◣♂التجمـــع الاول لـ الحوامـل اللي يولدون شهر ابريل (4) 2013 ♀◢

اقواس توفي
موعد الولادة: 01/04/2013
الجنس: تؤام اولاد
الاطفال: لا يوجد (بكرية)

non0_non0
موعد الولادة : 14/04/2013
الجنس: مو معروف
الاطفال: مريم (3 سنوات)


مبروكات
موعد الولادة: 10/04/2013
الجنس: ولد
الاطفال : بنت (سنه و شهرين)

حلاوتي بشقاوتي
موعد الولادة: 10/04/2013
الجنس: غير معروف
الاطفال: لا يوجد (بكرية)

زهور البحرين
موعد الولادة: 26/04/2013
الجنس: غير معروف
الاطفال: لا يوجد (بكرية)

عروسة كتكوتة
موعد الولادة: 17/04/2013
الجنس: غير معروف
الاطفال: اول طفل (بكرية)

MoOoDiYa
موعد الولادة: 24/04/2013
الجنس: غير معروف
الاطفال: لا يوجد (بكرية)


ولائية
موعد الولادة: 03/04/2013
الجنس: بنت
الاطفال: ابرار,مريم,محمد


abcd1
موعد الولادة: 21/04/2013
الجنس: غير معروف
الاطفال: اياد (سنتين)


حلوووة و دلوووعة
موعد الولادة: 20/04/2013
الجنس: غير معروس
الاطفال: لا يوجد بكرية


درب الامل
موعد الولادة: 06/04/2013
الجنس: غير معروف
الاطفال:؟


نجوم تتلألأ
موعد الولادة: 14/04/2013
الجنس: غير معروف
الاطفال: عمار و سارة


ملكة بحنانها
موعد الولادة: 05/04/2013
الجنس: غير معروف
الاطفال: عبدالرحمن (سنتين و خمس اشهر)



UM.NOOF
موعد الولادة: 12/04/2013
الجنس: غير معروف
الاطفال: نوف (سنتين و عشر اشهر)


خطوات مجنونة
موعد الولادة: 30/04/2013
الجنس: غير معروف
الاطفال: لا يوجد (بكرية)


الحاضرة..الغائبه
موعد الولادة: 25/04/13
الجنس: غير معروف
الاطفال: بنت (اربع سنوات و نص)


Al.batoul
موعد الولادة: 22/04/2013
الجنس: غير معروف
الاطفال: ؟

هذي قائمتنا الجديده الحلوة اللي صار فيها الواااان ازرق و وردي .. و اي وحده تعرف الجنس تقول لي عشان اغير لها اللون
و عطوني اقتراااحاااات شنو ممكن اضيف للقائمه بعد؟؟؟

و اللي ناقصه معلومات تقول لي او اي شي غلط بعد قولوا لي

الله القائمه حيييييلوه بالألوان
عقبال ماتعرفون جنس بيبياتكم

لا إله الا الله محمد رسول الله

نونو

لا تتضايقين .. اللي يجي من الله حياه الله
وكلهم خير وبركه

ناس تتمنى ظفر واحد
واحنا يارب لك الحمد انعم علينا و رزقنا
وربي بيجيب رزقهم معاهم

عاد اخوي يبغى ولد عشان يقفل ع قولته
ما يبغى اكثر من 4

وهذا البيبي الرابع
طلع معاهم ولد قال خخخلاص ستووب
ان شاءالله آخر واحد

متحمس كمان يقولي متى بتقضين
قلت له سلامات سلامات ترى توني بالخامس وزوجتك لسا بتدخل الخامس

وش اقضي من الحين !!!
ههههههههههههههه .. مستعجل

يارب متى يعدي هالشهرين واطلع اتقضى
زوجي قالي بداية السابع راح اعطيك فلوس وتقضي براحتك للبيبيز

يارب تممهم للتاسع
والله اليوم بطني متتتتحجره و توجعني لو لمستها

خفت لا يكون بسقط وربي خففففت

لانهم قالوا بداية الطلق تحجر البطن مع آلام دوره
وجتني آلام دوره خفيفه
والله كل شوي اروح اتأكد لا يكون نزل دم ههههههههه
حتى الأفرازات الله يكرمكم كل مانزلت اروح اشيك لاتكون دمممم

الله يثبت حملي وحملكم ويرزق كل محروم الذريه الصالحه

سلام شخباركم ويش مسوين

اني بكره عندي موعد للدكتورة السكر ان شاء الله كل شي تماااام

والا بعده سحب دم لجميع التحاليل
وتاريخ 14 مودي ادخل على الدكتوره

انا بعد الدكتوره يوم تعمل السونار تسالني شو عندك قلت اليها 2 بنات

تغير وجها وقالت نعم قلت اليها عندي ولد كمان

ضحكت وقالت يعني لو بنت الثالثه عادي قلت اليها اي عادي اهمشي الصحه والسلامة

من جد يارب لك الحمد
تقول الأولاد بيسوون شي ويغيرون فيك حاجه

والله اعرف واحد عنده وحده بنت والباقي اولاد
ولا ولد فيه خير والبنت قايمه بأهلها و تصرف عليهم و تعطي هالأخوان الفاشلين كمان


يقولون .. ابو البنت ينام متعشي
وابو الولد ينام جوعان

ويقولون .. ياعسى عدو عيني ماتجيه بنيه
وهذا لأن البنت حنونه ع اهلها بعكس الولد .. لو تزوج وخلف

نسى اهله ..

انا والله كنت ابغى بنت
حتى الدكتوره قالت لي 80% الثاني ولد

قلت لها لا تخافين ترى احنا نبغى بنت لا تحسبينا زي المتخلفين لازم ولد
قعدت تضحك قالت والله انا اللي اشوفه عندي ولد

المره الجايه تجيبي بنت بإذن الله

مخمليات .. من زيني اتعب نفسي هههههههههه

حتى الطبخ كان نفسي حلووو عليه .. الحين اسويه اي كلام
ومايهمني حلو او لاء

والزين زوجي متفهم .. يقولي مو لازم تطبخين
فديته ينام ع جووع أحيانآ مايبي يتعبني

خايف ع عياله
وإذا تعبت شوي يقولي لأنك ماتاكلين .. لأنك ماتجلسين
ما كأنك حامل بتوأم

سبحان الله تغير .. مين يصدق هذا نفس الشخص اللي برمضان
كان يكرفني عزايم وتنظيف وشغل عشان اسقطهم

مع انه درى انهم توينز .. بس مممممره ماكان يبغاهم بسبب مشكله تافهه
واللي يحرضه قريبته .. كان يستشيرها بكل شي

وقالت له خلها تسقطهم عشان لاتتورط معاها بأطفال
الله ياخذها ويريحني منها اخذ العزيز المقتدر

قاعده اقول لزوجي آخر مابيني وبينك لو انا ولدت تروح ترسل صور عيالي لها
لأنها حيوانة

وقلت له بطلاقي .. راح آخذهم فترة الأربعين وبعدين ارميهم لك
إذا عرفت انك ترسل صور عيالي لها

اكرهها كره العمى .. كانت عادي عندي
بس لما عرفت حركتها الوسخه .. صرت اقول يارب خذ حقي
وحق عيالي منها

اللي تبي تخرب بيتي << مجرد فضفضه هههههههههههههههههههههههههههه

اقوووواس .. كأنج تحجين على وحده قريبتي مثل قريبتج هاااي الله يسامحهم
اول سنه زواج قضيتها مشاكل بمشاكل كله من وراها تتصل بزوجي و تحرضه و تقول لي سوي هيجي و سوي هيجي
حتى اتذكر لما كنا نجهز للبيت كله يتصل فيها يسألها شرايج بهذا و بذاك .. و انا موجوده و لا يسالني ..
طبعا هي مره كبيره بعمر امه بس هو كان عايش معاهم فترة و تحسبه مثل ولدي عالاساس . بس لو تحسبه مثل ولدها جان ماسوت بينا مشاكل.. هي موجوده لحد الان بس امي كلمتها و انا صرت ارد عليها و زوجي بعد عرف معدنها و بطل يسمع كلامها..
امس شافتني تقول لي انا لما رحت للحج ماندعيت لاحد غيرج و زوجج قلت ياارب ترزقهم الولد .. قلت لها مشكورة بس ترى احنا عادي عندنا بنت يعني هاي مو الرابعه او الخامسه .. كلها الثانية ..

الله يسامح الناس اللي مثل هيجي .. و الله طبعا يحاسبهم مو احنا

اقواس انتي ديري بالج على نفسج ترى التعب مو زين عليج .. انتي شايله اثنين تبارك الرحمن ..
و الله يخليلج زوجج صاير حباب .. و بعد لما يشوفج تتعبين و تسهرين مع البيبيات رح يقوم يساعدج و يتغير ان شاءالله
كلهم كانوا مايبالون بس بعدين لما يصيرون ابهات يساعدون و يهتمون.. الحمدلله على كل حال

و ترى بالنسبه للمشتريات ترى بددددري.. انا صح بكرا ان شاءالله اعرف الجنس بس ماراح اجهز اله لبعد شهر او اكثر ..
امي ماتحب نجهز بدري تقول مو زين .. لازم الوحده تعدي اقل شي سته او سبع شهور.. والله ماعرف شكد رح اصبر

مخمليات معاج حق والله هذول احنه العرب متخلفين بكل شي حتى بخلقة ربنا استغفر الله
لا و وحده امس تقول لي احسج ماراح تجيبين ولد لان مايلوق لج . معقوله تسوينها؟؟
قلت لها شسويها يعني؟ انا اللي اقرر و لا اختار؟؟ كلها بيد رب العالمين و انا بالعكس مشتهيه بنوته ثانيه عشان مااتعب بالتجهيزات و غرفة بنتي تضل وردية مالي خلق اصبغها ههههههههه
الحمدلله و الشكر يارب الناس صارت ماتفكر بعقلها..

و انا اي شي يجيني من ربي اريده سالم بسسسسس و اقول الحمدلله الف مره

ولائيه .. عندج ولد خلااااص يكفي الحمدلله .. و انا ماعرف ليش الناس تفكر مثل قبل سالفة الاولاد
بالعكس البنت حنوووونه ماتنسى اهلها شنو يصير..
انا تزوجت و صار عندي بنت و انا لسه تقريبا كل يوم اخذ فطور الصبح و اروح افطر يم امي و ابوي .. و اضل اساعد امي و اقعد يمهم لين اجيب بنتي من الحضانه .. متعوده عليهم و متعودين علي الحمدلله

و ان شاءالله تسوين التحاليل و كل شي يطلع تمام .. و لا تقاطعينا تعالي طمنينا

النوم خلال المرحلة الثانية من الحمل



يجب أن تستمتعي بنوم أفضل خلال المرحلة الثانية من حملك. في هذه الفترة، يكون جسمك قد تأقلم مع الحمل وقد لا تشعرين بالتعب مثلما كان يحدث في المرحلة الأولى من الحمل (الأشهر الثلاثة الأولى).


ما هي مسببات القلق المحتملة؟
على الرغم من أن نومك قد تحسن وأصبحت تنامين بسهولة، إلا أن هناك إزعاجات محدودة ما زالت تظهر خلال نومك في الليل. تعتبر تشنجات الساق، والأحلام الغريبة، ونوبات احتقان الأنف من الأسباب الشائعة لاضطرابات النوم.

بغض النظر عن متاعب الحمل هذه، فقد بدأت مستويات الهرمونات لديك بالاستقرار وبالنتيجة ستشعرين بتعب أقل. بما أن رحمك في هذه المرحلة يتحرك إلى أعلى خارج الحوض سيخفّ الضغط على مثانتك وبالتالي سيقل عدد زياراتك الليلية إلى الحمام.

ربما تجاوزت غثيان الصباح في الفترة ما بين الأسبوع 14 و16 من الحمل. لكن بعض النساء يعانين من الغثيان أو القيء طوال فترة حملهن.

مع تقدم الحمل، قد تجدين أيضاً أنك بدأت تشعرين بحرقة فم المعدة وعسر الهضم من وقت لآخر أثناء الليل.

كما قد تلاحظين أن طفلك أصبح أكثر حركة في المساء. وغالباً ما يبدأ بالركل والتلوي عندما تستلقين للنوم ليلاً.



كيف يمكنني النوم بشكل أفضل؟
انتقلي إلى النوم على جانبك الأيسر
تعتبر هذه الوضعية الأكثر راحة بالنسبة لك لأن بطنك قد كبر. كما لا يعتبر النوم على ظهرك فكرة جيدة بعد بلوغ الأسبوع 16 من الحمل لأن طفلك يضغط على الأوعية الدموية.

حاولي الاستلقاء على جانبك الأيسر مع ثني ركبتيك إلى الأعلى ووضع وسادتين أو أكثر بين ركبتيك لتكوني مرتاحة. ستزيل هذه الوضعية الضغط عن العضلات حول الوركين والحوض.

ذكرت دراسة واحدة صغيرة أن السيدات اللاتي ينمن على جانبهن الأيسر أقل عرضة لإنجاب طفل ميت ممن ينمن في أية وضعية أخرى.

مع ذلك، لا نعرف بالضبط ما الذي يسبب ولادة الطفل ميتاً نظراً لتداخل العديد من العوامل. اقتصرت هذه الدراسة على بحث العوامل المرتبطة بالنوم، مثل الشخير والاستيقاظ للذهاب إلى الحمام وكذلك وضعيات النوم. نحتاج إلى مزيد من البحث في أنماط النوم قبل استخلاص أي استنتاجات قاطعة فيما يتعلق بوضعيات الاستلقاء أثناء النوم.

إذا كنت تستيقظين في الليل وتجدين نفسك مستلقية على ظهرك، انتقلي إلى جانبك الأيسر مرة أخرى ثم عودي إلى النوم. جربي استخدام الوسائد للمساعدة في تثبيتك على جانبك الأيسر ومنعك من التقلب على ظهرك في الليل.


التزمي بروتين محدد
حاولي اتباع روتين منتظم للنوم. مع أنك قد تجدين الأمر مغرياً، إلا أنه يفضل ألا تستلقي لفترات طويلة في الصباح بحيث يصعب عليك النوم ليلاً.

استرخي في نهاية اليوم
اقضي بعض الوقت في الاسترخاء عندما يقترب الليل. لا تمارسي تمارين رياضية عنيفة أو تشاهدي فيلماً مرعباً قبل وقت قريب من موعد نومك. خذي حماماً أو اشربي حليباً (لبناً) دافئاً أو اقرئي كتاباً. افعلي كل ما يساعدك على الاسترخاء ليلاً وحاولي تكرار نفس الأسلوب كل مساء.


منقول من موقع بيبي سنتر

بل اقواس اللـَّـہ يساعدش بس لاتقولين هالجلام طلاق ماطلاق واجد

نونو الحمد لله لو جاش بنت حلو ولو جاش ولد احلئ


انا الحمد لله ماعترض بس اتمنئ بنت م&#823;ـــِْ&#1496; اول حمل لي

حتئ ساعات اقول لولد بضايق يعني لاني اتمنئ بنت والا يجيب ولد بجيب البنت الحمد لله

نونو

اللي قالت لك مايلوق لك وقحه
انا اخت زوجي قالت لي مايلوق لك توأم .. احسه مو راكب عليك
قهرتننني بس مارديت عليها

قلت لها الحمد لله ربي يحبني رزقني بأثنين
والله صارت الناس ماتستحي اعوذ بالله

المشتريات ناويه اجيبها نهاية السابع منها احرك رجولي
ومنها زوجي يكون جهز للبيبيز السرير

علينا مصاريف ماشاءالله خخخخخخخخ

بناخذ سرير كبيييير واحد وبنقسمه من النص
مايحتاج احكي لكم معاناة بيتي .. صغير شبر في شبر هع

السلام عليكم

سامحوني قطعتكم وايد بس التهيت مع العيد وعزايم العيد

وبعدها صخنت انا وبنتي وبلاعيم وتونا صاحين من المرض

انا يوم الخميس ان شاءالله موعدي وان شاءالله اعرف جنس البيبي

انا من يومين حلمت اني يبت بنوته ان شاءالله خير

اقواس انا نصيحتي لج تجهزين من السادس لو كل مرة شي لان التجهيزات يبيلها وقت ومزاج والوحده من تدخل الثامن خلاص مالها مزاج شي ابد وانتي ماشاءالله توأم فالثقل اكثر بيصير فعالاقل اخدي الاشيا المهمة

ثلوج
والله قهرني .. اول شهرين حمل ماكنت ادري
بعدين جاب تحليل منزلي

وعرفت اني حامل تضايق
صاير يضغط علي عشان انزلهم .. وقتها كمان ماندري انهم توينز

وأنا تعبببببت بشكل
ما اقدر اقوم جاني زي الشلل و قعدت اصييييح .. وماكان مهتم ماسك جواله ع الواتس
وانا اتلوى جنبه ودموعي تننننزل ابغاه يسوي شي

قالي قدامك العافيه نامي بيروح كل شي
قمت العصر وكان نايم فتحت جواله لقيتها كاتبه له وديها الدكتور

انا قفلت المحادثه وجسمي يرجف من اللي شفته
يحكي لها بمشاكلنا وهي تحرضه

قالي قومي باخذك الطبيب بكييييت لانه الصباح ماكان مهتم وقلت له مو رايحه
ما كلمني ومسك جواله وراح يصلي
افتحه الاقيها كاتبه له .. تراها كذابه وتتدلع وتبغاك تحن عليها
لاتصدقها يافلان هذا من كيد النساء

وجالسه تتحسب وتدعي علي .. تقول هذي تبغى تدهورك معاها
انا بغى يغمى علي ودارت الدنيا فيني

وقلت يلا قوم بروح الطبيب عشان اثبت لك اني مو كذابه
الدكتوره قالت له اكيد راح تتعب هي حامل بتوأم
وانا كنت معانده ما آكل هذيك الفتره .. قالت له عندها هبوط

فرح بالأول انهم توينز بعدين تغييييييير
رجع البيت قالي نزليهم وبكره عازم فلان و بعده اخواني بيجون

وانا تعبانه مو قادره اشيل نفسي
كالعاده فتحت جواله و لقيت كلامها .. تراك بتتورط معاها مو بواحد بإثنين
الأفضل تنزلهم وتطلقها

تخيللللللي هالكلام مايحرق ؟؟؟؟؟

وفعلا كنا ناويين ننفصل آخر شوال على فكره
وكان يبغاني انزلهم بأي طريقه

لكن ربي هداه وغير حاله
ما ادري وش صار له بس الحين حذف الواتس وإذا جات تتصل عليه
مايرد عليها إذا انا عنده

عشان كذا قلت له بطلاقي لو شافت عيالي
هي ماتقرب له مممممره عشان تجي عندنا تسلم علي
من بعيييييد .. امه اللي هي امه ماتحبها

خرابة البيوت

ام نووف انا ناويه نهاية السابع
لأن الحين علينا مصاريف

والشهر الجاي بإذن الله راح يركب السرير
هذا إذا ماتكسل
لأنه يبغى لنا نفك التسريحه الغرفه ضيييييييقه

يعني مشغولين بشكل !!

اقوااااس حرقتي دمي بسالفة هالمره...
قوليلي هي كبيره او صغيره؟؟ متزوجه او لا؟؟؟
يعني لازم تشوفين حل معاها مايصير تسكتين ابد ابد ابد .. استغرب كيف لسه ساكته لها و مامكلمتها او مامخوفه زوجج او شي !!

صح ثلوج .. و ان شاءالله الله يعطينا اللي نتمناه و اللي يجي من الله حياه الله ..