقة،، الاهتمام توب:lol:

non0_non0;16335427:
خطوات و قربت اصير ماما ..

وينكم؟؟؟ لازم تطمنونا عنكم .. و نجوم تلألأ بعد وينج؟؟ و ايبي انتي تغيبين هواااي مايصير
:(:'(:thumbs_down:

و زهور البحرين بعد !@@

المشكلة ما أدخل بالويكند

حتى فوني أرميه ف صوب:D

abcd1;16336613:
ههه حريم ما نفوت شىء

الحمدلله الحمل مره خفيف ومره احس نفسي شاله ثقل الدنيا :hysterical:

وللحين ما بديت ابدا اتسوق

عندي موعد 25 ديسمبر ان شاءا الله

بس احاول ادبر لي موعد بالخاص هالاسبوع ان شاء الله :D

ليش موعد بالخاص

على أساس ما تبي تعرفي;)

صح ما خبرتكم أنا رحت ا عيادة خاصة
بس البيبي طلع مصكر رجوله،، قلت عاآدي أصلا أنا ما أريد أعرف خخ

بس تعرفوا أتوقع هذي حركات بنات،،


كنت في الأشبوع 18 وطلع وزنه 249 جرام
حسيته شوي،، بس الدكتورة قالتلي عادي،،

وصايرة آخذ الأشياء اللي تعجبني
خذت كم أوفرول وكلها ألوان محايدة،،

مصورتنهم بس عاد يبالي وقت لحد ما أنزلهم
وبس

اقواااااس
انا بعد اقول انتظري لين الولادة و اخذي لج جوال احسن.. حتى تعرفين شكثر الميزانية بعدين
و ترى الطفل يجي معاه رزقه .. كيف اذا كانو اثنين ماشاءالله :)
بالنسبه لتجمع ابريل و مايو ماعرف خنشوف باقي البنات شنو يقولون..
بس اخلص هالبوست انزل بوست ثاني و نشوف الباقي شنو رايهم بالموضوع



خطوات مجنونة
هههههههه ميخالف تونسي و انبسطي بس ديري بالج على كرشتج يختي
و لا تغيبين هوااي ترى مو مسموح



ولائيه ضفت مواعيدج ماشاءالله .. ان شاءالله كلهم تمام و تشوفين البنوته بخير



البتووول
ماتشوفين شر البتول.. خير ليش منوميج بالمستشفى؟
و مره ثانيه لما تقرين كتبي لنا بعد . ترى احنا ننتظر اخباااارج


ملكة بحنانها
سلامة عبدالرحمن ان شاءالله مايشوف شر. وماعنده غير العافيه
هو الجو مخربط و الاطفال كله مرضى .. والله تعبنه و احنه حواااامل .. ياحلاة الحمل الاول .. نوم للظهاري هههههه الحمدلله و الشكر
و مبروووك عليج البنوته.. و اهم شي صحتها بخير و سلامه.. خلاص بضيف لج بنت في القائمة
لا تخافين حبيبتي.. خل تجي و ان شااءالله ماتتعلم من اخوها هالاشياء هههه اخاف تعلمه الدلع هههههه


abcd
اولا اهلا و سهلا بيييييج و مية مرحبا برجعتج
و ثاني شي ترى انا سألت عنج .. و ماحطيتج مع المفقودين لان انا اعرفج موجوده بس ماتشاركين
و شوفي ردودي و انتي تشوفين اني سألت عنج و قلت لج لا تغيبين
اي زين سويتي مع المصاصه .. انا قلت لج كان عندي ضروف و ضطريت عليها :(
ان شاءالله هالطفله اذا عودتها ابطلها بددددري بدررري..
قولي لي انتي شنو نظامج ليش بس السبت موجوده؟ :!!:


الحاضرة:
متحمسه اعرف الجنس اكثر منج هههههه و اريد اشوف الملابس اللي شتريتيهم
انا مو مستعجله على المسواق لان عندي من مريم و على قولتج انتظر البوكسينك دي مابقى شي


زهور البحرين
حبيبتي الله يقومكم بالسلامه اجمعين..
و اذا سويتي موعد تعالي قولي لنا.. و حتى لو انشغلتي ماكو شي يمنع تدخلين دقيقه تطمنينا عنج :thumbs_up:


نجوم تلألأ
والله اضوج من تقولون ماادخل :| .. احس بس انا فاضيه مع اني مشغوله بالبيت و بنتي بس لما اقعد ريلاكس افتح اللاب توب و اكتب لكم .. كثري دخلاتج تؤبريني :L:
ههههههه اي صدق هاي حركات بنات .. بس انا اتوقع ولد :woo:.. لما تعرفين الجنس على طووول تجين تقولين .. مو تغيبين اسبووووع
و الملابس بعد لما تفضين صوريهم لنا بليزززز

مواعيد حوامل ابريل الجميلات




ولائية: 26/11/12 و 02/12/12 و 29/12/12

خطوات مجنونة: 29/11/12

البتول: 29/11/12 و 09/12/12

اقواس توفي: 01/12/12

نونو : 03/12/12 و 04/12/12

ام نوف: 06/12/12

نجوم تلألأ: 09/12/12

الحاضرة الغائبه: 10/12/12

زهور البحرين: 12/12/12

ايبي: 25/12/12


ماشاءالله مواعيدنه هواااااي

اقتراح من اقواااس توفي

اقواس اقترحت نسكر هالتجمع و نفتح تجمع جديد يكون تجمع ابريل و مايو
شرايكم؟

اللي موافقه ترفع ايدها
اذا وافقتوا بفتح الموضوع انا و ننضم كلنه مع بعض ..

اي بي
انا ليش تخلص عطووري !!!!

لأن إذا تروشت و لبست اتعطر لزوجي خخخخخخخ
وأحيانا كذا تجي براسي وانا لحالي اتعطر

واحيانا اخواتي مايقصرون
وعاد انا نفسي زينةة .. بنت اختي تدرس بالثانوي
اروح عندهم الخميس وبشنطتي غرشة عطر تقولي شميت عطرك عند معلمه

اقولها خذيه لك ..
صح ما تاخذه ترجعه الأسبوع الثاني بس تاخذ عطر غيره لآزم لآزم تاخذ الثاني
وعلى هالموال .. كل اسبوع تاخذ من عندي .. عشان كذا امها قالت لي مو ماخذه لك شي جديد

تقول عطورك لاتعطينها فلانه لأنها مثلي تتغسل بالعطر ماترش هع


و بنت عمي تقول بالكليه كل عطورها عرفوها و تجي تاخذ من عندي هع
وزوجي المصيبه الأكبر

ياخذ عطر من عطوري و يعطر المجلس تخيلي .. مع ان مجلسنا كبير
يبغاك ترشين نص العلبه

و مايحب البخور لأن عنده الصدر .. و اخوياه لما يجون يقولون ريحة معطر الجو حقك حلوه
مايعرفون يفرقون بين عطر وبين معطر جو الأغبياء


عشان كذا تخلص بسرعه والله
عاد كان عندي عطوؤاتي اللي اول ماتزوجت .. وامي دايمآ لا رحنا مكان
تتعطر بعطر هي تحبه وانا حبيته بس مو مثل امي

و قلت لها مايغلى عليك خخخخخخخخ 

هههههههههه اقواس والله لعطوراتك بس قصة

الحين ياثلوج ماعندي

كلهم خلصوا
وزوجي حالف مايخذ لي .. لكن عادي
الله يخلي عطوراته

خلصت عطرين من عنده وخلصت امس حقته دهن العود
وناويه على عطر توم فورد

لمممما يرضى ويجيب لي او ياخذني السوق واشتري
هو دايمآ يقولي استغرب كيف يخلصون

لو درى اني اتروش بالعطر ماراح يخليني استخدم عطوراته ههههههههههه

اقواس انتي رح نسميج مجنونة العطورات ههههههه صدق انا استغرب شلون تخلصين واحد
عجييييب

بناااات
احد منكم سمعت شي خبر عن قربت اصير ماما
مو عادتها تغيب ابد ياربي

يااارب مايكون فيها شي .. ان شاءالله يارب تدخل اليوم او باجر و تطمنه عليها

بنات بسألكم

الحين البيبي ينقز من مكانه لدرجة تحسون ان الناقز راسه
او رجله ؟؟؟

بيبياتي ينقزون بوقت واحد احس كأنها حجاره
ملمسهم قووووووي وصلب

لمسته مره وخفت .. وزوجي يهاوش لو مسكتهم
يقول باين انهم مره ناقزين يعني يحسون بالضربه او اللمسه

اقواس توفي;16337384:
بنات بسألكم

الحين البيبي ينقز من مكانه لدرجة تحسون ان الناقز راسه
او رجله ؟؟؟

بيبياتي ينقزون بوقت واحد احس كأنها حجاره
ملمسهم قووووووي وصلب

لمسته مره وخفت .. وزوجي يهاوش لو مسكتهم
يقول باين انهم مره ناقزين يعني يحسون بالضربه او اللمسه

هو الطبيعي انج تحسين هالاحساس بعد شهر او اكثر
بس شكلج مستعجله هههههه
انا احس بحركة بس مااحس راس او رجل او يد.. عادي حركه خفيفه
يمكن اللي تحسينه مو عضو من جسمهم بس هم نفسهم ترى بعدهم صغار
و عادي ترى تمسكينهم.. مابيها شي ماراح يأثر عليهم شي..

والله يانونو اختي قبل امس شافتهم
قالت وش فيهم ناقزين

لدرجة ان واحد ينقز قبل الثاني .. تخيلي
تجي بطني حهه مرتفعه وقوووووويه وجهه طبيعيه و رطبه

بس هذا ما احس بالمويه إذا نقزوا احس بجسم كامل ومشدووود
مثل الحجاره

وتوجعني كمان .. وساعات يجيب لي البول الله يكرمك

والله ماعرف اقواس يمكن لانج حامل بتؤام .. والله ماعندي خبره لان ماعمري حبلت بتؤام ههههههه
الله يحفظهم لج من كل مكروه و خلهم يلعبون براحتهم .. ماعليج منهم هههه

تسلمين لي
الله يحفظ لك مريومه والبيبي

سألت لأنك مجربه وعندك خبره :p

حركتهم احس فيها بس مو ظاهره للخارج

بس هذا يطلع شي قوووووي زي الحجاره .. يعني اعرف اماكنهم من هالحركه
وهالشي لا صار مايتحركون .. بس يرتفع البيبي من مكانه

ع كل حال .. السبت الجاي موعدي
وراح ادلي بدلوي للدكتوره واسألها كل شي

اي اسأليها حتى تطمنين اكثر .. و اي سؤال عندج سجيله بورقة خاف تنسين بعدين
انا كله انسى لما اروح موعد.. صرت احط ورقة و اكتب الاشياء اللي اريد اسألها.. و اخذها معاي
والله تفيد هالطريقة

اهلين كروشات .. شخباركم ؟؟ نونو تنومت في المستشفى لأني كنت أغسل الحمام وأنتون بكرامة وطحت وصادني رض في الحوض ولما عملوا لي سونار أكتشفوا أن المشيمة نازلة وعليها كتلة دم .. ولما تمللت طلبت رخصة وطلعت قعدت عند الماما ﻷني دلوعتها وحامل لأول مرة وزايد دلعي عليها .. وإن شاء الله إذا دخلت أقرأ أرد أطمنكم .. وأهم شي ما تنسوني من دعواتكم

AL.Batoul;16337478:
اهلين كروشات .. شخباركم ؟؟ نونو تنومت في المستشفى لأني كنت أغسل الحمام وأنتون بكرامة وطحت وصادني رض في الحوض ولما عملوا لي سونار أكتشفوا أن المشيمة نازلة وعليها كتلة دم .. ولما تمللت طلبت رخصة وطلعت قعدت عند الماما ﻷني دلوعتها وحامل لأول مرة وزايد دلعي عليها .. وإن شاء الله إذا دخلت أقرأ أرد أطمنكم .. وأهم شي ما تنسوني من دعواتكم

حبيييبتي الف سلامه عليج ان شاءالله
مرة ثانيه لازم تديرين بالج .. ترى الحمل نعمة مايصير نسوي اشياء نندم عليها بعدين
شغله صغيرة لا سامح الله ممكن تسوي غلطه جبيرة...
و هذا شغل البيت مايخلص..

ميخالف تدلعي على امج مابيها شي ههههه كلنه تدلعنه اول حمل.. شو هالحمل محد معطيني وجه :confused: حتى زوجي عادي عنده :!!:

احنه ماننساج . و انتي لا تنسيييينه عاااد F:

البتوول
الله يشفيك ياقلبي
طمنينا عليك